稚

營業中

休息中

《稚》，除左係元朗既一間好出名餐廳，亦可以話係賴生同屈小姐既寫照，2個人係對方面前都可以繼續低B，繼續幼稚，可以有個令自己卸下心防，卸下面具既另一半，可以話係幼稚得黎好幸福賴生一早就想帶屈小姐黎《稚》食嫁啦，除左因爲屈小姐鍾意食鰻魚之外，呢度個貓飯亦都好出色，係另一個原因令賴生想帶屈小姐黎！有好西，第一時間必定會諗起對方，想同對方一齊分享食好西既快樂！黎得呢度食飯呢，最需要既係耐性，除左因爲餐廳細細，得6張枱之外，所有野都係即叫即整嫁，所以出野食既時間都會耐D，不過賴生有屈小姐係身邊，就梗係「等一生都等～」我地叫左2份主食同1份小食，分別係《鰻魚飯定食》，《照燒雞扒定食》同《炸芝士年糕》首先，講左小食先1）炸芝士年糕 （4.5星）- 新鮮炸起呢，真係冇得輸！外脆內軟+流心- 外皮勁薄，純粹係一層1mm 左右厚既脆外皮，咬落真係零舍脆嫁- 內裡既年糕炸到軟晒，食落ininunun，而年糕同芝士都整到帶流心效果，有絲黏住嫁！主要嘅餡都係流心feel~ 食左兩件都唔會濟- 唯一一樣可以令佢進一步令5星既係，芝士味濃D就更好2） 鰻魚定食 （5星）- 個定食有燒鰻魚，珍珠飯（+$10轉貓飯），

元朗有很多日式小店，大多水準不錯。新開張的＂稚＂前一段時間大排長龍，今晚約六時去到，稍等了一會即可入座。小食－章魚小丸子小丸子炸得很脆，內藏的章魚粒彈牙爽口。鹽燒鯖魚定食。鯖魚燒得不錯，魚肉帶有油香亦嫩滑。全晚最特別是這個＂貓飯＂。＂貓飯＂是一碗白飯，輔以牛油、醬油、紫菜絲和木魚碎，拌均一起吃。作為一個＂飯桶＂，本人強烈推薦這個飯這個飯十分不錯，醬料充足，每顆飯粒也被包裹着，入口很香很惹味，一大碗飯瞬間便清了！

今日同老公行完街搵野食，行過見到呢間野岩岩準備開門，入去試下。不過原來6點正未開已經坐滿座，店員好耐心幫我地留位，下一張檯到我地。等左大約15分鐘，可以入席啦，一入到去發現原來幾細間，裝修都好簡單，但枱凳都尚算舒適。叫左關東煮，鰻魚定食，咖哩豬排定食，仲有章魚小丸子一）關東煮 $30很快已經上菜，我地問店員是否一早煲定，廚師細心解釋呢個關東煮要朝早10點回來煲，午市未入味時都唔賣！認真講究，材料都有雞蛋，竹輪(即係獅子狗)，芋絲同蘿蔔，賣30蚊都算足料下！竹輪彈牙，幾好味，唔似一般獅子狗，最出色係蘿蔔，超入味，又煮得夠淋，個湯唔淡亦唔過咸，老公仲成碗飲晒二）鰻魚定食 $118 轉貓飯 +$10首先，原條鰻魚真係超大條，夠真賣118，都唔會有太大期望，但廚師燒得脆皮，入面鬆軟，醬汁亦唧得好靚，幾有驚喜！貓飯亦都有趣，店員提醒我地要拌均食，因為入面有舊牛油，即時隊比老公食，唔係點維持我既S形體態……Sorry入返正題。老公食左一啖都叫我試下，真係幾香同滑！襯埋紫菜木魚絲好夾，唔錯！不過想keep fit既女士就要少食多滋味！三）咖哩豬排定食 $60豬排鬆軟有肉汁，唔會乾身咖哩食得出同普通咖

小小嘅店，好有溫暖日本家庭料理嘅感覺。午餐時分，叫左個鰻魚炒飯，鰻魚汁味好濃，成個炒飯都好多鰻魚。味道不錯。照燒雞扒加貓飯，貓飯都幾得意，入面有醬油，木魚，紫菜同牛油，就咁食個飯已經好好味。照燒雞扒個皮脆卜卜，都不錯，送埋麵豉湯，但就普普通通。最驚喜都係個貓飯。同埋欣賞成間店好有日式感覺，配合埋木嘅餐具，感覺好溫暖。

今日賴生個死黨黎搵賴生食lunch! 因為佢朋友本身係鰻魚迷，所以賴生帶左佢黎「稚」食Lunch!門口既裝修已經好有和式既風格，主要用木做主題，所以望落好舒服，而門口望入去都已經知道係間小店黎嫁啦！一入去，你就會望到其實得6-7張2人枱咁既，當然佢會因應你人數而拍枱/分開啦！而且一入門口就好香嫁啦！因為係open kitchen，但小小既廚房，有3個廚師！另外加1個樓面！不過食呢間野，最好帶住悠閒既心情，因為佢每樣野都新鮮整，所以要d時間嫁！咁睇完個menu之後，我地2個人分別叫左：1）蒲燒鰻魚定食 $72 轉貓飯+$10 （5星）- 定食有 蒲燒鰻魚、珍珠飯，麵豉湯同茶- 蒲燒鰻魚好正！面果層燒到有小小燶，帶丁點脆！而魚肉好煙Un! 個蒲汁勁香勁入味！正！- 貓飯！味道好特別！有牛油既油香+秘製醬油，面果度再加紫菜同木魚！一流！嫌佢細碗唔夠喉！呢10蚊值得加！- 麵豉湯好足料，有冬菇同海帶- 飲埋杯茶岩岩好2）和風牛肉定食 $46 轉貓飯+$10 （4星）- 和風牛肉好多好大塊！ 1碟有6塊左右！每塊都成條煙肉咁大！唔錯！好滿足！味道就好住家feel，偏甜既帶輕輕既牛肉味，但冇吉野家

這個是章魚腸仔，上桌時呆了，本以為是章魚裡加了腸仔，原來是章魚形狀的腸仔，很有趣。適合小朋友吃～這個價錢也合理的。這個好味，下次來也會點的。定食，價錢合理，咖哩飯也很好味～下次要試滑蛋定食曼魚炒飯有點失望，曼魚味重但曼魚欠奉…員工服務有禮值得支持的小店

之前聽朋友介紹話這間小店的鰻魚好好食，心郁郁，第2日即刻走咗去試。好彩一入去就有位，但落單慢咗，等得耐咗少少。但食物質素同價錢都好驚喜，食到好滿足，下次要再嚟食埋其他小食。

見新開人氣咁高，梗係黎試龍與鳳。坦白講好多人睇完個鰻魚而去但去到真係未必有，見有客講冇鰻魚直頭行返出去。食物質素一般，燒雞好淡接近冇味，味噌湯唔熱加細，味道似開包裝味噌湯一樣。上菜速度只可以講你唔趕時間，唔肚餓至好去。唔會再食，太多打手或買食評。

上個星期五泥到呢排喺元朗火速紅起來嘅稚，簡單嘅和風佈置，令人覺得暖粒粒，門口仲有張大木凳俾你坐住等位。仲一眼睇晒店主做緊咩～「燶喇燶喇～」舖仔入面都係木枱凳、木餐具，清一色好木～睇下menu先，主食同定食款式唔多，而小食同串燒則較多選擇，每樣各點左一款。餃子雞翼上枱果時仲有啲滋滋聲，好熱好熱，皮脆就梗架喇～不過餡料覺得一般，反而串燒一口牛有啲驚喜，juicy得泥又無過咸，調味唔錯。食完前菜，就泥金菇肥牛喵飯定食，定食有茶，麵豉湯，金菇肥牛同喵飯。喵飯就係加左牛油喺飯入面，再加紫菜、木魚碎。撩開舖面嘅碎碎，搵到牛油喇，即刻撈勻佢先～～～好香呀，味道都唔錯，咸香咸香。至於定食嘅主菜金菇肥牛相對顯得失色，不過唔好誤會，金菇同牛肉咬落都好多汁架，無煎到變乾柴，只係味道清淡，加啲喵飯一齊食就啱啱好～再講番個麵豉湯，清清地，無好搶喉嘅味精味，飲落好舒服～讚！最後以大板燒作結，舖面有一層好脆嘅豚肉，切開入面好多椰菜，又軟又脆，質地似食緊個咸味嘅蛋糕，味道都係清淡啲。呢間和風家庭式小店，木系裝潢，加上簡單而不濃味嘅菜式，令人感覺好溫暖～

要試新嘢真係要諗下，可能等佢改善下至試都唔遲。猫飯唔知係咪特色，話係珍珠米但係比珍珠米細粒同，同埋係唔熱⋯ 上菜速度太慢，坐底等左半個鐘都未有得食。單太混亂，有待改善啦⋯⋯

今日打開個OpenRice 本想食拉麵，點知見呢間新開，又個個讚咪試下。和風牛肉定食轉貓飯：起初以為貓飯啫係好小飯，問下店員先知係秘製醬油、牛油、紫菜加木魚。啲牛肉不過不失。重點反而係個貓飯，就算單點嚟食都已經夠哂味，唔錯。流心芝士年糕，外面勁脆，裡面啲芝士真係好滑咁流出嚟，正。甘粟紫薯餅，用料十足夠香脆。蜜糖芥末雞翼：粉厚過我面皮，無雞味，個醬就幾特別。但下次一定唔會再食，可說差。大阪燒：見OpenRice 啲人比五粒星實好好食啦，勁多椰菜漿分量剛剛好，但除椰菜外，咩配料都無，又無蛋味，最慘係唯一應該好食嘅煙肉比佢煎到燶哂，放入口係真係有陣燶味。好采佢勁多紫菜同木魚，配返啲椰菜漿餅放入口都算好味。幾個年輕店員，個個都好有禮，讚。都應該會再嚟，不過一定唔會食雞翼同大阪燒

偶然在對面馬路路過，看見有家新小店營業，於是探頭一望，店內爆滿，店員說要等3張檯(其實是要等6張檯)，請我留下電話，有位時再用電話通知我。Anyway，我和友人等了大約9個字。店內位置不多，12個左右，兩位年青老闆在廚房忙碌著，店員說炸雞和燒鰻魚售罄。於是點了個親子丼，大阪燒，4串串燒(大蔥，豬肉，雞肉，一口牛)，一碗麵豉湯。先來大蔥及一口牛串燒。我頑皮的將食物重新組合成兩串“大蔥一口牛”串燒。有趣有趣。之後來了親子丼，吃了一口旋即覺得非常像在東京築地市場某店吃到親子丼的感覺，味道親切之餘亦想起旅行舊事。最後上的大阪燒，豬肉雞肉串燒和麵豉湯都很好。雖則豬肉和雞肉串燒都夾著大蔥(好像吃了很多大蔥)，然而愚認為豬肉串燒味道更佳。埋單，盛惠$198。我以為我聽錯，以此食物質素放在蘇豪的餐廳，應該會被收多一倍。店員說暫時沒有定下休業日，老闆或許稍後累了，再另行安排休業日。還趁老闆尚有熱誠衝勁，舖位業主未加租，多來吃幾遍;否則一年半載後業主加租，年青人捱不住，又或將貨就價，質素差了，只能追憶初營業時的美好。

早幾日係網上面見到，已經想黎試…極力推介原條鰻魚定食($118)，CP值高！鰻魚整得岩岩好，有d脆邊，肉質都算鬆化，賣相亦都吸引，食曬成條好滿足！以香港黎講既水準算係唔錯…下次再黎，支持小店！

朋友介紹於是夜晚一行三人去一試，由門面已知道同東京小店差不多，廚房及坐位各佔舖面一半，等位時店員會留電話，可以附近行下，有位便打電話通知返黎。等了約20分鐘已經有位，點了鰻魚炒飯，炸蠔，甘栗紫薯餅，大阪燒，鰻魚定食。甘栗紫薯餅上檯時已切開，炸粉不厚，所以入口時紫薯蓉佔大部分，而甘栗都有1/4粒大阪燒上檯時更驚喜，非一般厚道，中間夾著豚肉而鰻魚定食的飯更有紫菜碎及木魚碎加面由於店面較窄，建議2人用餐，若三五知己聚餐則不太適合

今日放工後一個人嚟食少少嘢，叫咗酥炸生蠔、一口牛柳、雞翼(鹽燒)，值得一讚嘅係三樣嘢係分開上，食完一樣就食下一樣，唔會因為一齊上而令其他食物放涼。酥炸生蠔唔算油膩，咬落去唔乾，蘸埋蛋黃醬，正！  一口牛柳即叫即燒，咬落去有肉汁又唔韌，調味唔錯！  雞翼(鹽燒)都好味，雞皮燒得脆脆哋，雞肉唔會燒到乾，調味剛好！期待之後有酒飲，就可以嚟獨酌。