牛魔 (已結業)

未去到日本所以決定同男朋友食餐高質燒肉滿足吓！今次嚟到牛魔，坐咗喺佢哋嘅Bar枱位置，望住師傅即切材料，就咁睇都期待，果然食落都唔會令人失望！揚櫻花蝦豆腐 / 櫻花蝦餃子前菜叫咗佢哋嘅櫻花蝦系列，豆腐佈滿香脆櫻花蝦，入口外脆内軟；餃子外面同樣舖滿咗炸櫻花蝦，食到粒粒粟米甜甜哋嘅開胃！蘋果木煙燻松露和牛他他又係男朋友最愛和牛他他，他他配上松露、蘋果絲、生蛋攪勻就食得，肉質好軟腍，加埋蘋果絲同松露嘅清香，味道豐富又唔會有油膩感。全天然豚肉五花腩（厚切跟生菜）五花肉厚切啖啖肉，加埋生菜同泡菜，泡菜酸辣味啱啱好。老饗澳洲M5/M6和牛牛板腱薄片牛板腱輕輕燒下就已經充滿牛油香，油花好靚，油脂含量仲好平均，而且價錢適宜，燒肉必點！香蔥薄切牛舌今次到我最愛燒牛舌，牛舌肉彈牙充滿牛香，加埋香蔥更突出到牛香味！松露肉碎炒飯食完一餐豐富燒肉當然要叫返碗炒飯作結！炒飯以石鍋上桌，底部有啲飯焦，加埋超多黑松露同肉碎，今餐大滿足呀！

已經很久沒有來過這裏，今晚便專程來到這裏吃烤肉。老饕澳洲M5/M6和牛牛板腱（五枚），和牛的脂肪和肉質分布有餘大理石文，肉質軟淋可口，加點生蒜和醬汁，味道更佳。唐揚櫻花蝦豆腐，唐揚豆腐表面鋪滿了櫻花蝦，蝦味濃郁，豆腐鮮嫩美味。櫻花蝦餃子，櫻花蝦份量很多，鋪滿了餃子表面，餃子外脆內軟，肉質豐富，加點餃子汁便可去除油膩感。全天然豚肉五花腩厚切（八枚）跟生菜🥬，將豚肉燒至香脆可口，放在生菜來，加點韓式辣醬，味道層次豐富。蘋果木煙燻松黑松露和牛他他，店員叮囑將所需配料攪勻之後，需15分鐘之內吃完。黃牛他他的肉質鮮甜，甘香可口，第一次吃和牛他他，印象難忘。香蔥薄切牛舌(七枚），牛舌切得很薄，只需燒大約1分鐘，便可進食，爽脆可口，，加點香蔥，味道更佳。松露肉碎炒飯，松露的味道適中，炒飯粒粒分明，香氣四溢。三得利・神泡泡，冰凍啤酒的確非常配合烤肉，可以減少油膩感。鳳梨特飲，鳳梨的味道不算濃郁，不過酸酸甜甜， 10分適合吃烤肉。

今日去咗尖沙咀棉登徑嘅燒肉店🤞🏻牛魔 尖沙咀棉登徑8號地下5-6號舖牛摩主打唔同產地和牛～ 巨峰梳打特飲 + 鳳梨梳打特飲今晚無飲酒～ 叫咗兩杯梳打蘋果木煙燻松露和牛他他：蛋黃、蘋果同和牛他他撈勻，再加松露碎，食落係香濃煙燻味，肉質滑溜味道又有層次感。揚櫻花蝦豆腐：豆腐炸得外脆內嫩，上面撒埋咸嘅櫻花蝦碎櫻花蝦餃子：煎得金黃香脆香蔥薄切牛舌：薄切依然有嚼勁同油香，燒好加蔥同蒜蓉食老甕澳洲M5/M6和牛牛板腱：肉質軟滑，油花均勻，用少少鹽已經好好味。全天然豚肉五花腩（厚切跟生菜）：厚切依然爽口，烤好帶微微焦香再夾埋生菜同韓式醬一齊食，惹味又減低返油膩感松露肉碎炒飯：飯粒炒得乾身，松露香氣撲鼻，肉碎分佈均勻，飽肚餐廳抽風幾好，食完都無咩味~

《牛魔 - 尖沙咀》小妹一向都好鍾意食燒肉串燒呢類咁惹味邪惡既菜式🤭一來唔洗諗太多，食材好燒到熟就可以食得😏所以日燒一直都係我既comfort food啦😋前幾日想轉下口味，同個同事去左尖沙咀一間食韓日燒烤既餐廳食飯，我地被安排坐喺吧枱位置，坐得幾舒服，整體感覺唔錯，可以望住廚房整理食材，除此仲有一堆我地以為係餐廳養既小蟹仔陪食飯(後來發現原來佢地將會係食物🥲poor)💁🏻‍♀️揚櫻花蝦豆腐前菜我地叫左三款，第一款係唐揚櫻花蝦豆腐，我見呢道菜式都幾多人叫，同埋網上推介佢既人都幾多，果然賣相靚得黎又幾好味咼😉豆腐雖然浸住左喺醬汁入面，但出面個炸皮都仲係脆脆架，上面櫻花蝦都巨多，啖啖都食到櫻花蝦既鮮味💁🏻‍♀️櫻花蝦餃子又係櫻花蝦既菜式，今次係櫻花蝦餃子呢 🥟餃子入面既饀料有椰菜同肉碎既味道，咬落juicy爆汁，出面沈滿咗大量櫻花蝦，同樣有滿滿既鮮味👍🏻💁🏻‍♀️蘋果木煙燻松露和牛他他三樣前菜我最喜歡呢一道💙平時食韓國菜，我例牌都會點牛肉他他呢一道菜😋超喜歡佢蛋黃mix埋爽脆雪梨後夾住生牛肉果種軟滑同多重口感，呢度既仲多左陣蘋果木既煙燻味，都幾特別同幾香架💁🏻‍♀️全天然豚肉五花腩 跟生菜到左燒肉

📍 牛魔 (尖沙咀)想食燒肉🤤但又唔想成身油煙味🤔人氣日式燒肉餐廳牛魔🐂滿足到你😆餐廳引入左無煙燒烤爐, 食完唔會成陣油煙味👍🏻裝修有格調又坐得舒服🪑主打美國、日本、澳洲等各地優質和牛😋和牛黎講真係幾抵食👍🏻午市燒肉🐂定食$128起,配有牛骨湯🥣前菜☘️沙律🥗御飯🍚🌟澳洲和牛三盛🐂定食配有香濃牛骨湯🥣前菜☘️沙律🥗而御飯🍚+$5轉左散滿飯素既牛魔拌飯😋澳洲和牛西冷,澳洲和牛胸腹,澳洲和牛五花各3件, 和牛入口溶化🤤又唔會太油膩👍🏻肉嫩易咬, 牛味香🐂比較中意和牛五花, 油脂分佈得幾均勻✨野菜拼盤🌽🍠+$26野菜拼盤係生嘅, 有栗米、番薯、南瓜、翠玉瓜, 可以搽上中間既牛油再燒更好味😋✨櫻花蝦餃子🥟+$18鋪上勁多櫻花蝦🌸🦐餃子皮薄脆, 內餡肉味香✨熱柚子蜜🥃+$10柚子肉多😆📍 牛魔 (尖沙咀)尖沙咀棉登徑8號地下5-6號舖

午餐定食包括前菜丶沙律丶牛骨湯丶御飯，大約$82 至 $246都有選擇澳洲和牛三盛 $168澳洲和牛西冷丶澳洲和牛胸腹丶澳洲和牛五花，當中比較鍾意牛胸腹，油脂分布平均而肉味較濃野菜拼盤 +$26粟米丶薯薯丶南瓜丶翠肉瓜各兩件，店員表示已經蒸過，燒吓就好食牛魔拌飯 +$5加咗飯素嘅飯燒肉自選定食 $128自選三款肉類，我哋揀咗和牛牛肩肉丶薄切和牛舌丶澳洲和牛胸腹櫻花蝦粟米餃子(2隻) +$18另外加嘅小食，餃子皮脆，櫻花蝦提升味道桃味果汁 +$10/罐本身以為係杯裝，嚟到原來係罐韓國版果汁，桃味香，有少少果肉

牛魔齊集日本、澳洲、美國等多個產地嘅和牛，好適一班牛魔一齊黎。而且呢度每枱都有自助啤酒機，飲幾多自己湛，唔飲啤酒都有梅酒青酒可以揀🍻揚櫻花蝦豆腐 ($68)豆腐外層經薄炸，而且蘸滿木魚同櫻花蝦，好惹味😋櫻花蝦餃子($68)第一次食櫻花蝦餃子💕，賣相好靚💕，係日式餃子既味道🥟🍎蘋果木煙燻松露和牛他他 ($158)上菜個樽仔裝住，因為用左蘋果木煙燻住，打開D煙會走出嚟。店員建議撈匀晒生蛋、筍絲同黑松露醬一齊食，他他肉質軟腍，一啲都唔腥🥳而且保持最佳味道，最好15分鐘內進食😋😋😋松露肉碎炒飯 ($108)有牛同埋雞可以揀， 我呢個牛魔當然揀左牛牛啦 。炒飯用石鍋上，黑松露好香，我就加埋泡菜同中華沙律黎食有啲似韓式嗰種石鍋飯🇰🇷澳洲M5和牛牛板腱($198)牛板腱不僅有牛肉既鮮嫩口感，重有和牛既彈性，而且中脂肪含量極低，蛋白質含量高，岩晒做開Gym既男朋友💪🏻💪🏻💪🏻香蔥薄切牛舌 ($82)薄切牛舌肉質彈牙，而且一D都唔韌，加香蔥非常香口😋😋😋全天然豚肉五花腩 ($130)厚切豬腩，燒完之後，充滿油香，用生菜包住黎食冇咁膩😋😋😋呢度既店員仲非常親切，教埋我哋點樣燒最好食，我俾十個👍🏻👍🏻👍🏻👍

香港食日式燒肉價錢絕不便宜，想以最抵價錢食到最高質嘅和牛燒肉，最好就係午飯時間去！多數餐廳都有午餐lunch set Menu揀。位於尖沙咀嘅牛魔有唔同種類嘅lunch Menu供食客選擇，套餐包括新鮮沙律菜、牛骨麵豉湯、中華沙律同白飯一碗。除咗燒和牛之外，仲有多款日式熱食選擇Set 1: 澳洲和牛三盛～澳洲和牛西冷、澳洲和牛胸腹、澳洲和牛五花 (各3片)Set 2:燒肉自選定食 (可選3款肉類) 揀左豚肉五花薄切，可以夾埋新鮮爽脆生菜同埋韓式辣醬一齊食。另外兩款揀左和牛牛肩肉同西冷牛肉。和牛燒過後充滿焦香，牛味濃郁，和牛油脂分佈平均入口即溶，肉質軟嫩適中食落唔會油膩可以點牛肉醬汁、生蒜茸或者海鹽食，每款醬料各有風味幾鍾意呢度嘅牛肉唔係加咗好多醬料去醃，所以燒過後嘅牛肉依然保持到和牛原有嘅香味，原汁原味因為太肚餓嘅關係，加多左一客炸蝦天婦羅日式冷烏冬，有成四大件大大隻嘅天婦羅炸蝦🍤蝦肉彈牙而且味道鮮美日式烏冬口感煙煙韌韌，浸落香濃嘅昆布湯汁，再加埋天婦羅炸粒、蔥花同埋Wasabi一齊食，充滿日式風味，令人不禁想念日本當地吃到的日式蕎麥麵😌 今個lunch每人$200唔使食到捧住個肚走，

話說好耐都冇放過假，就趁放半晝同朋友去咗尖沙咀想食燒肉，棉登徑呢間燒肉店一直都好想試，入到去店員就安排咗我哋坐卡位，張枱較大環境亦都乾淨！我哋叫咗一個set A ，每個定食已經包咗前菜沙律同埋湯，性價比很高牛胸嘅牛味相對比較濃，肉汁豐富牛舌只需要輕轉燒一燒，唔好太熟入口彈牙！牛肩肉質素很不錯！由於我哋揀咗7款，所以套餐仲有一系列嘅五花肉同埋厚切五花肉仲有雞肉, 五花肉燒到兩邊金黃色，仲有少少燶面嘅時候配合生菜一齊食，好友解膩嘅作用！我哋另外仲點咗一個燒肉C餐！套餐已經包咗和牛西冷，牛胸腹和牛五花！和牛五花薄薄一片，但肉質軟糯，燒至脆邊伴飯一流

牛魔😈尖沙咀棉登徑8號地下5-6號舖經開尖沙咀，老友知我鍾意食牛，帶咗我去棉登徑的牛魔，果然高汁。😁自選一人前A4上等雪花和牛小排(六枚)😍自己和牛自己燒，首先將一件牛脂肪放入爐中，塗滿鐵板，再將和牛放牧鐵板中，留意烹調的過程，正面和背面變了色就可以食用。A4上等雪花和牛小排脂肪比例十分好，不油膩，夠新鮮，肉汁豐富，推薦！🤤定食附送御飯、沙律、前菜和牛骨湯。石燒魚子蘭王牛板腱拌飯大廚將石鍋預熱，上菜時要將拌飯撈勻，配料新鮮夠Juicy，有香蔥、白芝麻、雞蛋、魚子和牛板腱，飯焦煙韌香脆，好有層次，真材實料，沒有味精，好味道。😎🤘🏻定食附送沙律、前菜和牛骨湯。櫻花蝦粟米餃子一啖櫻花蝦一啖餃子，櫻花蝦夠香，餃子夠甜，開胃小吃。牛魔😈 環境舒適，侍應服務好，食材高質，沒有味精，回頭率高。😸

4月2同男朋友食飯 想食烤肉 今次第二次黎食 都好期待 因為d野食質素好好 好好食特登再返黎食首先我男友叫左suntroy draught 我就叫左hoegaarden draught, 我杯hoegaarden 上到 睇落好濁 成杯都冇泡 飲落冇咩氣 我地就同佢地講 想換過杯 佢地就收左佢睇 之後我男友見住佢地攞左黎試 然後佢地返返黎話 「經理話hoegaarden係咁 冇咩問題」 男友對酒尤其啤酒都幾講究亦會去研究 講返其實杯野係冇咩氣 睇落似係draught底果d 跟住我都換左杯suntroy其實都幾唔開心 杯野係有問題 一d泡都冇 原本都純粹覺得有問題只係想換過杯 但得到「冇問題」呢個死撐回覆都幾嬲 食品出黎唔係原本既野（一d泡都冇就已經貨不對辦） 換係換左 但個回覆好似講到係我地問題都聽得好唔舒服。撇除呢樣 食物質素仍然好好 好好食。服務都不錯 。重點何以要寫食評 因為我希望可以改善下環境 係去廁所果條通道非常濕滑 男友第一次去完已經提我要小心行 好跣 到佢第二次去就跣親了 佢當刻冇同我講 返到屋企先話我知

牛魔齊集日本、澳洲、美國等多個產地嘅和牛，仲引入咗自助啤酒機，適合同朋友一齊大快朵頤呢。店員會仔細教授燒肉嘅技巧，而且店內嘅抽氣系統有啲料到，食完身上完全無油煙味。𖦹 櫻花蝦餃子$68餃子皮煎得香脆，粟米豬肉內餡幾juicy，面頭加上櫻花蝦，更添鮮味。𖦹 揚櫻花蝦豆腐 $68呢個有驚喜呢！豆腐外皮帶微脆，沾滿櫻花蝦以及木魚碎，超幼滑！𖦹 煙燻木蘋果松露和牛他他 $158開咗個蓋先發現有煙出LOL。將蛋黃、蘋果、蛋、蔥等倒入瓶中攪拌，以清甜嘅蘋果同黑松露襯托出和牛嘅鮮味。𖦹 老饕澳洲M5/M6和牛牛板腱(五枚) $198和牛油花均勻，厚薄適中，每邊燒10-20秒即可，肉質非常細嫩呢。𖦹 香蔥簿切牛舌(七枚) $82牛舌偏薄身，口感爽脆亦帶蔥花香。𖦹 全天然厚切豚肉五花腩(八枚) 配生菜及大醬 $130五花腩肉、脂肪相間，極為厚切，與生菜、韓式辣醬同吃，大滿足！𖦹 黑松露和牛肉碎炒飯 $108黑松露同牛肉碎為炒飯增添口感，味道層次豐富，食到最後仲有飯焦。

同朋友聚舊，搵到呢間食燒肉，少有坐得舒服，環境有格調，有空間，唔嘈嘅燒肉店。侍應服務態度也很好。澳洲和牛🐂三盛$194和牛西冷，和牛胸腹，和牛五花各三枚和牛油脂滿滿，入口即溶，最鐘意和牛五花，油化分佈均勻，牛味濃，肉質軟嫩適中唔會油膩。另加$26有野菜拼盤，有粟米番薯，南瓜，翠玉瓜。燒肉自選定食（三款盛）$128我哋揀咗和牛舌（5枚），和牛肩肉（3枚）和全天然豚五花厚切，還附送生菜，好抵食。豆乳和牛石鍋烏冬$72朋友話烏冬好煙韌，豆乳湯底好香，濃郁好飲。

2018年開業嘅燒肉店，提供日本、澳洲、美國牛給食客選。也是第一間在香港自設熟成雪櫃熟成牛肉的燒肉店。更特意邀請法國畫家Elsa jeandedieu為店畫了一幅現代鐵扇公主的壁畫配合牛魔主題。好用心👍👍全天然豚肉五花腩（六枚）厚切跟生菜$130（薄切$110）😋好香豬肉味，唔so，真係有五層肉同脂肪相間，燒到脆口，配大醬和生菜食超正😍😍老饕澳洲M5/M6和牛牛板踺（5枚）$198😋肉嫩可口，軟滑同時帶有牛嘅彈性，沾少少海鹽已經好提鮮😍😍香蔥薄切牛舌（7枚）$82😋平時食開厚切，今次特別叫薄切，因為想慢慢品嘗佢嘅牛舌香，仲有少少焦香脆邊，配上附帶嘅蔥花更勝一籌💪💪💪蘋果木煙燻松露和牛他他$158😋15分鐘內食完，保持新鮮和肉質嘅甜度，我係好中意食呢個他他架🫶🏼🫶🏼揚櫻花蝦豆腐 $68😋大大舊，外脆內滑又夠熱櫻花蝦餃子 $68😋大量櫻花蝦，餃子皮好有彈性，唔會淋或硬，放涼左一樣好食松露肉碎炒飯 $108 （牛/雞）😋淨食燒肉點都會有少少油，配少少米飯，解滯同時令胃好溫暖👍👍

Yakiniku is absolutely one of my favorite cuisine because I can self-grill the meat. Walked past Yakiniku More and saw their buy 2 get 1 free Suntory promotion. Had no second thoughts and popped in.Ordered 2 lunch sets and tried 6 different cuts. The set came with miso soup, chuka salad and lettuce, plus a non-alcoholic drink.Yakiniku is absolutely one of my favorite cuisine because I can self-grill the meat. Walked past Yakiniku More and saw their buy 2 get 1 free Suntory promotion. Had no seco