148
11
10
港鐵尖沙咀站 B1 出口, 步行約7分鐘 繼續閱讀
所有分店 (3)
電話號碼
2316 2727
開飯介紹
和服、燈籠、竹簾和清酒是秋田日式鐵板燒店內的典型裝潢。主打日本傳統的鐵板燒和爐端燒,香噴噴的串燒以及即叫即製的鐵板燒,客人來到,可以盡情品嘗「兩燒」美食,雖然店劃分了爐端燒和鐵板燒的座位,但客人無論坐於哪邊,亦可以隨意點選「兩燒」食物。 繼續閱讀
營業時間
星期一至日: 18:00-00:00
付款方式
Visa Master AE 現金
座位數目
50
其他資料
酒精飲品
自帶酒水 詳細介紹
泊車 詳細介紹
電話訂座
加一服務費
食評 (179)
等級3 2016-09-23
8225 瀏覽
一直都好想搵一間好食既鐵板燒,經朋友搵到呢間.食完真係無付我失望,唯一美中不足就係原來係BOOK枱時,記得要講明自己一間ROOM好D,因為有1,兩間係大房,一個C父要對兩枱客.甘樣D食物就無甘快可以上枱.今次我地ORDER左'2人前套餐.每位$888整體感覺食物係十分新鮮,呢點係好重要.蛋,方面,超滑。我愛蝦,方面,由於C父將佢切凡十分細小,令口感十分彈牙.鵝肝,方面,無我想像中甘好食,因為比較油膩左少少,因C父之前再加多左油再去煎,我覺得浪費左塊鵝肝.鮑魚,方面,睇佢大大隻,點知一切出唎片片細到無人有.A4和牛十分滿意.最後係好滿意C父既笑功,一邊同佢傾住,知道左好多知識,佢亦好俾面甘抄左個Pooh飯俾我慶祝我生日.THX!!!! 繼續閱讀
(以上食評乃用戶個人意見 , 並不代表OpenRice之觀點。)
等級1 2016-09-17
5729 瀏覽
本身係熟客,幫襯左10幾年,從冇打過一篇食評,但今日真係太嬲,以後唔會再嚟講食物質素佢唔係最好但都過得去啦,之前有一段時間冇去因為佢嘅環境真係太殘舊唔係咁鍾意,但佢裝修左,又有屋企人話想食,咁就去下啦佢嘅餐嘅份量一向都多,以前叫餐嘅時候四個人食都係叫一個二人餐跟住再加其他單點嘅野,例如加多分牛肉加多分帶子呀咁,其實次次都飽到要skip左個炒菜同甜品,始終佢啲食物好多牛油,又有前菜又有沙律又有蒸蛋,唔大食嘅食咗頭幾度就已經飽今日六個人去食飯,叫咗兩個二人餐再加啲手卷,叫咗支酒,跟住佢同我講仲差幾百蚊先夠 minimum charge,每人最低消費係六百幾蚊,即係佢最平嗰個餐嘅一人價錢其實我本身食咗下午茶唔肚餓,亦知佢呢個份量都一定夠食,唔夠咪再加野囉,我六個人食飯你要我叫足三個二人餐咁即係迫我打包嘅啫我隔離嗰枱就係打包晒成個炒飯同埋全部銅鑼燒老實說,呢個級數嘅餐廳要收 minimum charge, 冇野呀?我去 lobster bar, gaddi 都冇 minimum charge, 最多都係得 dress code 啫繼今日book epure afternoon tea 話帶同BB 只可以坐 outdoor, BB與狗不准內進之後,又一 ridiculous 的餐廳 繼續閱讀
(以上食評乃用戶個人意見 , 並不代表OpenRice之觀點。)
等級4 2016-08-03
8969 瀏覽
生日月份想有一個特別既回憶, 經朋友介紹就走黎呢間餐廳, 同男朋友有一個SWEET SWEET既回憶餐廳都幾遠下, 搵左我好耐, 到左之後搭LIFT上, 環境都幾有情調, 燈光調和寧靜, 大約六位一張台, 唔算太迫點了個"秋田" 二人前套餐 ($668 每位)先黎左個餐前小食 豆腐好滑, 荀就脆口 味道不錯 沙律清新而不膩蒸蛋食落滑溜, 入口即融, 好有蛋香 , 就係前菜都夠吸引魚柳煎得香香的, 肉質結實之餘, 食落仲有其鮮甜之味澳洲頂級和牛薄燒薄薄的牛肉有意想不到的肉味香濃, 令人回味, 中間卷住D蒜片同蔥花做餡料, 脆卜卜的蒜片令牛肉食落更香, 同有口感值得推介招牌秋田炒飯係今晚既重點, 可以俾你點選一個公仔, 師傅會拼砌出黎仲可以響公仔隔離寫字, 服務員仲好好幫你影相留念餐廳都毫不浪費食材, 用返黎做炒飯, 炒出黎香, 食落仲香, 一粒粒既櫻花蝦配蛋同配料, 有咬口之餘, 令人食多多都唔覺膩甜品係豆沙包同芝麻味雪糕甜品味道麻麻地, 豆沙包既皮有D硬, 豆沙餡尚可, 味道唔過甜, 紅豆也足 繼續閱讀
(以上食評乃用戶個人意見 , 並不代表OpenRice之觀點。)
等級2 2016-07-24
3464 瀏覽
兩個人食二人餐好夠飽了,其中我認為值得一讚既系鵝肝多士和銅鑼燒還有魚子蒸蛋,鵝肝新鮮大塊即煎多士也是即煎,好味,魚子蒸蛋多魚子蛋又滑,鐵板廚師好用心滿足客人要求既卡通炒飯,但炒到好干,我覺得麻麻,價錢吾平期望更好,一隻吾系大既龍蝦兩個人食吾系好夠喉,但銅鑼燒因為煎得內脆內軟,反而令我最深刻,和牛好薄,味道吾錯,香港地食同樣既食物真系其他國家抵食好多 繼續閱讀
(以上食評乃用戶個人意見 , 並不代表OpenRice之觀點。)
等級4 2016-07-13
6537 瀏覽
為家人慶祝生日, 一定要有心思加有特式, 三天前預訂了尖沙咀 “秋田鐵板燒專門店” 鐵板燒. 大家齊歡聚, 亨受一道快樂的晚餐.鐵板燒專層在一樓, 入到餐廳, 已見到很多客人, 厨師也忙着, 氣氛不錯.  店員安排了我們到鐵板 bar 枱, 我們 4 人 佔了半枱.侍應送上餐牌,  我們點了兩個兩位套餐.  食品很豐足, 餐前小食有六格,  各款味道不同, 賣相吸引.為了大家要碰杯慶祝, 我們点了一枝 "上等梅酒".头盤來了, 沙律有新鮮蔬菜,  粟米, 番茄和紅腰豆, 醬汁好, 添開胃. 接著是熱点, 厨師開始工作了魚子蒸蛋, 在鐵板上弄熱, 原隻雞蛋殻去頂蒸, 厨師控制時間剛好, 熟蛋好滑, 加点黑魚子, 夠鮮味, 更甜美, 銀雪魚, 每人只一小塊, 因為是從二人套餐內份量分開四人吃. 魚肉煎得香, 入口好滑, 好鮮 !北海道活帶子, 每人也是只兩小片, 也是從二人套餐內份量開四人吃. 厨師很快便煎好, 小食多滋味, 肉質好鮮甜, 佳品 !活伊勢龍蝦兩食,分別是鐵板燒龍蝦和煮龍蝦麵鼓湯.厨師有效草率的將龍蝦頭, 身分開, 拆肉, 將酒淋在龍蝦頭, 紅紅大火, 精彩而吸引.  大家齊拍照.厨師把龍蝦肉用燒香蒜片炒, 我們聞得傳來香味, 之後厨師把肉分放我們碟內, 大家齊齊吃, 龍蝦肉真鮮甜入口爽及彈牙.龍蝦湯剛煮熱上枱, 味道鮮甜.香煎頂級鵝肝, 鵝肝飽滿肥美, 稍微香煎過, 鵝肝香味特濃, 入口即溶, 配上法式薄多士, 口感鬆脆. 配搭很好!燒原隻鮮活鮑魚, 很大隻新鮮的鮑魚, 在鐵板上擺動著, 燒來有點殘忍. 燒好後厨師切開小件上碟, 吃來很鮮美. 肉很清甜, 回味 !澳州頂級和牛薄燒,  每人也是只小片, 因是從二人套餐內份量開四人吃.厨師會先詢問需要和牛的生熟度才烹調, 很窩心的服務.牛肉肉質鮮嫩, 脂肪均勻, 牛肉味濃, 入口充滿肉汁和濃郁牛味. 炒野菜, 新鮮什菜, 爽口, 調味不錯.招牌秋田炒飯有櫻花蝦, 米, 蔥, 黑魚子, 甘荀碎和蛋等豐富材料, 厨師 show 出手機照片 '卡通公仔' 接着問各組客人喜愛要見什麼卡通人物, 便在枱上細心用食材堆砌, 最後特技式的用蛋白寫上 "生日快樂". 大家拍掌欣賞之餘便排着拍照. 歡天喜地 !原來其中兩位客人是慶祝訂婚, 厨師即把字樣改為 "ENGAGED 30 JUNE 2016"再送上 "心" 意.厨師之後把卡通人物混合起來, 開始炒個招牌秋田炒飯, 不油膩, 可口 !紅豆銅鑼燒, 厨師又忙於製作甜品, 每人兩塊,  餅皮表面香脆富蛋香.中間放入紅豆, 成豆沙餅, 入口香甜.還有日本抹茶, 或芝麻雪糕可選其一.生日朋友, 餐廳送上一份朱古力蛋糕慶祝生日, 点上爉燭, 別有情調. 此是生日客人最開心的一個節目, 設計很好. 繼續閱讀
(以上食評乃用戶個人意見 , 並不代表OpenRice之觀點。)