盈館

營業中

休息中

放工同老公去咗創興廣場呢間酒樓食晚飯，餐廳位置方便，出咗地鐵站行一陣就到酒樓地方闊落，每張枱嘅距離覺得遠唔使擔心聽到隔籬枱講嘢😆😆餐廳有好多超值套餐，有啲海鮮餐好吸引，但今次得我同兩個兩個人，所以叫咗下次再試其他五指毛桃煲響螺湯部長推介呢個湯，佢話係鎮店之寶，所以叫黎試吓。果然無令人失望！個湯超級足料，有好大隻雞、響螺、龍眼肉、豬肉、粟米、蘿蔔、黃瓜，每啖湯都有好濃嘅五指毛桃同雞味，好有呀媽咪煲嘅老火湯嘅味道，啲湯渣仲外賣左返屋企第日食😆😆超推介呢個湯😍孖寶B1. 上湯焗澳洲龍蝦伊麵一上碟，我同老公講：睇個樣已經知一定好食。果然！😆龍蝦龍蝦爽口彈牙，份量一啲都唔少，而且啖啖肉，伊麵吸晒上湯同龍蝦嘅精華，麵質彈牙，好好食😋2. 南瓜雜菜粉絲煲有時酒樓雜菜煲嘅菜，都會係啲好唔新鮮嘅菜，但呢間絕對唔會，每款菜都好新鮮，特別係個南瓜，超甜超淋超好食，除咗雜菜、粉絲之外，仲有魷魚，所有材料好豐富，連個湯都係鮮甜的，正！黑蒜炒牛柳粒牛柳粒香甜，連埋啲黑蒜炒，非常之香，而且牛柳粒肉質新鮮，送飯一流食到攬住個肚，非常非常滿足😌😌

見到很多好評，於是與家人同往，一行8人，食了個好友歡聚套餐，其實以價錢及菜式是超值，有鮑魚、龍蝦伊面、沙巴龍躉和片皮鴨等。但結果不足20分鐘，由湯開始上起，之後咕嚕肉、醬爆花姿蚌、龍蝦伊面、突然上番四小碟，上菜速度之高，無出其右，全枱都係餸菜，也沒有侍應轉餘下的餸為小碟，而且每次上菜，我們請他在騰空的位置上菜，侍應都不理會，總之就手。食物質素更是差得很，除只片了半隻的片皮鴨較佳，海鮮全不新鮮，只吃到薑和陳皮味，大龍躉變成兩條「好鞋」的小龍躉，最後上甜品，8人上7人份，告知欠了一份，第一位小姐話加番，第二位先生話：「好，送多一份俾你。」當然仲要你等好耐先有。我不明為何此食館會有4.5分，來此食店，必須不介意食物質素差及受氣。

出旺角睇手機，中午想食點心，在OpenRice搜查到這間見評價好唔錯就來了。環境唔錯幾舒適，裝修新淨，坐窗口位的話可以望到繁華彌敦道車來車往，而且夠光猛，枱與枱的距離寬躺，餐具亦衛生。食物兩個人點了8個點心，份量亦十份足，又不想浪費，所以最後吃得很飽。整體食物水準唔錯，其中覺得最好食是一口鮑魚燒賣、蘿蔔絲鹹水角、菜苗餃及可愛爆汁的豬麥包，尤其一口鮑魚真材實料，蘿蔔絲鹹水角感覺很糯棉。其他各項都唔錯，香煎椰汁黃金糕亦煎得很香但覺得比較甜。服務雖然客人比較多但服務員態度有禮勤快，送餐的姐姐亦很有禮貌，點了的點心亦很快送上枱，每碟點心都是熱辣辣的。總結最後價錢連服務費$327埋單算可以。一口鮑魚燒賣絕對值得一試

兩點下午茶時間上到黎見到都有唔少人，空間唔算超級大，但係裝修都算雅致！佢哋都有好多個餐牌可以選擇，有啲午市套餐、有啲就係下午茶特價點心、有啲就係點心套餐…果然任君選擇。我哋一嚟就叫咗一個午市套餐，價錢係$328（星期六日及公眾假期加$10）包含咗四個點心+兩個小菜+一個主食，四個人作為一個下午茶餐都好夠食，搞到我仲擔心唔夠食所以叫多咗幾籠下午茶點心！私心推薦燒賣王：呢度嘅燒賣一嚟就發現同坊間有所唔同，佢嘅燒賣份量都幾足㗎，豬肉都好彈牙，而且燒賣面頭有啲柴魚絲，口感好豐富！櫻花蝦炒腸粉：呢個炒腸粉好乾爽，佢應該加咗一啲XO醬落去炒，少少辣但係提升左佢嘅嘢未程度，而且佢個皮都炒到有少少脆。嗰日我哋叫咗咁多嘢買單都唔使$500 ，四個人食飽到不得了，呢間店又真係好抵食喎！

屋企長輩最鍾意飲茶食點心，咁啱今日一家人去開旺角，去於是咗盈館飲茶。成日都去創興呢幢大廈，今次係第一次上7樓飲茶，因為朋友係咁同我推薦呢度嘅黑金流沙包！我哋一嚟就叫咗一個午市套餐($$338)， 另外再叫多咗幾籠下午茶點心。私心推薦黑金流沙包：呢個流沙包一定要趁熱食啊！一上枱熱辣辣我哋就拎起咗搣開佢，入邊啲蛋黃醬好澎湃咁想流晒出嚟！味道同甜度都啱啱好，包皮好軟熟。肉骨茶鮮竹卷：鮮竹卷真係有好多餡料喺入邊，一條鮮竹卷真係好大條，而且個湯底係肉骨茶煮出嚟嘅，可以飲埋啲湯添啊。滑蛋蝦仁炒河：原本以為呢個炒河係好似乾炒果隻款式，點知一上枱原來係濕炒嘅！但係食落真係有驚喜，雖然係濕炒但係佢嗰河粉都有鑊氣味，而且蝦仁好彈牙！呢個係午市套餐包咗㗎，佢哋嘅套餐都幾抵食，推薦大家上嚟可以叫套餐！

地理位置方便，好近旺角/太子站，就係信和對面。去到創興廣場，記住唔需要上扶手電梯！喺ground floor直入電梯大堂，左手邊嘅電梯，就可以直接上到七樓。餐廳環境係一般嘅酒樓格局。一坐低就提供茶、水，同一小碟花生。🦆京式片皮鴨$168 ⭐️⭐️⭐️⭐️⭐️呢個價錢的確超值抵食！欣賞佢真係會成隻鴨拎出黎，俾你睇住佢表演切鴨，唔係切定拎出黎，童叟無欺。亦切得好大片肉，皮脆，鴨脂油香，又唔過份油膩。連12塊皮、青瓜、京䓤，絕對足料！🐟老壇酸菜魚$148⭐️⭐️⭐️⭐️酸菜魚用嘅係鱸魚，魚質好嫩滑，成盤既魚片、配料芽菜、豆卜、酸菜份量亦好多， 食極都仲有咁。另外呢度嘅酸菜魚一啲都唔辣，啱曬唔食辣嘅朋友。🥬紫薯淮山浸菜苗 $108⭐️⭐️⭐️健康啲，揀個蔬菜食下，佢啲相幾樣嘢賣相擺盤不錯，揀咗紫薯淮山浸菜苗，健康之選。

以前讀大學嘅時候最鍾意去創興廣場覓食，呢度有林林總總唔同菜式嘅餐廳，好多時都係打邊爐，咁啱今日同朋友都想食中菜，就入去呢間盈館啦！一入到去餐廳環境乾淨光猛，大概七點就已經滿座，晚市主要做小菜，而且有小食套餐，啱晒一家人或者朋友聚會👍🏻涼伴海蜇 ($68)小食叫咗海蜇，大大份而且係好少食到嘅粗海蜇，味道少少辣幾開胃北京片皮鴨 $168呢個片皮鴨好有驚喜，幾乎每枱都會嗌，因為性價比好高，隻鴨都幾大隻片出嚟都好多肉，食完呢個已經飽飽地西蘭花帶子蚌 ($168)喺酒樓食小炒一定要嗌返個炒海鮮，幾有鑊氣，帶子同珊瑚蚌都保持彈牙同埋鮮味十足，份量都好多下，值得叫黑金流沙包 ($32)晚餐時間見到流沙包，作為流沙包愛好者，一定要叫！黑金流沙包一咬開，流沙就流晒出黎，個包亦非常鬆軟，當飯後甜品一流，非常完滿

<<性價比高中菜🥢>>.作為麻甩系女子，同巴打老友食飯通常係打邊爐/打冷，今次都係第一次一齊食中菜🤣巴打們梗要啤一啤，好欣賞酒樓會先冰凍酒杯，先斟啤酒，咁就可以保持啤酒的韻味。.🟥冰鎮咕嚕肉 $138 🟧中菜我最愛係咕嚕肉，通常食中餐都必叫。冰鎮做法之前係另一名店食過，今次質素差冇幾，但性價比高喎，外皮似冰糖葫蘆的脆糖外層，內裡保持肉汁，不過要趁快食，唔係個皮就會淋啦🟨北京填鴨 $168🟩好耐冇食片皮鴨!師傅即場切鴨片，香氣四溢，一咬肉汁泌出黎，包皮唔太厚索哂肉汁，趁熱配上青瓜及甜醬，滋味無窮.🟦酸菜海鱸魚片 $128🟪份量十足， 酸菜湯底濃郁夠酸，唔會過油/過鹹，配上豆卜及薯粉吸收精華.⬛黑金流沙包 $32 ⬜一餐最尾當然要食甜品，我最愛的流沙包，不負所望，達到流心效果好滿足

旺角創興廣場，平時總有好多人喺樓下排隊，食上邊嗰幾間任食放題，年紀大食唔到放題，又唔想太趕happy friday可以坐喺度慢慢傾計慢慢食，望完再睇過水牌原來樓上都有間中菜，見餐牌價錢唔貴，同行友人就決定一齊去試下。樓面唔算好大但枱同枱相隔得遠坐得都舒服，職員都好快就上茶落單。京式片皮鴨$168京式片皮鴨必食，$168一隻外賣都食唔到呢個價錢，真係好抵食，仲要佢係新鮮熱辣啦成隻片皮鴨羅出嚟即場切，片皮鴨關注組都應該要關注下佢，性價比同味道無得彈。老壇酸菜魚 $148好大份，係用新鮮嘅鱸魚，酸菜芽菜配料都非常之多，鱸魚嘅份量三個人都食唔曬，上枱時係新鮮熱辣，加分。紫薯淮山浸菜苗 $108最後嗌多個小菜，淮山浸小白菜仲有紫薯，睇相好似份量唔多但上到嚟嘅時候原來份量超級到，味道不錯。見到其他人嘅小菜都好吸引，特別係個冰鎮咕嚕肉，應該係招牌菜，差不多每一台都有叫咁濟，下次嚟到一定要試下，人均百零二百蚊已經可飽以住肚皮走，旺角聚餐嘅好選擇。

黑椒牛仔骨煲🍲牛肉煮得啱啱好, 唔會好韌, 黑椒味同牛仔骨嘅酯香完美融合, 香濃又惹味, 絕對能夠挑起味蕾嘅欲望!干煸珍菌和牛粒用左大廚特調嘅燒汁加少少豉油作汁底, 味道幾特別, 和牛粒好嫩滑, 加上珍菌嘅香味令到成道菜更香!😋金莎炸魚皮❤️呢道菜係因口痕而叫, 但食落真係好有驚喜!魚皮係用左鯇魚皮炸至酥脆爽口，厚實嘅魚皮裹上鹹香蛋黃, 非常香口美味, 如果搭配埋啤酒一齊食一定超正!幾個餸大家一齊食，坐得唔錯，幾個朋友聚會啱晒！

香港美食｜正宗香港老字号早茶，不吃后悔系列🔥开在九龙旺角的这家香港正宗老字号早茶🍵，如果你还没品尝过，🍜那就赶紧出发吧，每天早上人流量真的很大，不论是环境还是菜品都让我着迷，口感份量和价格也是匹配的哦🥩⭐⭐⭐⭐⭐香烧乳鸽烤制的金灿灿的乳鸽，🕊️虽然看着小小的，但是肉质去非常鲜嫩哦，表皮很酥脆，里面的肉很香甜多汁😍⭐⭐⭐⭐⭐一口鲍鱼燒賣鲍鱼制作出来的烧麦，不仅做的非常精致，入口也是很鲜美哦，鲍鱼嫩滑多汁有嚼劲😍⭐⭐⭐⭐⭐美味蒸凤爪蒸出来的凤爪真的很好吃，🥩软软糯糯入口即化，基本上秒脱骨，肉质鲜嫩细腻还弹牙，真的没有人能拒绝🌸⭐⭐⭐⭐⭐松露蛋白鸡粒炒饭松露➕蛋白➕鸡粒，这三种食材制作出来的炒饭，口感很独特，米饭带着独特的鲜美，鸡🐔粒好嫩滑，松露也是鲜嫩🍵⭐⭐⭐⭐⭐蜜汁叉烧肠蜜汁叉烧肠我每次吃早茶必点哦，🔥外面的肠衣又薄又软糯，包裹着肉肉真的很好吃，咸香十足还带点蜜汁甜味⭐🏡:盈馆📍:弥敦道593-601号创兴广场7楼

🏠家庭聚餐揀酒樓食小菜實無死, 今次我地就揀左呢間位於創興廣場7樓嘅盈館, 可能平日關係上到去吾洗等位就可以入, 坐底後我地就開左壺香片, 茶葉好香, 過左幾次水都吾會變得好淡, 唔錯唔錯~🍵北京片皮鴨🦆職員喺外面即場片皮同肉出嚟, 鴨皮燒到脆卜卜入口好有油香, 配埋青瓜&京葱, 夾入餅皮內捲起一齊食, 口感好正!二食我地就揀左茄子炆鴨件, 炆得好入味, 茄子吸入埋鴨肉嘅味, 呢道菜好好送飯!冰鎮咕嚕肉咕嚕肉用冰鎮住, 嚟到仲出緊煙, 食落酸酸甜甜外表仲好脆, 口感外冷內熱咁, 必食推介!👍🏻蘭花帶子蚌🥦賣相擺盤都唔錯, 西蘭花爽脆夠味, 帶子嫩滑鮮甜, 蚌都幾彈牙!

最近都比較少食中菜，朋友仔推介旺角創興廣場，有間性價比超高的中菜館，人均消費大概$150左右👍👍👍👍龍蝦好大隻，即叫即煮，非常生猛。西班牙黑毛豬豚肉生菜包黑毛豬比一般豚肉嫩滑香軟，富有咀嚼感，油脂含量適中，包住生菜一齊食，回味無窮。甜梅菜肉末炒涼瓜🌟苦味都變甘甜🌟滋味有鹹香，把苦瓜的苦轉化為後韻回甘，這個款配搭非常不錯👍👍👍👍👍黑松露美國焗蠔大大隻鮮甜多汁的美國蠔，差不多有一半掌心那麼大，咬落去肉汁滿滿，配上少許黑松露，增添鮮味。京式片皮鴨大大隻片皮鴨售價只係168hk，當面切片上碟，色澤金黃，見到都流晒口水，食扁皮鴨最講究的是餅皮，餅皮厚度適中，配以特製的甜醬、京蔥和青瓜， 十分美味。一隻鴨既份量超多，切成一小片，當中可選鴨肉連皮或者淨鴨皮，兩種食法佳有不同。如果想簡單d，選擇組合也是不錯既選擇，價錢非常合理。

約埋幾個中學同學聚一聚，一定要揀個地方系中間位，所以就約左去旺角，見創興廣場特別多食肆，今次就試下7/F 盈館，旺角站E1 出口行3 分鐘😎😎😎😎京式片皮鴨 $168份量夠六個人食，外皮酥脆鬆化且肉質嫩滑，每隻片皮鴨約有20片左右，餅皮厚薄適中，享用時配以甜醬、京蔥條及青瓜更添滋味。西班牙黑毛豬豚肉末生菜包 $148 黑毛豬是吃橡果維生，所以風味特別細膩，有獨一無二的像果香味，配以洋蔥蒜頭炒製而成，配生菜包住食，增添口感。黑松露焗美國蠔 $192美國蠔好用黑松露油焗，馥郁的松露香隨熱力彌漫到空氣中，蠔身不會太乾，入口時肉汁滿滿👍👍👍甜梅菜肉末炒涼瓜 $118食到家的味道，甜梅菜配肉碎炒涼瓜，令到涼瓜沒有那麼苦，苦中一點甜👍👍👍👍👍

見D食評講到甘好，朋友生日就試吓叫哂佢地三寶燉湯 - 冇味片皮鴨 - 凍既， D肉硬過我D肉冰震咕嚕肉 - 不過不失另外再叫龍蝦伊面， 又係凍既D， 冇味 炸蟹鉗 - 問一個姐姐有冇個醬， 一句話夠味就走左，隔左陣另一個姐姐拎個醬來話上漏左全晚最好食係南瓜雜菜煲， 因為佢熱呢間真係冇下次