秋田鐵板燒刺身專門店

營業中

休息中

生日飯想食得特別d，經朋友介紹後，就來到這間鐵板燒，目的就是一試特色炒飯！餐廳要預早卜位，可能是平日關係吧，座上客並不算多！秋田二人前套餐 ($668/位)活伊勢龍蝦龍蝦係採用新鮮龍蝦即席鮮煮，讓你嘗鮮！龍蝦入口爽脆彈牙，肉汁豐富，肉質嫩滑，無得頂！香煎頂級鵝肝鵝肝煎得幼嫩香脆，但吃入口外脆內軟，配上預先烘好的多士，減卻鵝肝油膩感，好味！招牌秋田炒飯餐廳的炒飯特別在，你可以點一款你想要的卡通人物，然後又可以請師父在鐵板上題字，然後讓客人拍上照片，所以吸引不少食客慕名而來！拍照過後，師父便會將其混合炒飯，其中的櫻花蝦最為特別，令炒飯味道更加突出！龍蝦麵豉湯龍蝦肉剛才已經品嚐過，但龍蝦頭卻毫不浪費，餐廳會將之用來作為湯料，即使用作熬湯也不會影響龍蝦的鮮甜，而且配上小弟喜愛的麵豉湯，正！甜品 紅豆餡銅鑼燒個人覺得味道麻麻，銅鑼燒弄得鬆軟，入口口感不錯，但紅豆味略淡，不太吃得出味道⋯⋯雪糕，有芝麻同抹茶兩款口味選擇，個人比較喜歡抹茶，不會太甜，有濃郁的抹茶香，也有淡淡的牛乳味，令抹茶味不至於過重！餐廳知道小弟的朋友生日，還附送了小蛋糕一件，有點驚喜，亦覺得很有心意呢👍🏻👍🏻

好耐之前就已經聽過出名公仔炒飯既秋田，今日終於有機會去試下啦. 呢度個鐵板海鮮套餐有好多樣野食, 又有個可以整公仔既炒飯, 最終選擇左套餐.魚子蒸蛋. 蛋係鐵板上整熟, 蛋上有黑魚子. 鮮味黑魚子加上滑滑蒸蛋, 幾特別.大鮑魚. 真係超大隻, 重大隻過我隻手. 鮑魚落鐵板前重郁緊, 超生猛. 鮑魚燒好切開一片片上碟. 鮑魚熟度剛好, 肉質鮮嫩, 唔韌.鐵板龍蝦肉. 厨師先將龍蝦頭拆開, 先燒龍蝦肉. 龍蝦肉質鮮甜, 爽口彈牙. 之後表演火燒龍蝦頭, 厨師會叫我地預備好拍照再淋酒, 熊熊烈火, 很精彩.龍蝦麵鼓湯. 用剛才龍蝦頭整, 麵鼓湯有點點龍蝦鮮味, 唔錯.鐵板元貝. 元貝係比較容易整得過熟既海鮮, 厨師掌握得好好, 元貝鮮嫩唔韌.招牌炒飯. 我地要求整鬆弛熊, 厨師係枱上好細心用飯砌個公仔, 砌出黎都好似. 我地同鬆弛熊拍照留念, 超開心.最後有甜品銅鑼燒同雪糕, 銅鑼燒係鐵板即整, 熱辣辣, 超滿足.鐵板燒真係好睇厨師既功架, 今次有幸比我食到個有水準厨師既手勢. 讚!!!

今日我幫男友慶祝生日，上網塭到呢間叫秋田的鐵板燒，抱着一個期待的心情來食飯，我們叫了一個六百多元的熊本餐，首先來的是沙律和六格小食，之後就有一個師傅出來叫我地先坐坐食住小食和沙律先，現家入廚房幫我地二人執餐，大約十分鐘，師傅就拿着我們點的餐出來了，重提意我們先為新鮮食材拍照，龍蝦， 鮑魚和牛肉都看上去很新鮮，第一道菜師傅同我地講系鵝肝 蒸蛋上面重有滿滿的黑魚子，我們都覺得很好食，第二道菜 系鮑魚在鐵板上，重系會動的，師傅同我地講呢個系南非九孔 鮑，海水味比較重，肉比較林，叫我地可以不用點在前面的三格汁，我也感覺食原味已經夠味，第三道系龍蝦，師傅重有主動同我地講龍蝦的產地是印尼，師傅先將龍蝦外殼整熟，方便起肉，再把龍蝦頭部的膏取出，加上牛油，蒜蓉 等煮汁，師傅二，三下手勢就把龍蝦肉取出，快得讓我 目定口呆，師傅笑說經過專人訓練，我也笑說那一定了，煮完龍蝦， 師傅同我地講現家會表演一個 放火的環節 ， 先將龍蝦 放置好， 師傅叫我地準備好拍照或錄影 淋上白蘭地 的龍蝦 就像 火燭一樣火很猛烈， 我們看得很開心， 師傅細心地叫我地慢慢食，等我地食完再煮來至 法國的紅酒鵝肝，我們感覺很好，食完

上星期太太生日飯，3大人1小童7點半開始點菜，星期五晚但不是太多客人仲有吉枱，而且各員工都不是正在忙碌中，但當日店內店員大部份口黑面黑，只有幫忙影相那位女侍應面帶笑容及感覺到尊重客人。叫左個鮑魚龍蝦2人餐追加左點海鮮及烏東，壽司其他食物，開左支500元左右嘅清酒，來得依度食飯我係知道餐廳價錢嘅，但當晚女侍應提左3次我地差百幾蚊先到最底消費（好似每位要消費680元左右咁上下啦），但係我地一早表明無問題想慢慢食，想邊食邊諗諗再加什麼菜，差百幾蚊唔洗追得咁急掛？何況我仲有一位係小朋友，最後3000元埋單完全覺得去紅磡酒店都會海逸那家更值得去食，秋田無論食物質數及服務都根本唔入流，除左食材叫新鮮之外，我諗唔到仲有什麼其他優點？總括我想講比大家知道，想手鬆d洗錢食餐好又有點氣氛服務的話，千期唔好去秋田受罪，如果你本身大把錢唔介意味道及服務質數低，當日又想鬧下人呢，咁你就不妨一試依間唔知點解會有百幾個好評嘅餐廳啦。

今日同老公食佢餐生日飯～上open rice睇到呢間野都好多讚喎！個炒飯幾得意所以就想黎試下囉～嗱，應該係我地唔好彩，遇到個女黑臉廚師～其實佢全程都係唔多有禮貌～估計佢都係唔多喜歡自己份工先會有呢個表現。我入到去睇個餐牌，二人餐既野就唔多岩食～ 所以散叫左0的野食我問左個"經理"個炒飯係咪可以整公仔，佢話係！咁我就叫左個炒飯～ 但個黑臉女廚師就話散叫無架喎！ WHAT？咁叫左"經理"黎啦～ 我話for生日架，電話訂枱時都講左！咁之後就整番比我～但你地睇下佢幾咁有'heart'咁整0的公仔出黎！最好笑既係，佢問我想整咩公仔，我話batman佢話整唔到，咁ironman,佢話都整唔到！然後我問佢：'咁你識整0的咩呀？' 佢又問番我轉頭：'咁你想要0的咩呀？' 其實我真係用盡左我EQ同佢好好'溝通'我唔想食生日飯搞到咁唔開心囉～ 之後佢話只可以整到hello kitty,三眼仔呀，minion呀！最後我揀左minion! 但你地睇下個minion~ 係一隻'miu'嘴既minion! 佢整左隻同佢自己一模一樣表情既minion! LOLOLOLOLOLOLOLOLOL!!! 嗱，公平0的講，

I fail to understand why this place has such a good rating.  Good atomsphere though and you get your privacy with a group of friends.Food is fresh but taste is sub par at this price. The young chef has a lot of room to improve. We ordered the $1000 (per person) set menu with Toro, Lobster, Scallop, Australia Black Abalone and Beef. Toro - very fresh. Only 1 piece per person though. Live Lobster - very fresh and we can see it moving when the chef cooks in front of us and good taste. Scallop - tot

朋友生日，想找一間有房包的鐵板燒，始終有點私人空間吧。除了bar 枱，還包了一張sofa給大家躺一下，感覺也不錯。廚師給大家介紹一下食材，然後大家就可以欣賞一下他的廚藝，閒談一下，感覺真不錯。

大家姐回港，接風宴.鐵板燒貴在食材的新鮮與師傅的技術能否完美鎖住食材最新鮮的瞬間與味道.秋田這家做的很出色.唯一的缺點大概是不能根據客戶的要求做一些special的調整.但看在帥哥與美女的份上.還是相當滿意的.食材鮮活.印象最深的是火點著lobster然後去煮湯.完美. 食材真的很新鮮.同時鐵板燒的方式能最好的鎖住海鮮的鮮味.lobster 鮑魚等口感都非常的Q彈.鵝肝口感略差味道有點單一且不夠厚重鮮美如果可能配點果醬或者果乾可能更能凸顯鵝肝的味道.不過最最推薦的還是鐵板龍蝦過後用剩下的蝦頭做的湯.完美

好朋友和我慶祝生日, 特別提前一星期預訂了尖沙咀 “秋田鐵板燒專門店” 晚餐. 須沒有燭光, 但已是好好亨受和回味的一餐. 這店交通比較麻煩, 少停車場泊位, 我選了乘的士, 更因星期五晚交通特別擠迫, 我乘的士花了40 分鐘也無法駛到目的地, 只好在天文台道下車行上餐廳, 免塞車但行也不容易。到達樓下，侍應帶乘电梯上一樓鐵板燒專層, 店內燈光暗暗,  店員安排了我們到鐵板bar枱, bar檯可以坐8位客人, 看! 廚師bar位燈光比較光猛.編位後, 我們看餐牌, 點了套餐每位 $688. 食品很豐富, 包括.餐前小食和沙律. 小食有 喬头~酸美美, 魚乾~幾香口, 日本番薯~甘甜, 還有車厘茹.沙律有 粟米, 生菜, 番茄和紅腰豆, 醬汁好, 新鮮夠開胃. Yummy !接著厨師開始表演…….第一是: 魚子蒸蛋, 在鐵板上弄熱, 原隻雞蛋殻去頂蒸, 剛剛熟蛋好滑, 味甜美, 黑魚子夠鮮味. 好特式. 第二是 活伊勢龍蝦兩食，分別是鐵板燒龍蝦和煮龍蝦麵鼓湯.厨師細心的將龍蝦頭, 身分開, 再拆肉, 隨着表演火燒龍蝦頭, 將酒淋在龍蝦頭, 紅紅大火, 很精彩, 很吸引. 之後用龍蝦汁蒜片

很久以前就已經聽過秋田，但是因為甚少到尖沙咀吃飯所以一直沒有到訪這次聖誕終於也有機會一嘗啦！首先登場的是刺身分別有牡丹蝦，拖羅還有一款不知道是什麽牡丹蝦非常鮮美，算是爽甜接下來的是蒸雞蛋白加黑魚子醬，味道不錯還有龍蝦兩食，分別是煮味增湯和炒龍蝦（用蝦頭的蝦黃做成燒汁）另外，鮑魚也是新鮮的，在鐵板上還動來動去，就是有點殘忍突然間驚喜到了，廚師為了迎合節日主題，用櫻花蝦，米，蔥等材料做成小熊炒飯，還讓大家拍照，制造氣氛最後是廚師的特別服務，有送我們免費的銅鑼燒，果然和普通配上日本抹茶雪糕非常幸福！

慶祝周年紀念當然要食好D, 搵左一輪想試下呢間高質鐵板燒, 訂左枱黎到就入得.要左二人餐, 唔洗諗又多野食. 先黎個沙律, 幾新鮮夠開胃. 仲有餐前小食, 魚乾幾香口.外型得意既魚子蒸蛋, 蛋好滑, 流入口, 魚子夠鮮味.拖羅刺身, 肉質夠晒肥美, 夠鮮甜, 肉質彈牙. 跟手係龍蝦同銀鱈魚柳, 龍蝦比師傅輕易拆骨, 燒得剛剛好所以好爽口彈牙, 鮮甜海鮮味齒甲留香. 銀鱈魚柳都好新鮮, 肉質好彈牙.煎鵝肝, 夠晒飽滿肥美, 入口即溶, 非常美味.追加鮑魚同生蠔, 鮑魚放上煎PAN上面仲郁緊, 好爽口彈牙, 好有咬口. 生蠔夠鮮味肥美.仲有好正和牛燒, 肉質嫩滑, 而且脂肪均勻, 夠晒JUICY, 而且肉味濃.仲有炒飯, 飯炒到一粒粒剛剛好, 配料都幾多, 連炒飯都可以炒得咁正最後就係即整豆沙餅, 鍋餅煎一煎香口D, 中間紅豆唔太甜, 剛剛好, 為呢餐畫上完滿句號.

同事當中也有吃貨推介過我這家鐵板燒專門店，那次他們一家為世伯慶生，當晚便給我連發多張豐富食物相跟我分享，這次到小妹生日，終於可以一嘗這家的鐵板燒質素如何，而前一天已經左思右想究竟請師傅給我弄一個小小兵抑或海綿寶寶炒飯好﹔這晚選擇了「秋田」二人前套餐($668/每位)，當中澳洲頂級和牛薄燒可以加$250改為澳洲和牛扒，雖然套餐份量有點多，不過生日嘛吃得豐富一點也讓肚皮稍為放縱一次半次﹔點餐後不久，便送上小食和沙律，粟米、沙律菜、番茄和紅腰豆用胡麻醬伴勻，似是大雜燴一樣，對沙律興趣不大，反而僅得一粒的日本番薯，入口微粉質地帶甘甜，吃罷，晚餐正式開始﹔先是魚子蒸蛋，師傅在面前蒸蛋，臨上菜時再加上黑魚子，蒸蛋軟硬度適中入口滑溜，吃出蛋香的鮮甜味﹔接著下來是活伊勢龍蝦，師傅先解釋會先將龍蝦頭、身分開，拆肉後會再用龍蝦汁煮熟，味道更突出、濃郁，中途會加上表演火燒龍蝦，將龍蝦頭淋酒，此時便是每檯食客「相機影先」的指定動作，一下子火便湧上來，後面檯的大媽們看得興奮還忍不住拍手叫好，不過，要是問我龍蝦肉味道如何，我還是喜歡吃出龍蝦的鮮味較多，蒜蓉龍蝦汁較咸反而遮蓋了龍蝦肉的鮮味，不過值得一讚是肉質夠嫩，

Akita Signature fried riceLotso or Minions?🍚招牌秋田炒飯真係好可愛！鐵板上嘅勞蘇同Stuart，準備比人炒埋一碟，變咗櫻花蝦黑椒炒飯。味道真係唔錯，先係食到黑椒嘅微辣，然後帶出櫻花蝦鮮味的咸香。蛋香濃郁，喺鐵板上炒完熱辣辣咁上枱，好過引呀！

生日好開心！應朋友邀嚟食呢一餐矜貴嘅鐵板之夜！由於一早book定檯，所以唔使等。準時到達樓下，要搭lift上一層，店內燈光昏暗，只有廚師bar位燈光比較光，一下子都未睇到個整體裝修。被店員安排到鐵板bar位置，估計呢個L型bar檯可以坐到8位客人左右，亦有不少日系裝飾佈置。今餐由朋友拍板點餐，點咗一個二人餐。未上餐前，店員先遞上餐前小食，每人一份！一邊食住小食一邊傾下偈，感覺唔錯哦！小食都擺得相當有心思～再嚟一小碗蔬菜沙律，好新鮮喎！第一道遞上嘅係只得兩片嘅拖羅，基本上我係好怕喺香港食吞拿魚，因為好難遇啱好食嘅，通常都肉質偏鞋偏乾！但呢兩塊拖羅就唔同咁講！肉質嫩滑、入口易溶，冇筋，相當肥美，重點唔腥！正呀！！黑魚子蒸蛋將原隻雞蛋殻去頂去蒸，蛋滑香溜，加埋超多嘅黑魚子⋯好滿足哦！師傅將生猛龍蝦拎出嚟，當住客人面前處理，手起刀落，蝦身去殻起肉，再用火炙！龍蝦肉質爽彈清甜，非常新鮮！蝦頭用嚟另制麵豉湯，令有一番風味！鮮鮑魚原隻鐵板燒炮製，再切開小件上碟，但味道卻過火，好咸！肉質鮮嫩還可以。鵝肝香煎，配上香脆法式麵包，鵝肝味特濃，體積都幾大件，入口肝油滿瀉，滿佈口腔，罪惡感好重！但真係好好味！

第二次來到秋田，2月份去灣仔分店，今次與同事們Dinner就來了這分店。個人覺得前菜還是「蟹籽蒸蛋」比「鵝肝黑魚子蒸蛋」好食。另外，其他的飽魚、龍蝦、虎蝦、和牛、元貝...也很不錯^^最後，甜品-現烤豆沙餅 和 綠茶味雪糕都好好味！不過可能廚師師傅人手不夠，覺得上菜速度有點慢哦～