盈館

營業中

休息中

位置方便，旺角地鐵站附近。環境：同去茶餐廳差唔多。可能價錢相宜，唔少人去食架。有一家大細亦有三五知己。食品：1）冰鎮咕嚕肉（影相📸️一流，算係一特色，味道可以😌）2）櫻花蝦豉油皇炒腸粉（腸粉係滑既，ok) 3）盈館一品炒飯 （食到粗鹽，而且顏色麻麻地，有待改進)4）脆皮鮮蝦餃( 炸既蝦餃，幾特別，個人不太喜歡）5）豬麥包（🐷既樣，唔錯）6）一口鮑魚燒賣(鮑魚好細粒🤣🤣）7）脆網銀蘿腸（太咸🤦🏻‍♀️）

不過不失，食物是熱辣辣，不過服務員太少，隔音隔板也沒很好，樓梯口既煙味都傳到入黎。蝦角幾好食，但有d咸。麻醬撈淮山都幾食，如果多d醬更好。總括黎講，食物質素算唔錯。

一間在旺角的酒樓，價格親民，味道好！椰汁黃金糕，蝦餃櫻花蝦炒腸粉，馬拉糕，蝦餃，叉燒包，流星奶黃包，通通可以閉眼點，都非常非常好吃，如果你喜歡吃廣式點心，那這一家一定可以滿足你！早茶的另外一大精髓就在於親切與夥計聊家常，這裡真的非常多回頭客，看到餐廳中夥計在每一桌中來回穿梭的同時，又可以與大部分人談笑風生，非常有親切感，餐廳的裝修非常新，不是那種有一點年代感的茶樓，超讚！價錢方面，沒想到這麼好吃的餐廳竟然如此實惠！店裡有非常多的超值套餐，基本上涵蓋了大部分招牌菜式！又大又漂亮的點心拼盤只要98，胃口小的男生應該可以直接吃飽，除此之外，還有適合家人聚餐的選擇，四款手工點心+兩款美味小食+大粉面飯只要328，性價比非常高！

約了屋企人食飯見呢間網上食評幾好，而且又有我想食嘅冰鎮咕嚕肉同片皮鴨，所以決定試吓呢間。首先上到去見到個場地唔算好大，枱同枱之間都算逼夾，同屋企人都要分開行先至可以坐低。跟住見到餐牌價錢都頗貴，選擇亦唔多，就叫咗四樣嘢食同白飯，味道尚算可以，不過服務生好似唔夠人叫咗幾次先有人回應。到最後結帳食咗成千蚊，返到屋企上網睇發覺原來餐牌價錢同平時唔同咗，每樣都貴咗50至$100，今餐飯起碼貴咗$300，感覺非常唔良好，唔會再有下一次！每樣食物比平時收費貴

約朋友去旺角食飯，朋友想食小菜，我想坐得舒服啲，可以傾計傾耐啲，所以我哋搵咗呢間茶樓，可以飲住杯茶慢慢傾。我哋兩個都唔係好肚餓，叫咗兩個小菜及一碗白飯，分別係黑松露滑蛋炒蝦仁及盈館小炒皇。黑松露滑蛋炒蝦仁碟炒蛋一上菜就聞到好香黑松露及蛋香味，炒蛋火候控制得好好，蛋炒得很滑，蝦仁大大粒，爽口彈牙，入口每啖都滲出淡淡的黑松露香。盈館小炒皇材料非常之豐富，有韭菜花、魷魚、腰果、蝦仁、瘦肉及炸香白飯魚，小炒皇炒得非常之有鑊氣，非常香口，值得一試。盈館的確一個聚腳嘅好地方，坐得又舒服，小菜又不錯，可以飲住杯茶，慢慢傾。

假期係旺角搵野食真係唔容易，又要可以坐得舒適同朋友食飯傾計耐D，見到呢間舊式茶樓，抱住試一試的心態。片皮鴨係茶樓的重點推介，當中有不少海鮮的菜式。我地無食到，只係叫左兩個小炒：黑松露滑蛋炒蝦仁及盈館小炒皇，配白飯黑松露滑蛋炒蝦仁淡淡的黑松露香味和蛋香，好滑，好香甜，蝦仁好大粒，份量都多，配白飯食一流。盈館小炒皇一碟小炒王最重要就是有鑊氣，上枱就聞到好香，滿滿一碟，材料都豐富！韮菜、蝦乾、腰果及魷魚等，爆香，整碟餸會更香口！連隔離枱的食客都問，呢碟咩餸，咁香。鑊氣香口程度，媲美大排檔，但環境舒適！整體兩碟小炒都好香，材料足，配白飯一流！

約咗幾個朋友去旺角飲早茶，環境唔錯，係同朋友聚腳嘅好地方。我地點咗好多野食。𣲙鎮咕嚕肉：打卡一流，賣相吸晴，咕嚕肉埋藏在𣲙塊內，營造出外冷內熱嘅口感。翡翠鮮蝦明蝦角：呢個好食，皮酥肉嫩，咬口非常鬆脆。招牌燒鵝皇(例)：肉質喺嫩口既，味道唔錯。美味蒸鳳爪：醃料味道唔錯。晶瑩鮮蝦餃：蝦肉爽口，粉皮唔厚。整體服務都算ok，食物質量正常，環境唔錯，唔會好嘈，坐得幾舒適。🔎盈館 (旺角)📌旺角彌敦道593-601號創興廣場7樓

👧🏻😋👅🍽✨必食抵食片皮鴨😍-盈館 🇭🇰 旺角彌敦道593-601號創興廣場7樓 🇭🇰-🍵創興位置方便, 店面唔大但都有包廂, 環境舒服唔會太嘈雜🍵出餐快手店員醒目~-🦆🫓🥒北京片皮鴨 一食 $188💯店員用架餐車推成隻鴨出黎, 先上蔥, 青瓜同醬料, 之後就會即席表演片皮鴨; 雖然我地坐得唔近, 但都好明顯見到隻鴨岩岩燒起出晒煙咁💯鴨肉軟腍鴨皮酥脆; 份量好多$188算超優惠, 我已經每塊皮包兩舊鴨但最後都仲剩返好多肉點醬就咁食勁正-🍮杞子桂花糕 3件 $28✨食完個大大份片皮鴨已經好飽🤣 但都要填下個甜品胃; 杞子桂花糕唔會太甜好清香, 食完濃味野食呢個清清至岩喇-🥜小食 $15 💯唔知係咪每日都同款, 今晚係花生勁驚喜; 最驚去D酒樓俾D放左幾日幾夜既淋滋滋花生, 但呢個係完美, 好鹹香好脆!!!😍-

好耐無試過兩口子去茶樓飲茶，今日癮起，去旺角《盈館》嘆下一盅兩件。之前去過一次食晚飯，啲小炒都唔錯，幾鐘意佢個冰鎮咕嚕肉。下午飲茶就第一次。 ✨金沙南瓜條呢個配搭味道幾有驚喜。鹹蛋黃外層，食落唔會太膩，口感微脆。✨避風塘脆茄外脆內軟，蒜香味十足，帶有微辣，幾惹味。✨豬嘜包個賣相又幾過癮😆裡面係香濃熱辣辣一既流心奶黃。✨鮮蝦蒜香脆春卷裡面隻蝦大大隻，外面夠脆，已經夠好味🙌🏻✨明爐蜜汁叉燒包飲茶指定動作。餡料都幾多，同埋最緊要夠熱🙌🏻✨燒腩仔瀨粉去飲茶唔食瀨粉我係唔心息😎呢度既瀨粉都好彈牙，唔會太腍。燒腩仔個皮好脆👍🏻

同媽咪行街佢話想飲茶但撞正下午茶時段周圍都要等勁耐，跟住媽咪話不如試下盈館，店內唔洗等位直入，而且都係blingbling🧓🏼族多，可想而知一定係傳統點心味道紫魚花生粥鮮蝦菜苗餃蝦餃皇蟲草花鮮竹卷黑金流沙飽大良炸鮮奶原飯鮮蝦腸荔香千絲酥XO醬炒蘿蔔糕Overall 嚟講係細個食傳統點心味道，紫魚花生粥有落埋腐竹去煲👍🏽2款餃都係大大粒蝦，皮薄👍🏽蟲草花鮮竹卷超足料！媽媽最愛大良炸鮮奶🤭 如果唔想排隊，真心可以試吓！唔食環境真係食到好多好西架～如果大家中意俾個like支持下🤟🏽 𝗖𝗶𝗮𝗼~盈館 (旺角)旺角彌敦道593-601號創興廣場7樓

🫖️ 旺角｜盈館·飲茶食個包🫖⋯♡⋯⋯⋯♡⋯⋯⋯♡⋯⋯⋯♡⋯放假捉埋爹哋媽咪一齊去飲茶，珍惜每一刻相處嘅時光💭 近近地揀咗位於創興廣場嘅盈館，慢慢坐低食點心，傾下計😋🫖 灌湯餃個湯走淡麗路線，最緊要係熱辣辣上枱🫖 薑蔥牛柏葉主要食薑蔥嘅香味，牛柏葉口感不錯醬汁再濃厚啲就更好～🫖 雙拼瀨粉叉燒同燒鴨雙拼，無敵大滿足🫶🏻識食一定係將鴨油加埋落湯麵，啖啖鴨油香叉燒唔乾柴，肉質均勻🫖 紅棗糕熱辣辣，濃郁嘅紅棗香氣食落係好舒服嘅感覺，冇甜膩感🫖 桂花糕冰涼嘅桂花糕，清香怡人

我隔離條友仔神神化化 成日行行下街見到餐廳🍴就捉我入去 次次都有驚喜比我 心血小啲都比佢激死🐿！今次佢經過創興個水牌 無啦啦話想食中菜就上左去💁🏻‍♂️上到去原來係傳統既酒樓 仲有大魚缸🐟佢真係不按理出牌 完全無諗過今晚係食中菜！不過都好 細細個好鐘意去酒樓睇魚魚 當自己去咗水族館🐬🐤片皮鴨一食$188嘩！係原隻鴨 店員會推架車仔係你面前即片 新鮮熱辣 出晒煙🔥配青瓜、京葱、餅皮、乳豬醬~鴨份量夠曬 2條友仔食 🤤🐥脆皮燒雞$148真係頂佢唔順🥹明明叫咗片皮鴨 佢係都話要叫多半隻燒雞！全部都係肉～～～不過都真係好好食！好似炸子雞 皮脆肉嫩 個皮真係好薄(˶‾᷄ ⁻̫ ‾᷅˵)🐿🍃本身對傳統酒樓 無咩期待！但食落 質素又真係唔錯！有唔少一家大細 book枱食飯 咁都證明其實間餐廳都有一定嘅長期客仔 夠曬在地 只不過係我哋誤打誤撞 中左入去😹但係都好食ʕ •ᴥ•ʔ

放假就同屋企人行下街飲下茶，估唔到搵到一個新飲茶既地方！下午茶孖寶都幾抵食！呢度既點心都係即叫即蒸！蝦餃大大粒，雖然係叫孖寶，但數量依然一樣，而且賣相晶瑩剔透，蝦餃皮唔會厚，裏面大大粒蝦肉 ！燒賣都一樣有睇頭！另外仲叫左個陳皮蒸牛肉同埋冬菇滑雞飯！所有點心都係熱辣辣架！仲有大人細路見到都鍾意既動物造型包包另外見到北海道元貝做緊推廣，$48/隻！於是就叫兩隻你試吓，一上枱真係嘩一聲，超大粒，而且勁鮮甜，蒸得岩岩好唔會overcooked ！以後想係旺角飲茶又多一個好地方啦

如果你想嚐一嚐正宗的廣東點心，盈館是個值得一試的好去處。盈館的中午點心非常豐富，有各式各樣的點心選擇，從蝦餃燒賣等，也有些特色點心，應有盡有！其中，蝦餃是一道必點的經典點心，外皮薄內餡蝦肉鮮嫩彈牙。流心飽非常出色，入口即流出美味內餡，牛肉球鮮嫩彈牙，叉燒腸，亦都皮簿餡靚，這家的點心絕對有驚喜！除了點心，盈館的服務也是非常周到和友好的。服務員會介紹點心的特色和口感，並為客人提供及時的服務。餐廳內部裝潢雅緻，氣氛舒適，非常適合和家人或朋友一起享受美食。總的來說，盈館的中午點心是一個非常值得一試的餐飲選擇，提供多種美味的點心和優質的服務，是一個用餐和聚會的好去處。

朋友太耐無見，又想吃中菜，於時網上找找，見不用等位，見食評好似幾好，但原來食過後，與食評不一樣，整體價錢貴，菜色一般，可一不可再😐🙄🙄🙄安格斯牛肉炒菜（忘記了價錢都不平）普通牛肉一點也不像安格斯，肉質一般，菜無味西蘭花帶子蚌 $168帶子ok，珊瑚蚌無味又有雪藏味(最差)，西蘭花無味，不值這個價錢，得個樣好睇，整體差冰鎮咕嚕肉 $128超多冰，咕嚕肉ok鮑魚雞煲$168味道ok，但份量比預期少整晚得兩個餸最好吃，因為有兩個無味又不值嘅餸，已不敢再叫其他餸