磯野水產

營業中

休息中

上星期結婚周年紀念，太太想吃日式料理，特意過來銅鑼灣這座出名日式餐廳的商廈，看到這一間口碑不錯便決定一試先來一份赤貝刺身，內貨高質，肉質爽口彈牙有貝香味牛舌鋤燒，非常值得推薦，五成熟的牛舌配搭香蔥和炸蒜，店員溫馨提示可以利用鐵板溫度燒至更熟才進食，牛舌牛味香濃，肉質嫩滑，配搭香蔥和炸蒜，非常惹味岩手縣和牛鋤燒，這次晚餐的主角，非常驚喜，脂肪分布非常平均，而且鐵板上更能吃出牛肉的肉香油脂香，以$400價錢能夠吃到這種級數份量的和牛，非常高性價比餐廳知道我和太太結婚周年，特意在甜品上加上裝飾，非常細心，極度推薦這一間食物質素高和服務態度良好的餐廳

呢間磯野水產位於銅鑼灣，算係略有名氣，當天惠顧時，見到有唔少客人幫襯，生意仍然唔錯，餐廳食品包括刺身、壽司、浜燒水產、串燒、一品料理、各式酒類飲品等。浜燒貝類盛盒除左活鮑魚外，仲有四款活貝，分別係大北寄貝、貴妃蚌、文蛤等。大北寄貝經浜燒後，一咬開，非常juicy，鮮味全釋放，而貴妃蚌則加上清酒浜燒，連埋d燒酒飲，好清甜得黎又帶有酒香，非常美味。各款貝類都好鮮甜。活鮑魚: 浜燒鮑魚較普通清蒸的為好食，外層被燒至微焦，但咬開仍好嫩口，不會被燒到乾咗，口感非常良好，啖啖肉，用浜燒既方法處理海鮮，鮮味會較容易鎖在肉內。針魚刺身（時令水產）: 呢款針魚有二食，一是刺身，二是酥炸魚骨；刺身魚肉晶瑩剔透，完美無瑕，魚肉清甜，鮮香，入口爽滑。除左可加日式芥末豉油享用，仲搭配左酸汁，加入薑蓉、蘿蔔蓉及蔥花，味道更佳。鹽燒牛小排: 鹽燒牛小排非常juicy美味，外層微微焦香，中間啲肉仍然粉嫩幼滑，而且牛味濃郁，牛小排呢個部位從來都係十分美味。仲搭配香澀嘅秘製柚子漬作點綴，讚！

同朋友聚會，想坐得好，一路食一路傾偈。都係鍾意揀食日本嘢～午餐揀左磯野海鮮泡菜鍋定食$138 是日前菜係牛蒡～定食可選白蜆湯或柚子茶。白蜆湯相對地特別啲，就揀咗呢個！點知非常驚喜，湯夠清甜，有鮮味！湯入面都唔少蜆肉～個鍋賣相都幾靚，有泡菜，所以辣辣地，湯底有海鮮味。鍋其實相當豐富，有兩隻大大帆立貝，肉質新鮮。大蝦兩隻，隻蝦真係好大隻！仲有配菜金菇、菇等等。定食有飯，食到飽飽！另外跟餐加$20，加咗個炸蠔！好脆好juicy!唔錯！下次會試吓其他午餐！

銅鑼灣呢間日式料理星期六都有午餐供應，而且價錢唔貴，選擇多！好豐富～所有定食配漬物、白蜆湯或柚子茶。可加$20追加指定小食。我揀左人氣嘅磯野盛合$148～配白蜆湯，湯好鮮甜，好好飲！真材實料！仲有好多白蜆，蜆肉亦都鮮甜！我加咗$20再加櫻花蝦豆腐～呢個好特別 ！炸豆腐面上充滿櫻花蝦，令到豆腐外脆之餘，亦都非常有鮮蝦味！入邊豆腐又夠滑😋刺身有三文魚、赤蝦、左口魚；卷物有加州卷；壽司有鰻魚、磯煮鮑魚及黑松露帶子帶子。全部食落都好新鮮😍我好鍾意帶子上面有黑松露，好香！鰻魚又夠肥美。刺身赤蝦大隻爽口！左口魚入口即溶🤤三文魚紋理好靚，夠肥美！呢個餐仲有烏冬，雖然係迷你烏冬，但係份量亦都唔少！餐廳環境舒服，富有日式風味，服務又唔錯！

Went to Isono Suisan for dinner last week and found this restaurant very good. We were first served with the appetizer veggie cup with house made sardine sauce. There were various day special sashimi and we had the Point fish and Geoduck. Both were very fresh and we loved it a lot. Then we had the pan fried garlic beef tongue which was juicy and tender. We also ordered the sweet potatoes tempura and udon soup with clams. Both were very delicious. Last but not least, we had the grilled mackerel.

由於最近想念日本的情緒不停地高漲，加上在股票市場也獲利了不少，於是今日一於大食一餐，享受下十分之美味的美食.平目魚刺身十分之新鮮，這個有白身魚比較有魚味，適合比較淡味人士.活生生的龍蝦加上自家製的醬汁，令這道菜的鮮味提升了不少，達致一個鮮的境界.下次也可以比較簡單一啲，試一試龍蝦刺身. 這個海鮮拼盤十分之豐富包括有北寄貝、文蛤、貴妃、蚌仔、鮑魚，各式各樣的海鮮也充滿了濃濃的海水味，但不得不介紹就是最名貴的鮑魚，鮑魚十分之爽口有彈性，加上廚師的火侯控制得十分之好，令各類海鮮的鮮味也提升了出來.

沒法去旅行，生活的確需要多一個調劑。今晚去了食久違了的日式海鮮大餐，主打浜燒海鮮。餐廳設計充滿日式風格，店員服務態度又很好，氣氛亦高漲。未食正餐，先點日本梅酒，清香易入口，不愛喝酒也會愛上。 再來個浜燒貝類盛合，除了有不同的貝類海鮮，還有鮑魚。貴妃蚌，清爽彈牙，沒有沙，充滿淡淡酒香。而北寄貝大大隻，肉厚，爽口，配昆布湯底，清甜可口。燒鮑魚爽口彈牙，配柚子醬，清新之餘增添鮮味。今晚的主角是龍蝦，外面燒得脆脆的，再鋪上滿滿的醬，配上鮮嫩龍蝦肉，超多肉，超滿足。

小編揀咗呢間位於銅鑼灣的磯野水產同友人慶祝特別日子，好大驚喜，感覺就好似去左日本嘅高級料理😍越後櫻醉樂無極大吟釀🍹食魚生當然唔少得清酒，呢款清酒比較清甜容易入口飲多兩杯都唔會覺得好快上頭，係店員介紹架！有需要都可以叫店員介紹！依佐目刺身🐠呢款依左目刺身就咁食都非常鮮味，之後可以選擇點柚子汁或者芥末，可以帶出鮮味，一試難忘😍依佐目白魚湯🍵魚骨會跟住拿去煮煮魚湯，你碗湯唔係講笑，鮮甜到呢....一定要試！小肌壽司🍱小編第一次食小肌壽司，都非常有趙口，魚味比較濃烈，都好值得一試磯野浜燒貝類盛合（北寄貝，鮑魚，文蛤，貴妃蚌，蚌仔）🦪呢間店最特別的地方係會有店員親自幫你燒烤，唔需要擔心技術問題！最令人深刻的是店員會等你食完每一道菜先再上下一道，唔需要擔心會凍灑，時間控制得啱啱好！！一樣海鮮都別樹一格，非常鮮味，貝殼類更加係好大隻，滿足感爆燈丫。價錢亦都比較經濟實惠丫

最近香港的肺疫情緩和了不少，終於能把一再推遲的閨密生日飯約起來，地點方面打算約在朋友工作地方附近，就突然想到銅鑼灣這家「磯野水產」了。之前跟閨密食過一次，跟她提起這家店時她都非常回味，這樣就決定了我們的生日飯地點了。環境舒服又整潔，職員更會提供小紙袋讓我們放置口罩，好貼心。點餐後隨即送上前菜，前菜是新鮮清爽的蔬菜，配搭餐廳自家調配的多春魚加沙甸魚醬汁，味道好特別。而且餐廳以蠟燭保持醬汁的溫度，令鯷魚醬的咸香更加出色。飲品方面點了蘋果甜酒及巨峰汽酒，兩者的酒味都不濃，適合女仕享用。前者的蘋果較清香，而後者的味道帶點酸，加上汽泡，令人更開胃。海鮮是必點的，浜燒前職員會讓我們先確定海鮮的新鮮，然後在餐廳的中間進行浜燒，客人可以欣賞到師傅整個烹飪的過程。活帆立貝及蟶子浜燒蟶子沒有多餘的調味，更能食出蟶子的鮮味，而且蟶子好肥美，份量多而且口感好爽口，可見師傅控制火侯的功架。帆立貝就有兩種煮法，先食清酒浜燒帆立貝，帆立貝的口感好彈牙且飽滿，加了一點醬油及清酒煮的帆立貝味道好鮮甜。而再來的就是牛油黑松露浜燒活帆立貝，這個煮法更加惹味，一上菜就聞到好濃的松露香味，味道香濃但又不會蓋過帆立貝的鮮甜，反而

餐廳位於銅鑼灣澳門逸園中心19樓，內裏環境以日式佈置為主題，餐桌佈置整齊，亦都收拾乾淨。赤貝刺身$78爽口、刺身中個人認為食得多多都唔會肥的其中一項😋選擇小肌壽司🍣$132用編織技術把魚編織出來，幾特別的造型。鰆魚薄切$268配上魚子，令䲠魚口感再次昇華鐵罐酒蒸岩蠔🦪$264好有氣勢的蒸蠔， 採用新鮮蠔原隻清蒸，再用酒作調味，食落去海水味重，酒味更重。味噌蟹甲羅燒$88店員親自操刀烹調的甲羅燒，燒完立即上枱，溫度keep 住，趁熱食才知道蟹膏烹調得非常出色，調味料不會遮蓋蟹膏原有的味道，恰當剛好。鮑魚濱燒$98配上特製的調味Wasabi，辣辣的， Size半隻手掌那麼大，兩個人份量剛好。

難得相約知己聚歺，選擇了一間可以坐得舒服😌同傾偈聚會的地方。一坐低，服務生非常細心地為我們送上口罩套（疫情時段），更為衣服及背包放上保護套，可見他們服務態度良好。 柚子梅酒 $490/支非常容易入口，濃郁的果香，甜甜的，配上14度的酒精，完全係飲緊果汁🍹一樣😝，非常適合女士們。前菜沙律 $34沙甸魚x多春魚混合一起的味道原來可以咁特別，鹹鹹的，配上清新的青瓜條，芹菜條，蘿蔔條，帶出其鮮味。毛蟹$1080擺盤精美，杰杰的蟹膏，味道濃郁 ，蟹肉更配上酸酸甜甜的蟹醋，令人食極唔想停下來。新鮮、多肉。北海道馬糞海膽刺身（一板）$1180價錢方面相當實惠，而且海膽非常新鮮，唔會有腥味。非常推薦！

老公突然提起很久沒有吃浜燒，難得一齊放閒日，晚上就去了磯野水產，順便慶祝結婚兩星期（不過是找個理由食好嘢吧）店舖木系裝潢，燈光柔和舒適，窗邊擺放著不同酒瓶，然後師傅會即場在店中間的位置浜燒，客人置身其中，彷如去到日本地道居酒屋，令這段時間未能去日本旅行的我們稍為一解鄉愁！先送上小食：野菜條沙律醬汁很有誠意，是店家自家製，用上多春魚和沙甸魚製成，味道鹹香複雜，配上爽脆清新的蔬菜條，意料之外地配搭，惹味之餘又不會太鹹。來到怎能不試海產？點了磯野浜燒貝類盛合($788)，有貴妃蚌，蚌仔，北寄貝，鮑魚x2，文蛤x2。我們還另外加了味噌蟹甲羅燒（$88）及虎蝦($148)，全部放在一個木盆上，未吃已經令人興奮！海產全部都非常新鮮，鮑魚上桌時仍然是活生生的，非常生猛！店員逐樣替我們浜燒。鮑魚燒得恰到好處，剛剛熟，不會太硬，過程中只加了鹽，食到鮑魚的原汁原味。喜歡重口味一點的亦可以蘸一蘸碟上的柚子醬，不過我自己就更喜歡原味多一點！之後是貴妃蚌和蚌仔，兩者有點像，都大大隻，而且味道鮮美，很滿足！文蛤又爽又甜，入口還滲著有淡淡清酒味，正！！！虎蝦肉質彈牙爽口，燒過後，鮮味更加濃郁突出。吃起來啖啖鮮味，蝦

朋友生日，特意選擇了這間專門食浜燒的餐廳和她慶祝！餐廳充滿日式風味，師傅會在中間煮食，客人可以看到整個煮食過程，一來是一種視覺上的表演，二來看到整個過程客人對衛生情況也會比較安心。居酒屋小食有蔬菜條很平常，不過這兒配搭的醬汁卻令我們留下極好的第一印象！事關這個秘製醬汁用上多春魚和沙甸魚製成，食到兩種魚鮮，鹹香洋溢，和蔬菜條同吃剛好平衡到，誠意十足。朋友愛吃壽司，碰巧見到比較少見而現在時令的福井鰆魚，就點了一客是日限定的福井鰆魚昆布卷。一客6件，每件都包著嫩滑的鰆魚肉，鰆魚本身味道較淡，所以面頭擺了幾粒三文魚子，增添鹹鮮。如果遇到這個限定卷物，都可以一試。重頭戲是浜燒貝類盛合，有兩款時令貝類，北寄貝，鮑魚，文蛤。這晚時令貝類有貴妃蚌和蚌仔。浜燒前，店員先給我們看看海鮮『最後一面』，海鮮非常新鮮生猛，貝類全部都厚肉又鮮甜。鮑魚燒得剛熟，所以口感完全不硬，師傅只用了鹽調味，但我覺得更加食到海鮮的原味。如果喜歡濃味一點，亦可以點柚子醬，亦是另有一番風味！味噌蟹甲羅燒許多居酒屋都有提供，有些更添加海膽，三文魚子之類。這兒同樣先將蟹膏和味噌攪拌在一起，加上蔥花，材料不多，只吃蟹膏的鮮香，我覺得都已

磯野水產位於銅鑼灣澳門逸園中心，係幾出名嘅銀座式食肆商廈，有唔少高質餐廳，尤其中高級日式食肆，就好似一個小日本咁，係SOGO隔離，位置十分便利。餐廳幾有名氣，儘管疫情底下，以及缺少旅客，都有唔少booking，繁忙時間都將近坐滿。磯野浜燒貝類盛盒 & 針魚二食 (時令海鮮)數款貝類包括大北寄貝、貴妃蚌，以及文蛤等，其實只要係活具類，燒出黎都夠鮮甜同多肉汁，例如，北寄貝夠肥美，肉質鮮嫩爽彈之餘，殼上嘅肉汁與日式燒酒混合後更係非常香甜，精華所在；文蛤（右下）比較少聽，看似蜆，細細粒但又幾爽彈鮮味。燒活鮑魚: 燒活鮑魚一般都唔會特別調咩味，免得搶走其鮮味，燒製時間岩岩好，幼嫩而爽滑仲有少少肉汁，餐廳仲加配左特製嘅柚子漬黎搭配，柚味香，味道微澀，個人認為一般，但友人十分喜歡，仲食埋我果啲... 針魚刺身 (上) 及 炸針魚骨 (下): 一魚二食，刺身嘅魚肉爽滑，清甜而俐落，唔會有魚腥味道；魚骨炸得幾酥香，魚骨又唔會硬，好脆口，嫌單調可加啲檸檬汁。大溝貝刺身 (時令海鮮): 聞所未聞，但聽餐廳推介決定一下，人生得意須盡歡。Overall黎講，非常非常爽口彈牙，帶有微微海水咸香，無論質感定係味道，

疫情影響底下好少出門所以極少去到銅鑼灣區，今次約咗朋友兩個食餐晚飯敘舊，順便接佢收工就去到久違的銅鑼灣區～地膽嘅佢提議去到澳門逸園搵食，我哋就揀咗呢間日本菜餐廳作為我地嘅晚餐。入座後好快就送上前菜鯷魚加多春魚醬，新鮮嘅蔬菜配上濃郁嘅醬汁幾醒胃。之後就到磯燒海鮮嘅部份。首先係清酒帆立貝，清酒同海水混合煮成嘅汁好清甜，伴着新鮮帆立貝，更突顯貝類嘅海水味。另一款就用咗黑松露汁燒超香濃～同清酒燒嘅味道形成強烈對比。新鮮嘅蟶子就咁原味燒就經已足夠，口感幾爽口。唔少得清酒煮蜆，個湯好純，蜆肉又飽滿。海鮮拼盤中唔係全部都會磯燒，多款嘅製法先試得出間店嘅功夫同多樣性。而赤貝佢地就用咗刺身形式，好鐘意佢嘅爽脆。我最期待嘅龍蝦上場了！味噌醬鋪滿龍蝦表面，睇落就覺得相當濃郁，配上龍蝦肉彈牙嘅口感真係無得輸！最後加點咗鹽燒三文魚腩邊，鹽燒三文魚嘅魚脂逼咗出嚟聞落超香！邊食邊滴住魚油，實在邪惡！