牛繁 (MW Plaza) (已結業)

近日朋友話好想食燒牛肉，特意揀左呢間位於尖沙咀的日式燒肉店。呢間來自東京的店鋪，在日本已超過140間分店，規模都唔細。餐廳有locker 比食客放褸，好細心，尤其冬天大褸，可以避免吸哂油煙味。每一位食客都有一件圍裙，咁就唔怕啲油整污糟啲衫，真係好貼心。蔥燒鹽香牛舌先黎第一樣就係本人最愛，牛舌！本身已有醬汁，所以燒完唔洗再點其他調味料，非常香口。牛舌質地好彈牙，食完一片又一片，連埋啲蔥般一齊食，完全停不了。壺漬牛肋條用一個好精緻壺裝住兩條牛肋條同埋配菜，外表加分！牛肋條特意界左幾下，所以咁大條牛肋條，入面都好快熟，而外面又無燒過龍。特選豬頸肉佢特別在個sauce,係有柚子味道，令到口感應該有少許油膩嘅豬頸肉，變得清新。而且柚子味好香，令人好開胃。大人氣！霧島溫泉蛋飯呢個真係不得了，純粹食完一餐咁美味肉宴之後唔夠喉叫多個飯，點知咁好食。生嘅溫泉蛋，飯素，同日本飯，就是3樣咁簡單嘅食材mixed 埋一齊就咁perfect !ごちそう様でした😋

朋友仔同我慶祝生日，知我鍾意食牛，特登揀呢間。我哋都好早放工book左6pm,去到都有幾枱客。我哋3個人，佢俾左個角落頭3個位，隔離有對情侶食緊，其實佢仲有大把吉枱，咁嘅安排好怪囉！佢係單點，但係限時90分鐘，食落真係好趕。我哋叫左豪華盛盒，壺漬牛肋條，燒野菜盛盒，和風拌飯同3個汽水。豪華盛入面嘅牛肩係好味，有牛味又嫩，厚燒牛舌都ok,其他就一般。$688就貴左啲。壺漬牛肋條都脆口，味道一般，燒野菜盛盒其中錫紙包住原來係蒜頭，menu又無寫。食到7pm就叫我哋賣單，無問題可以賣單先，食到7：20分，同我哋講有5位到在會坐我哋張枱，但係佢起碼有10-12個吉位。算喇，我哋都好合作，真係7：30起身，但係我見唔到有佢所講嘅5位客人囉！無客就唔好催啦！我都唔明點解單點係限時，平時放題先會限時囉！唔想趕頭趕命，而且唔值所以唔會再去。

今晚約左好姊妹去尖沙咀行街辦年貨。 難得聚會，當然想食餐好的。經過依間牛繁燒肉店，諗起我們上次去東京因爲改了行程未有機會吃到的這一間。不約而同決定今晚一定要試一試。平日七點鐘左右已經差不多全場爆滿，可見其人氣！ -餐廳地方裝潢簡約，座位舒適及沒有逼狹感。餐廳還提供locker 存放衣物及圍裙👍🏻好姊妹是燒肉控及燒烤高手，全程都是她出馬😌坐著等吃的我看著炊烟從鐵爐裡滿滿竄上， 肉的香氣慢慢四溢，好令人期待呢-我們從menu 挑選了好幾款牛、豬及雞肉樣樣都高質值得推介-♥️元氣牛五花（汁燒）汁燒醃製入味，薄切肉質軟腍鬆化，帶微微韌勁-❤️蔥燒鹽香牛舌經烤過的牛舌特別好吃，口感爽彈而且那些經過調味的香蔥十分香口，有畫龍點睛的效果。-❤️嚴選櫻姫雞腿肉（鹽燒）雞肉雪白肉質嫩口烤至皮脆嫩滑，閨蜜烤得好有心機呢-❤️特上牛胸腹肉肉質較堅韌富彈性、肉質含油花軟嫩油香在口腔回盪，令人回味-❤️特選豬頸肉油脂分佈平均，口感軟綿-❤️霧島溫泉蛋飯日本米粒粒圓潤軟熟，米質靚口感佳將流心蛋黃及海苔芝麻拌勻有風味-過程中店員看到爐板焦了會主動協助更換，服務及食物都有質素呢👍🏻

收工時間差唔多座無虛席好彩一早訂咗枱 餐廳光猛肯理 上菜速度都幾快葱燒鹽香牛舌 $88醬汁超級香濃 同牛舌嘅味道好夾而且牛舌食落去好腍身 切得夠薄身 燒一燒就食得上級和牛里脊肉 配月見汁 $88所謂月見汁 即係溫泉蛋加上醬汁將煮好左隻牛里脊肉沾上再食非常美味而且牛肉肉質鬆化可口 肉味好香濃三點盛合 $138分別有豬頸肉雞肉同埋豬五花肉絕對係選擇牛肉以外嘅一個抵食拼盤豬頸肉非常爽口 雞肉嫩滑豬五花亦都係切到好薄用火燒過之後 肥膏位特別香

一心滿懷期待食一餐正宗的日本燒肉，點知超級受氣！完全唔似係日本果間牛繁🤬🤬首先服務態度超級差，都差唔多食完一碟牛，朋友問有冇醬料點黎食，個服務員先施施然話有唔記得咗俾我哋...果下都無咩既～諗住算啦，都係唔記得姐食到未夠10點半，朋友話想食個冷麵，佢哋就話廚房收咗爐😱😱收之前唔係應該問下既咩...之後就有個同事走埋嚟話11點last order,問仲有無野要，我朋友就話轉頭答佢..到未夠11點，佢地就攞張單埋黎🤬🤬果下真係火都黎..甘趕收工，服務又差，有幾好食都無用...p.s.我本人覺得炑八好食過佢

因為同個朋友都係呢頭返工，所以就係尖沙咀搵下有咩好食咁佢地又話想食日式燒肉，咁就一於Book左呢間野試下入到去比我想像中又唔係話太多人都幾多野食下，不過太多板影唔晒，所以影幾張有圖既就算了 呢個好似係牛舌，無記錯既話，都幾精美裝修都幾靚，而且waiter都好好 成餐最好食，剩係賣相都夠吸引人啦 呢個好特別，因為佢仲有個醬會比我地點既 豬肉差少少，可能間餐廳始終都係主打食牛既關係啦我朋友飲既，好似係唔知咩梳打 黎到最後反而係呢個雪糕最有驚喜，有少少杏仁味，我平時唔食杏仁既都覺得好好食 總結我覺得有少少貴，可能因為要請埋朋友啦，有貼心既位置係門口有個Locker食之前放晒啲袋同衫落去咁就唔怕食完之後成陣味

先講下呢個係特上牛肉眼扒, 佢肉質比較爽, 看似比較厚, 其實脂肪分佈相當不錯,所以食落時其他會有部份既厚度自動溶化, 而會有小小平時a5和牛既油脂香味.煮既時候最緊要大火, 咁就易於鎖住肉汁, 食落更juicy!五花腩呢到我中意既位係佢調好左味, 因為豬本身味不重, 我比較喜歡餐廳調好晒,脂肪同肉既比例都係比較好嫁啦, 食落口感又會食到肥既肉都會食到瘦既,個層次感係正常.牛舌和牛肋肉其實係我比較喜歡既菜,尤其係牛肋肉, 本身肉感已經十分Juicy, 加埋佢d海鹽黎食,味道相當正, 呢到師博調味調得岩岩好,因為唔會過咸,但又岩岩好有味.而牛助條, 因為係壺漬所以味道比較重味, 因為長期同d汁放埋一齊.爐黎講呢, 算係好燒唔易走火, 但係爐有d細, 同埋比較暗, 所以難d睇到d肉.整體肉質比較高, 價錢合理,有加一.

媽咪話近期唔好食豬喎， 咁我咪唯有食牛囉，夠哂安全喇掛🤭，今晚就同朋友兩個人嚟牛繁食個輕便晚餐。香港店雖然冇左日本原店嘅一人炭爐，但地方仍然保持簡潔寬敞，就算人多都唔會覺得擠迫。我地今晚點左四款食，有牛肋肉、牛舌、豬頸肉同雞腿肉。每碟肉類份量都唔細，二人份都好飽足。每次食日本燒肉我都必定會點牛舌，如果有厚切就更好。牛繁嘅都係薄切，不過味道都唔錯。好多人唔喜歡牛肋肉，但我就反而鍾意佢夠肉味同有咬勁😋。豬頸肉一貫地爽口味濃👍但我估唔到全晚最驚喜嘅竟然係個雞腿肉噃，雞腿肉簡單醃過，雞味好濃郁，而且非常嫩滑😍😍😍。最後加個主食温泉蛋飯，鮮黃色嘅蛋漿混入香噴噴白飯，加埋紫茶飯素，就咁食定係配燒肉都咁好味😁。

尖沙咀都有親民烤肉店壺漬牛肋條 $98賣相吸引 估唔到壺內有兩大條牛肋肉分量十足而且店員細心係牛肋肉上用刀打晒交叉等佢可以笑得均勻啲同埋快熟啲霧島溫泉蛋飯 $48大大碗好溫暖嘅窩飯 加入咗日式飯素再配以香滑嘅溫泉蛋 真係滋味無比而且熱鍋可以保溫咁就可以一邊烤肉一邊食啦特選豬頸肉 $58分別可以選擇四個口味柚子胡椒 鹽燒 味增 辣味增柚子胡椒係最有特色酸酸辣辣咁樣襯托出豬肉嘅香味豬頸肉肥瘦適中 食落香口齒頰留香嚴選櫻姬雞脾肉 $58雞脾肉品質新鮮 帶有少少雞皮燒起上嚟更加有風味今次只係選擇左鹽燒口味可以食得出雞原有嘅天然肉香

呢排天氣凍凍地，特別想食日式燒肉。朋友介紹喺尖沙咀有一間好好食嘅日式燒肉店，食物質素好好，坐得又舒服，今次一於試吓。餐廳的選擇花多眼亂，我哋決定散叫，咩都試吓咁。蔥燒鹽香牛舌 $88 薄薄地一塊，最啱燒肉，燒兩燒就食得喇。肉質鮮嫩，爽口滋味。特上牛胸腹肉 $88 超多肉汁，肉味濃郁，勁好食。10分推薦。壺漬牛肋條 $98 醃得好入味，調味十分出色，冇得彈。個人認為係必試。大人氣霧島溫泉蛋飯 $48 濃郁蛋香，撈埋白飯，再加啲紫菜，幾好食。特選豬頸肉 $58 爽口彈牙，肉質鮮嫩。嚴選雞頸肉 $58 水準都幾好。蜜桃特色梳打巨峰特色梳打餐廳的抽油煙系統做得好好，唔會燒到一陣油煙味。而且亦都準備咗即用即棄的圍裙俾客人，唔驚啲油彈到周圍都係，抵讚。

相約好耐無見既朋友，就去左牛繁經過好幾次都想食今次原來朋友就訂左呢間，終於去食啦😆牛舌薄薄的牛舌，肉質柔軟又彈牙，入口有種回彈嘅感覺，十分鮮美可口！牛肋肉 牛肉相對比較粗身，非常有質感，食落去很有口感😋澳洲和牛肉眼扒肉質鮮美又嫩滑又夠厚，質感非常豐富是高等級的優質和牛肉👍🏻👍🏻又厚又多汁 大塊大塊肉咁食😆雞肉肉質鮮美嫩滑😋完全冇脂肪，雞皮燒到香脆可口👍🏻豬腩肉一層皮一層肉一層脂肪 帶有點點豬軟骨，食落層次非常豐富 而且多汁柚子梳打清清甜甜地又潤喉，又大杯又冰凍，最岩燒烤時飲夠解渴💓食左咁多肉，所以點了沙律清清腸胃，消消一下油膩感，沙律菜好新鮮，上面既溫泉蛋蛋漿搞伴做沙律醬，更添滋味！重點係高質素靚肉，全部肉類都非常新鮮，牛肉選擇種類多，喜歡吃牛的朋友必到之選。

呢輪朋友好忙，約左好耐終於約到今晚出黎聚一聚，佢話返工附近有間唔錯ge燒肉店，可以滿足下兩位食肉獸。餐廳選擇不少，我地揀左呢幾款share食。蔥燒鹽香牛舌 薄切牛舌，燒兩燒就可以放入口，牛舌本身都已經好入味，加埋蔥燒就更加香。特上牛胸腹肉 見到menu上牛胸腹肉係稀少部位，一於試下先。上枱份量亦唔少，食落牛味夠出，幾有咬口。壺漬牛肋條 呢個賣相幾得意，入面有三色椒同埋兩條牛肋條，配埋鉸剪方便剪開黎燒。咬落都幾厚肉，啖啖肉。除左牛之外，我地試埋豬同雞。特選豬頸肉豬頸肉好爽口，正!嚴選雞頸肉 好似第一次食雞頸肉，燒完覺得有d似雞柳，味道都ok!大人氣霧島溫泉蛋飯 呢個撈左隻蛋落d飯食，食落蛋味十足，口感唔錯，值得一試。蜜桃特色梳打&巨峰特色梳打兩杯都大大杯，好cum飲，食燒肉點都要配番杯凍飲，爽呀！一開始驚嗌唔夠野食，食到中途已經覺得自己眼闊肚窄，同埋d燒肉份量十足，好抵食！

天氣轉凍，除咗火鍋外，就緊係仲要燒肉啦！朋友介紹嘅牛繁喺諾士佛臺斜對面， 離遠已經見到有好多人喺度等！每張餐桌上都有個獨立嘅抽油煙機，對於我呢d又怕油煙又怕整污衣服的人黎講，簡直係恩物！蔥燒牛舌肉質鮮嫩，肉汁豐富。 元氣牛五花 脂肪比例分佈平均， 入口即溶！ 壺漬牛肋條 肉味濃厚鮮甜，內質較緊實有咬口，醬汁味好濃， 醃得好入味😋 上級和牛里脊肉 口感嫩滑無渣，入口即溶，味道甘香！豬五花 豬五花好大塊，油脂分佈均勻，口感鬆軟順滑，大滿足！溫泉蛋飯 溫泉蛋配搭唔同嘅配料，好似有牛肉碎、野菜、蘿白絲、漬物、紫菜。飯粒煙煙韌靭，加上飯素一齊食，和風味十足！

好耐冇食燒肉 見依間價錢唔算貴 個樣都正正常常就畀次機會佢平日晚上8點鐘 都幾旺場 好彩book定位牛肋條  一壺得兩條醃得幾惹味 不過有啲鞋口牛五花 個樣就幾靚啦 以為會好腍會入口即融啦 點知係韌嘅蟹柳沙律 佢拎過嚟嗰時我仲以為係送嘅 因為冇諗過自己order嘅嘢出嚟會咁嘅樣😂不過椰菜絲加蟹椰加沙律醬都好難會唔好食嘅 見佢唔貴就算啦呢碟打卡送嘅 冇乜期待又反而覺得ok話訂位有9折 但我地同隔離嗰台佢都冇9折到...都係check單嗰時問佢先再出返畀我地總括而言係非常一般 雖然唔算貴 但感覺都有啲唔值呢個價 下次應該會情願試其他鋪

好好食，  午餐性價比超高😍😍😍侍應服務態度良好食物高質，但價錢10分合理對客人嘅服務10分周全有locker有圍裙適合一家大細共同用餐強烈建議各位來一試🤪