盈館

營業中

休息中

很差的服務態度，入座後，問那些老大爺要餐牌，說：「你開完茶位再给你吧！」。好......開完茶，终於拿到餐牌，餐牌内的内容和網上的完全不同，選擇又少又貴，最後，還有一個豆腐煲甩單，追了兩次，多等了半小時，才上菜。

盈館位置近油麻地，如在旺角鬧市中未能物色心水飲茶地方，不妨行多兩步去盈館飲茶。講真嗰句，酷愛甜品嘅我好大程度上係俾盈館嘅「脆炸大良鮮奶」吸引嚟幫襯，香港實在好少地方有炸鮮奶食。每份「脆炸大良鮮奶」有三條炸鮮奶，另配上一碟沙拉醬。一咬落去條炸鮮奶度，真係非常之熱辣辣！熱到燙口！炸鮮奶嘅外皮好鬆脆，甜甜咸咸，夾埋鮮奶餡，係香甜嘅味道！趕快一啖又一啖放晒成條炸鮮奶入口，滿口獨特嘅香甜，真係好正！個人認為沙拉醬對比炸鮮奶太酸，所以兩者味道並不匹配。跟住試試手打順德鯪魚球，相當彈牙，相信有加入肥豬膏調味。可選擇配以胡椒粉食。試埋梅菜扣肉飯，飯份量唔太多，而扣肉份量都偏少。如果扣肉份量增加多啲，先可以襯晒每一啖飯，幸好甜咸梅菜都好好送飯。此餐廳尚有其他菜餚尚待品嚐！

今天星期六同母親大人去飲茶。我們去了旺角創興廣場（盈館）傳統茶樓的裝修，好多上左老紀的公公婆婆。我們點了午市茶的點心馬拉糕點心拼盆~蝦餃~真功夫潮州粉~叉燒包~菜苗餃叉燒腸粉香煎五香芋頭糕陳皮牛肉球馬拉糕點心拼盆好大籠🤣😂中間有大大個馬拉糕旁邊有四款點心~蝦餃-大大隻蝦餃，肉質飽滿，爽脆鮮甜。👍🏻👍🏻👍🏻👍🏻👍🏻~真功夫潮州粉果-肥肥白白的足料潮州粉果~叉燒包～香軟糯香，香濃野味的叉燒。~菜苗餃-足料飽滿，菜苗爽脆，蝦肉鮮嫩。叉燒腸粉～香滑軟糯👍🏻👍🏻👍🏻香煎五香芋頭糕~芋頭好香，軟硬剛好，好香口

見到網上食評，覺得酒樓食物有保證，試咗就出事啦…….1）8餸1湯出菜時間用咗2小時10分鐘（頭3個餸半小時內到，但條魚蒸唔熟要返蒸、等咗53分鐘後才有第4個餸，我哋不斷催個經理佢回覆我地跟緊做緊），最後出動到要cut單加埋單先可以在最尾嘅10分鐘內出2個餸給我們。 2）人手唔夠，全場得兩個樓面、三個部長+一個經理。（全場大概有25-30張枱）冇傳菜、全程係廚房員工遞出來大堂枱面給部長去分。（我坐廚房門口第一張枱睇到出菜情況）埋單等咗好耐，後尾自行出櫃檯埋單，點知原來佢冇收銀要等部長得閒先可來收錢🤪⋯⋯搞笑1）員工做到躁底,不斷互相爆操鬧交囉⋯⋯😱搞笑2）收銀嗰位部長可以埋完張單錄完Visa Card轉頭話收漏咗小食費用叫你俾返現金佢，出單之前你唔係睇清楚張單才去收錢架😤3）食物質素一般，條魚蒸唔熟，鮑魚雞煲來到雞件唔熟，同經理講佢話同廚房反映下…..其實你知唔知臨近過年你每個餸都加咗$60-230價錢㗎😳（北京填鴨平時$168加到$398）（酸菜魚平時$138加到$198）（冰鎭咕嚕肉平時$128加到$198）我唔知點解你個評分可以咁高，但係我可以話俾大家知，大時大節真係唔好幫襯起佢，

對上一次飲茶唔知係幾耐嘅事，已前排閉關考完試，放假當然要周圍去行下放鬆下心情。黑金流沙包一籠四件，麵包相當軟熟，話明流沙包，流沙效果當然不可缺少，熱辣辣食唔會有得輸。蘿蔔絲鹹水角平時食鹹水角，裡面嘅滷料通常都係肉碎，今次裡面有滿滿嘅蘿蔔絲，外脆內軟。四寶雞扎每個人食雞扎都有自己鍾意食嘅食材，我就鍾意食芋頭，吸左精華後味道更有層次，你地又鍾意食邊樣？脆炸鲜奶炸得夠香脆，每啖都有淡淡嘅鮮奶香味，口感細滑。由以前到而家飲茶，一睇點心紙第一時間都會揾煎薄罉和炒腸粉，見到有都一定會點。依度嘅煎薄罉夠香口，腸粉用上櫻花蝦黎炒，惹味十足。

假期同屋企人出旺角行街，知道創興廣場多食肆，屋企人又鍾意飲茶，所以去咗【盈館】。🥰在眾多點心，小食及小菜內我哋叫咗叉燒腸粉、美味蒸鳳爪、叉燒包、香煎瑤柱蘿蔔糕、晶瑩鮮蝦餃、金錢肚、臘腸雞煲仔飯、紅燒皇子鴿、潮州味菜火鴨絲。😍叉燒腸粉好滑，皮薄叉燒餡又多，配特製豉油食一流。😋美味蒸鳳爪好爽口，鳳爪又大隻又入晒味。😋叉燒包有一貫高水準，最緊要熱食。😋香煎瑤柱蘿蔔糕煎得金黃色剛剛好，有瑤柱味特別香，點埋甜醬或辣椒醬食惹味。😋晶瑩鮮蝦餃用超薄皮包住好大隻鮮蝦，正。😋金錢肚同樣用特製醬汁蒸，好鮮又有咬口。😋臘腸雞煲仔飯份量足，臘腸有傳統風味，雞件有雞味且鮮。😋紅燒皇子鴿生炸過後極香口滋味。😋潮州味菜火鴨絲估唔到味菜炒過後咁爽口，同火鴨絲食有不同口感。😋

盈館今日放工同阿女嚟咗旺角中菜館，阿女食咗話呢間中菜館唔錯，所以帶我嚟品嚐。環境方面，裝修係老式酒樓風格，店員年紀都比較大，好有特色。1 片皮鴨$168首先，就叫咗一隻片皮鴨。片皮鴨好大隻，點會唔會即場喺適合面前切肉，非常有氣勢！鴨肉非常多汁，見到侍應一路切，一路有肉汁流出。鴨皮香脆，較薄身。鴨肉厚實，肉質嫩滑。另外，仲有兩款配料，分別係青瓜同大蔥。最後加上醬汁，將所有食物包好，食落滋味無窮！2 帶子蝦仁炒鮮奶$128 咁之後仲嗌咗個小菜。依碟餸菜有唔少鮮蝦同細細粒帶子， 免頭仲鋪上一點點蟹子，賣相不錯。炒鮮奶香噴噴，識落滑嘟嘟，味道唔錯。

朋友收工約埋一齊食飯，平日兩人好少上酒樓食飯🥣，多數去餐廳搵食，經過創興見到呢間盈館，再上OpenRice 搜尋有啲乜嘢食，呢間新派中菜館都有好多出名嘅特色小菜，可以一試😋😋平日晚市都好多人，生意都唔錯👍原來酒樓提供多款晚市套餐，適合一家大細，家庭聚會，公司宴客不同選擇，都不錯👍酒樓名菜，冰鎮咕嚕肉$138，賣相勁吸睛👀，上到枱超大碟冰封菜式！咕嚕肉冇骨，啖啖肉，冰封令外皮好脆，外冷内熱，酸甜適中，不妨一試～另外仲叫咗黑蒜慢煎牛柳粒$138，外表睇落牛柳粒好似黑萌萌，其實係用有益又健康的黑蒜爆炒而成，鑊氣十足，牛柳粒食落嫩滑juicy，黑蒜🧄香甜美味😋😋

「明明訂好位，到現場話冇，乾等1小時！」本身喺OpenRice訂咗位去做冬，去到現場先話我冇Book，好彩我cap哂圖，證實盈館漏咗我個Booking。職員話好快有枱，結果一家八口（包括一個老人家）要企喺到等足1個鐘先有位！原本8點鐘嘅做冬飯，結果11點先可以食得完，啲職員仲要趕收工，明明未食完就想收走啲嘢食，成餐飯好似做二等工民咁，老人家食得好唔開心！PS:條蒸魚仲要唔熟，食物質素參差，一係好鹹一係冇調味，懷疑係趕收工亂煮奉勸大家小心。

好耐無食點心！盈館 (旺角)旺角彌敦道593-601號創興廣場7樓放咗四日聖誕假，同朋友不停聚會，不停都係食西餐、壽司、Pizza、火鍋等等，好耐冇食過中式點心🥧，於是今日就同媽媽去到旺角創興廣場一間茶樓飲下茶啦！我哋搭lift上去嗰陣，本身都係諗住上去睇吓個餐牌，睇吓啲裝修點樣先再決定，因為未食過呀嘛！一打開lift門，見到茶樓入邊差唔多滿座，食客有唔少似係喺附近工作的白領，亦有唔少長者同朋友喺度享受一盅兩件！就係咁比到信心我哋入去試一試！我同媽媽兩個人都叫咗唔少嘢啊，潮州蒸粉果- 好味入邊好多粉果調味啱啱好鮮蝦燒賣 - 叫咗下午茶特價款，所以得兩粒，我哋兩個人就夠食啦呢個好好味真心推介！燒賣面有木魚，好少見亦都係唔錯的配搭！鮑汁鳳爪 - 嘩份量唔少啊！好啱鍾意食鳳爪嘅我，鳳爪亦都肥肥地嘅，可以啖啖肉，唔係淨係食骨！蝦餃- 呢個蝦餃冇得彈啦！我阿媽都話好正！每粒蝦餃都材料豐富，我估計入邊有至少三隻蝦或以上！炸鮮奶- 炸鮮奶一客有四條，好好味😋兩個人食四條啱啱好，因為真係會食到唔停口！手剁陳皮牛肉球- 新鮮熱辣！ 大大粒！雪菜火鴨絲炆鮮竹米- 炆米材料豐富又唔少鴨肉!

旺角呢間傳統酒樓，夠晒平民。今日假期相當多人。假日選三款點心$98櫻花蝦煎薄餅、菜苗餃、蒸鯪魚球櫻花蝦煎薄餅，大大塊得少少香脆，有蔥花。菜苗餃足料多餡，入邊多菜苗、蒜蓉、馬蹄、蝦。蒸鯪魚球有三粒，有胡椒粉、鯪魚肉唔會腥～～～一口鮑魚燒賣一份有兩粒，鮑魚夠腍身，增添燒賣味道～～～四寶雞扎大大件，入面有豬皮、蟹柳、雞等。灌湯餃大大件湯包，豐富口感。金錢肚夠入味，仲有芋頭～～～食到飽飽，嘆下茶夠貼地～～

今日嚟到旺角創興「盈館」同媽咪飲下午茶食點心盈館裝修風格走新派酒樓路線，以湖水綠為基調，位與位之間有一定距離茗茶每位$1️⃣0️⃣，設有特惠下午茶點心紙用古色古香的器皿盛載熱水揀咗香片，茶味醇香解膩==========🔹鮮蝦燒賣 (2隻) $18.8燒賣頂灑上木魚冬菇香滑，鮮蝦爽彈，口感不錯推介指數：7.5/10🔹蜜汁叉燒腸 $26.8叉燒肥瘦適中帶微微蜜汁香，加入芫茜令味道層次提升腸粉夠滑濕度高推介指數：7/10🔹蠔皇金錢肚 $22.84️⃣件金錢肚腍滑帶不錯的蠔皇味道墊底芋頭夠粉及香推介指數：7/10🔹黑椒牛仔骨 特點 $33.8 (星期六下午茶價)牛仔骨有適量黑椒味道，肉質有嚼勁推介指數：7/10🔹香燒乳鴿 $48外皮炸得香脆，乳鴿夠瘦推介指數：7/10🔹胡麻鮮淮山 $52淮山爽身，加入麻醬夠開胃推介指數：7.5/10🔹高湯灼菜心 $48菜心爽脆帶菜味，豉油經調較味道不過鹹推介指數：7/10==========「盈館」處於旺角中心地帶，交通方便，出開嚟想飲茶呢度都係一個選擇😊

今日同老公嚟旺角嘆一盅兩件，一到下午茶時間好旺場，地方好大，裏面仲有好多包廂，我就揀咗坐偏廳角落位，可以靜靜哋飲茶～午市震撼底價孖寶：紅燒皇子鴿1隻+ 潮州味菜火鴨絲 $48呢個好抵食，原隻燒乳鴿再加一個小炒都唔使$50👍🏻 乳鴿外皮燒到好香脆，肉質結實帶有香濃的乳鴿肉味，成個口腔都會充斥油香又唔會太肥～😍潮州味菜火鴨絲都火候十足，火鴨絲配上三色椒絲同洋蔥炒得好香，送飯一流～😋🍵抹茶流沙麻球炸到熱辣辣脹卜卜，外面加咗香脆嘅芝麻，口感酥脆，抹茶麻糬球口感煙韌，咬開入面爆出蛋黃流沙餡，香甜可口～超推薦甜品🤩鮮蝦菜苗餃大大件，皮薄剔透，裏面有鮮蝦同菜苗餡料，餡料飽滿～豉汁蒸鳳爪 醬汁好惹味，鳳爪爽口有嚼勁～💛椰汁黃金糕 超大件，質感好有彈性，金黃色好靚，有少少椰汁香味，甜度適中～蜜汁叉燒腸粉腸粉好滑，粉漿厚度適中，裏面包着嘅叉燒都幾多，配上甜豉油非常夾～潮州粉果外皮煙韌，裏面包着花生，蘿蔔等等餡料，正宗潮州粉果風味～鳳爪排骨煲仔飯鳳爪惹味，排骨肥瘦適中，醃得好入味，飯底軟硬適中粒粒分明～整體點心質素高質，上碟熱辣辣，出餐速度快；環境乾淨衛生，企理整潔；職員態度有禮，仲會主動推介菜式同問客人需

印尼姨嚟香港探親，一家人諗住帶佢去食中菜，揀左呢間貪佢方便 shopping完去食飯。我哋早食唔使等位，6人唔大食就揀咗個家常便飯（4人套餐）有脆皮燒雞半隻，養生燉湯，冰鎮咕嚕肉，清蒸沙巴仔，上湯焗龍蝦伊麵，翠蔬和甜品。呢個套餐好豐富，有湯有魚有肉有菜有海鮮，$988抵食。養生燉湯係淮山雞腳豬𦟌配圓肉，健脾養血滋陰，夠火喉好飲而且大大煲，每人可以飲2碗。冰鎭咕嚕肉係佢特別菜式，全晚亮點外脆內軟 ， 味道甜甜地唔酸，好開胃，有喜出望外，大家都好鐘意食。海鮮都唔錯👍🏼沙巴龍躉仔幾滑身；另外龍蝦算多肉和新鮮，伊麵吸盡龍蝦汁，個汁唔會鹹清清地幾好。甜品係椰汁榚，椰汁味唔算濃郁，但都爽合軟滑。諗住4人套餐唔夠食要加餸，點知大家都夠飽，抵👍🏼性價比高。

好耐冇去飲茶啦😋😋前排放假就同屋企人黎到「盈館」飲茶～～佢地主打多款創新點心，選擇都好多！而且環境闊落，坐得都幾舒服👍🏻👍🏻📍晶瑩鮮蝦餃望落晶凝通透，皮薄餡靚！！外皮煙韌，裡面包住大大粒蝦仁🦐！味道鮮甜🤤🤤📍一口鮑魚燒賣(2件)呢款係佢地既招牌點心，要試試～～面層既鮑魚好爽彈，燒賣啖啖肉，十分足料❤️❤️📍小心流沙豬嘜包賣相可愛！拎上手時熱辣辣🔥🔥口感鬆軟，咬落有金黃流沙內餡，好香甜！！📍蘿蔔絲鹹水角造型成個蘿蔔咁🥕，打卡一流！！外層好酥脆，裡面包住豬肉碎、蝦米、蘿蔔絲等餡料，口感豐富🤤🤤📍明爐蜜汁叉燒腸腸粉滑捋捋，裡面既叉燒夠香口～～再蘸埋秘製醬油，越食越開胃👍🏻👍🏻📍豐料瑤柱珍珠雞一籠有兩個珍珠雞，份量啱啱好～～糯米口感軟熟，裡面包住瑤柱、豬肉、鹹蛋黃、冬菇等，鹹香十足！食完幾飽肚😋😋