秋田鐵板燒刺身專門店

營業中

休息中

我地被安排到一張九人台的最左邊的兩個位置，同台既其他客人遲遲未來。嗌左野食之後，侍應上前菜，前菜未食到一半，廚師就上鵝肝魚籽蒸蛋，跟住鮑魚、北寄貝都係五分鐘內送上。我地都未有時間慢慢品嚐呢幾樣食物，廚師就問我地牛扒要幾成熟。答左之後我地請問廚師可唔可以將上菜的速度放慢一點，他苦笑住回應：「我都要時間解凍d牛肉嫁! 唔係你話上就上嫁，我問定姐。」全程我地一邊忙著咀嚼食物，一邊在遠處看廚師對著前面四個空位表演他的廚藝。過程中他沒有向我地介紹每一道食物，也沒有任何表情。他有他烹調，我有我們的吃。不過廚師的技術的確出色，而且海鮮非常新鮮，食物質素高。我地食完龍蝦後，同台的幾位客人到達。佢地嗌左一隻一千多元的鮑魚，又叫左好多酒，仲請廚師飲左幾杯。佢地愈飲愈多，講野愈來愈大聲，夾雜左好多粗口，更加係餐廳內食煙，但無staff阻止佢地。後來，廚師更走到那對夫婦旁邊坐低，佢地愈喝愈高興，廚師不停摸人妻的頭：「我真係好鐘意你呢類人。」再飲多兩啖之後，廚師係人夫面前鍚左人妻一啖……當下我懷疑自己入錯左酒吧………黎呢間餐廳都係想開開心心慶祝生日，點知變左黎睇戲，都算喇。我地搭lift離開時，果位人妻跌跌撞撞

減肥的日子過了三個月 吃貨要破戒一次了這是我第二次來吃這家的鐵板燒師傅手藝十分好 海鮮亦很新鮮最期待的當然是卡通炒飯最近最火熱的旅行青蛙師傅話我是第一個要求製作娃娃的客人嘻嘻 師傅好細心甘整 雖然一開始吾係太似但最後都有7成似既 因為師傅係倒轉甘整總括：現在才想起是叫娃娃 不是蛙蛙哈哈不說了 我又要去減少了

年初一諗著食好啲，所以選了食鐵板燒。食完知道選擇錯誤。經驗師傅應該都放曬假。這次是遇過的最差技術的鐵板燒師傅。好彩食材ok. 鵝肝龍蝦牛肉可以。蒸蛋的魚子醬唔好食。更大的問題是師傅不識分份量。同台有兩家不認識的客，我點的是兩隻龍蝦，另一家點一隻龍蝦，師傅就三隻一齊燒，但平均分兩份。同師傅講我們是點兩隻，但師傅説冇錯，還死口説已給4舊我們，3舊人哋。師傅連數都已經計錯。唉！如果不是年初一，我已經發難。以後絕對不會再去這間食。

正如標題所說的晚餐時間太長我們由七點食到10點，還沒完結。原因是鐵板燒的枱可以坐很多位，而廚師只有一個。而大家的預約時間也不一樣，他們到的時候，廚師要先服侍遲來的人，讓他們趕上我們的進度，我們才有得繼續食。我覺得這樣的規矩太不行了，我們大家都不認識，為什麼要我們等他們，然後一起結束晚餐？！環境：裡面有幾個鐵板燒攤位，每個鐵板燒攤位會有一名師傅，環境不過不失服務：服務態度還是不錯的，而且還會互動，廚師會為你弄卡通飯，只是規矩有點奇怪耽誤了我很多時間。食物：食物還算是新鮮的，味道就是一般的鐵板燒。 總結： 日本鐵板燒變了比法國餐的時間還長，要不是我們摧他們估計還要拖延多1個小時，把我嚇得有點怕怕不敢去第二次了。如果你想和朋友吃飯吃久一點不妨去試一下。

以前都食過呢間，嘢食ok嘅，呢幾日諗住再食啦，就打電話去訂枱，報兩大一細一bb，大嗰個十歲，細嗰個兩歲，佢問我細嗰個佔唔佔坐位，咁問咩事啦，原來佢話兩歲都要六百幾蚊minimum charge，咁真係有趣嘞，同訂枱嗰個小姐傾吓，佢話手抱先唔收，再叫佢睇吓個收費唔理喎，點叫兩歲人仔食六百幾蚊嘢？同佢講多兩句，佢直情ignore我，淨係問我咁book唔book，咁唯有食第二間。所以呢個唔係食評，係比服務同政策嘅評語。

慶祝節日既好地方！知道男朋友唔鐘意法式一碟碟慢慢上，又想搵啲特別啲既地方幫佢慶祝生日！最後終於決定去呢度！今次我們選了"熊本"二人前套餐，價錢跟據不同牛既等級，分別係$698, $798, $998 per head 有龍蝦，鮑魚，鵝肝等等，同心機❤️有師傅喺前面整鐵板燒😍 好食又飽肚！最特別係有自選卡通造型炒飯同自定字句❤️❤️企入去影相好正☺️(師傅好好人，我話要高達，就算佢唔擅長，都好用心整😍仲整得幾似😍)生日慶祝一年一次都係值得既😘你開心就好❤️

今晚同朋友嚟到尖沙咀嘅諾士佛台,向來都聽講過呢度有好多好嘢食,今次去咗一間日本餐廳,試一下呢度嘅串燒！今晚嘅啤酒又做特價優惠,買一送一，仲要係我最鍾意嘅Kirin beer!! 絕對係今晚嘅重點之一！全消方面同樣做緊特價，任何雞類嘅全消都有買一送一，我同朋友當然唔客氣咁樣叫左好多，每一款都好好食，價錢亦都十分合理！！好抵食呀！！另外我哋仲試咗佢嘅鰻魚飯，鰻魚笑得好香，都唔錯！最後我哋就叫咗海鮮炒飯，份量好充足，如果想要食得飽肚嘅話，呢一個係一個唔錯嘅選擇！除咗熟悉之外，佢哋仲有好多其他海鮮嘅選擇，有興趣嘅都可以黎試吓！

我發現其實我都幾鍾意食鐵板燒，一有三五知幾我都會周圍試吓唔同的鐵板燒，食鐵板燒最主要嘅就係廚師煮得精彩，飲下清酒感受下氣氛輕鬆一下今次就嚟到尖沙咀天文台圍呢一間，位置的確有啲偏遠，如果搭地鐵最少行20分鐘.這個一年幾層都係他們公司，有食蟹的有食鐵板燒！今次就梗係食鐵板燒啦食鐵板燒最好睇就係玩火嘅環節，我覺得今次係燒龍蝦嘅時候玩特別好睇，龍蝦夠大隻有看頭先來一個呢個蒸蛋，味道不錯，啲蛋夠滑好香鮑魚，尺碼就比我之前食的細少少，新鮮的食咗啲龍蝦肉龍蝦骨就來煲湯，不過這個湯就好清甜，完全唔係平時飲開的橙色龍蝦湯他們嘅甜品係銅鑼燒，都是比較特別，有心思我鍾意整體來說我覺得都OK，因為今餐都幾貴，差唔多＄1000一位，食得夠飽，食物都新鮮不過相比其他鐵板燒確係貴左少少，但係質素唔差太遠

很久沒有來這裡，上次經驗都愉快且食品美味！今次結婚週年，唸住一家再來慶祝。職員Confirm booking時已詢問特別日子。很可惜，到廚師寫字時只寫了生日快樂給其中兩枱客。一開始，已安排了四組人一共十人坐在一起。約七時多開始，廚師Jim很久才到。一直廚師沒有一句說話，一般會與客交談，介紹吓食物，點什麼醬料........這個沒有半點説話、表情。到接近尾聲，講一兩句，並説他自己平時是在樓上（較高檔的一層），並謂想食好嘢下次上上層找他，暗示這層較低級，他不屬於這層，不懂這層的玩意，如砌公仔.......這次每人都食了千多元，雖然不屬很高，但也不需這樣說話吧！來得做這位，就要提供服務吧！食物味道真大不如前，好一般。反而因為客人少，侍應招呼也較好。

慶祝生日， 男朋友帶咗我來呢間鐵板燒。我孤陋寡聞，今次係我第一次來食鐵板燒。所以我完全唔知個模式同平時食飯係唔一樣雖然book咗位，但係都要等齊其他人先至可以開始食。大家要嘅餐單都差不多，所以鐵板燒哥哥嚟到就開始表演，我真係覺得自己好似睇緊表演😂😂食物質素真係冇得彈，睇住佢炒，啲香味就一直咁飄過來。由淡味食到濃味，所有野都來得好細緻。鐵板燒哥哥都好親切，同我地都有講有笑，最咪仲砌咗個生日快樂俾我添！後記:作為初嘗鐵板燒的新鮮人， 呢個係一個美好嘅回憶！不過真係偶然食一餐就夠啦，雖然男朋友埋單，但係真係覺得好貴，人均大概＄800。不過呢種質素，其實係值嘅！

二人餐今次師傅係新手 火候控制唔太好 所以食品質素有部份影響有柚子沙津 餐前小食 鵝肝蟹子蛋（煮過了小小龍不滑）鐵板龍蝦肉 其餘部分麵豉湯 鵝肝多士（鵝肝煎得唔夠脆，及鵝肝味道不濃）鐵板鮑魚 讚 夠甜爽 牛就揀左要牛排 都唔錯 炒雜菜 炒飯果味唔錯夠豐富 豆沙包熱辣辣 最後甜品環境方面地方開始殘舊

適逢父親節，係要孝敬下No.1既家人第1次係同友人食，第2次係同娘親慶祝，而今次係第3次，每次都係帶住笑聲回家，雖然價錢唔係大眾化，但當見到家人驚喜滿足既表情，完全值回票價今次點左2個秋田同熊本套餐，餐廳既賣點最興奮係有個廚師係你面前精心炮製每一味佳餚，每一味都係新鮮食材，連個味覺退化既老佛爺全程唔駛點鼓油，都食到笑騎騎lam lam脷首先，黎客有鵝肝有魚子既燉蛋打頭陣50年不變今次小食同印象中有d唔同，就係印象中係冇呢舊咁阻手阻腳既木盤，明明擺野食既位咁窄，偏偏用個咁闊既盤突晒出黎，真心要改改佢隻澳洲黑邊大鮑魚very very鮮,基本上唔駛加調味直接食個鮮味都夠煮得夠林，冇牙既老人家都輕易趙到然後食個牛肉薄燒，我地冇加肉眼，成個套餐雖然好似得幾舊，但每樣逐少逐少食其實都好飽跟住到兒童不宜既火燒龍蝦表演，到幾大火的，坐得近會感受到鼓熱力，大家記得攞相機影低廚師火燒龍蝦既罪證，因為同行既老人家話個廚師無陰公咁樣燒人地，但佢咬住人地舊肉果陣食得好開心 活伊勢龍蝦，前面3個字唔知代表咩，淨係知又係好新鮮好好味既龍蝦再黎，到我既至愛-鵝肝多士~~~~可惜......size比以前縮水了記得第

Happy birthday to myself 多謝男友今日俾我既驚喜 帶我食一間高級日式鉄板燒餐廳 食物水準好高 初初都擔心又貴又唔飽 但食食下就開始飽 因為用餐需時大概3小時

世上只有媽媽好, 生日一年就一次, 沒有理由不好好寵一下母親大人。早幾年已經試過秋田的二人前套餐, 最出名莫過於特別鐵板卡通炒飯, 可以自訂公仔, 同媽咪影張靚相, 好食又可以留念!當晚一行三人預早訂座, 按時出席, 入座bar枱面向鐵板, 媽媽已經期待萬分。頭盤是魚子蒸蛋：杯裝的蒸蛋的式可愛，配上魚子，蒸蛋入面仲有鵝肝粒!鵝肝多士：好大塊鵝肝呢～鵝肝煎得好香又唔燶，果然係鐵板燒專門店級數。和牛薄燒：雖然只係薄薄兩件，但係都好滿足！和牛味濃厚而且夾雜著煎香嘅蒜片，惹味!活伊勢龍蝦：未開始上鐵板前龍蝦活生生鬱動，甫上鐵板果刻其實感覺幾殘忍… 幾秒後師傅落油就大火熊熊，不消幾下就上碟～龍蝦沒有特別調味，只是淡淡的讓你品嚐出龍蝦肉鮮味，再現上麵豉湯，暫時清清味蕾。高潮時間SHOW TIME!!!媽咪揀咗小丸子公仔做炒飯，師傅話冇問題，如圖：連顏色調得好好，五官神態都好似～因為想寫埋「生日快樂」字句，師傅仲表現咗小鏟子開雞蛋，去片：https://youtu.be/GmWaVOijkco隔離枱竟然要求整高達公仔，師傅都話第一次冇咩把握，最後都整到高水準！炒飯有櫻花蝦同魚子粒粒，可以分到每人一份

之前係灣仔分店食過一次LUNCH覺得好得好正, 諗住BOOK枱黎緊星期六同媽媽食生日飯.聽電話果個最初語氣好好, 跟住到我話book lunch就突然變聲....d態度變到超差, 話佢地呢間冇做lunch的, 跟住就cut左我線o羅!!!!!今時今日仲有咁既服務態度, 你好野!! 呢間永遠black list(最後BOOK左諾士佛台分店, 超好禮貌囉)