稚

營業中

休息中

除了人與人的相聚，需要一點緣份外，原來揾食也要如此，曾幾何時，已從不同同事口中得悉這小店，什麼吉列豬扒丶咖喱汁，是如何美味，但我沒有相信，反而抱著一份懷疑的心態，因為我對於自己舌尖上的味蕾，是深信不疑的，不過，人總是奇怪的動物，在羊群心理效應下，很容易作出盲目的想法和決定。食物的味道和店主的誠意，就是最好的証明，騙不到別人的，可惜，前後到訪3次，兩次尚未營業，故先品嚐閉門羹，另一次則是人太多，無暇等候，唯有光顧別處，直至第四次到訪，終於可以得償所願了其實每次路過此店，總看到長長的人龍，牽動了我的好奇心，是否過於吹捧，名不副實呢！掀開藍黑色的布簾入內，小店不足300呎，只能擺放6枱，另邊廂則是一個開放式廚房，有3位員工駐場！肚子正餓著，店員安排了靠牆近厨房旁的座位予我們，枱與枱之間頗為擠迫，我馬上便點餐，主菜定食的款式也算多，有：牛丶豬丶雞丶鳗魚，配上味噌湯，茶我選了照燒雞扒定食，同事們則各自選了咖喱吉列豬扒定食丶咖喱雞扒定食！上菜時間須時，因是即叫即做，等待約15分鐘，侍應才奉上定食照燒雞扒定食，雞扒煎得不太油，皮脆加上海苔，賣相討好！且味道鹹淡適中，至於珍珠米配上海苔，口感不錯，份量

又去試一試元朗的新開小店，聽個名已經覺得充滿和風，店面唔大招牌亦唔顯眼，差點就錯過了。選擇唔算好多，價錢還可以鰻魚味道出乎預料地好，好肥美加上微焦好香口，燒汁較濃味送飯一流！不過配餐嘅湯就一般。玉子偏甜，煮得火喉剛好，質感軟滑店家幾甜心，雞翼半拆骨，唔會食到好狼狽。但炸粉比較厚，而且只靠醬汁嘅味道感覺唔夠豐富。大阪燒份量同賣相都一流，入面主要就係菜、粉漿同煙肉，夾埋燒汁、沙津醬同木魚一齊食味道可以。但比起邊位嘅脆，入面有少少未夠火喉嘅感覺，味道一般而且好滯。總括黎講味道可以，而且小店環境幾舒服，亦感受到員工嘅熱情，係不妨一試嘅晚餐去處，推薦鰻魚

本來想去谷友推介的回味館食lunch，但去到發現無開🙈，搵到附近嘅「稚」，呢間都想試好耐，之前上過報，而家熱潮過左，店舖細細間唔多位，但都可以唔駛等位直入。講返嘢食，貓飯😸係幾特別，飯加上紫菜、木魚絲、牛油，牛油細細塊，菠蘿油隻油都大過佢，所以唔算太肥，可接受，撈埋個口味唔錯，咖哩雞扒🐔幾大塊，可惜唔夠熱同埋有啲雪味，無咩雞味，咖哩只有少少汁同幾粒薯仔比dd味佢，底下有椰菜絲唔錯，如果多啲就好啦，麵豉湯似係自己煲，飲埋杯茶，埋單$58無加一。想行日式風格，但播廣東同國語歌，定位唔清楚，煮嘢食都係年輕人，唔太夠用心，總括食物有進步空間，回頭率唔高。😅P.S. lunch食太多肉，今晚只可食菜同生果啦👻

厚燒玉子 Japan Tamagoyaki $24賣相精緻 同平時玉子只係得沙律醬唔同 呢個係加埋紫菜碎同木魚 配搭新鮮 因為即叫即整 所以上碟仲係熱哄哄 好好食餃子雞翼 Chicken Wings with Dumplings $24兩隻比翼鳥咁樣 烤到金黃色 剔左骨頭 放左餃子入去 食落去好juicy 完全唔乾 燒汁仲好香同埋個皮脆脆地 一碟兩隻真係唔夠喉囉章魚小丸子 Takoyaki (Octopus Balls) $36總共六粒 六粒就夠曬數~ 第一啖幾香脆 食真d係個皮厚 粉比較多 不過好彩裡面每粒都有章魚 出面個d只係蛋加雜菜😅 味道正正常常大阪燒 (需要製作時間二十分鐘) Okonomiyaki $68有d似pizza樣 味道係正常燒汁味 紫菜碎同木魚既下面 收埋左塊豬肉 不過食落有少少碎骨 not good 大阪燒入面除左係椰菜絲 就係椰菜絲 好單調 無特別呢間餐廳唔係話非常好食 飲品唔多種類 不過價錢ok 見到應該係家族生意/ 朋友合伙經營 唔似連鎖集團式 食到既 係一種親民同人情味既感覺.P.S 好睇晚上七點左右到埗 之後就有d人排隊 要食既就要早少少到

今日黎到元朗搵野食..原本想去食一間出名既西餐廳..但因為星期五既關係..無booking 就無位..跟住就上openrice見到呢間..好似好唔錯..我地兩個人..黎到岩岩唔使等位..鋪頭細細間..餐牌都唔算好多野食..應該係家族經驗..我地叫左玉子..超好味..個蛋好滑..又唔算好甜..配埋上面既sauce同紫菜木魚..味道岩岩好👍另外..我地仲叫左呢d..個餃子雞翼係功夫菜..將餃子釀入雞翼入面..好高既技巧..仲要煎到外表金黃..入面夠熱..大坂燒就生菜比較多..無咩餡..但都好食既..呢個價錢係抵食..$68最段個章魚小丸子都整到外表好脆..但個餡就比較多粉左..但都可以接受👌🏽

因為工作忙碌的關係，很久沒有來《稚》食飯了。今晚難得請表弟食生日飯，特意選了來這裡食想不到一段時間沒來，餐排上多了幾款驚喜，馬上要叫來試試《厚燒玉子》新菜式，本來純粹打算嘗個鮮，沒有太大期望。誰知道，出乎意料，沒想到玉子濃郁的蛋香配上紫菜和木魚絲，出奇地搭配 《大阪燒》例牌點了個大阪燒，完全不考慮和表弟兩人是否吃得完，哈哈... 水準依然！讚《全條鰻魚》來到《稚》，怎麼可以不點鰻魚 鰻魚一上檯，馬上震撼了第一次來吃的表弟。「怎麼可以那麼便宜那麼大條鰻魚的？」哈哈，完全顛覆了他的概念。肥美的鰻魚表皮燒得剛剛好，焦脆焦脆的，超級好吃。鰻魚大條又沒碎骨，想我這些怕魚骨的人都可以很放心地大口吃一般來說，小店最怕的就是名氣大了，水準無法。但這次，《稚》的兩位年輕老闆都沒有讓我和表弟失望

經過好多次，晚市都排晒長龍，今次一於午市時間去，好彩地有最後一張吉枱午市設有午餐menu，有七款定食揀。除左午餐menu之外，平時散叫既野食都有得order想食好耐既鰻魚定食。午餐價錢$72 我加$10轉左貓飯。貓飯其實就係加左木魚絲、紫菜、小小汁、小小沙律醬落個飯到。撈撈撈，撈混個飯就咁食都食得啊，係我喜歡既珍珠米好味道鰻魚唔算好厚身，但值得一讚既係鰻魚無半點腥味，而且鰻魚汁夠重手底層塊皮燒到有小小焦，好香口正仲點左尼個蜂蜜芥末雞翼小食。一上枱以為係炸雞原來係拆開左既雞翼，真係啖啖都脆卜卜。賣相是吸引的，但蜂蜜芥末味略為啖，如果再多點醬，沾滿雞翼就好下一次要試一下小店既大阪燒同鰻魚炒飯

一個文青的早上，帶著偽文青眼鏡到下午的居酒屋嘆一個鰻魚定食，故事就是這樣開始⋯好啦我唔扮晒野喇，呢間居酒屋很有地道香港日本野的感覺，個定食不過不失，鰻魚燒得算稔身，啲邊都脆既，配埋鰻魚汁，無驚喜不過作為lunch係滿足既。雞扒定食配貓飯，貓飯就是白飯上加鰹魚乾片、蛋黃醬同紫菜(應該係)，撈埋一齊食好有去日本無錢食好野返酒店撈飯食既感覺，不知道是否名物？也就時不過不失囉。至於啲雞扒就真係⋯硬咗啲⋯味道OK既只係咬到好攰⋯⋯

由於心血來潮想吃日式鰻魚飯，便到元朗一嚐這家日式小店。星期五晚7:15pm要等位，等候約25分鐘，可能店內座位不多。入座後，一行兩人點了原條燒鰻魚配貓飯（$98+$30），大阪燒（$68），京蔥串燒（$16）及一口牛串燒（$18）。由於製作需時，先上的是*鰻魚定食，個人認為如果鰻魚可以再肥厚點、有口感點，感覺會滿足點😌（不過味道是不錯的）。哪個貓飯就除左有牛油、木魚同紫菜，真的沒什麼特別。（朋友說笑的說牛角飯好味點😂）。反而*大阪燒雖然落了不少醬汁，但充滿生菜絲，又不會很多粉，感覺清新點。（不過吃著會咬到煙肉有軟骨😅，要小心呢），*一口牛串燒都頗香juicy有牛肉味。餐廳除了點定食飯餐才一起上熱茶一杯外，店員不會提供熱茶，客人需點凍飲，個人覺得餐廳是否應該替入座的客人，無論點什麼都先上熱茶呢。

元朗日式料理店愈開愈多 有貴有平但相對來說 壽司烏冬一類偏多 居酒屋則在最近開得多左是次到訪的小店- 稚 店在朗屏天橋底附近 同順豐速運、理髮店等做鄰居蜂蜜芥末雞翼 $40驚喜之作 本以為係普通雞翼加個汁但係佢個炸粉做得恰到好處芥末汁也調較得醒胃 熱辣辣不油膩一口接一口極速KO咖哩吉列豬扒定食（升級貓飯）$70咖哩汁係左上角杯仔另上既 窩心加左$20轉定食 有味噌湯 珍珠米 茶湯 同 茶無咩特別 但貓飯好正！！豬扒鬆軟 沾沙律醬或咖哩同樣搭配半條浦燒鰻魚加定食（升級貓飯）$88呢個略嫌普通 而且鰻魚已經凍左 貓飯就比返啲安慰我啦大阪燒（製作需時20分鐘） $68大阪燒一直比我既印象係：香 好味但好快Game Over..但係今次既大阪燒顛覆左我既印象一上枱 賣相已經令人興奮 厚而有層次菜切得幼而不散亂 而且很新鮮令原本很快很「悶」既大阪燒能夠保持「FRESH」上菜算快 店面不算大但企理舒適仲有好多小食串燒未食 會再來的

下午到元朗覓食，本身想食的餐廳沒有開門，意外看見大街中有一幅日式門簾，就選擇了這間簡單整潔的日式餐廳。食物都是「即叫即煮」的，需要等候一段時間。咖喱吉列豬排飯，豬扒比較厚身，肉質有一點硬，炸粉份量適中，味道不會太咸，咖喱是偏甜口味的日式咖喱。整體不錯，值得再試其他食品

情人節當晚，男朋友帶我去呢度食晚飯。舖面細細但感覺好舒服。😊本身自己好怕食鰻魚，驚有腥味😌最終叫左浦燒鰻魚，吉列豬扒，雞翼串。吉列豬扒炸粉夠薄夠脆浦燒鰻魚非常有水準，無咩腥味，好滿足當晚叫全鰻就會有神秘小禮物，大窩心了（咁岩今日忘記帶即影即有相機）

看過報紙訪問，一直有意試一試這裡的貓飯。今天一個人午膳，專誠來試一試。來了一客吉烈豬扒定食。豬扒厚而不韌，吉烈脆皮唔厚而且扣實塊肉。定食還配了日式炸豬扒必點醬油及沙律醬，可見大廚的細心。貓飯上的木魚一片片舖滿飯面，待應仲會提醒食客要拌勻才吃。可能我比較鍾意撈汁，略嫌豉油唔夠，不過五十幾蚊一個定食，比起標榜正宗日式豬扒丼，這裡絶對物超所值

9:20pm入座晚餐第一次來惠顧這間小店，欣賞舖面小小，食物選擇多，來試試聞名的蒲燒鰻魚，小小焦味，味道不錯麵豉湯用料豐富。全條蒲燒鰻魚小小燶脆口，配白飯一流，一定要試，喜歡上這食物。

朋友住天水圍，就相約係元朗覓食。中午大概一點到達，已經出現人龍，等了大概30分鐘就可以入座。我們叫了蒲燒鰻魚飯，飯和鰻魚都非常有水準鰻魚同平時的不同，會有口感同埋有小小焦，支持用心製作的小店！