秋田鐵板燒刺身專門店

營業中

休息中

閨蜜的生日，不容錯失😆剛巧最近迷上了鐵板燒，上openrice一search，竟然發現了秋田，可以將炒飯弄各款得意的卡通👏🏼👏🏼非常有創意。秋田在尖沙咀天文台道附近，尚算方便，就是天文台道那條斜路，對於手上拿著6磅蛋糕的朋友，有點辛苦😅對於第一次幫襯的客戶評語，如果10分滿分，我覺得秋田有6.5分，很不錯😊 唯一不是很滿意的是，安排坐位方面，可以改善做得更好。

很小香港日本料理以這樣的價錢有這樣的水準，服務親切，食物新鮮味美，環境衛生條件都優於水平，肯定會再帶親友來再品嚐，如果與三五知己來肯定樂在其中，師傅能為客人創造卡通人物，應有盡有！

呢一次已經係第二次食秋田師傅嘅手工一次比一次好！雖然同行嘅朋友遲到，但師傅都好耐心咁等候！最後我哋揀咗998 每位計既套餐因為師傅話澳門個隻牛入口即溶 就相信佢一次啦 不過唔成熟好似變咗七成有少少失望不過其他整體上都好滿意叫左2杯乳酸 不過味道麻麻地 鍾意酸嘅朋友應該幾岩呀前菜有黑松露鵝肝蒸蛋同三格小食 黑松露配蛋超好食 如果有得單叫 想encore 添！之後就你主菜啦今次每人有半隻龍蝦一份帶子半份鵝肝 澳洲和牛卡通炒飯個卡通炒飯超有心機師傅仲係第一次整最後仲會將龍蝦 煲湯 勁鮮甜呀不過大家要記住鐵板燒係要時間去食所以要預多少少時間去食呀！

無可挑剔既一餐日本料理隻蟹好大好生猛，蟹腳既長度差不多係我隻手既3倍！一隻蟹3種食法，每種都好好食，最愛食蟹粥每碟食物都好有心機整，最值得一讚係最後個炒飯 佢會問你鍾意咩公仔，然後即時用手上既食材製作成你所愛既公仔，而我當然選左最愛既Hello Kitty啦 見到完成品即刻開心晒！甜品亦都好好食，有綠茶雪糕，最推薦紅豆餅，原本諗住已經好飽食少少就算，點知最後我一個人食左2件建議最好去之前book定枱，眼見即使都幾多人去食。

先來一個前菜沙律，新鮮沙律菜，加上小蕃茄，甜甜嘅粟米，同埋一啲蘆薈😋😋魚子醬鵝肝蒸蛋鵝肝蒸蛋，唔會好油膩，同時可以食到鵝肝同蛋嘅香味...加上鋪喺面頭嘅黑魚子醬，增加左佢嘅口感同埋層次感😏😏鐵板燒鮑魚食落有一股牛油香味， 加埋鮑魚本身嘅口感😋😋😋😋鐵板燒龍蝦肉，用龍蝦頭嘅蝦膏做醬汁，同龍蝦肉結合埋，非常濃厚嘅龍蝦味👍🏻👍🏻👍🏻👍🏻牛油香煎法包做底， 加上熱辣辣嘅鵝肝放上面....鵝肝內裏嘅汁同牛油嘅香味，滲晒落塊法包道， 食完個口仲留有鵝肝嘅香味😋😋yummy薄切燒豚肉配合埋乾蒜頭係入面，再點埋係位前既調味料😋😋龍蝦頭煲湯加埋海大同豆腐，清得來又會飲到龍蝦嘅新鮮味道👍🏻👍🏻清炒雜菜食完一埋油膩野，食返碟清清地既菜岩哂， 食慣重口味嘅朋友，如果覺得唔習慣，可以加上前面嘅汁醬， 別有一番味道😋😋炒飯環節，就係呢間鋪頭嘅精髓，因為平時有好多人會特登嚟定位，就係為咗慶祝生日、周年紀念、節日紀念.....好有Surprise嘅麵包超人😍😍當然字樣同公仔，客人都可以自行選擇😏影相時間過去，跟住落嚟就係美味嘅炒飯，就係以不浪費食物嘅原則，來製造驚喜🤔🤔但嘅軟硬適中，唔會食左右飯焦，同時間左唔同眼色嘅

由於正值考試時間，唯有後補寶貝嘅生日，壽星女一早已經講要去秋田食鐵板！無計啦！生日話事，佢仲話帶埋阿公婆一齊嘆。。。本新我係bk諾士佛台嗰間，打去Booking同 confirm時都無問，到嘅時候我先見到大厦已被業主收返，要去返天文台圍嗰間，真係有少少嬲！點解openrice無update資訊之餘，餐廳又唔提醒客人呢？不過算啦！寶貝生日咁開心，費事為小事掃興！睇完餐牌，我地㨂咗個四人牛餐，由於套餐隻蟹只係2.5KG，而當日嘅蟹係3.5KG,所以我地要補回差價一千左右，無所謂啦！最緊要開心。。由於生日，餐廳會送一舊蛋糕，而我自己都有買蛋糕。。。是晚實在太開心，師父風趣，食物質素又好。。。寶貝非常滿意，仲話下次都要搵返呢個師父！

回想五六年前，一想食鐵板燒就會黎秋田，但已經一段時間冇黎，今日想黎重温一下。打黎book位既時候，已經提過，坐鐵板Bar枱要有人均最低消費，因為同行有小朋友（4歲），知道佢唔會食到一個set，所以唯有坐出面枱。叫左二人前，梗係要厚燒和牛啦。落單講明，炒飯上先，我一般都有呢個要求，想飯餸一齊食。前菜好快上左，沙津係幾唔錯，仲好開胃，正正想下一道菜快d黎，結果等左超過15分鐘，飯先出現。一直都鍾意食呢度既炒飯，因為炒得乾身，又有多種配料，有口感，加上煙肉勁香口。之後其他送都黎，不過好特別，一次過黎曬，未食過鐵板燒一次過上餸。第一口食鵝肝，都係至愛，水準絕對保持到，完全冇話食到成口油既感覺。正當我享受緊之際，另一半就話「凍既？」.....我就唔信啦，因為鵝肝都係熱，無理由其他野係凍，我親口每一樣都試龍蝦 - 凍牛肉 - 微暖魚 - 微暖最冇可能既事發生，食鐵板燒，係凍.....完全唔熱。搵左職員黎，同佢講「凍」，本身諗住佢會即刻致歉及換過熱的，但係......佢話我地坐出面，餸菜會一齊上，暗示「凍」係正常還跟我們討論。真心，一上枱已經即刻食，都係得微温，合理嗎？什麼態度？是秋田的質素？無疑，

今年生日男友送的神秘驚喜~私下心情就大好，但平心而論也是相當滿足的一餐，不管視覺上的還是味蕾上的。烏魚子鵝肝蒸蛋及蘆薈雜菜沙津：蒸蛋幾甜，後來師傅提醒才發現𥚃面是鵝肝不是肉。沙津用了柚子味的醬汁，蘆薈肉甜甜的，日本玉米十分鮮甜，是很開胃的前菜。燒帶子：燒帶子配上烘過的紫菜。帶子非常鮮甜多汁，令你對嚟緊嘅菜式更有期待。伊勢龍蝦：活煮龍蝦，視覺上蠻刺激。。。鮮甜又好食，後來蝦頭還拿去了做湯！煎鵝肝配多士：濃郁的鵝肝一點苦澀味也沒有，配上香脆的多士，令人回味！鹿兒島嘅牛扒：自選鹿兒島牛扒，脂肪比例相當高且多汁。雖然備用的蒜片帶有苦味，少量地伴着牛肉吃不易察覺。但如果似我喜歡一口吃很多蒜片，可能會有少少失望。卡通炒飯：整餐飯的戲玉，師傅會問我地每個人喜愛的卡通人物，嘗試用炒飯的材料砌出卡通圖案。這是本人要求的臘筆小新，連眼睛的反光位都有想到，好細心的師傅哦！最後師傅將所有材料連同剛才從牛排上切下的脂肪炒好，野味的炒飯完成。味道算不錯，重點是油渣好香口！銅鑼燒：一定不要錯過這個豆沙包，少少粘又煙韌嘅質地令人喜出望外，蛋香十足，你會想再來一口！最後還送上蛋糕給每組生日的客人，質素絕不遜色，真係有誠

今日終於有機會一嘗鐵板燒，第一次就係俾咗秋田啦。我地兩個人嗌左"熊本"二人前套餐。首先第一道菜就有沙律，除咗菜之外，啲柚子蒟蒻好清新好開胃。之後就有魚籽鵝肝蒸蛋。其實睇住廚師喺前面烹調，除咗有食嘅享受，仲有視覺嘅享受添 。然後到南非鮑魚同北海道北寄貝，個鮑魚超級新鮮，北寄貝就非常之彈牙同爽口 (讚讚讚)太好味關係，完全唔記得左影。龍蝦更加唔使講，好好味。(都係太掛住食，完全無左要影ge concept) 呢張相，好彩廚師叫我地較慢鏡，如果唔係就睇唔番咁勁嘅場面 (好熱呀)！個帆立貝配埋佢哋嘅秘製醬汁 yummy x 1000000，鵝肝簡直煎得一百分。之後就有個和牛薄燒 (流口水)  終於等到個招牌秋田炒飯，其實我都係比呢個炒飯吸引左，因為廚師會將個炒飯砌個你想整嘅公仔出嚟，我就揀咗架車，其他食客就揀咗Winnie the pooh 同小丸子，真係俾個叻個師傅，仲可以寫埋字添，之後仲會安排你入去影相。之後就將所有公仔炒埋一齊，有蝦有牛有魚籽等等，超級豐富。最後仲有炒野菜， 龍蝦麵豉湯，同甜品。甜品就有豆沙餅同雪糕。因為我朋友生日關係，仲有埋蛋糕送添 (記得要Book位嗰陣講)。走嗰時真

二月生日飯另一選擇係秋田既午市套餐，之前食過晚餐，試過炒飯劃公仔，適逢其會，發現有尖沙咀兩間店既其中一間做午市，便訂坐食午餐！不過原本訂坐果間分店裝修（諾士佛臺），改往天文台道！搵左一輪，原來去返之前食過果間！唔明點解打電話訂位時唔通知我地平日的午市，客人不多，連侍應都不多，地下的侍應用對講機通知1樓的同事，而我們搭升降機到1樓時，1個侍應都無！係間舖行左個圈先姍姍來遲見到侍應！到達時得一台3個人坐著！我們被安排坐在那3人已入坐的位置！而廚師也在我們點餐後到達！午市係無公仔炒飯架！我覺得午市既服務質素同晚上比，真係好差！可能價錢係一方面，人手係另一方面！我地叫左2個$238 既1人餐桃餐！主菜一個叫左牛肉薄燒，另一位點了牛小排！其他野就一樣！包括三文魚子蒸蛋、田園沙拉、鮑魚、大蜆麵鼓湯、炒飯、炒野菜、雪糕及甜品！田園沙拉：蔬菜很新鮮，仲有粟米，同埋蒟蒻，黑醋點綴得都配合！三文魚子蒸蛋：三文魚子蒸蛋，蛋很滑，不過無味道！要靠三文魚子的咸味來點綴！大蜆麵鼓湯：超咸！不過蜆肉新鮮美味！飲左幾口，要侍應加水！鮑魚：鮑魚很鮮嫩，淡淡飄出一股牛油嘅香味！後：牛肉薄燒前：牛小排各一人份量既一半炒飯：

我地被安排到一張九人台的最左邊的兩個位置，同台既其他客人遲遲未來。嗌左野食之後，侍應上前菜，前菜未食到一半，廚師就上鵝肝魚籽蒸蛋，跟住鮑魚、北寄貝都係五分鐘內送上。我地都未有時間慢慢品嚐呢幾樣食物，廚師就問我地牛扒要幾成熟。答左之後我地請問廚師可唔可以將上菜的速度放慢一點，他苦笑住回應：「我都要時間解凍d牛肉嫁! 唔係你話上就上嫁，我問定姐。」全程我地一邊忙著咀嚼食物，一邊在遠處看廚師對著前面四個空位表演他的廚藝。過程中他沒有向我地介紹每一道食物，也沒有任何表情。他有他烹調，我有我們的吃。不過廚師的技術的確出色，而且海鮮非常新鮮，食物質素高。我地食完龍蝦後，同台的幾位客人到達。佢地嗌左一隻一千多元的鮑魚，又叫左好多酒，仲請廚師飲左幾杯。佢地愈飲愈多，講野愈來愈大聲，夾雜左好多粗口，更加係餐廳內食煙，但無staff阻止佢地。後來，廚師更走到那對夫婦旁邊坐低，佢地愈喝愈高興，廚師不停摸人妻的頭：「我真係好鐘意你呢類人。」再飲多兩啖之後，廚師係人夫面前鍚左人妻一啖……當下我懷疑自己入錯左酒吧………黎呢間餐廳都係想開開心心慶祝生日，點知變左黎睇戲，都算喇。我地搭lift離開時，果位人妻跌跌撞撞

減肥的日子過了三個月 吃貨要破戒一次了這是我第二次來吃這家的鐵板燒師傅手藝十分好 海鮮亦很新鮮最期待的當然是卡通炒飯最近最火熱的旅行青蛙師傅話我是第一個要求製作娃娃的客人嘻嘻 師傅好細心甘整 雖然一開始吾係太似但最後都有7成似既 因為師傅係倒轉甘整總括：現在才想起是叫娃娃 不是蛙蛙哈哈不說了 我又要去減少了

年初一諗著食好啲，所以選了食鐵板燒。食完知道選擇錯誤。經驗師傅應該都放曬假。這次是遇過的最差技術的鐵板燒師傅。好彩食材ok. 鵝肝龍蝦牛肉可以。蒸蛋的魚子醬唔好食。更大的問題是師傅不識分份量。同台有兩家不認識的客，我點的是兩隻龍蝦，另一家點一隻龍蝦，師傅就三隻一齊燒，但平均分兩份。同師傅講我們是點兩隻，但師傅説冇錯，還死口説已給4舊我們，3舊人哋。師傅連數都已經計錯。唉！如果不是年初一，我已經發難。以後絕對不會再去這間食。

正如標題所說的晚餐時間太長我們由七點食到10點，還沒完結。原因是鐵板燒的枱可以坐很多位，而廚師只有一個。而大家的預約時間也不一樣，他們到的時候，廚師要先服侍遲來的人，讓他們趕上我們的進度，我們才有得繼續食。我覺得這樣的規矩太不行了，我們大家都不認識，為什麼要我們等他們，然後一起結束晚餐？！環境：裡面有幾個鐵板燒攤位，每個鐵板燒攤位會有一名師傅，環境不過不失服務：服務態度還是不錯的，而且還會互動，廚師會為你弄卡通飯，只是規矩有點奇怪耽誤了我很多時間。食物：食物還算是新鮮的，味道就是一般的鐵板燒。 總結： 日本鐵板燒變了比法國餐的時間還長，要不是我們摧他們估計還要拖延多1個小時，把我嚇得有點怕怕不敢去第二次了。如果你想和朋友吃飯吃久一點不妨去試一下。

以前都食過呢間，嘢食ok嘅，呢幾日諗住再食啦，就打電話去訂枱，報兩大一細一bb，大嗰個十歲，細嗰個兩歲，佢問我細嗰個佔唔佔坐位，咁問咩事啦，原來佢話兩歲都要六百幾蚊minimum charge，咁真係有趣嘞，同訂枱嗰個小姐傾吓，佢話手抱先唔收，再叫佢睇吓個收費唔理喎，點叫兩歲人仔食六百幾蚊嘢？同佢講多兩句，佢直情ignore我，淨係問我咁book唔book，咁唯有食第二間。所以呢個唔係食評，係比服務同政策嘅評語。