盈館

營業中

休息中

假日得閒就飲茶今次去旺角酒樓試下帶屋企人嘆翻杯茶食下點心悠閒過假日🔸香煎瑤柱蘿蔔糕 一碟足足有3大舊，切得厚厚的。蘿蔔糕好足料，仲食到蘿蔔條在內，蝦米、瑤柱有齊，唔會太腍，口感剛好！🔸蘿蔔絲鹹水角外層炸得酥脆，內層有蘿蔔絲好香甜。🔸鳳爪排骨煲仔飯唔會太大盅，份量剛好兩個人share，咁就可以食到更多其他點心！去茶樓必點鳳爪排骨飯。🔸蟲草花濃湯鮮竹卷有埋蟲草花即刻Level up！鮮竹卷內有豬肉、冬菇、竹筍、生菜，餡料都非常入味，口感爽脆彈牙。🔸明爐蜜汁叉燒腸叉燒肉粒被腸粉透薄外皮包裹，搭配豉油食用，醬汁香氣襯托出叉燒嘅鹹甜肉汁及腸粉的特殊米製口感。🔸原籠欖仁馬拉糕平時酒樓食到嘅馬拉糕係無加入欖仁，呢到嘅馬拉糕好特別！加左欖仁在內，香味隨即大增。🔸晶瑩鮮蝦餃一籠有3粒，外皮薄而晶瑩通透，透視出內裡大大隻嘅蝦肉，蝦肉彈牙新鮮。

放假同朋友嚟旺角食晏，友人想食點心，提議去創興廣場7樓嗰間新派粵菜酒家「盈館」。第一次嚟呢間酒樓，原來入面嘅裝修都幾有格調，以湖水綠為主調，佈置清雅，燈光明亮，加上位同位之間有一定嘅距離，所以都坐得好舒服。嚟到剛好係下午茶時間，我哋揀咗 5 個點心同一碟炒飯。率先送上嘅荔香千絲酥 ($29.8)  賣相唔錯，熱辣辣，外層炸至金黃色，入口鬆脆酥化，內裡塞滿了軟滑嘅芋蓉，味道芳香，甜而不膩，水準不俗。櫻花蝦煎薄罉 ($25.8)  塊薄罉煎得好香口，放上檯時已經聞到蔥花嘅香氣，入口外脆內軟、煙煙韌韌，令人吃不停口。一口鮑魚燒賣 ($35.8)  鮑魚入味又不失大體，燒賣餡料飽滿，豬肉新鮮爽彈，咬口結實，配上鮮味嘅一口鮑，真材實料，絕對係必食之選！明爐蜜汁叉燒包 ($25.8)  叉燒包白雪雪，體積唔細，包身食落好鬆軟，內裡包住滿滿嘅叉燒餡，入口鹹鹹甜甜，蜜汁味好香，兩者口感完美結合。鮮蝦菜苗餃 ($29.8)  菜苗餃即點即蒸，餃皮晶瑩剔透，煙韌綿滑。餡料嘅蝦肉好爽口，鮮甜彈牙，同菜苗好夾，而且比例亦啱啱好，令味道生色不少！ 菠蘿雞粒炒飯 ($98)  炒飯大大碟，用料十足，有菠蘿、雞肉、

與家人去交通方便的旺角飲茶，午市坐滿食客，價錢親民又大碟。我們點左即叫即蒸：點心大拼盤$98，馬拉糕+自選4款點心：馬拉糕：黑糖味香濃不太甜，鬆軟可口。😍😍蝦餃：勁大隻有三隻彈牙蝦肉， 皮薄餡正又美味。👍👍👍叉燒包：鬆軟可口，醬汁豐富。菜肉包：豬肉味香。菜苗餃：菜苗嫩綠，餡料足，熱辣辣好味😋😋叉燒腸：剔透很滑，叉燒頗多。💕💕蒜香蝦春卷：香脆可口，蝦🦐爽口。手剁陳皮牛肉球：牛肉很滑，美味可口。

老友吹雞飲茶🫖，揀油尖旺區方便大家散水，一早訂咗枱唔使等位，我哋被編排去貴賓廳，目測有七至八張枱，望下點心紙有乜推介，叫咗12個點心，4個人應該夠食🥢海蜇燻蹄🔹️完全唔掂，切得厚咬落硬身，燒臘店贏九條街👎🏻鮑汁燜鳳爪🔹️味道唔錯，夠淋👍🏻鮮蝦明蝦角🔹️香口鬆脆😋香芋雞絲春卷🔹️一般脆皮炸蝦餃🔹️原來炸係唔好食，諗住得三粒唔夠分，好在冇叫多份😌鮑魚燒賣🔹️一上枱，鮑魚呢？ 跌哂落側邊，乸西成咁😓，唯有自己擺返上去先影，好食談不上，咪一嚿豬肉燒賣囉🤷🏻‍♀️蠔皇金錢肚🔹️夠惹味，唔韌 🫰🏻蘿蔔絲鹹水角🔹️點心紙圖片與實物不符，外層微暖，內裏冇乜餡料🙄黑金流沙包🔹️唔好期望有澎湃餡料流出，因餡料少做唔出呢個效果  🧏🏻‍♀️灌湯餃🔹️湯底唔錯，餡料算豐富❤️脆網金勾銀羅腸🔹️埋單前先出現，腸粉都唔熱了，咁又點會好食🙅🏻‍♀️🔴整體食物好一般，相比大型連鎖式酒樓失色，其次員工服務態度也是一絕，點心阿姐入嚟係嗌枱號，隔離枱婆婆們冇即時回應，遭責怪唔出聲，🙆🏻‍♀️問題係員工都唔知枱號？？另一位送點心員工也是奇葩，有食客問可否代為加水，佢只答一句搵樓面，行開幾步，講咗句➡️呢D都要做埋，我咪好唔得閒，大家聽到o哂咀😯，我哋食完點心

行過創興附近想搵嘢食，但大部份都係放題太Heavy～咁啱見到有間酒樓就想去飲吓茶～上到茶樓裝修平實就似一般街坊茶樓格局,整齊而乾淨.估唔到餐單種類好元化,午市更加有多種優惠套餐都幾吸引🤩例如有一個套餐$388已包括👇🏻👇🏻點心x4/時菜/燒味/炒粉麵飯～好豐富～翡翠鮮蝦明蝦角唔係度度地方有😋見到必叫～完全冇失望✨見到皮邊嘅層次就知道,必脆!!!果然外皮薄身香脆,蝦肉非常彈牙!好滿足～乳鴿優惠價$38.8🤩皮脆肉嫩,香口唔會太鹹味道剛好,抵食～潮州蒸粉果外皮煙韌,充滿豬肉香蔥蝦米粉葛非常飽滿,加埋辣椒油一流！叉燒腸食落嫩滑,叉燒肥瘦剛好脆炸大良鮮奶外脆內滑,外皮鬆脆包住少少甜嘅鮮奶餡,熱辣辣!調味剛好,都唔需要額外沙律醬蘿蔔絲鹹水角外皮厚身有口感,同樣脆口內裏餡料豐富,充滿肉碎豉汁鳳爪份量好多好入味😙下層仲有烏冬墊底,撈汁好夾所有蒸點似乎係即叫即蒸👍🏻✨因為外面大部份茶樓會將點心先蒸熟後供應,到枱時就會皺皮同縮水~但盈館所有蒸點心都帶有光澤而且大大粒！而炸物同樣即炸,完全唔油膩!放耐咗仍然脆身🤩現時新式酒樓飲茶,好多都IGable,份量少價錢貴～外型討好,但味道一般~如果喺旺角區飲茶都會

旺角的創興廣場都好多嘢食，今晚選擇了食中式菜，就是7樓的新派粵菜盈館。餐廳裝修配襯著原野綠，感覺好清新。Menu圖文並茂，都比較多款式，有特式小菜,冰鎮咕嚕肉、香芒脆蝦球、哈哈生炒骨……等。哈哈生炒骨$118 哈哈生炒骨，面有青紅椒及菠蘿，青紅椒都炒得好爽脆。菠蘿酸酸甜甜，省卻炸過的生炒骨的油膩感，是生炒骨很好的配菜。生炒骨粉皮適中， 不太厚，外層沾著的滿滿的醬汁，味道酸酸甜甜，入口外脆內爽口，很惹味！秋葵開揚炒帶子$138帶子的份量都算多，頗大粒的，口感煙韌帶軟腍，食落啖啖肉。秋葵斜切開，煮得比較腍，配菜也有青紅椒及蔥段，令整個菜多了爽口及香氣。

💡新潮點心之選好耐都無食過點心，朋友就介紹呢間新潮點心鋪，主打多款創新點心，食物好有特別，店內燈光明亮，乾淨整潔，而且味道都唔錯。🍽黑金流沙包 即叫即蒸，熱辣辣而且香噴噴，黑芝麻做個皮，咬落去有流心既效果，好香口。🍽叉燒腸叉燒肥瘦岩岩好，而且多餡，食落仲好嫩滑。🍽乳鴿 乳鴿 未必間間飲茶都有，大小適中，乳鴿香氣四溢，皮脆肉質夠嫩，味道岩岩好。🍽蒜香蝦春卷上台仲熱辣辣，炸得好香口，蝦亦好彈牙。🍽金蒜陳醋拍青瓜青瓜新解得黎好脆口，酸酸地好開胃。🍽菠蘿雞粒炒飯份量有好多，飯粒粒分明，加埋雞粒味道更有層次。ps/佢地主打多款創新點心，選擇都好多！而且環境闊落，坐得都幾舒服👍🏻👍🏻

同屋企人嚟旺角飲茶誤打誤撞搵到呢間酒樓，午市時段全場爆滿雖然食客多，但完全無影響入座同上菜速度員工好有效率✨脆皮燒賣皇蒸燒賣食得多，呢款外皮脆卜卜 好香口裡面包著冬菇 味道同口感豐富面層加上辣醬非常惹味✨馬拉糕自選點心拼盤除咗主角 馬拉糕之外仲可以揀4款唔同款嘅點心即叫即蒸．熱辣辣✨蝦餃皇勁多蝦肉，彈牙新鮮，餃皮唔會太厚✨蒸粉果芹菜味好香，喜歡粉果嘅口感豐富花生脆口，餡料新鮮✨菜苗餃包著菜苗同鮮蝦，大隻又飽滿✨叉燒包醬汁同都叉燒比例恰好同馬拉糕一樣咁鬆軟✨雪菜火鴨絲炆米平日出街食炒粉麵都怕肥膩炆米就啱哂，唔油膩之外，仲好夠味米粉唔會太腍太濕，份量好多好大碟下次要晚市嚟試下鎮店三寶

約左成班朋友一齊聚舊，想有個地方坐得闊落又可以傾返兩三個鐘，當然係選擇飲茶啦。由於朋友們來自香港九龍新界不同角落，於是選擇這間於旺角的盈館，交通夠晒方便，旺角地鐵站E1出口行3分鐘左右就到點心選擇都幾多，價錢大眾化，容易搵位，當日去到酒樓見到座位只係八成滿，坐得唔算逼👍🏻👌🏻

不知所謂！請要去呢間餐廳嘅人三思本身睇到好多人都比正評，覺得唔錯，又睇過啲菜式幾啱食，而且好似平靚正，咁就訂位啦！結果年廿九去到上去，簡直係大伏呀！上到去到去菜單同之前完全唔一樣，而且只係剩返12人嘅圍菜，單點嘅就剩返黃色呢張紙。新年加價，每碟都加百幾$200 ，你話有質素OK，但係完全冇，真係不知所謂！落咗個湯，但係又唔話俾人哋知冇，要人等咗成個鐘叫我。最後3碟餸連加一收1000元都唔知自己食咗咩！唔夠人手，就唔好叫咁多人入嚟最尾連入面煮飯嘅阿叔都要出嚟上菜大伏

見到openrice 有不少好評，同屋企人黎試下。唔知係咪過年要搵真銀，環境同服務完全不濟。首先啲枱排到密質質，背頂背。其次啲呀姐個個都做到上晒身，呼喝之餘想拎啲野好似要求佢咁，樓面完全唔夠人。跌過落地既點心紙又放返係我地枱面。除左食物叫過得去，其他方面完全唔掂。價錢仲要唔平，小點都27.8。新年流流預左加價，但呢個價錢真係可以有更好既選擇。咁高既評分真係唔明白從何而來，大時大節同親友黎飲茶建議大家諗清楚。

188蚊4粒百花釀蟹鉗，貴到堅離地，又凍哂又細粒，呢間野冇下次！呢間晚上樓面員工又少，睇住隻片皮鴨灘係張枱到15分鐘由有煙出變凍哂都冇人拎去比客人張枱，最後全場只有一位女職員去片隻鴨，男經理只識行來行去又不幫手片鴨。好多野上哂枱d野都凍哂，又貴又冇服務又唔係好食！

服務：4星環境：4星衛生：4星味道：2.5星（俾唔出3星！）本人覺得評語名不副實！櫻花蝦豉油皇炒腸粉同XO醬炒蘿蔔糕居然係同一味道！食唔到蘿蔔糕有XO醬味；薄罉粉團味太重；雖然係蘿蔔絲鹹水角啫，但唔駛甜到咁啩？鹹水角係甜嘅，皮有年糕味，好奇怪……；甫魚乾蒸燒賣，肉乾得離譜；仲有，第一次食咁鹹嘅蝦餃……仲之唔係太鹹就太甜……！可能係新年嘅關係啩，兩個人八個點心，食咗＄441，但係咁嘅質素，對唔住呢個價錢，總之成餐係……無語……！

很差的服務態度，入座後，問那些老大爺要餐牌，說：「你開完茶位再给你吧！」。好......開完茶，终於拿到餐牌，餐牌内的内容和網上的完全不同，選擇又少又貴，最後，還有一個豆腐煲甩單，追了兩次，多等了半小時，才上菜。

盈館位置近油麻地，如在旺角鬧市中未能物色心水飲茶地方，不妨行多兩步去盈館飲茶。講真嗰句，酷愛甜品嘅我好大程度上係俾盈館嘅「脆炸大良鮮奶」吸引嚟幫襯，香港實在好少地方有炸鮮奶食。每份「脆炸大良鮮奶」有三條炸鮮奶，另配上一碟沙拉醬。一咬落去條炸鮮奶度，真係非常之熱辣辣！熱到燙口！炸鮮奶嘅外皮好鬆脆，甜甜咸咸，夾埋鮮奶餡，係香甜嘅味道！趕快一啖又一啖放晒成條炸鮮奶入口，滿口獨特嘅香甜，真係好正！個人認為沙拉醬對比炸鮮奶太酸，所以兩者味道並不匹配。跟住試試手打順德鯪魚球，相當彈牙，相信有加入肥豬膏調味。可選擇配以胡椒粉食。試埋梅菜扣肉飯，飯份量唔太多，而扣肉份量都偏少。如果扣肉份量增加多啲，先可以襯晒每一啖飯，幸好甜咸梅菜都好好送飯。此餐廳尚有其他菜餚尚待品嚐！