影片
更多
2023-03-05
328 瀏覽
放假同朋友嚟旺角食晏，友人想食點心，提議去創興廣場7樓嗰間新派粵菜酒家「盈館」。第一次嚟呢間酒樓，原來入面嘅裝修都幾有格調，以湖水綠為主調，佈置清雅，燈光明亮，加上位同位之間有一定嘅距離，所以都坐得好舒服。嚟到剛好係下午茶時間，我哋揀咗 5 個點心同一碟炒飯。率先送上嘅荔香千絲酥 ($29.8) 賣相唔錯，熱辣辣，外層炸至金黃色，入口鬆脆酥化，內裡塞滿了軟滑嘅芋蓉，味道芳香，甜而不膩，水準不俗。櫻花蝦煎薄罉 ($25.8) 塊薄罉煎得好香口，放上檯時已經聞到蔥花嘅香氣，入口外脆內軟、煙煙韌韌，令人吃不停口。一口鮑魚燒賣 ($35.8) 鮑魚入味又不失大體，燒賣餡料飽滿，豬肉新鮮爽彈，咬口結實，配上鮮味嘅一口鮑，真材實料，絕對係必食之選！明爐蜜汁叉燒包 ($25.8) 叉燒包白雪雪，體積唔細，包身食落好鬆軟，內裡包住滿滿嘅叉燒餡，入口鹹鹹甜甜，蜜汁味好香，兩者口感完美結合。鮮蝦菜苗餃 ($29.8) 菜苗餃即點即蒸，餃皮晶瑩剔透，煙韌綿滑。餡料嘅蝦肉好爽口，鮮甜彈牙，同菜苗好夾，而且比例亦啱啱好，令味道生色不少！ 菠蘿雞粒炒飯 ($98) 炒飯大大碟，用料十足，有菠蘿、雞肉、
放假同朋友嚟旺角食晏，友人想食點心，提議去創興廣場7樓嗰間新派粵菜酒家「盈館」。
第一次嚟呢間酒樓，原來入面嘅裝修都幾有格調，以湖水綠為主調，佈置清雅，燈光明亮，加上位同位之間有一定嘅距離，所以都坐得好舒服。
嚟到剛好係下午茶時間，我哋揀咗 5 個點心同一碟炒飯。
率先送上嘅荔香千絲酥 ($29.8) 賣相唔錯，熱辣辣，外層炸至金黃色，入口鬆脆酥化，內裡塞滿了軟滑嘅芋蓉，味道芳香，甜而不膩，水準不俗。
櫻花蝦煎薄罉 ($25.8) 塊薄罉煎得好香口，放上檯時已經聞到蔥花嘅香氣，入口外脆內軟、煙煙韌韌，令人吃不停口。
一口鮑魚燒賣 ($35.8) 鮑魚入味又不失大體，燒賣餡料飽滿，豬肉新鮮爽彈，咬口結實，配上鮮味嘅一口鮑，真材實料，絕對係必食之選！
明爐蜜汁叉燒包 ($25.8) 叉燒包白雪雪，體積唔細，包身食落好鬆軟，內裡包住滿滿嘅叉燒餡，入口鹹鹹甜甜，蜜汁味好香，兩者口感完美結合。
鮮蝦菜苗餃 ($29.8) 菜苗餃即點即蒸，餃皮晶瑩剔透，煙韌綿滑。餡料嘅蝦肉好爽口，鮮甜彈牙，同菜苗好夾，而且比例亦啱啱好，令味道生色不少！ 
菠蘿雞粒炒飯 ($98) 炒飯大大碟，用料十足，有菠蘿、雞肉、蛋絲同翠玉瓜等，飯粒炒得好乾爽，粒粒分明，夠鑊氣又唔油膩，香口惹味。
張貼
