秋田鐵板燒刺身專門店

營業中

休息中

今年生日，男朋友一手一腳安排，食咩晚飯自然都係佢安排啦。全日都好期待，好想知佢帶藍妹食咩好西。😍去到既時候終於知道啦！原來係鐵板燒！可能之前食過一間鐵板燒放題，貴又唔好食，所以為左彌補遺憾，佢揀左呢間去幫藍妹慶祝。😊呢種比較貴既鐵板燒，每枱都會有師傅專人係面前燒每道菜，睇得又食得。😏—因為上載照片有限，所以只係揀中啲去重點講，實際上食多過post出黎既。我地揀左「＂秋田＂二人前套餐AKITA」。河豚乾正式開始之前，會煎個河豚乾比每位客人食左先。藍妹係第一次食河豚乾，覺得好好食。魚乾味好濃郁，夾雜少少甜味，好有咬口。😬—魚籽鵝肝蒸蛋鵝肝比好多魚籽遮住左，睇唔到。😂小小一隻雞蛋，真係估唔到咁好食。魚籽既咸香味，配埋鵝肝油，同滑溜既蛋一齊食，真係回味無窮。🤤—西京銀鱈魚柳呢個鱈魚柳真係藍妹呢幾年食過最好食既！😵大大塊不在話，魚肉真係好滑，而且魚油非常多，食落口超甘香。食完一啖忍唔住食第二啖，食哂仲覺得意猶未盡。😖—活伊勢龍蝦半尾每個人會有龍蝦半隻，睇住個師傅好有功架咁，三兩下手勢將隻龍蝦拆肉。😏拆好肉之後，再將龍蝦頭裡面既蝦膏加啲牛油（仲有其他唔知係咩既野），當做汁咁炒香佢。😱蝦肉非常彈牙，

第一次喺秋田食鐵板燒， 因平時食鐵板燒大多數在 銅鑼灣 ， 今次朋友介紹呢一間 令我有意外嘅驚喜， 店舖細細， 環境清靜 ，但係服務態度就一流， 本人第一次在香港食午餐鐵板燒有一種慢活嘅感覺， 鐵板師傅非常之有禮貌 又細心，每煮一樣食材都會先問問我們想要幾成熟， 又問我們有什麼意見， 很虛心聆聽我和友人 的每一個要求💯！ 最後仲問我們 喜不喜歡吃炒飯🍚可以幫我們 加多一些份量， 但我和友人已經很飽😝所以只是說平常的分量便足夠🎊🍾， 未試過在香港食午餐鐵板燒可以食得咁飽😸😍

老實講呢秋田食咗無數咁多次飯，咁多年嚟我哋都咁鍾意得閒無事就會嚟。除咗食物唔會失望之外，壽司師傅態度友善有心機處理食材， 都係可以留住食客的肚今日忽發奇想食日本嘢，九龍區又諗唔到當然去返自己熟悉的地方啦！只不過咁,之前上烹飪班食到好飽... 我就食曬所有魚生類別，壽司冇食不過睇個樣都知好掂 最尾的魚湯都係真心足料，完全沒有肉味。食到飽嘅朋友可以淨係要湯加蔬菜，唔夠飽仲可以加烏冬！甜品係密木瓜，其實係木瓜的一種，不過混種。總之甜到漏啦

一直想試下呢間鐵板燒，好多人都推薦我去食，今日另一半生日，咁就破費試下啦，早幾個星期就book左位，因為我唔知道呢到滿唔滿坐，加上因為生日想有小小驚喜，可能我係第一批1800開始，所以人流唔算多，大概到1930開始就滿座啦我點左 (秋田) 兩人套餐 七百幾 一位一開始有個沙律，普通唔需要有期望呢個係師父係鐵板燒整既第一道美食，裏面放左一粒鵝肝已經好有味同非常肥美啊，蛋又滑魚子即整雞泡魚干，熱辣辣正啊！龍蝦🦞原隻新鮮放係係鐵板燒上面整，肉質正，好咬口！重點係個汁都係🦞，好好味！莫名其妙既鮮甜每人兩粒，都係普通既帶子！澳洲既牛 5成熟 好好味，肉汁分明普通既湯牛油味重既菜最後好有誠意既生日快樂同自選公仔環節最近炒成咁，好正好好味，好香口最後既甜品，豆沙餅，個餅有點甜最後一年一次食係會覺得好好味！2個人食真係好飽，因為份量都多

其實我幾鍾意食鐵板燒，三五知己一大班人圍住，望住師傅烹調技巧、飲下清酒🍶感受氣氛，真係好冶癒㗎😍😍澳洲黑邊鮑😱前所未見仲大個隻手掌嘅鮑魚，隻鮑魚極度新鮮一路燒一路郁，加上師傅嘅烹調技巧、師傅切片煮得啱啱好，好滑好易入口👍🏻👍🏻👍🏻黑魚子鵝肝蒸蛋，蛋好滑又粒粒鵝肝油味💕💕龍蝦肉龍蝦骨嚟煲湯，個湯好鮮甜最緊要係師傅技術精湛，燒龍蝦環節好有睇頭，玩到勁大火，睇到我哋一班人大叫讚好，氣氛相當熱烈👏🏻👏🏻👏🏻

每次食鐵板燒，都覺得自己係全世界最幸福嘅人哈哈！今日因為家有囍事所以要好好慶祝一下！YEAH！又有藉口！牛奶仔帶咗我黎到呢間過百LIKE嘅鐵板燒，一於試試佢龍定鳳～一坐低就要揀食咩SET，因為佢都有好幾款，最近牛奶仔就話叫個入門海鮮版黎HAPPY下啦～好嘢～前菜有六款，見到螺肉同蛋就心心眼，賣飛佛啊簡直。咁開心點小得啤酒～呢到生啤酒比想像中平，計埋加一唔駛50$一杯。首先上嘅係鮮三文魚子蒸原殼蛋，又係蛋啊太開心，用蒸可以食真個濃郁蛋味。 原隻鮑魚環節，南非原殼唔係浪得虛名，好彈牙，燒都可以一啲都唔韌，勁！ 到重頭戲龍蝦同帶子當然都唔會失望，新鮮食材配哂師傅廚藝，帶子加小小上湯十分JUICY。 鵝肝配麵包，咁大塊鵝肝真係夠哂喉。同埋增添返小小飽肚感 ^_^ 炒飯仲會因應食客整唔同卞通都仲得，好QQ喎！又係SNAP SHOT一百張嘅時候~ 整完再炒返飯，一啲都唔浪費，加埋櫻花蝦同調味料，又係一碗粒粒分明嘅秋田特式炒飯～雖然等候時間比較長，但因為都係師傅用心烹調，所以比小小耐性是值得的！

前菜是即場做的雞泡魚干和魚子鵝肝蒸蛋。雞泡魚干鮮味，而蒸蛋的配料十分足夠。龍蝦，銀鱈魚和帶子都具份量和新鮮。鐵板燒師傅把味道調得剛剛好😋我們不用另外點醬汁。鵝肝做得十分出色！師傅把它煎得外脆內軟以及使用了紅酒調味令人回味無窮！A五日本和牛用了切粒的方式烹調，入口即溶，也是令人食慾大增！甜品是銅鑼燒配綠茶雪糕。 即做的熱辣辣銅鑼燒外脆內軟甜味適中，綠茶雪糕夾在中間令食客的味覺有很強的衝擊！💥

其實咁多年經常去秋田食飯，鐵板燒食過好多次，壽司又食過無數次。而家再返嚟幫襯因為以前個大廚返咗嚟 🎉所以我哋都食多咗omakase 佢夜晚都係收$850+10% 熟客仲有九折其實真係好抵 仲有好多相post唔到出嚟，但係其實次次都好飽！ 大廚勁多熟客，你如果乜嘢都食嘅話就可以揀廚師發板，但係你亦都可以自己點壽司食。想食咩同大廚講你的要求 🍣每一次去食飯最緊要就係佢個魚湯 🍲!! 佢個魚湯係用好多魚去煲，真係好甜唔夠飽嘅話仲可以加烏冬！全部真材實料而且回頭客極多🎏 除咗出品不錯之外， 裏面嘅staff亦都非常之友善，全部都friend曬，次次食飯都勁開心！

呢間嘢食個廚師幾細心。整體都唔錯11個朋友慶祝生日 啲嘢全部好新鮮 可以再嚟多次 廚師仲送咗支清酒俾我哋飲。價錢有啲貴不過 可以生日再嚟食多次。廚師風趣幽默 嘢食新鮮度不得了

12月開始轉了新工，雖然只經過一個月，但都需要食餐2018年歡迎暨收鑪飯蒸蛋雖然我相片拍得差，但這個蒸蛋的味道一點都不差~好嫰呀～我最喜歡吃各類的蒸蛋依然活脫脫的鮑魚和赤貝鮑魚有手掌心大，一人一隻。繼續是活脫脫的龍蝦雖然是一隻兩個人分，但龍蝦都好大隻，鐵板炒的海鮮，又香口又嫰。鵝肝多士份量完全不會孤寒! 雖然「膽固醇」三個字刻了在鵝肝多士上面，但煎得好鬼香算啦，偶爾一次半次又有什麼所謂♡龍蝦頭麵豉湯師傅好有心特別用飯粒擺了可愛的卡通，我order了蛋黃哥，師傅明顯不認識蛋黃哥，但見師傅一邊擺一邊眼望望，就知道他查了蛋黃哥的image，好有heart由7點30分份座，正式食完是10點30分，足足3小時!好味，好飽，好正，好滿足♡

一直都好想試吓香港嘅鐵板燒，於是膽粗粗咁walk in去咗呢間鐵板燒店，好彩唔駛等位。因為係周年晚餐，所以想食好小小，於是揀咗熊本套餐嘅澳洲牛扒厚燒。一開始上左個沙律同埋前菜，前菜有牛蒡、豆腐同埋蒜頭，牛蒡咬落去好爽脆，豆腐整得幾好，有浸鮮甜嘅魚味，而我就唔係咁鍾意食蒜頭所以冇乜評價。沙律方面粟米同埋番薯都好甜，沙律菜幾新鮮，加上有酸酸甜甜嘅柚子汁都幾開胃。之後廚師就開始蒸蛋，蒸蛋等左大約20分鐘到，有啲老，不過加咗墨魚子，食落又幾鮮甜，可以帶出個蛋味，蛋入面有好細塊嘅鵝肝，食落又有幾豐富嘅口感，唔錯！鵝肝多士煎得啱啱好，食落唔會好油膩，配上有蒜蓉香嘅麵包好好味！然後廚師就開始整海鮮，呢度嘅海鮮都係新鮮嘅，所以放落個鐵板到佢哋仲會郁，有啲殘忍唔係好敢望住廚師整.....鮑魚加咗少少鹽同胡椒簡單咁煮已經好好食，龍蝦就落咗龍蝦膏同埋調味料炒左兩炒，食落幾彈牙又有龍蝦膏嘅味，然後廚師會用火燒龍蝦頭再用龍蝦頭去煲湯。終於到我最期待嘅牛扒，師傅會問你想食幾多成熟，牛扒食落去唔係太重牛味，有少少失望不過廚師真係煎得幾好，生熟控制得啱啱好。廚師係炒飯之前仲會問你想要啲乜嘢公仔同埋慶祝啲乜嘢日子，同場

朋友請我食生日飯，提議食呢間鐵板燒坐低有前菜，沙律有蘆薈、蕃薯都幾特別另外小食係蒜頭、豆腐、海哲最先品嚐係龍蝦但真心覺得無乜特別跟住係魚籽蒸蛋，都幾好食跟住係鱈魚🐟，都幾滑我反轉件魚其實幾燶吓但都無影響味道鵝肝都幾好味，煎得剛剛好牛柳粒肉質都ok, 但比想像中無咁好食無乜特別因為我地揀中價牛肉$778一位其中一個朋友仔無揀食鐵板燒，呢客刺身都差唔多六百蚊一客，但佢話只屬一般咋師傅表演整炒飯師傅好好人好識做，氣氛好令我地都食得好開心龍蝦頭拎咗去煮麵豉湯，無乜特別整完公仔再炒飯，略嫌太乾身最後即整銅鑼燒好喜歡總括覺得價錢略貴，但一次半次食吓又無妨

想食鐵板燒，見呢間餐廳好似幾受歡迎，就決定一試，結果沒有失望。我同朋友都揀咗「櫻」一人套餐。套餐有：三文魚子蒸完殼蛋、田園沙律、燒完隻虎蝦、（西京燒銀雪魚、香煎法國鵝肝、板燒成田鰻魚三選一）、大蜆面豉湯、特色炒飯、炒野菜同埋甜品，非常豐富。我揀咗燒銀雪魚，朋友就揀咗鵝肝。蒸蛋非常滑溜。田園沙律芝麻醬香。虎蝦十分大隻，啖啖肉，肉質爽口。銀雪魚燒得香口，魚油豐富，肉質嫩滑。朋友的煎鵝肝亦燒得外脆內軟，非常甘香。大蜆面豉湯用料足，面豉味香濃加上大蜆鮮味，正！特色炒飯惹味十足，有好多櫻花蝦，加上黑椒香蔥， 炒得十分香口，話咁快就食完一碗。炒野菜用上牛油，師傅一路炒已經好香，又係食到唔停口。甜品有紅豆銅鑼燒，師傅即場做，熱辣辣食好好味。食完銅鑼燒，原來還可以選要雪糕或者嘢飲。我哋都揀咗雪糕，分別係綠茶同埋曲奇味。食完大滿足。

沒有猫兒的生活……小人作為作為丹尼仔的頭號粉絲來說，只可以輕輕的嘆句：「生活……淡淡似是流水……全為你……泛起生氣……」友人同樣傷感，但見小人傷感不已，帶小人吃餐美味日菜充喜一下。魚子蒸蛋滑是滑的，但聽聞有鵝肝，可能小人太傷感，鼻子哭到沒甚麼味覺，不覺有魚籽香有蛋香囉。鵝肝多士，最正之處乃是鵝肝，肝油豐富，滲入多士何其美味！小人沒心機都吃了兩件。一口牛柳粒，當屬佳品。然而本食肉獸只吃了一粒，是好吃的。好像是燒帶子的物體，汁豐肉嫩，佳作是也。龍蝦燒完之後放麵豉湯，啖到無味，小人不喜歡。太太太太傷了，不能再承受的傷感……

閨蜜的生日，不容錯失😆剛巧最近迷上了鐵板燒，上openrice一search，竟然發現了秋田，可以將炒飯弄各款得意的卡通👏🏼👏🏼非常有創意。秋田在尖沙咀天文台道附近，尚算方便，就是天文台道那條斜路，對於手上拿著6磅蛋糕的朋友，有點辛苦😅對於第一次幫襯的客戶評語，如果10分滿分，我覺得秋田有6.5分，很不錯😊 唯一不是很滿意的是，安排坐位方面，可以改善做得更好。