牛魔 (已結業)

牛魔齊集日本、澳洲、美國等多個產地嘅和牛，仲引入咗自助啤酒機，適合同朋友一齊大快朵頤呢。店員會仔細教授燒肉嘅技巧，而且店內嘅抽氣系統有啲料到，食完身上完全無油煙味。𖦹 櫻花蝦餃子$68餃子皮煎得香脆，粟米豬肉內餡幾juicy，面頭加上櫻花蝦，更添鮮味。𖦹 揚櫻花蝦豆腐 $68呢個有驚喜呢！豆腐外皮帶微脆，沾滿櫻花蝦以及木魚碎，超幼滑！𖦹 煙燻木蘋果松露和牛他他 $158開咗個蓋先發現有煙出LOL。將蛋黃、蘋果、蛋、蔥等倒入瓶中攪拌，以清甜嘅蘋果同黑松露襯托出和牛嘅鮮味。𖦹 老饕澳洲M5/M6和牛牛板腱(五枚) $198和牛油花均勻，厚薄適中，每邊燒10-20秒即可，肉質非常細嫩呢。𖦹 香蔥簿切牛舌(七枚) $82牛舌偏薄身，口感爽脆亦帶蔥花香。𖦹 全天然厚切豚肉五花腩(八枚) 配生菜及大醬 $130五花腩肉、脂肪相間，極為厚切，與生菜、韓式辣醬同吃，大滿足！𖦹 黑松露和牛肉碎炒飯 $108黑松露同牛肉碎為炒飯增添口感，味道層次豐富，食到最後仲有飯焦。