盈館

營業中

休息中

味道好一般！服務好一般，收費不算一般！$138一碟「冰鎮咕嚕肉」，得11粒！$168一隻片皮鴨叫做最抵，加$70多一食炆涼瓜，但咸到爆！$398孖寶，碟龍蝦伊麵一碟漿！無鑊氣，無鮮味，淋bad bad....最好味的要算係個雜菜煲 😵‍💫😵‍💫無下次！☹️☹️

陪家人買小米產品，買完行去創興廣場盈館吃午餐，餐廳裝潢懷舊風格，大大個魚缸和酒櫃。我們點左蝦餃皇$41.8（精點）蝦餃皇頗大隻，蝦肉爽口，皮晶瑩剔透，真不錯👍陳皮牛肉球$30.8（中點）有大大粒馬蹄，夠爽口，陳皮味重牛肉味香，可惜喼汁味淡。四寶雞札$33.8（大點），魚肚夠腍又入味，雞肉嫩滑，味道不錯。點心拼盤$98：有蝦餃皇2隻、菜苗餃2隻、蒸粉果2隻、义燒飽2個，勁薑雞包仔2個，馬拉糕1大個，真超值抵食。😍勁薑雞包仔，薑味香，雞肉滑，很好吃。😊馬拉糕：鬆軟可口，不太甜。潮州粉果：算大隻，餡料都香。菜苗餃：菜很新鮮又翠綠，可惜有點苦味。义燒腸粉$33.8，皮薄晶瑩通透，頗多的瘦义燒夠健康至岩我，加左芫茜就更美味。

盈館的早茶特價時段由8:00-11:30,我們10:30到達，不用等位。室內光源不足，暗暗沉沉的。早茶有2個優惠孖寶餐，A餐$34.8, B餐$40.8。我們叫了B餐的陳皮牛肉腸及鮮蝦菜苗餃，還有香脆炸鮮奶$18.8,黑金流沙包$23.8,香噴噴臘味飯$18.8及金粟南瓜粥$19.8。所有點心都好夠熱，腸粉皮好滑，炸鮮奶外脆內軟，南瓜粥用料十足，粥底好杰，南瓜味濃，大大碗，好抵食。臘味飯有臘腸同埋膶腸，雖然飯及腸都好香，但用個非常細小的煲仔盛載，份量很少。

今日放早決定約爸爸媽媽去飲茶，見到OpenRice旺角咁多哈哈笑，我一直都好想試，就衝上去。我地叫左好多野食，重點推介如下：肉絲炒麵熱辣辣，啲麵又夠脆，好過火喉，好好味。蝦餃大大粒，好足料，味道一流。脆炸大良鮮奶唔太甜又唔油，餡料又軟又滑，甜甜一流。雞札好足料，大大隻，雞好滑。炸豆腐香脆唔多油鮑汁鳳爪味道夠，炆得夠淋黃金糕煙煙韌韌，唔會太甜，好重椰汁味，好香灌湯餃睇相都見到大大隻，好足料薄罉香脆唔油呢到位置方便，食物質素唔錯又唔貴，服務又好，一定有下次

週末放假去咗旺角創興廣場「盈館」，飲啖茶食個包✨店內燈光明亮，乾淨整潔，中午時段都有唔少客人，頗受歡迎餐廳點心選擇好多元化，除了傳統點心、腸粉、粥品、蒸飯等等，仲有特色推薦點心甫魚乾蒸燒賣燒賣大大粒，一客有四件。以鮮蝦、豬肉、冬菇、甫魚乾等等材料而製成，鮮嫩多汁，啖啖肉蠔皇金錢肚金錢肚口感軟腍，調味適中，好吸汁呢豐料瑤柱珍珠雞一客有兩件珍珠雞，糯米軟綿綿，包住瑤柱、豬肉、冬菇、鹹蛋黃等等，用料充足，味道同口感都好豐富呀潮州蒸粉果外皮煙韌，包住花生、粉葛、蝦米、香蔥、豬肉等等，口感層次分明，味道清爽，沾上辣椒醬或辣椒油後食用更加滋味鮮蝦菜苗餃餃皮晶瑩剔透，口感軟糯。菜苗新鮮翠綠，鮮蝦口感彈牙，幾好食鳳爪排骨煲仔飯一人份量剛剛好的。排骨幾入味，啖啖肉；鳳爪味道濃郁，佐飯一流脆炸大良鮮奶傳統脆炸大良鮮奶，金黃酥脆，鮮奶微甜不膩，大滿足哦

創興廣場食店林立應該無人不知，以往大多來吃火鍋，在一次偶然的機會下發現這家中菜餐館，便相約朋友下班後一起嚐嚐。1️⃣美國芝士汁慢煎大虎蝦 $168濃郁的芝士汁包裹着每一隻大虎蝦，虎蝦的殼煎得很脆，很容易掰開，夠牙力的人甚至可連蝦殼也吃掉，每隻虎蝦都非常新鮮彈牙。另外用來作配菜的炸薯角也炸得十分香脆，蘸上芝士汁來食，美味可口。2️⃣黑松露醬爆牛坑腩 $168牛坑腩烹調得剛剛好，不會過軟，反而有點咬勁。由於牛坑腩本身的牛味非常濃，所以黑松露醬能做到畫龍點睛的效果，不會喧賓奪主。舖在下面的波菜也為整道菜增添一份健康的味道，不會只是一味吃肉。

難得放假，約左朋友去盈館嘆返一盅兩件。餐廳係創興廣場，位置好方便，環境唔錯幾舒適，裝修新淨。我地分別叫左幾款點心加個泡飯。小心流沙豬嘜包 ：賣相可愛之餘，食落味道仲唔錯。鮮蝦菜苗餃 ：晶瑩通透的餃皮，透出翡翠的顏色，唔會蒸得太林。椒鹽豆腐 ：外皮香脆惹味，內裡的豆腐嫩滑可口。蝦面燒賣皇 ：入口蝦肉彈牙爽口，好有口感。脆炸大良鮮奶 ：皮脆內軟，而且鬆化的脆漿同牛奶的酥香好相配，特別推介。鮮茄牛肉泡飯 ：份量十足，帶點酸甜好開胃。

禮拜日同屋企人去位於創興廣場的盈館飲茶，酒樓座位都幾寬落。點心款式都幾多，鮮竹卷 - 腐皮彈滑皮充滿豆香, 餡料都好足。小心流沙豬嘜包 - 外型可愛，食落都有水準。 將包掐開，爆漿既流沙湧住出黎。鮮蝦菜苗餃 -餃子皮厚薄恰到好處，彈牙唔太厚，餡料包入鮮蝦及菜苗，蒸熟後晶瑩剔透蝦面燒賣皇 - 皮薄餡靚，肉質彈牙白灼田園蔬 - 份量都幾多，d菜唔會灼得太老。椒鹽豆腐 - 外脆內軟脆炸大良鮮奶 - 皮薄而脆，入面的鮮奶軟硬適中，整體充滿奶香唔會過甜鮮茄牛肉泡飯 - 茄味幾濃，牛肉唔會鞋口。

由於今朝太晏起身，冇食早餐就出咗去做瑜伽🙈所以老公話lunch同我飲茶食點心❗️食得豐富啲wo😚點知我未落堂，佢已經搵咗地方飲茶，仲去霸埋位添🤭但原來兩點已經係下午茶時間，可以飲下午茶了😆我哋兩個人今日嗌咗➡️黑金流沙包 （大點）即叫即蒸，超熱辣辣而且香噴噴😋麵包鬆軟，入面嘅奶黃仲有流心效果🥰一口鮑魚燒賣 （精點）鮑魚仔睇落幾Juicy☺️細細隻嘅鮑魚仔下面就係豬肉燒賣，啲豬肉都好新鮮，口感實在有肉香❗️蜜汁叉燒腸睇吓啲腸粉晶凝通透就知有幾薄啦🤭仲見到好多叉燒，喺入面添👏🏻👏🏻未食都已經知真材實料喇😎腸粉好軟滑亦夠薄，除咗叉燒之外，入面仲包咗有芫荽令食嘅時候冇咁滯👍🏻陳皮牛肉球3大粒夠晒我哋食喇😌除咗有少少陳皮味之外，牛肉球入面仲有馬蹄、青蔥做配料，中和返啲肉膩感～仲有我最鍾意嘅腐竹墊底吸晒啲肉汁精華🤤脆炸鮮奶老公堅持要呢一款甜品，因為佢話唔係度度有得食🤭一條條嘅炸鮮奶咬落外脆內軟，鮮奶餡好香滑💕仲有少少軟糯感☺️酒樓甜品來講又真係一款幾特別➕唔錯嘅❗️喺紅綠豆沙/芒果布甸以外嘅一個好選擇😎乾炒叉燒烏冬又係即叫即炒熱到出煙系列🤣食落好足料，味道亦唔會話太過濃🤓而且配料用量適中，唔會太多芽菜或者蔥，

Sunday，宜shopping，逛了１天，順便吃晚飯，見盈館網上好評多，就和家人來試試。經Open Rice訂座，準時到達，生意很好，客滿，氣氛熱鬧。點了以下的：#普洱茶：濃而不澀，好喝！#涼拌海蜇：份量比預期多，海蜇爽口配濃厚醬汁，不錯。#脆皮燒雞半隻：皮脆肉嫩，yummy！#酸菜海鱸魚片：酸湯微辣，魚肉嫩滑，娃娃菜吸收了湯底和鱸魚的精華，好味！#盞鬼陳皮咕嚕肉：陳皮味不突出，加了油炸鬼但沒有菠蘿，感覺欠缺了一點點。#鮮茄肉燥浸莧菜：蕃茄、莧菜、肉燥的組合不常見，原來好合拍。點了菜，過了30分鐘，１個菜都未上，催了２次(２個不同店員)，才發現沒有落單記錄，暈！

喺旺角飲茶，選擇越來越少 疫情打後大型酒家少咗好多 聽聞創興中心有一間創意點心 試試吧！間餐廳唔算大 但係都有好多人 冰燒格格三層肉 $128啲皮夠脆 啲肉不會太乾 真係分開三層肉 味道唔錯 但係送上枱已經凍咗 海蜇燻蹄 - 大點味道冇乜大特別 份量不算少 但係海蜇有啲砂鮑汁炆鳳爪 - 特大鳳爪好入味可以接受薑蔥叉燒撈麵 - $108啲麵有鹼水味 好似食雲吞麵 🤣 叉燒好瘦 冇乜味脆皮鮮蝦餃 - 精點呢一個係我最鍾意嗰一樣嘢 比普通蝦餃特別少少 因為啲皮炸過小心流沙豬麥包 - 大點真係冇特別 隻豬好樣衰 🤣如果當普通飲茶 食下午餐食下飯 都可以試吓 但係唔好要求太多

无意中被朋友带来这家茶楼吃点心，竟意外发现一家美味餐馆。🍜上汤焗美国龙虾伊面：龙虾🦞绝绝子呀！午市只要198就有一整只龙虾‼️本以为伊面会很干，只打算吃龙虾来着，结果上汤熬制的很入味，和朋友竟然也吃了很多面下肚。🥩冰镇咕噜肉：必点的一道菜！点餐时这是我最期待的一道菜，果然不失望，咕噜肉隐藏一整盘冰块当中，口感清爽不甜腻。🥟虾饺：这家的虾饺也比其他茶楼要大一些。🎃金沙南瓜条：也是这家餐厅的推荐菜，很像我家乡的一道菜：蛋黄焗南瓜，让我找到了家乡的味道！🥢马拉糕、金钱肚、黑金流沙包这些都是我去茶楼经常点的点心，水准一流。🍵很多菜式好像是它家独有的特别菜式，很感兴趣，这次来不及品尝，比如避风塘脆茄、带子虾仁炒鲜奶等等。-一进门时就看到食客清一色都是香港本地的阿公阿婆，我就知道来对了！街坊邻居的选择，味道肯定错不了！可以看出很多都是是这里的常客，和服务

放工同老公去咗創興廣場呢間酒樓食晚飯，餐廳位置方便，出咗地鐵站行一陣就到酒樓地方闊落，每張枱嘅距離覺得遠唔使擔心聽到隔籬枱講嘢😆😆餐廳有好多超值套餐，有啲海鮮餐好吸引，但今次得我同兩個兩個人，所以叫咗下次再試其他五指毛桃煲響螺湯部長推介呢個湯，佢話係鎮店之寶，所以叫黎試吓。果然無令人失望！個湯超級足料，有好大隻雞、響螺、龍眼肉、豬肉、粟米、蘿蔔、黃瓜，每啖湯都有好濃嘅五指毛桃同雞味，好有呀媽咪煲嘅老火湯嘅味道，啲湯渣仲外賣左返屋企第日食😆😆超推介呢個湯😍孖寶B1. 上湯焗澳洲龍蝦伊麵一上碟，我同老公講：睇個樣已經知一定好食。果然！😆龍蝦龍蝦爽口彈牙，份量一啲都唔少，而且啖啖肉，伊麵吸晒上湯同龍蝦嘅精華，麵質彈牙，好好食😋2. 南瓜雜菜粉絲煲有時酒樓雜菜煲嘅菜，都會係啲好唔新鮮嘅菜，但呢間絕對唔會，每款菜都好新鮮，特別係個南瓜，超甜超淋超好食，除咗雜菜、粉絲之外，仲有魷魚，所有材料好豐富，連個湯都係鮮甜的，正！黑蒜炒牛柳粒牛柳粒香甜，連埋啲黑蒜炒，非常之香，而且牛柳粒肉質新鮮，送飯一流食到攬住個肚，非常非常滿足😌😌

見到很多好評，於是與家人同往，一行8人，食了個好友歡聚套餐，其實以價錢及菜式是超值，有鮑魚、龍蝦伊面、沙巴龍躉和片皮鴨等。但結果不足20分鐘，由湯開始上起，之後咕嚕肉、醬爆花姿蚌、龍蝦伊面、突然上番四小碟，上菜速度之高，無出其右，全枱都係餸菜，也沒有侍應轉餘下的餸為小碟，而且每次上菜，我們請他在騰空的位置上菜，侍應都不理會，總之就手。食物質素更是差得很，除只片了半隻的片皮鴨較佳，海鮮全不新鮮，只吃到薑和陳皮味，大龍躉變成兩條「好鞋」的小龍躉，最後上甜品，8人上7人份，告知欠了一份，第一位小姐話加番，第二位先生話：「好，送多一份俾你。」當然仲要你等好耐先有。我不明為何此食館會有4.5分，來此食店，必須不介意食物質素差及受氣。

出旺角睇手機，中午想食點心，在OpenRice搜查到這間見評價好唔錯就來了。環境唔錯幾舒適，裝修新淨，坐窗口位的話可以望到繁華彌敦道車來車往，而且夠光猛，枱與枱的距離寬躺，餐具亦衛生。食物兩個人點了8個點心，份量亦十份足，又不想浪費，所以最後吃得很飽。整體食物水準唔錯，其中覺得最好食是一口鮑魚燒賣、蘿蔔絲鹹水角、菜苗餃及可愛爆汁的豬麥包，尤其一口鮑魚真材實料，蘿蔔絲鹹水角感覺很糯棉。其他各項都唔錯，香煎椰汁黃金糕亦煎得很香但覺得比較甜。服務雖然客人比較多但服務員態度有禮勤快，送餐的姐姐亦很有禮貌，點了的點心亦很快送上枱，每碟點心都是熱辣辣的。總結最後價錢連服務費$327埋單算可以。一口鮑魚燒賣絕對值得一試