秋田鐵板燒刺身專門店

營業中

休息中

今日心血來潮想食鐵板燒經朋友很多次介紹嘅日式鐵板燒秋田,打電話book枱,餐廳同事好有耐性,問我有冇特別日子慶祝,仲提我生日有蛋糕送,當我一嚟到餐廳周圍環境有少少年齡嘅裝修,但畀我感覺都比較乾淨乾淨企理,坐低落完單之後鐵板師傅幾細心問我問有冇對咩食物敏感蟹肉鮮甜本人至愛鵝肝配黑醋香而不膩帶子面柚子胡椒酱,有一種特別嘅味道海草忌廉汁有點驚喜最後師傅都好有心機砌咗個公仔

女朋友生日過黎試下 因為見到有得整公仔俾人影相 幾特別。開頭有魚子鵝肝蒸蛋 好滑好好味 師傅仲送左塊雞泡魚干俾我地食😋龍蝦鮮甜、彈牙  ！師傅會將🦞膏挖出黎做汁  、勁好味🤤然後龍蝦頭會放火燒一下（一定要拎手機出黎錄低 好靚😍）  再拎去煲湯鮑魚放上鐵板個陣好鬼生猛    係咁左右扭😂，食落非常有咬口，加埋個鮑汁 真係絕配試過就知😂唔識講牛肉味幾重  蔥加蒜片幾香口鵝肝配多士，鵝肝嘅油脂好重 而且煎到外脆內軟 ，擺設亦唔錯  影相一流食哂野之後會砌公仔同寫字😍好得意 。

海鮮非常新鮮，生猛到差啲喺鐵板逃跑。煮龍蝦嘅時候，有放火moment, 打卡位一。龍蝦蝦肉彈牙，配埋龍蝦膏汁，味道昇華。鵝肝多士好足料，目測1-1.5 cm 厚度，如果怕膩，仲有黑醋汁蘸。薄燒牛，有得揀熟嘅程度，入口即融。生日有驚喜，有時令海鮮（燒蠔） + 芝士蛋糕送。 打卡位2：公仔炒飯100% match ，師傅手勢畫畫能力good服務方面：職員會睇你食完一道，先會再煮下一道菜式。職員好細心幫我睇啱角度，背景影相，仲比我哋入咗廚師領域比我哋打卡。美中不足嘅係：炒飯味道略淡，本身唔係幾食櫻花蝦，有d 乾身。龍蝦麵豉湯無咩龍蝦味

同屋企人慶祝生日，佢提議黎呢間食鐵板燒，其實佢地已經喺尖沙咀好多年㗎喇～一路都覺得幾值得去，因為lunch set只係198起✨🐾楓（$208）💛💛💛💛🖤呢個係成個setstarters有田園沙律、三文魚籽原殼蒸蛋沙律落左柚子醋，好開胃～而蒸蛋係好滑溜，一隻根本唔夠🤣海鮮可以揀一款（虎蝦、鵝肝、銀鱈魚柳、帶子同螺片），我就揀左鵝肝，見到主廚煎得好靚，多士用牛油黎烘，鵝肝外脆內軟，好好食😋肉類都係揀一款（脆蒜片青蔥美國牛肉薄燒卷、脆蒜片美國牛小排同西班牙伊比利亞黑毛豬），我揀左薄燒卷，因為唔鍾意牛排可能有筋，難咬🤣，薄燒牛肉連埋脆蒜片同蔥一齊咬口感好豐富！跟住仲有鐵板炒飯同炒野菜，啲飯粒唔會濕luplup，粒粒分明，師傅會落櫻花蝦、蔥、蛋、蘿蔔粒等等，如果有唔食既材料記得同佢講～佢會唔落！炒野菜就普普通通，冇乜特別✨最後就係每次黎都期待既銅鑼燒！如果你想要多啲紅豆蓉係可以提出的😋紅豆蓉完全唔甜，而兩塊pancake就帶少少甜，啱啲唔鍾意死甜既人～✨要注意，lunch set先係咁平🤣夜晚就唔係一樣價錢～整體推薦指數：💛💛💛💛🖤

已經是第二次食秋田鐵板燒Encore 有幾個原因，首先就係服務好！我地都未落車，已經有個靚女係天文台圍斜坡等住幫你parking, friendly到不得了！park左成5個鐘… 都係$140，抵！而且，成餐飯起碼一個廚.. 一個waitress 全程service 你一圍！大家一齊飲，很高興！今次係食lunch，就沒有食很多…沙律🥗、燒雞泡魚干作為前菜，standard好食蒸雞蛋🥚好夠滑，待應話係師傅逐隻雞蛋殼剪… 哈哈😆唔知真唔真鵝肝麵包🦢 兩次都有食，火侯剛剛好，非常軟滑，膽固醇之選！大蝦、鮑魚、和牛… 本身食材都很好，鑊氣十足，無得唔好食！炒飯就夠乾身…. 粒粒分明，但就味道略淡… 無想添飯😅😅銅鑼燒、雪糕🍦正常發揮，合格，無驚喜！另一個去秋田食lunch的好處就係… privacy高…. 8人一圍自成一角…. 無左限聚令，可以座夠12人添！食完個lunch….4點仲可以轉去諾士佛台飲一round… 7點剛好回家照顧家人，哈哈！Happy day 🌝

好耐都未食過鐵板燒，呢間都係第一次食，估唔到有好大嘅驚喜，佢有唔同嘅套餐或者散嗌，我哋嗌咗個⭐️橫濱二人前套餐⭐️裏面包括有:🥗季節沙律🥚魚籽鵝肝蒸蛋🇦🇺原隻鮮活澳洲黑邊鮑魚🦐珍寶大虎蝦🦆香煎頂級鵝肝或香煎北海道帆立貝🐮自選牛肉鐵板燒🍚秋田炒飯🥦炒椰菜🍲虎蝦清湯🍨精選甜品🐮鹿兒島霜降和牛薄燒卷或厚燒，呢個套餐$1388/一位，套餐超級豐富，味道都非常值得一讚，介紹吓裏面啲菜式先😋😋🥚魚籽鵝肝蒸蛋:底層係蛋，上層佈滿黑魚籽，造型特別，佢蒸蛋嘅時間真係控制得啱啱好，每一啖都係好滑好重蛋味，而魚籽鵝肝作一個配搭，兩樣較為濃郁嘅食材同蛋融為一體，味道非常鮮甜👍🏻👍🏻🇦🇺原隻鮮活澳洲黑邊鮑魚:師傅會預備好食材，例如鮑魚龍蝦都會即場烹調，之後佢就喺鐵板上煎炒，原隻鮑魚本身非常新鮮厚肉之餘都好大隻，經過烹調切片呈上，真係非常爽口彈牙，完全唔使加任何調理料都可以將鮑魚嘅鮮味帶出😋😋🦐珍寶大虎蝦:又到師傅表演嘅時候喇，重點出場既大虎蝦啦，超級新鮮，見住由生煮到熟再切粒，成個過程好精彩😂😂又噴晒火咁，師傅仲好風趣，關心我哋對食物嘅味道同質素，又傾下計咁，好開心享受咗一餐豐富嘅晚餐，大蝦都係一樣，鮮味俱全，話明

今日慶祝週年諗住食吓啲高檔嘢。見依間餐廳可以整公仔樣炒飯幾啱打卡。類似柚子醋沙律。酸酸哋。開胃。正常。魚子蒸蛋。一啖食晒。無乜魚子味。淡淡的蒸蛋。雞泡魚乾。燒到幾香。食落好似魷魚絲咁。不錯。龍蝦。有蝦膏香味。新鮮龍蝦一路燒一路郁。肉爽口彈牙。得三舊。鮑魚。有啲昆布。唔知係鮑魚未熟得透定點。有啲生味。個汁好食。有牛油香草味。配爽口唔靭鮑魚很夾。鵝肝多士。鵝肝夠大。同多士一比一。但一齊食會比包味搶。反而要就咁食鵝肝厚切和牛。比想像中簿。入口幾乎即溶。不過都係一舊舊係咁。有啲都有筋。有油香。就咁食已經好正。側邊脆脆越食越苦唔知咩玩法。龍蝦清湯。清甜嘅面豉湯咁。無乜龍蝦味。麻麻哋。炒雜菜。有穫氣。正常。有個櫻花蝦炒飯無影。無乜味。啲飯有啲生硬嘅感覺。甜品係紅豆燒餅。普普通通。綠茶雪糕綠茶味都係普通。總結。食材大部分都新鮮嘅。但份量比較少。味道可以嘅。環境都舒服。價錢就相對下太貴。

今日到咗下晝三點，老公帶我去尖沙咀食好嘢，鐵板燒。係天文台圍秋田，可能落場時間，餐廳近乎得我同老公兩個人二人世界。🥰🥰叫咗個平靚正套餐$350一個人，食過之後覺得性價比好高。有前菜，海鮮，肉類，炒飯，湯，甜品我地另外加左兩杯野飲：柚子梳打& 啤酒。如果唔加嘢飲，餐廳都有提供茶，是免費的餐廳環境都好日式，最緊要好寧靜，清潔衛生，睇得出廚師嘅工架十足，每煮一道菜都好細心，每一個步驟都好細緻。埋單$9xx ，是性價比好高的鐵板燒😘

✿ 『楓』Mepuru 午市鐵板燒set $208去到尖沙咀唔知食咩好 見到呢間鐵板燒好似好抵食咁就入去試下～佢地既lunch set有『櫻』Sakura $198、『楓』Mepuru $208、『菊』Kiku $298、『桃』Pichi $350 四款✨第一次黎試我同朋友就揀咗『楓』Mepuru 午市鐵板燒set 黎試下 有得試唒海鮮同牛肉 好抵食～❈ 𝙎𝙩𝙖𝙧𝙩𝙚𝙧 - 田園沙律 ❈係個好普通既沙律🥗上面有啲粟米、車厘茄同埋蘆薈粒🍅🌽仲有幾粒迷你番薯仔喺面🍠雖然各樣配料味道都唔錯 但係個人覺得呢個配搭有啲奇怪(´･_･`)❈ 𝙎𝙩𝙖𝙧𝙩𝙚𝙧 - 鮮三文魚子蒸原殼蛋 ❈呢度比較特別係佢既茶碗蒸係用返原本既蛋殼黎蒸 蒸蛋口感好順滑 蛋香好濃🥚配埋爽脆既三文魚籽同飛魚籽一齊食口感更加豐富～❈ 𝙎𝙚𝙖𝙛𝙤𝙤𝙙 - 香煎頂級鵝肝 ❈以呢個價錢黎講 塊鵝肝都算幾厚切🍞 入口油脂感好重 配埋烤到脆身既多士一齊食超滿足!!❈ 𝘽𝙚𝙚𝙛 - 脆蒜片青蔥𝙐𝙎𝘿𝘼美國牛肉薄燒卷 ❈牛肉我揀咗薄燒牛肉卷🥩 薄燒牛肉既牛味好重 配埋包埋喺牛肉裏面既青蔥一齊食 減輕咗牛肉既油膩感❈ 𝘽𝙚𝙚𝙛 - 脆蒜片美國𝙐

同舊同事好耐都冇見，約左出黎食鐵板燒，好彩趕得切喺禁堂食之前嘅日子食晚飯，如果唔係又要好一段時間先約到出黎一齊食晚飯啦！之前都已經食過幾間日式鐵板燒，而呢間餐廳之前聽好多朋友食過都讚不絕口！今次我地一班人食完之後覺得真係好正，下次會再黎食過😄海膽刺身-好鮮甜，令人食唔停口阿拉斯加長腳蟹-燒完之後好juicy,蟹味好濃👍🏻魚子蒸蛋-味道唔錯鵝肝多士-外脆內軟，好味到唔停得口😋龍蝦同鮑魚-夠哂juicy而且好嫩滑，正👍🏻炒飯-最尾呢個炒飯好惹味，作為今餐嘅結尾一流

猶記得10年前來過慶祝紀念日，今次家人生日，再次揀選呢間鐵板燒慶祝。訂枱時話只可以選兩個時段，我選了1點半。一行6人我地準時到達並點菜。當時房間內冷氣都未開，有陣潮濕油煙未，感覺頗舊，但可以接受。因為係生日飯，之前上網見到食評有件小小蛋糕仔加生日牌，趁壽星主角未到時，向女經理表示有人生日可否安排，女經理表示ok.之後點完菜，女經理走來我旁邊，話未能安排因為只有晚巿才可供應。我於是提議，在鐵板上寫個生日快樂可以嗎？她說可以。我冇要求畫公仔。到食到最後的甜品，㕑師講埋多謝byebye, 都毫無表示話要寫個生日快樂，感覺奇怪。然後食緊雪糕，女經理又突然送上兩件蛋糕，令人莫名其妙，but anyway, thanks. 其實我想講，送一小件cake, 唔使咁孤寒既，客人來到你店慶祝生日，你都想俾個美好體驗客人，對嗎？而我地食到3點幾，明白你地要“落場“，我地個雪糕都未食完，你地就走黎表示要清場催促我地，而且係你㕑師煮得慢，要是你咁急落場，何必要人book 1點半? 周末時間，目測其實你地係好冷清，已經不復當年book到爆晒的日子。

想食鐵板燒但又唔食牛嘅人黎講，要搵一間餐廳食鐵板燒，真係唔係易事😭。咁岩秋田就有個餐岩哂唔食牛嘅人喇！我哋分別叫咗一個「楓」同一個「菊」。Starter1️⃣田園沙律個沙律好豐富，上邊有好多蘆薈粒，下面都有唔同顏色嘅蔬菜，仲有甜番薯添，色彩繽紛❣️2️⃣鮮三文魚籽蒸原殼蛋好似平平無奇既蒸蛋，但味道好好食，有濃濃嘅蛋香，去買三文魚籽，簡直係絕配！我老公食完一隻，仲想encore。😅Prime Seafood「菊」鮮活原隻南非鮑魚我哋睇住隻鮑魚一路燒一路郁動，證明佢真係好新鮮。廚師仲會幫你自動一口一啖，好細心！鮑魚亦都係燒到啱啱好，唔會好似咬橡筋咁！👍🏻Seafood「楓」西京燒銀雪魚柳🐟魚質好嫩滑，包含住香濃嘅魚油味，正！「菊」香煎頂級鵝肝多士燒得好脆，亦都吸收左鵝肝嘅油脂香味，上面加埋燒得剛好既鵝肝，好食！😋Main西班牙伊比利亞黑毛豬🐷佢嘅黑毛豬絕對唔細份，配埋香脆嘅蒜片簡直係絕配！😍Compliments魚香味增汁，秋田特式炒飯，炒雜菜🥬，飲料我哋冇叫廚師整特別造型飯，所以佢就炒咗個櫻花蝦炒飯俾我哋。雖然冇得打卡，但味道好好食😋。亦都好足料！我哋食完個肉類，就已經好飽，所以放心一定夠食！最後

想食鐵板燒但又唔食牛嘅人黎講，要搵一間餐廳食鐵板燒，真係唔係易事😭。咁岩秋田就有個餐岩哂唔食牛嘅人喇！我哋分別叫咗一個「楓」同一個「菊」。Starter1️⃣田園沙律個沙律好豐富，上邊有好多蘆薈粒，下面都有唔同顏色嘅蔬菜，仲有甜番薯添，色彩繽紛❣️2️⃣鮮三文魚籽蒸原殼蛋好似平平無奇既蒸蛋，但味道好好食，有濃濃嘅蛋香，去買三文魚籽，簡直係絕配！我老公食完一隻，仲想encore。😅Prime Seafood「菊」鮮活原隻南非鮑魚我哋睇住隻鮑魚一路燒一路郁動，證明佢真係好新鮮。廚師仲會幫你自動一口一啖，好細心！鮑魚亦都係燒到啱啱好，唔會好似咬橡筋咁！👍🏻Seafood「楓」西京燒銀雪魚柳🐟魚質好嫩滑，包含住香濃嘅魚油味，正！「菊」香煎頂級鵝肝多士燒得好脆，亦都吸收左鵝肝嘅油脂香味，上面加埋燒得剛好既鵝肝，好食！😋Main西班牙伊比利亞黑毛豬🐷佢嘅黑毛豬絕對唔細份，配埋香脆嘅蒜片簡直係絕配！😍Compliments魚香味增汁，秋田特式炒飯，炒雜菜🥬，飲料我哋冇叫廚師整特別造型飯，所以佢就炒咗個櫻花蝦炒飯俾我哋。雖然冇得打卡，但味道好好食😋。亦都好足料！我哋食完個肉類，就已經好飽，所以放心一定夠食！最後

今日book咗秋田食結婚周年晚餐，訂枱時職員問有冇啲咩特別嘅慶祝日子同埋想廚師畫咩公仔，我就同職員講係結婚周年紀念同埋我鍾意嘅公仔係乜嘢，同埋要求餐廳盡量安排我哋兩個可以自成一角。可惜去到職員只可以安排到一張同對面食客面對面坐嘅座位， 你眼望我眼🙄 上晒菜之後，廚師就為我哋兩台食蝦準備公仔，廚師又問要咩公仔，好明顯book枱時講都係冇意思😅對面嘅食客慶祝生日快樂，廚師將我哋兩個公仔畫埋一齊，然之後將生日快樂及周年快樂寫埋一齊，影相時點避都避唔到😂幫手影相嘅係應該比較高級嘅職員，佢更是詼諧，叫佢盡量避開人哋個公仔，佢反而盡力咁影晒兩個公仔😂仲要影到我地個人鴛鴦面，好彩有個年青d嘅職員聽到，自動拎兩支燈嚟打燈，好impressed!👍🏼👍🏼講返啲食物先，今日叫咗個橫濱二人餐，牛肉叫咗厚切，係開始食呢個Menu之前，廚師會先燒一塊雞泡魚乾俾我哋做snack，係免費嘅，同時上一個菜沙律，之後就開始鐵板燒啦。鵝肝蒸蛋，鵝肝多士好味。而我哋呢個餐每人有一隻大虎蝦，每隻蝦嘅size夠大可以切開三舊，好彈牙，蝦頭會留返去煲湯，煲完湯個蝦頭仲係好多膏同好多肉！之後就係燒鮑魚，隻黑邊鮑有成塊面咁大隻，而且

尖沙咀天文台道搵日食，秋田好去處，坐低叫個套餐，京都魚獲二人前， 包括以下一手蝦遊戲七隻，三燒四刺身好味夾鮮甜1青森殘酷網鮑兩隻輕熟不硬，入口軟清，燒烤合宜。2函館北寄貝一隻帶海水咸味，入口滿意新鮮可口。3北海道帆立貝兩隻或者係紐西蘭草羊架兩件，我哋一每樣一隻帆立貝燒得清甜香口，慢嚐有口感，4人氣蟹黃甲羅燒兩位，味道夠口感，薄餅一片夾住食，蟹黃略咸小小，所以加薄餅。5山之惠黑松露野菌箔燒，黑松露味道濃郁，打開鋁箔，香氣爆發。前付，即到前菜。6河豚魚乾，今次無咁乾口，食落軟身，口感正，燒味剛好。7特上刺身拼盤五點刺身新鮮必食，口香細滑，件件滿意。自選8京都鰻魚茶漬飯或者打鐵板燒椰菜炒拉麵，牛肉或者豚肉，我地咗炒拉麵抄得份量夠，慢慢吃先吃得完。甘味9雪糕，黑芝麻及綠茶。我要芝麻，香啲嘛，綠葉係我個朋友喜歡。每位495，千零蚊結賬，飽飽。