511
5
2
港鐵銅鑼灣站 D2 出口, 步行約1分鐘 繼續閱讀
電話號碼
27663678
51114347 (WhatsApp)
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
公眾假期
12:00 - 15:00
17:30 - 23:00
公眾假期前夕
12:00 - 15:00
17:30 - 23:00
付款方式
Visa Master AlipayHK 支付寶 現金 銀聯 微信支付 Mileslife
座位數目
49
其他資料
網上訂座
酒精飲品
切餅費
電話訂座
加一服務費
當面支付
有關獎賞計劃
食評 (525)
等級4 2020-05-07
590 瀏覽
放工同事約了我去磯野飲返杯,7點半來到,想不到人氣都幾旺。 先來當然要一杯梅酒,最喜歡這裏甜甜的,浸著大冰球的梅酒,入口順滑而且清香,連平常不飲酒的我都追着飲。   先來一點清腸胃的前菜,紅蘿蔔、生菜點上了自家製的醬,簡單純樸的甜味,這個醬用火温著,由多春魚、沙甸魚打成,帶鹹香,魚味濃郁。   有酒怎能沒有海鮮?隨意啲點了個海鮮拼盤,有龍蝦、赤貝、蟶子和帆立貝。 它們都會拎去燒,在等待的過程我們點了個鹽燒三文魚腩邊。這個魚腩邊燒得金黃,魚皮帶脆,肥美帶油香,送酒得可以! 清酒煮蜆份量很多,滿滿的堆得着小山,酒味好香,蜆飽滿食落亦無沙。 赤貝我們沒有拎去燒,作了刺身,食其鮮甜爽脆!雖然小小一隻,但都過一過刺身癮。   這裏特色是燒海鮮師傅都站在餐廳中央,可以全程目擊燒的過程。海鮮主打都是用清酒燒,清酒燒帆立貝和蟶子都可以食出它們本身的清甜。配梅酒其實已真係無得輸!   但黑松露燒帆立貝更加令人食唔停口,因為黑松露味道更加濃郁,燒完之後成隻帆立貝又甜又爽又香,個汁都飲埋,簡直可以食多一打!   龍蝦是新鮮上枱的,仲見到佢郁!燒完滿身鹹香的蝦膏, 十分邪惡,龍蝦肉鮮甜,一絲絲的蝦肉一拆即起,好食得連蝦殼都差啲唔放過!   梅酒和海鮮,從來都是最佳配搭。如果想地道地一邊飲酒一邊望住燒海鮮,磯野就是不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-02
719 瀏覽
我同老婆去開SOGO行街,之後順便睇下有咩好食,老婆提意去食日本浜燒,於事去SOGO附近的澳門逸園中心睇下,這個地方之前都黎過,好多日本野食,到最後都係揀了呢間。【前菜 】坐底了之後,先送來鯷魚醬前菜小吃。鯷魚醬以多春魚及沙甸魚製成。由於魚醬冷了之後味道會變腥,食店特意以蠟燭台為魚醬保温。【蔥吞拿魚腩蓉手卷+碎蔥深海池魚蓉手卷】蔥吞拿魚腩手卷(左):上舖滿堆積如山的蔥吞拿魚腩蓉,口感綿密豐潤而紫菜亦保持香脆,魚腩蓉同飯各沾一半,超正。碎蔥深海池魚蓉手卷(右):去到第二個手卷,深海池魚蓉手卷真是第一次食,搞蓉了的池魚,食得出鮮味,點少少醬油仲帶出它的甜味,不錯!【磯煮鮑魚】用上了秘制醬油浸煮鮑魚,除了有鮑魚的淡香味外,更多了層的甜味。因鮑魚在處理過程中被適度冷凍降溫,質感上亦煙韌帶點彈性。【味噌蟹甲羅燒】呢個味噌蟹甲羅燒蟹膏味超濃,再加上蟹肉同芝士, 非常惹味, 放上青瓜片上食, 味道香濃之餘亦唔會膩。【燒三文魚鮫】燒魚鮫燒得剛剛好,香氣四淺,油份超香,魚鮫比想像中更多魚肉,魚肉嫩滑中帶有微微的鹽花鹹香,值得推介!【燒手握飯團-明太子】這間店的燒飯團真是不錯。這間飯團是屬於乾身的。飯的表皮吃起來有少少脆脆的,又有鍋巴香。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-26
1012 瀏覽
前菜用西芹、紅蘿蔔、砂碌設成條狀,配以鯷魚醬(由沙甸魚及多春魚組成的)作為開胃菜的醬😇,好特別,真係好好嘅開胃菜。依佐目刺身首先一讚的是擺盤,好有心思,睇見都想食,或者係睇見都唔捨得食。魚🐟質好Q彈,亦都有新鮮魚味,甜甜地的,yummy 😋 鐵罐酒蒸刀貝這個有少許酒精味,湯底係我好喜歡嘅味,喜歡。白魚湯呢個湯真係冠絕我喝過嘅魚湯,連媽媽嘅魚湯都給比下去,好濃郁,好回味嘅魚味。正!我同老公一邊飲一邊話:正!時令蠔🦪浜燒不似燒蠔的惹味,接近生蠔的新鮮感覺,但又是熟的,多了一份逼出來的海水味。不錯👍🏻蚌仔浜燒美味,有點像魷魚,肉質結實,但好軟好腍好鮮味。活鮑魚浜燒配柚子醬柚子醬好特別,我係好鍾意柚子的清新味道,佢加上了一啲嘅芥辣味,但略為鹹,我會選擇只食鮑魚不加醬,因為真係好好肉,好厚切,好好咬又好鮮美。虎蝦浜燒(開邊燒)我要用三個字形容:「爽」、「彈」、「跳」(跳是形容我吃完之後的心情)😍好正好正好正,再食再食再食!除了喜歡他本身的真味以外,廚師還加上了一些菇和蟹子,兩種食法都好。貴妃蚌浜燒又係三個字:「爽」、「甜」、「厚」,我第一啖咬左個尾巴,已經覺得鮮甜到不得了,繼續食嘅時候真係好想再叫多一隻。柚子雪葩每次去呢啲類似居酒屋嘅地方,我必定會點一個雪葩作為完美的句號。今晚也不例外,這個雪葩酸帶些甜,加上我最喜歡的柚子味,真是完美的一餐! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-26
608 瀏覽
趁住假期,梗係要俾個 #藉口 自己出去輕鬆吓🛍 呢日 #小秘書 唔再去郊遊,改咗出城 #買衫換季、#食啲好嘢 #平衡下心理🤪 可能心情實在 #太興奮,居然朝早七點幾就醒咗,瞓又瞓唔返😴 唯有扮吓勤力、覆下公司email... 早啲換衫出去行吓。不過睇嚟 #香港 好多人同我嘅心態都一樣,未夠12點 #銅鑼灣 已經 #好熱鬧。本來只係諗住入 #商場 借 #洗水間 一用,點知比我見到我用開嘅 #護膚品 #大減價,餓咗咁耐嘅我, 當然要帶大手大手咁入啦😏 其實買嘢對於女人嚟講一啲都唔出奇,不過奇就奇在 #店員 俾我哋嘅 #贈品,加埋重過袋米😅 此情此景,我哋唯有先去食嘢啦👉🏻👈🏻 朋友話對面有間 #日本居酒屋 磯野水產 Isono Suisan 都唔錯,當然要試吓。#餐廳 裝修得充滿 #和式風味🎐 我哋通過體溫探熱,店員細心問我哋有冇#搓手液🦠 同 #信封📩 放口罩,之後就遞上餐牌,估唔到呢度嘅 #午市定食 選擇都唔少,由A-N總共14個不同款式🤩 #小秘書 晏晝慣咗食得比較簡單啲,點咗個 #白魚湯海鮮泡飯比自己,之後我哋再加咗個 #櫻花蝦炸豆腐、#三文魚刺身 做 #小食🥢 #豆腐 口感細滑,一啲都唔會因為炸過火而變老,外層嘅 #櫻花蝦 黏喺豆腐面一齊炸,外脆內滑,一啲都唔會油膩、好香口,#三文魚刺身 好肥美,點少少芥辣放入口,成個人都醒晒🤩 最後講到碗 #泡飯,#師傅 將 #魚湯 先放入茶壺裡面保暖,經 #店員 再將 #定食 放上枱。#店員 好細心提醒我要小心,以免灼傷。我趁啲湯仲熱嘅時候,拿拿臨將 #白魚湯 倒入 #泡飯,馬上試吓師傅嘅手勢。#白魚湯 嘅 #鮮甜味 浸入泡飯裡面,一大啖咁個入口感覺特別滿足🤩 加上 #材料非常豐富,有 #帶子、#魷魚、#三文魚、#蔥花... 口感大滿足🤩 員工不時會走埋嚟睇吓大家有冇嘢要幫忙,#態度 都 #好親切,而 #食物 就固然之唔錯啦👍🏻👍🏻  不過最重要嘅係以#銅鑼灣區 嚟講,呢度價錢唔會太貴🤩 最啱我呢啲平民百姓嚟幫襯㗎喇... I’ll be back😄 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-07
1269 瀏覽
去年12月中旬與幾名好友一起到北海道旅行。最難忘的莫過於那裏新鮮的海鮮,大大小小我們一共吃了十多餐的海鮮。回港半年也沒有,我們又開始想念那裏的美食。有見及此,特意和好友訂了這間位於銅鑼灣的日本菜,一解我們對日本菜的相思之情。磯野水產位於銅鑼灣澳門逸園中心。從地鐵站Sogo出口一出來便看到,地點十分方便就腳。下雨也不用擔遮。我們一行二人點了幾樣日式料理,一起互相分享。前菜(⭐⭐⭐⭐💢)我們一坐下店員便遞上餐前小食,鯷魚醬配蔬菜。鯷魚醬是用多春魚和沙甸魚做,吃起來有點鹹,但不會覺得腥。配合青瓜和蘿蔔條,吃起來十分開胃。一個小杯大約有大約七條,令人停不了口。 磯野火炙刺身沙律(⭐⭐⭐⭐⭐)這個刺身沙律十分大份,足足裝滿了一個盆。刺身相當豐富,包括了三文魚,海蝦等等。其中特別欣賞海蝦,大隻而且新鮮,肉質結實,爽口彈牙。配合甜甜酸酸的沙律菜,吃起來十分開胃。蟹味噌蟹肉手捲(⭐⭐⭐⭐💢)用澎湃來形容這個手捲就最適合。小小的手捲上佈滿了蟹肉和蟹味噌,吃起來味鮮而且啖啖肉,壽司飯還是暖暖的。上枱時店員還有溫馨提示要盡快吃,避免口感變質,實在細心抵讚。海鮮濱燒(⭐⭐⭐⭐⭐)濱燒是這間餐廳的重點推介,一場來到當然要試一試。我們叫了兩款不同燒帆立貝和虎蝦。一開始店員便給我們燒虎蝦。師傅相當細心,已經把虎蝦清洗乾淨,將內臟除去。虎蝦肉質十分鮮味,而且上面鋪著蝦膏和蟹子,味道濃郁,吃起來啖啖肉。接著是燒帆立貝,我們選擇一隻用牛油,另一隻用清酒作調味。帆立貝肥大而且肉厚。師父刻意地煎得太熟,吃起來還有點嫩口。牛油的那一隻吃起來比較香口惹味,清酒的那一隻則比較鮮甜多汁。個人認為牛油比較適合好吃 。鹽燒牛小排 (⭐⭐⭐⭐💢)這個牛小排烹調的時間控制得不錯,不會太生也不會太乾,吃起來有肉汁。隨碟還有芥末和自製醬汁,配合牛肉吃起來更加惹味。一份大約有七至八片兩個人分享剛剛好,不會太多。鋤燒魷魚絲(⭐⭐⭐⭐💢)這個魷魚絲配啤酒就最適合不過。香脆的蒜蓉,惹味的洋蔥圈,彈牙的魷魚絲,真是令人欲罷不能。雖然味道較為重而且熱氣,但偶爾吃一下也不太過份。蕃薯天婦羅(⭐⭐⭐⭐💢)非常考廚師手藝的一部手工菜。這天婦羅炸的時間拿捏得剛剛好,外皮炸得鬆脆,但內裏的番薯也能保持新鮮,不會覺得很乾。一份大約有七至八件,為這天的晚餐畫上完美的句號。總括而言,這間餐廳食物質素十分高,材料新鮮,下次有機會也會想再來。~~~~~~~~~~~~~~~~~~~~~~~~~  磯野水產 銅鑼灣軒尼詩道525號澳門逸園中心19樓推介菜式: 磯野火炙刺身沙律、海鮮濱燒👍🏻食材高級👍🏻地點方便👍🏻價錢合理 繼續閱讀
(以上食評乃用戶個人意見 , 並不代表OpenRice之觀點。)