稚

營業中

休息中

吃過很多次的小店，店員態度友善，不會呼呼喝喝，食物好吃，價錢亦合理，值得推介。平日等待時間半小時至四十五分鐘左右，碰巧今天早去所以不用等位。食物方面，顧客可轉定食或獨立叫一道小菜，隨自己的胃口叫便可。味道可參考照片部分•貓飯牛油味很香，味噌湯味道沒有過淡過鹹的問題。•生蠔新鮮，沒有腥味。外皮脆，入面不會只有粉漿的感覺，老少咸宜的小吃。蛋不老，咬下去像蛋糕一樣，反而像甜品多過小吃，每次必叫。豚肉質感不硬，薑汁味濃郁。鰻魚燒得不老，吃下去很好吃，再加上醬汁配搭，是難得一見的和食。椰菜吸收了蒜蓉汁後變得更香，與飯一起吃感覺很襯。•第一次打食評，打得不好的地方請原諒小妹。🙏🏼

是日一家總動員一齊去到《稚》食飯，聽講非常人多，所以母親一早就出門攞位。相傳呢度嘅定食同貓飯唔錯，於是一家五大一細，分別叫咗四個定食加幾份小食。但食物逐一到來之後，大家嘅失望都愈大。先講下小食，大阪燒真係太過份！除咗菜同粉嘅比例極不正常，太多菜粉少，中心只有少量未熟稀粉漿，口感不是滋味。而最嬲係大阪燒明顯係煎燶，整個餅只有燶同苦味，落大量醬汁都蓋不過呢份苦味，店家仍將之遞到客人枱上。覺得這種烹調態度太失禮，而且極不專業。而蜂蜜芥末雞翼，其實醬汁係不俗，但唯恐只僅限醬汁，因為雞翼係不帶任何味道，兩件事情可以話係各不相干，炸得太老，肉太乾食落榎口，所以我都相當一頭霧水，吃不下。定食之中，分別柯打咗和風牛肉定食、蒜香雜菌炒椰菜定食、咖哩吉列豬扒定食同蒲燒鰻魚原條。我地一家都有柯打店家有名嘅貓飯，貓飯主要由醬油、牛油、木魚、紫菜撈成；但真心一家人都食唔出醬油嘅味道，調味實在有為欠奉。而和風牛肉同蒜香雜菌椰菜係最差，用差形容嘅原因係，蒜香炒雜菌椰菜係苦而且調味唔夠，以早前嘅大阪燒表現推斷，好懷疑可能係煮食用具燶咗，仍不斷作菜而引起，老實講無乜調味除咗個浸濃苦味。和風牛肉敗北之處則係肥牛一啲都唔入

有一段時間無入元朗搵野食，呢間店係新開既時候已經好想試，但一直都未有機會。今日餓到八點幾九點 終於決定去試呢間日本野。男朋友話每晚返屋企十一點都會見到廚房仲好努力咁清潔，把每一件廚具每個角落都認真打掃。相信對衛生咁講究，對食物製作一定不會馬虎店內有大約4張二人枱2-3張四人枱，精巧但不迫。 餐牌有多種選擇，今次就試出名既鰻魚飯另外再要和風炸豬扒。再追加普通定食。好多人都為試佢既貓飯 有紫菜木魚等等，但係要加多$10所以都係省返錢定食都有齊味噌湯，珍珠米同茶 夠兩個人分。半條鰻魚 $62 加定食 $20 評分：8/10鰻魚外皮燒得香脆，另外再叫店員加鰻魚汁都無問題 鰻魚肉嫩無燒乾，送飯一流。吉列豬扒 （和風）$44 評分6/10吉列豬扒炸粉適中，肉有咬口鬆脆外皮，但和風只灑上紫菜無咩特別。不過不失

其實，早喺兩個星期開始，已經超級想食大阪燒。今日大阪燒嘅慾望，非常高漲，於是我地黎左呢間日式小店~稚呢間小店位置唔太顯眼，但係非常有驚喜，因為d野都好食而且唔貴。門口有兩張長櫈仔，初時我只係以為係裝飾，後來當我哋食完晚飯嗰時，發現門外面已經有好多人喺度等緊，原來唔係裝飾，係俾人哋坐喺度等㗎。裏面用左龍珠卡通，同埋puzzle做裝飾。環境細細哋，只可以容納大約15個人到，所以喺繁忙嘅時候進餐時間大概只有45分鐘。食物款式唔多，但黎到嘅食物真係色香味俱全。唯一唔好嘅係入面有好大嘅油煙味，另外冷氣唔大，食食下會覺得熱。服務員有禮貌，但太忙，冇人斟水，建議可放水壺喺枱，等d食客自理。等左一陣，主角大阪燒出場喇。賣相非常之靚，有好多木魚絲，紫菜同埋醬汁鋪喺薄薄粉漿嘅上面，而下面全部都係椰菜絲，香脆，味道亦香濃但唔會太鹹。不過豬其實想食嘅係厚漿d嘅大阪燒，所以有少少失望啦，不過都好多食嘅。滑蛋吉列豬扒配貓飯，咩係貓飯呢？其實個名有d倒胃口，但食落口又好好味，貓飯即係珍珠米，紫菜加木魚絲，自己撈勻就食得喇。炸豬扒粉漿唔會太厚，入口香脆，豬扒肉質結實，香嫩多汁，而個蛋亦好滑。如果就咁食貓飯，我會覺得佢

元朗俊賢坊有間裝潢日本風格的小店，賣的是日本定食及人情味～ 貓飯是日本居家料理，當中有牛油、日本醬油、木魚花，添加上熱騰騰的米飯上，再搞拌，令牛油被米飯的熱力溶化。簡單的貓飯，就是這裡的招牌。定食有照燒雞扒、生薑豚肉、鰻魚咖哩....之類的，最常吃的就是照燒雞扒，扒爐把雞扒的皮煎得香香的🤤小食也有很多種類呢！忌廉蟹肉餅外脆內軟，忌廉蟹肉匀和在一起，推介的呢！這裡的玉子燒跟自己家做的不一樣呢！稚的是比較結實、加上沙律醬是最好的配搭！儘管在日本也吃過不少料理，但幸福地在香港也能找到居家風味的日本料理！最簡單的，就是最好。☺️☺️☺️店員服務好好，有時都要等位，因為店內座位只有十多個左右，不過等候時間仍是接受範圍之內。

今晚同老婆仔食日本野，呢間小店價錢合理，一於食下先。我地選了2個定食：和風吉列豬排定食及蜜糖香烤雞排定食，同埋選了一串和牛燒。先講和牛串燒，好味，牛味濃有油脂，啖啖肉，$20一串相當抵食。和風吉列豬排定食先講麵豉湯，唔咸，入面有豆腐及茹粒，清清地，幾好飲。吉列豬排好吸晴，炸醬唔厚，豬排保持肉汁，仲有一定厚度，配埋沙律醬食，一流。定食跟珍珠米，而家好少食店用珍珠米了，撈埋紫菜及豉油食，好食。蜜糖香烤雞排定食雞排皮煎得好香脆，煎的過程迫晒D油份出黎，加了少少黑椒煎，最後加埋蜜糖，雞排甜甜的，唔會過咸，味道剛剛好。成餐飯食得好開心，好滿意。

日式小型餐廳，內座座位容納1x多， 所以要等一等位。午市定食款式有8款包味噌湯，茶及珍珠米（加$10轉貓飯）解釋一下， 貓飯都係珍珠米加牛油，紫菜及木魚絲和風牛肉定食（$46）好香， 用好多洋蔥一齊炒，另有牛肉汁可點肉食👍🏻照燒雞扒定食（$48）加左$10轉貓飯雞扒唔會加好多醬汁，唔會太咸貓飯：撈埋一齊食幾有興， 但本人覺得乾左少少，如果有d汁撈埋仲正😋

是日黎到元朗，原本係想試另一間人氣食店，可惜遇著東主外遊。醒起呢間《稚》，都有朋友推介過佢地嘅鰻魚飯、吉豬，即管一試。元朗區不乏呢種小資經營餐廳，其中有啲更係年青人主理。小店位置唔太顯眼，非區內人嘅我當然係乖乖跟著地圖走。店內面積唔大，只有十餘個位置，假日中午只係剩低一張枱，真幸運，之後都有三四位客人等位，短短一個鐘用膳，感覺小店生意都唔錯午市餐牌供應幾款日式定食，有牛、豬、雞、鰻魚、鯖魚等，附味噌湯、珍珠飯，定價$46-72，飲品額外加錢。另有小食、串燒、烏冬、單點料理，價錢相宜。基本上都係即叫即做，需時等候。吉列豬扒定食 $48一次過上湯、飯，賣相可口。吉豬可選和風或咖喱醬汁，分開另上，不影響豬扒口感。湯係細細碗，夠熱；珍珠飯唔講得少，加上海苔、燒汁，仲要咁大碗。好多港式嘅日本料理炸嘅吉列豬扒都唔係太啱我口味，呢個我可以。起碼冇翻炸嘅油膩味，粉漿唔會太厚，入口硬脆，豬扒並無乸到鬆哂，肉質結實，亦都唔乾面頭灑上海苔，送飯一流，至於燒汁我係擱置了，因為我比較鐘意沙律醬，哈。豚肉生薑燒定食 $58豚肉切條，唔係肥淋淋嘅紙皮豬，味道唔錯。生薑嘅味道很重，加埋甜甜嘅洋蔥絲，其實味道都係唔錯，

去稚吃飯當然要試試該店的貓飯，今次我們分別點了鹽燒鯖魚貓飯、浦燒鰻魚定食及雞軟骨。先說說什麼是貓飯，就是牛油炒飯，再在面層灑上紫菜絲及木魚片，雖然有點邪惡，但吃起來相當惹味!鯖魚燒得很香，魚油燒香後滲入魚肉中令原本厚實富彈性的魚肉帶點焦香，吃之前灑點檸檬汁正好減輕了魚油的油膩感。雞軟骨燒得剛好，不會太乾身但又帶點油香。浦燒鰻魚定食有半條跟整條兩個選擇，鰻魚燒得恰到好處，把魚油保留在魚身之間，魚身帶點焦香，燒鰻愛好者不要錯過!

星期六晚又喺元朗搵嘢食， 7點9去到餐廳，啱啱好滿座，要等位，好彩早dd到，後期有唔少人黎 鋪面唔大，坐到10幾人到，所以如果同朋友要慢慢傾，就未必適合啦。大約等左10分鐘就入得，見到menu有唔少野都好吸引，但無奈只有兩個人，叫唔到太多款式。最後叫咗大阪燒（俾佢吸引而黎一試），鰻魚定食，同小丸子。首先上嘅係鰻魚定食，睇落去都好好食咁。呢度係半條，都夠食嘅，鰻魚真係幾好味，值得一試。個人唔係幾好麵豉湯，俾咗男友飲，佢話中規中矩冇咩特別。跟住上既係小丸子，紫菜同木魚都好多，完全蓋過小丸子。小丸子唔算好大粒，但味道OK ,都幾多沙律醬。最後上嘅係大阪燒，同樣都係有勁多紫菜同木魚，燒汁同埋沙律醬都好多。唔知係咪因為食咗小丸子，開始覺得太多汁啦，有點膩，食咗一兩舊就唔想再食，如果有多兩個人share可能好啲，但男友覺得OK ,就俾佢清晒啦。

突然被邀約晚飯話元朗有好西食仲係日本定食喎咁梗係賞個面啦舖名簡單的一個”稚”字舖內沒太多的位置只有最入有四人枱其餘都是拍邊的二人枱一路食出面keep住有人排隊等位舖仔細細 人手四五個 廚房開放式仲可以望到師傅整大阪燒同燒物一入舖非常吸晴的牆身 動漫迷開心死還有畢索加望住哀家食野（花痴）睇左餐牌一陣決定各叫一個定食 轉 貓飯本身一個餸只係$30-40轉定食加$20 再轉貓飯加$10問左侍應姐姐有無咩推介姐姐話鰻魚飯 貓飯 大阪燒可惜我地很衝動地一人叫左一個定食唯有下次再試啦哀家係個薯餅狂 所以見到就想食最先到枱的就係”忌廉蟹肉薯餅”望落同平時日本餐廳嘅差不多一咬開就高興了 creamy到不得不得了對面位人兄的”和風牛肉定食貓飯”望到貓飯飯面咁多木魚碎都開心登登～哀家的”豚肉生薑燒定食貓飯”食親日本餐廳都好驚很假的味噌湯這裡的飲完唔口渴 仲有多粒豆腐菇菇絕對唔係很假的味道平時唔飲味噌湯的我都成碗飲哂貓飯Close up 撈埋配料都幾大碗女孩子驚食唔哂可以叫少飯上枱個陣望到啲肉係幼絲咁點個一路食一路被人偷食都食極仲有加埋啲洋蔥 同個開胃汁 送飯一流建議大家可以一個人叫定食貓飯再加大阪燒 再加

呢間都食過5次以上了裝修簡單座位不多勝在食物優惠好味個人覺得浦燒鰻魚及貓飯最吸引原條浦燒鰻魚只係$98一個人食半條份量都係$58加$10可轉貓飯超級特惠好味！大約7點幾到 唔洗排隊直入就算等位 門外亦配有長木櫈比客人好貼心!內裡環境以日式和氣簡單風格今次兩個人食叫左原條浦燒鰻魚定食轉貓飯加多個貓飯另外仲有兩款小食厚燒玉子同蟹肉忌廉薯餅原條浦燒鰻魚$98定食加$20(味噌湯、珍珠米、茶)貓飯加$10份量大 兩個人食岩岩好性價比高 超足料外脆內軟有鰻魚鮮味口感鮮嫩再加一人一碗貓飯配有木魚絲紫菜碎牛油粒口感豐富！絕配！厚燒玉子$24即叫即整熱辣辣嘅玉子超正配上超多木魚絲紫菜碎味道一流！好味！蟹肉忌廉薯餅$20熱辣辣皮薄脆口蟹味欠奉 餡料creamy一咬落去就流出黎不過不失！

[ 足料大阪燒 | 元朗日式小店🇯🇵]••上次去元朗做Facial💆🏻‍♀️做到訓著左💤治療師突然叫醒我，同我講我男朋友黎左等緊我😳黎接我一齊去食晚飯，有時佢係幾驚喜既~之後我地去左食呢間餐廳，上次已經食過介紹過💁🏻‍♀️覺得CP幾高，想再試下其他野，上次介紹貓飯🐱今次介紹小食👇🏻-🔹大阪燒($68)⭐️6.5/10都幾大一份，堆得好高都幾厚😮原本諗住咁厚應該會成口粉漿，點知都幾驚喜係極少粉漿💥味道係唔錯👍🏻不過面頭個幾塊豚肉煎到變左豬肉乾，脆卜卜咁🐷由於好少粉又好大量椰菜，一切開就散哂，散得好緊要😖認真，味道真係幾好👅‼️晚餐時段先供應-🔺我比較推介貓飯同雞翼😋👉🏻睇返我上次個post👉🏻#hungrykays元朗🔺今次仲試左蜜糖雞扒定食👎🏻---

[ 元朗高質小店 | 日式貓飯🐱]••琴晚咁岩同男朋友夾到時間，我做完facial，佢又咁岩元朗返工~可以放工一齊食晚飯😽👍🏻🏠呢間小店我覺得質素幾高，價錢唔貴，有幾多種類選擇👍🏻如果開係我屋企附近就好啦😂(真係小店 座位不多)-🔹豚肉生姜燒定食($46+$20)⭐️7.5/10豚肉份量多，估唔到味道咁好😮小肥唔鞋口又唔韌，有厚度有咬口🐷(食過其他餐廳係薄過紙🤷🏻‍♀️)🍲跟一碗味增湯，幾好飲，入面好多菇菇同豆腐😋▫️貓飯+$10🐱所謂貓飯係加上木魚碎、紫菜、醬油、牛油，令到個飯無咁寡🍚我都建議加，因為我鍾意成餐飯口感都超豐富🤪-🔹蜂蜜芥末雞翼($40)⭐️8/10我一見到覺得有d奇怪，雞翼咁大塊既？🤔原來佢介開左，雖然仲有兩條骨，但兩邊軟骨起左，勁方便食👍🏻女仔都唔怕食得論盡👩🏻仲有面頭既蜂蜜芥末醬好好味呀👅-🔺我見人地既章魚燒、大阪燒都好正🤩可惜我腸胃未好返！下次一定要再試埋佢地😼☝🏻或者你地試左話我知啦--更多食評ig: hungrykays 💁🏻‍♀️

星期六晚7點walk-in入座，當晚天氣一般寒冷天氣加上微微細雨，餐廳只係坐左一檯2個客人，我地2個成人1個小朋友（其中一個係大肚婆）行入去，無諗過店員仍要求3個人坐二人單邊四方檯加圓櫈。入座期間交涉order 四份主菜可否加一張檯，店員亦堅持餐廳規矩3人只能坐一張四方檯，仲要限時45分鐘，根本連主菜都擺唔落，莫講話其他小吃……之前經介紹下食過覺得小店味道不俗，但服務如此不懂變通，唯有祝 佢生意興隆😒