秋田鐵板燒刺身專門店

營業中

休息中

日本料理中以浜燒最為注重食材的新鮮度，經友人推介，便來吃個晚餐。這𥚃有兩間舖，一邊是鐡板燒，另一邊是浜燒。這𥚃有多款套餐，我們要了二人套餐$488位。點完餐後，店員送上一盆赤蝦，只可以以一拿，拿得多少便可以免費享用。我拿了11隻，選擇了一半燒，一半刺身，燒的很香，而刺身鮮甜爽口。前菜是河豚魚乾，魚乾上枱時，香氣四溢，點些沙律醬，更加可以提鮮。九州松葉蟹，蟹肉經過浜燒之後，蟹的鮮味去到了極點，不需加上任何醬汁，已經是絕更美食。青森殘酷網鮑，店員將活生生的鮑魚，燒成半熟，之後拿回廚房去除內臟，回來後再以香草牛油，帶出了鮑魚的鮮味，由於是生燒，看著鮑魚在鐡網上燒到半熟，所以取名為殘酷網鮑。兵庫縣直送磨蠔，來自日本的磨蠔，蠔味不算濃郁，不過非常鮮甜。北海道帆立貝，由於新鮮，所以店員加了些清酒和鰹魚汁，已經令到帆立貝的味道，變得更鮮甜。人氣蟹味噌甲羅燒，味道甘香鮮美，搽上米通吃，又香又脆。山之惠黑松露茸野菌箔燒，野菌加上黑松露的香氣，很有田園的感覺。清酒昆布大蜆煮，每隻大蜆都吸收了酒香，爽甜中帶點脆。鐵板燒椰菜炒拉麵，拉麵煙煙靭靭，鑊氣十足，味道適中。今晚的甜品是芝麻雪糕，味道香甜，吃完美味浜燒

呢間位於尖沙咀天文台臺道附近嘅日式料理燒烤🔥店原來已經開咗10年，專門提供鐵板燒同埋爐端燒。網上搵資料先知如果你哋嚟食鐵板燒，食到「招牌秋田炒飯」🍚時，可預早跟師傅講定公仔🤪嘅要求，佢哋就會按你想要嘅公仔利用炒飯整出嚟，非常得意吸睛！😍😍😍.今次阿叔約咗朋友👩🏻出嚟吹水發洩🗣，唔想諗食咩，一於叫個二人套餐，套餐包晒以下食物：- 2款前付：河豚魚干🐡、清酒昆布大蜆煮- 6款浜燒料理：松葉蟹腳🦀、青森網鮑、兵庫縣播磨蠔、紐西蘭羊架🐑、蟹味噌甲羅燒🦀、野菌箔燒- 茶漬飯🍚及甜品🍨.上餐前，服務員會同你先玩「一手拎海蝦🦐」小遊戲，拎到幾多，你就可以食幾多。雖然免費小遊戲，但海蝦尺寸都唔細，而且都幾鮮甜，抵！👍🏼👍🏼👍🏼.玩完食完後，服務員就會好細心為你浜燒其餘套餐嘅海鮮。當中阿叔最鍾意網鮑，鮮甜鮑魚、肉質彈牙，絕對推介🤤；蟹味噌甲羅燒夠邪惡，蟹蓋上放咗松葉蟹膏、蟹肉同埋生鵪鶉蛋，好味到喊😭！成個餐非常飽肚，每位$498，以後跟朋友生日慶祝又多一個場地選擇喇！😊😊😊

是日又開公數, 同客食飯, 揀間好食又要抵食嘅鐵板燒, 揀咗好耐就嚟試吓秋田, 今次嚟我哋全主打海鮮, 都食得幾豪吓漬物牛旁漬 - 本人係好鐘意食牛旁漬, 自己屋企都會整嚟食, 醬油味鹹咗少少, 好入味, 脆口無渣, 合格以上醬油魚乾 - 入味唔柴口, 有汁, 好吃酸蕎頭 - 正正常常胡麻沙律正正常常無乜特別燒雞泡魚乾唔柴口, 有肉汁, 肉係甜嘅魚籽鵝肝蒸蛋魚籽咸香味, 鵝肝油嘅濃郁甜香味再加上蛋蒸得滑溜, 三者配合得好好, 好立體, 好吃。活伊勢龍蝦伊勢蝦肉爽脆嫩滑, 好甜, 好彈牙, 蝦肉彈得來結實, 理應是因為鐵板傳熱效果迅速可以快速使龍蝦整熟, 以唔會整得太老, 好吃。南非黑飽鮑魚嘅肉質非常鮮, 唔點任何既醬汁都非常夠味, 肉質柔軟, 唔會燒到好乾身, 好吃鱈場蟹當晚重點鱈場蟹, 足有6斤, 兩食, 分別為刺身及燒烤刺身蟹甘甜得很, 鮮味及甜味分明, 非常好吃, 再配蟹膏醬同吃, 不得了。燒烤同樣甘甜, 烤煮鱈場蟹腳食味還昇華了, 甜度再昇, 肉質彈牙, 加香味, 更為好吃。招牌秋田炒飯到炒飯環節，如果有特別要求，可以預先同餐廳師傅講定要啲咩公仔，佢會整比你。客戶要求熊大及Sa

同朋友終於夾到一齊放假，可以食好野，朋友一直好想食日式鐵板燒，即上openrice search下有邊間評價高啦，見到秋田排名都高，即刻打去訂位。 終於來到星期六中午啦，地點係尖沙咀，好方便。每枱大概8個位 都會有師傅係面前燒我同朋友各自點了午市料理一人套餐前菜就有田園沙律同三文魚子蒸蛋😍蒸蛋加魚子真係好好味👍🏽👍🏽驚喜我就選擇大虎蝦，好香啊！師傅好快手就拆左肉，仲有少少蝦膏，正啊！朋友就點鵝肝，煎得岩岩好！主菜 我地都一樣揀美國小牛扒4oz揀左5成熟，夠哂林，岩岩好！大蜆麵噌湯，炒飯唔會太乾身，炒野菜最後仲有個甜品 就係誠實豆沙包😂黎作結整體黎講每人都係200蚊左右 有呢個質素 絕對值得再黎

同男朋友慶祝周年紀念當要食好啲啦今日嚟到天文台道到呢一間食即燒海鮮我哋叫咗二人套餐 咁就乜都唔使自己諗店舖做緊遊戲優惠 只要人均消費滿300 就可以玩{一手赤蝦}一手拎到幾多就可以免費食到幾多食海鮮之前刺身梗係唔少得啦食得出刺身係日本空運非常新鮮海鮮全部都入口即溶尤其是三文魚非常之甘香店員會喺我哋張枱側邊幫我地即燒海鮮 唔使自己落手 十分期待今晚既海鮮大餐鮑魚嘅肉質非常鮮 就算唔點任何既醬汁都非常夠味 肉質柔軟 唔會燒到好乾身帆立貝令我一試難忘 帆立貝加入左店員親自為我地調製嘅醬汁 好鮮甜亦爽口彈牙食水產又點可以唔食甲羅燒呢賣相非常吸睛 香味非常濃郁 蟹味非常突出滿滿鮮味嘅海產味道 配搭米通令到味道層次更為豐富從未食過如此厚切燒河豚魚干 燒得香之餘唔覺乾同靭

每年寶貝生日梗係要食秋田，佢話只有秋田先係正中鐵板燒喎。。。不過今年佢要遊學，唯有返嚟補祝生日食啦！餐牌例牌咁多年都係一樣，我地都係一樣揀同樣嘅嘢食。。。由於我地有三組人，師父慢慢做，食吓停吓咁就食咗三個鍾，水準依舊，係5令我地失望！不枉寶貝每年必選

今年生日，男朋友一手一腳安排，食咩晚飯自然都係佢安排啦。全日都好期待，好想知佢帶藍妹食咩好西。😍去到既時候終於知道啦！原來係鐵板燒！可能之前食過一間鐵板燒放題，貴又唔好食，所以為左彌補遺憾，佢揀左呢間去幫藍妹慶祝。😊呢種比較貴既鐵板燒，每枱都會有師傅專人係面前燒每道菜，睇得又食得。😏—因為上載照片有限，所以只係揀中啲去重點講，實際上食多過post出黎既。我地揀左「＂秋田＂二人前套餐AKITA」。河豚乾正式開始之前，會煎個河豚乾比每位客人食左先。藍妹係第一次食河豚乾，覺得好好食。魚乾味好濃郁，夾雜少少甜味，好有咬口。😬—魚籽鵝肝蒸蛋鵝肝比好多魚籽遮住左，睇唔到。😂小小一隻雞蛋，真係估唔到咁好食。魚籽既咸香味，配埋鵝肝油，同滑溜既蛋一齊食，真係回味無窮。🤤—西京銀鱈魚柳呢個鱈魚柳真係藍妹呢幾年食過最好食既！😵大大塊不在話，魚肉真係好滑，而且魚油非常多，食落口超甘香。食完一啖忍唔住食第二啖，食哂仲覺得意猶未盡。😖—活伊勢龍蝦半尾每個人會有龍蝦半隻，睇住個師傅好有功架咁，三兩下手勢將隻龍蝦拆肉。😏拆好肉之後，再將龍蝦頭裡面既蝦膏加啲牛油（仲有其他唔知係咩既野），當做汁咁炒香佢。😱蝦肉非常彈牙，

第一次喺秋田食鐵板燒， 因平時食鐵板燒大多數在 銅鑼灣 ， 今次朋友介紹呢一間 令我有意外嘅驚喜， 店舖細細， 環境清靜 ，但係服務態度就一流， 本人第一次在香港食午餐鐵板燒有一種慢活嘅感覺， 鐵板師傅非常之有禮貌 又細心，每煮一樣食材都會先問問我們想要幾成熟， 又問我們有什麼意見， 很虛心聆聽我和友人 的每一個要求💯！ 最後仲問我們 喜不喜歡吃炒飯🍚可以幫我們 加多一些份量， 但我和友人已經很飽😝所以只是說平常的分量便足夠🎊🍾， 未試過在香港食午餐鐵板燒可以食得咁飽😸😍

老實講呢秋田食咗無數咁多次飯，咁多年嚟我哋都咁鍾意得閒無事就會嚟。除咗食物唔會失望之外，壽司師傅態度友善有心機處理食材， 都係可以留住食客的肚今日忽發奇想食日本嘢，九龍區又諗唔到當然去返自己熟悉的地方啦！只不過咁,之前上烹飪班食到好飽... 我就食曬所有魚生類別，壽司冇食不過睇個樣都知好掂 最尾的魚湯都係真心足料，完全沒有肉味。食到飽嘅朋友可以淨係要湯加蔬菜，唔夠飽仲可以加烏冬！甜品係密木瓜，其實係木瓜的一種，不過混種。總之甜到漏啦

一直想試下呢間鐵板燒，好多人都推薦我去食，今日另一半生日，咁就破費試下啦，早幾個星期就book左位，因為我唔知道呢到滿唔滿坐，加上因為生日想有小小驚喜，可能我係第一批1800開始，所以人流唔算多，大概到1930開始就滿座啦我點左 (秋田) 兩人套餐 七百幾 一位一開始有個沙律，普通唔需要有期望呢個係師父係鐵板燒整既第一道美食，裏面放左一粒鵝肝已經好有味同非常肥美啊，蛋又滑魚子即整雞泡魚干，熱辣辣正啊！龍蝦🦞原隻新鮮放係係鐵板燒上面整，肉質正，好咬口！重點係個汁都係🦞，好好味！莫名其妙既鮮甜每人兩粒，都係普通既帶子！澳洲既牛 5成熟 好好味，肉汁分明普通既湯牛油味重既菜最後好有誠意既生日快樂同自選公仔環節最近炒成咁，好正好好味，好香口最後既甜品，豆沙餅，個餅有點甜最後一年一次食係會覺得好好味！2個人食真係好飽，因為份量都多

其實我幾鍾意食鐵板燒，三五知己一大班人圍住，望住師傅烹調技巧、飲下清酒🍶感受氣氛，真係好冶癒㗎😍😍澳洲黑邊鮑😱前所未見仲大個隻手掌嘅鮑魚，隻鮑魚極度新鮮一路燒一路郁，加上師傅嘅烹調技巧、師傅切片煮得啱啱好，好滑好易入口👍🏻👍🏻👍🏻黑魚子鵝肝蒸蛋，蛋好滑又粒粒鵝肝油味💕💕龍蝦肉龍蝦骨嚟煲湯，個湯好鮮甜最緊要係師傅技術精湛，燒龍蝦環節好有睇頭，玩到勁大火，睇到我哋一班人大叫讚好，氣氛相當熱烈👏🏻👏🏻👏🏻

每次食鐵板燒，都覺得自己係全世界最幸福嘅人哈哈！今日因為家有囍事所以要好好慶祝一下！YEAH！又有藉口！牛奶仔帶咗我黎到呢間過百LIKE嘅鐵板燒，一於試試佢龍定鳳～一坐低就要揀食咩SET，因為佢都有好幾款，最近牛奶仔就話叫個入門海鮮版黎HAPPY下啦～好嘢～前菜有六款，見到螺肉同蛋就心心眼，賣飛佛啊簡直。咁開心點小得啤酒～呢到生啤酒比想像中平，計埋加一唔駛50$一杯。首先上嘅係鮮三文魚子蒸原殼蛋，又係蛋啊太開心，用蒸可以食真個濃郁蛋味。 原隻鮑魚環節，南非原殼唔係浪得虛名，好彈牙，燒都可以一啲都唔韌，勁！ 到重頭戲龍蝦同帶子當然都唔會失望，新鮮食材配哂師傅廚藝，帶子加小小上湯十分JUICY。 鵝肝配麵包，咁大塊鵝肝真係夠哂喉。同埋增添返小小飽肚感 ^_^ 炒飯仲會因應食客整唔同卞通都仲得，好QQ喎！又係SNAP SHOT一百張嘅時候~ 整完再炒返飯，一啲都唔浪費，加埋櫻花蝦同調味料，又係一碗粒粒分明嘅秋田特式炒飯～雖然等候時間比較長，但因為都係師傅用心烹調，所以比小小耐性是值得的！

前菜是即場做的雞泡魚干和魚子鵝肝蒸蛋。雞泡魚干鮮味，而蒸蛋的配料十分足夠。龍蝦，銀鱈魚和帶子都具份量和新鮮。鐵板燒師傅把味道調得剛剛好😋我們不用另外點醬汁。鵝肝做得十分出色！師傅把它煎得外脆內軟以及使用了紅酒調味令人回味無窮！A五日本和牛用了切粒的方式烹調，入口即溶，也是令人食慾大增！甜品是銅鑼燒配綠茶雪糕。 即做的熱辣辣銅鑼燒外脆內軟甜味適中，綠茶雪糕夾在中間令食客的味覺有很強的衝擊！💥

其實咁多年經常去秋田食飯，鐵板燒食過好多次，壽司又食過無數次。而家再返嚟幫襯因為以前個大廚返咗嚟 🎉所以我哋都食多咗omakase 佢夜晚都係收$850+10% 熟客仲有九折其實真係好抵 仲有好多相post唔到出嚟，但係其實次次都好飽！ 大廚勁多熟客，你如果乜嘢都食嘅話就可以揀廚師發板，但係你亦都可以自己點壽司食。想食咩同大廚講你的要求 🍣每一次去食飯最緊要就係佢個魚湯 🍲!! 佢個魚湯係用好多魚去煲，真係好甜唔夠飽嘅話仲可以加烏冬！全部真材實料而且回頭客極多🎏 除咗出品不錯之外， 裏面嘅staff亦都非常之友善，全部都friend曬，次次食飯都勁開心！

呢間嘢食個廚師幾細心。整體都唔錯11個朋友慶祝生日 啲嘢全部好新鮮 可以再嚟多次 廚師仲送咗支清酒俾我哋飲。價錢有啲貴不過 可以生日再嚟食多次。廚師風趣幽默 嘢食新鮮度不得了