稚

營業中

休息中

和同乾食午餐，平時呢間貓飯會排晒隊，今次見少人d大家決定食呢間。我點了個燒豚肉加$10轉貓飯。豚肉燒得有少少脆口，它特別幼身，有少少豬肉條的感覺，但仍保留到肉汁。內層有燒汁包圍著，吃著吃著覺得味道很不錯！而且它份量都算多，一個男人都好夠食。另外，要讚一讚的是個貓飯，值得加$10轉的。入面有大量木魚、紫菜，更重要的是有一舊都頗大舊的牛油。撈在一起起，不但口感有層次，味道又有牛油香，又有紫菜和木魚的味道，不知不覺就食完一碗飯！下次會再來

係元朗附近番工朋友介紹呢間日式料理今次係第二次黎食上網睇番介紹呢間小店嘅報導先知原來呢間日式料理係一班九十後開嘅唔怪之得店入面掛左好多one piece 嘅畫上次試過咖喱雞排定食已經覺得好好味今次呢個鯖魚定食更加出色係即叫即煎架$58有麵豉湯、紫菜珍珠米同綠茶麵豉湯有冬菇，而珍珠米加入自己調配嘅豉油係其他地方呢個價錢未必有呢個出準朋友話佢個豚肉生薑燒定食都好好味一定會再番黎食！下次必試佢個鰻魚！要加埋佢嘅貓飯

重記得一年前,係其中一個住元朗的好姐妹帶我地去食~我今次就帶先生去食。第一次去既時候就係搵黎搵去都唔知點去~因為佢係小店, 鋪內環境都唔算好大,不過就別具風格一年之後, 望下餐牌有冇咩改動先果然好食既野係唔需要太多改變同選擇諗都唔洗諗, 選擇左蜜糖雞扒飯+$10轉貓飯貓飯就係牛油、日本醬油、木魚花既材料撈洛D飯到, 真係好香嫁!!雞扒塊皮真係煎燒得好脆又唔會過火, 蜜糖味好正~大家可以望下個貓飯係點既樣跟餐重有一個湯~另外一個餐就選擇左靖魚定食~靖魚調味有D分布不均, 有D位咸D不過佢都係依然燒得很香! 呢間小店既燒烤手法真係好好唔會燶,岩岩好但相對地~ 下次都係會叫返蜜糖雞扒飯xDD

見到有報章介紹，而且又近近地所以決定拉埋男朋友一齊去試吓👫第一次去搵路都算方便經朗屏西鐵站條天橋往元朗廣場方向落條樓梯就已經到👍🏻不過我見佢地方都幾細而且又多人幫襯所以我哋都等左10至15分鐘先入到去仲要大家坐得密密麻麻膊頭貼膊頭咁制👨‍👧‍👧👨‍👨‍👧‍👧而且傾計好唔方便好冇私隱🗣正常語音傾計隔離都聽到👂🏻我地叫左咖哩雞扒飯🍛同吉列滑蛋豬扒飯🥘小吃:玉子燒，燒甜薯，炸豪咖哩雞扒飯個雞扒塊皮係脆格而且食落去是香滑的雞肉平時最怕吃到一些類似白灼雞肉的口感乾爭爭吉列滑蛋豬扒飯不是太多炸粉不過可惜吃落不太脆口可能滑蛋汁太多變得淋身玉子燒是我最期待的可惜是最失望的因為太乾身甜薯同出面整得沒有太大分別

稚 (元朗)元朗俊賢坊18號權益大樓3號舖味道：4 / 5今次叫左個牛肉飯定食 咖哩吉豬定食同 2款小食 串雞脾菇 蟹肉薯餅牛肉飯一上枱嘩左聲 勁多牛肉 完全贏哂大集團果間既牛肉飯牛肉半肥瘦 夾埋牛油 好似去左日本咁日式咖喱飯同豬扒係分開上 咖喱飯好食 要黎撈飯一流而豬扒炸到正正常常 唔算好突出定食配左個味增湯 勁入味 好足料 要讚而小食方面 個蟹肉薯餅 炸到岩岩好咬落去超多忌廉 整到個人好飽 最後雞髀菇燒到好香 配上醬汁 好Juicy應該係得最近食過最好食既位置：4 / 5餐廳有著不錯既地理位置西鐵朗屏站B2出口 出天橋轉左手面 靠右面直行去到樓梯口就落去直行到分叉路左手邊就見到環境： 3 / 5鋪頭環境就唔係好大 不過勝在有自己風格開放式廚房 一目了然 簡單既裝修 帶出實用性牆身既動漫 將間餐廳年輕性價錢：4.5 / 5好滿意既價錢 都唔係話好貴目測好多人叫外賣 而且好多應該係熟客黎和風牛肉定食 $46吉列咖喱豬扒定食 $48蟹肉忌廉薯餅 $20燒雞脾菇 $16

好耐無寫文，其實咁耐唔update一個字懶！但係我有做功課！呢間小店每一次坐巴士出元朗都會經過，今次約咗朋友仔一齊去試試！我地叫咗鯖魚同鰻魚定食，及炸雞件（翼），小食好出色，但係飯同餸唔係好夠熱！餐廳內抽氣極差，油煙味很大要改善！

細妹介紹一間朗屏西鐵站附近的日式小店，好彩唔駛等位~都幾抵食，料理加$20就可以轉定食，有味噌湯 、珍珠米、茶我地散叫，叫左章魚小丸子、大阪燒、鰻魚炒飯首先上菜嘅係章魚小丸子~~ 同平時的街邊小食店嘅小丸子好唔同~口感好結實，唔似其他小丸子咁空心同流質~ 味道亦都唔錯~鰻魚炒飯炒飯充滿鰻魚汁，好入味，飯唔會太乾~ 鰻魚肉粒都唔細~加左粟米，健康d，亦都覺得飽肚d，初初覺得份量細，驚唔夠食，但其實一d都唔少，兩個人share，另外叫多一個料理已經好夠~大阪燒好健康的大阪燒，九成都係椰菜，上面鋪左幾塊豬，但略嫌豬肉上的醬汁太鹹...如果將d汁加喺椰菜會比較入味~

星期六經過食lunch, 鋪頭較細，計埋得兩張四人枱同三張二人枱😂好彩人唔算多，等咗兩張枱，兩個字度入座！開放式廚房，一眼睇通晒！叫咗兩個lunch set,蜜汁雞扒同吉豬蜜雞有d失望😞雞就燒得脆皮，但味道有d怪，吉豬就好正常，炸得夠脆身，好食！溫馨提示，跟set嘅湯入面有落生葱，唔中意記得嗌”走青”!仲叫咗幾個小食，小丸子就較普通，係現成袋裝小丸子油炸後上碟，勝在落咗好多木魚花係面，算好食！小妹非常中意食玉子，所以去親食日本嘢都會嗌，今次亦不例外！玉子小甜，夠香，幾好食！最後最驚喜就係蟹肉忌廉薯餅，蟹味加好重忌廉味，食落唔漏，脆皮軟心，啱哂小妹口味！總括黎講，食物質素還好，勝在性價比高！小本經營，幾個年青人親力親為，有機會會再幫襯！ 😁😁

—鋪頭有2張4人枱同3張2人枱要人齊先可以入蜜糖芥末雞翼($40)界刂開咗一面嘅肉上粉去炸所以上碟個陣勁大隻lol個醬幾惹味蟹肉忌廉薯餅($20)食唔到蟹肉 但真係食到有忌廉混入咗個薯茸 所以係又重忌廉味又香滑 原條鰻魚($102)好少幼骨 魚肉都算厚身大板燒($68)有大量木魚碎同紫菜鋪面個底係椰菜 中間有豬肉薄片 兩面都煎到脆哂 有漿有沙律醬 好飽肚玉子燒($24)之前睇人哋分享話係用微波爐叮嘅 lol其實都ok嘅 山賊豚肉燒($48) 再+$20轉定食配 飯 麵豉湯 茶黑椒汁洋蔥豬頸肉豬頸肉略嫌切得太過細條呢度嘅麵豉湯係有燉蛋食個d菇另外散嗌咗珍珠米飯($14)同波子汽水($14)食物係唔錯嘅 但油煙味都係太重—————————————————————稚元朗俊賢坊18號權益大樓3號舖

經開元朗哩頭，肚餓揾食第一下就諗起《稚》，所以決定再次encore！中午時段，剛好有平靚正午市定食，正！等了一陣已經有位入座。小店佈局無咩大變化，還是老樣子。和朋友坐下，慣常點了我們各自最愛吃的定食，我的是照燒雞扒定食，朋友的是和風牛肉定食轉貓飯。朋友就是特別重口味，每次不吃貓飯都不行哈哈，我自己就喜歡跟珍珠飯，撈埋d紫菜同日本醬油好惹味！我地仲額外交了兩客小吃。熱辣辣的厚燒玉子，配上紫菜和木魚絲在玉子上飄飄下的感覺，未食已經覺得視覺效果好好！另外蟹肉忌簾薯餅都好好味，剛剛好一人一塊。雖然只係吃得一塊，但係分量好足，啖啖肉同忌簾，夠曬滿足！不過，都有地方可以再進步下，厚燒玉子可以比多d木魚絲就好啦~ 視覺效果更亮，哈哈！總括黎講，水準依然。鋪頭係細，多人上黎四人枱有機會要搭枱，不過店員有禮貌亦有解釋，可以理解，始終小店小本生意，大家互相諒解囖。最重要係，平民價錢，大件夾抵食，味道不俗，值得比個好評！

本身都懶得寫，不過見咁多‘評價’我忍唔住啦 要寫返篇兩個月前去過間鋪一入去，右邊打橫係廚房有個微波爐係廚房既正中間 好亮眼都覺得唔對路之後點野食啦， 我只記得自己點左肉串同玉子燒肉串 有d好咸有d冇咩味 我入到口既 冇expect d咩然後，戲肉黎啦 玉子燒！ 個職員 係我面前 用微波爐丁玉子燒比我食味道我都唔識講 又唔係好差 但見住個微波爐真係好無mood 老細 用微波爐都算啦 咪咁張揚啦

因為見上網對依間小店既評價都唔錯，所以我同女朋友都準決定黎依到食生日飯當慶祝。我地今次叫左原條鰻魚飯定食、厚燒玉子同埋炸蠔。首先食既係炸蠔，都炸得好好食，又唔會太乾不過係細隻左d，拍得住連鎖大鋪既水平。第二食既係厚燒玉子，依樣就有d失色，對比起其他個2樣，唔知係唔係用微波爐叮出黎既關係，陣味有d怪同埋唔夠蛋香，冇燒出黎個隻香味，唔會再叫依樣。第三樣食既係鰻魚定食，鰻魚雖然有用微波爐叮過，但唔知係唔係有燒過既關係，味道都ok，又夠哂大條，分開2個人都夠食。埋單200蚊都唔洗，又唔洗加一，整體都可以接受(如果唔計蛋就都算好食)評分:食物:6.5/10態度:6/10環境:5/10性價比:7/10總分: 24.5/40 (合格)

依間鋪頭，收藏左好耐想試今日終於有機會試啦，都滿心期待架～我地等左大約5至10分鐘左右，就入得去啦，我地被安排坐最入果張檯🤔睇左一陣餐牌，我同友人決定散叫小食、串燒等...無叫到套餐ge，仲叫左兩枝波子汽水🥤食物分別有玉子燒啦、大阪燒、紫薯仔串、豚肉炒雜菜（唔記得左餐牌個名）、雞翼串等，有d都唔記得左影相lu個玉子燒都唔錯嘅，可接受大阪燒反而就真係...兩個字失望😞我地叫左豚肉大阪燒，初時切開只係得雜菜，無咩好感，點知原來豚肉夾左響中間ge，但其實味道上都...根據友人所講就覺得食物味道係分開，只係食到每樣食材本身ge味道，而唔係加埋一齊所食ge口感再加上越食越熱🙈唔係好忍得住😂不過友人就覺得雞翼串都可以ge熱ge關係應該係，因為餐廳用開放式廚房關係

八月天是很多生果的收成期今年的龍眼當造林生相約小妹到元朗大棠摘龍眼摘龍眼前順路到朗屏站附近的「稚」試一試《稚》經傳媒報道後名氣頗大是日中午來到亦要等候一會兒門外有兩排木椅供客人等候侍應有禮地送上餐單進入後安裝我們坐在裡頭的位置林生一進就看到jump角色人物的畫 非常高興店鋪小小有點擠迫 夏天日頭更加是炎熱不過美食當前無損雅慶燒鯖魚定食白飯淋上燒汁，紫菜和芝麻林生淨爬飯已經食了半碗鯖魚燒得皮脆多汁 肉質結實魚油香只是魚肚位置魚骨幼 食的時候要小心咖喱吉列豬扒定食日式甜咖喱配珍珠飯是無得輸吉列豬鬆脆不油膩 肉汁豐富這個吉豬的質素尤如日式吉列餐廳味噌湯料足合味雞泡魚乾燒得剛剛好 不會太乾我和林生極速清碟離開時門外有十多人等候年輕店主努力燒烤 開食肆不容易 兩位年輕人加油一定再來支持 下次食貓飯

滑蛋吉列豬扒定食，雞蛋好滑，吉列炸得好脆囗，內裏豬扒好厚身，仲好嫩多汁👍🏻大阪燒，椰菜絲切到好幼細，成座椰菜堡壘咁茶漬飯，兩者溶合一起，好食看落普通嘅關東煮，蘿蔔吸收哂湯底，而且冇渣又甜，食落有驚喜