牛繁 (MW Plaza) (已結業)

今日同男朋友行經尖沙咀好想食燒肉啊 見到附近有一間新開叫做牛繁 見到佢話東京原來都有㗎所以我哋就入去試吓首先我哋就叫咗個鹽香牛舌個汁好正 而且燒完之後仲要夾埋啲葱一齊食令到成件事去咗另一個層次之後就特上牛胸腹肉 勁juicy ahhh!之後就到壺漬牛肋條 啲汁勁入味之後除咗食牛我哋仲叫咗嚴選櫻姬雞腿肉冇諗過原來咁好食最後就係特選豬頸肉 豬頸肉因為有油嘅所以可以就燒到好香 仲要勁彈牙而最後我哋亦都叫咗兩杯梳打蜜桃梳打十分唔錯

話親呢間日式燒肉店是由日本入貨 前一排去日本食六歌仙後念念不忘 所以今日特登去呢間比一比鋪頭好似有d細 只可以容納40 人壺漬牛肋條 很長 要剪開先方便燒 先會易熟牛五花 好正 有係日本食和牛既感覺牛舌 我本身鐘意食牛舌 不過坊間通常好薄 但係呢度厚過正常 不會輕易燒到乾身 美中不足是吸油煙的機唔夠力 都幾大油煙 幸好鋪頭有俾除味噴霧 算係細心既舉動爐比較細 燒幾舊肉就冇位放 但係香港寸金呎土 冇辦法價錢方面 係貴既 不過對比質素 係非常抵 呢間燒肉 係少有質素既燒肉 可以再食

依間餐廳原來起日本有成百幾間分店，所以一定有返咁上下水準！入到去，已經發現有一個大locker放大褸或者袋，咁就唔使驚比啲煙吸到成浸味，另外旁邊有個手機充電器比顧客叉電，相對都幾貼心！依度嘅燒烤爐好適合情侶👫或者單身人士來🤡，因為燒爐比起出邊其他餐廳嘅細，幾有特色！食物方面，以食牛肉為主，另外我都叫咗個雞脾肉同埋豬頸肉，牛肉我主要推介牛胸腹同埋牛肋條，有牛味，多肉汁同份量夠多，至於令我最驚喜嘅係豬頸肉，推薦燒到有少少焦焦地，食落有焦香和脆口👍🏻，總括而言這裏性價比很高🥶

呢間燒肉店原來係日本有成140幾間分店架，今次一於去試下🥢一入到去店員同我地講可以放袋同外套喺門口嘅locker，咁就唔驚食燒肉整臭件褸啦！另外亦都有一次性圍裙俾我地着，服務非常貼心，抵讚🥰👍🏻•🐮特上牛胸腹肉($88)呢款牛最好食，好有牛味，食落口感似我最鍾意既封門柳（牛橫間膜）🤤•👅蔥燒鹽香牛舌($88) 牛舌係薄切既，好快燒熟，都幾爽口，食落有麻油味，建議加埋香蔥一齊燒更好味💁🏻‍♀️•🐂壺漬牛肋條($98)呢款牛都唔錯，幾有趙口，唔燒太熟好食d🤤•🍗嚴選櫻姬雞腿肉($58)雞脾肉加左柚子胡椒醃過，個味道幾好，燒完都唔會好乾好鞋，幾好食😋•🍖特選豬頸肉($58)本以為平平無奇既豬頸肉好有驚喜，咬落好爽滑，好香好juicy，正呀👅•🍚霧島溫泉蛋飯🥚($48)溫泉蛋加埋紫菜撈飯無絕配，我地清哂成大碗飯👻•🍑蜜桃梳打($45)幾重蜜桃味，大大杯好多冰好解渴💦————————————（5⭐️滿分，💫為半分）整體環境：⭐️⭐️⭐️💫食物外觀：⭐️⭐️⭐️⭐️味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️————————————#fatfatman尖沙咀#fatfatman日本野————————————📍牛

今晚帶咗無肉不喜嘅朋友到「牛繁」食燒肉。 餐廳位於尖沙咀金巴利道40號地舖， 位置十分方便。 餐廳有黑色圍裙俾客人，好細心， 唔怕污糟啦！先來一碟《蔥燒鹽香牛舌》， 切成薄片， 口感彈牙爽囗，經過調味嘅牛舌， 好惹味！ 《鹽香中落牛肋肉》 ， 牛味十足， 油脂分布平均， 入口軟腍鬆化， 好正。 經過調味《嚴選櫻姬雞腿肉》，味道豐富， 雞肉嫩滑，好滋味！ 大人氣嘅《霧島溫泉蛋飯》， 粒粒日本米， 口感帶軟， 配上流心蛋黃、海苔同芝麻， 有點和風味道。 《特上牛胸腹肉》， 囗感比較韌， 有咬口， 牛味香濃而多汁， 味道不錯！ 口感清新嘅《特選豬頸肉》， 因為經過柚子作調味， 味道變得清新而口感爽口， 有驚喜。叫咗杯《菠蘿梳打》&《巨峰提子梳打》， 味道清新，帶果香， 食燒肉啱晒啦！ 提提大家，記得打卡同Like Facebook, 有《上級和牛里脊肉》送， 好正呀！

好多朋友都極力推介! 話呢度既肉醃得好好味，所以我都黎試下~蔥燒牛舌薄薄既牛舌上淋左一圈醬汁，燒既時間好香醬汁香味，店員話每邊10秒左右就得。燒出黎仲有少少粉嫩，但非常多汁，配埋醃好既大蔥一齊食，爽口又好味👍牛肋肉牛肉顏色比較深，而且仲有一條條白色既脂肪紋。較大條同厚身，燒出黎都仲feel到佢牛肉既彈性。食落肉質好彈牙，牛肉味幾濃。😍牛胸腹呢個部位切成粒狀上碟，可能怕太大條難燒? 切成細細粒，火喉控制方面要更留心，如果唔係好易太熟。入口軟滑，十足平時串燒會食到既一口牛柳粒😆豬頸肉比較失色既會係豬頸肉，食落有點韌，雖然油色十足，但唔係好夠彈牙。😶雞腿肉醃得幾好食! 燒完出黎仲食到淡淡既檸檬味，唔會因為食太多肉而覺得膩，反而有啲開胃添!👍🏻👍🏻溫泉蛋飯其實好普通，都有鰹魚碎加芝麻加生蛋黃，但撈好放入口又幾驚喜喎! 飯粒帶點濕潤，食落仲好有鰹魚香同蛋黃香!😌

同friend試完姊妹裙後，泥到lei條韓國街婚紗街，諗著邪惡食韓燒，點知行行下竟然見到上次系東京食過ge燒肉店!!!!! 估ng到香港都開jor分店，臨時轉軚，食日式燒肉!!!原來上海同越南都有分店。燒肉前的setting，牛繁係用gas爐仔枱上燒，仲提供圍裙防止整污糟d衫，好細心!!!牛繁提供好多選擇，單單係牛已經有一頁以上，仲有提供澳洲和牛tim!!! 價錢ng太貴lei~元氣牛五花，色澤賣相都好吸引ar!!!! ng洗燒好耐，燒幾下，入口牛油味香，肉質柔嫩，正ar!!!!特選豬頸肉店員話用上味噌醃製，豬頸肉大大件，要燒耐少少lei，入口好爽口，而且調味ng太咸，o岩o岩好!!!櫻姬雞腿肉係日本雞肉，用jor鹽醃，肉質好嫩，而且juicy!爐仔火力都ng細，燒雞腿肉同豬頸肉時要俾耐性，靠邊燒。特上牛胸腹肉，肉色鮮紅，而且油花分佈均勻。size好大塊，滿足食肉獸ar!!! 肉味比牛五花更濃郁，肉質都軟嫩juicy，好味!!!蔥燒鹽香牛舌，牛舌預先加jor鹽醬，燒到緊緊熟，就得la，ng係肉質會老lei。牛舌爽脆，配上蔥醬，yummy!!!食燒肉當然要配白飯。霧島溫泉蛋飯好吸引，攪拌

日本知名燒肉店「牛繁」終於喺香港開店，我呢個食肉獸一早已經收到風，可惜遲遲未行動。 今日咁啱經過，一於一試！ 枱與枱之間間距大，夠鬆動，無壓迫感。 枱都好大張，不過爐就細細個。同日本唔同嘅係冇放題任食，只有單點。 餐牌面頭就寫明有面書優惠，當然唔可以錯過啦！免費的上級和牛里脊肉，片數唔少，但送完即止，即刻攞左先大人氣！霧島溫泉蛋飯除咗溫泉蛋，仲有芝麻、紫菜同埋拌飯素。蔥燒鹽香牛舌切到好薄片，燒一陣就食得啦！嚴選櫻姬雞腿肉肉質好彈牙，就算燒過咗火都唔會韌，唔錯。特選豬頸肉有好清新嘅柚子味，個醬汁做得好好。鹽香中落牛肋肉顏色鮮紅，仲係厚切，牛味香濃，油脂豐富，牛類之中呢款最好食！燒肉梗係要配凍飲啦，梳打大大的，菠蘿梳打同巨峰提子梳打都唔太甜，冰凍解渴。整體味道唔錯，服務好，不過抽風系統唔太好，有啲煙霧離漫，期望下次有改善。

第二次黎食牛繁喇，今次差唔多成9點先黎，唔洗等位，開心！店員提醒我地可以放啲嬲同袋入locker，以免吸曬啲油煙味，好貼心的燒肉店！雞腿肉（$58）雞比肉沾左檸檬汁，食落小小酸，幾開胃霜降牛五花（$148）牛五花用左醬油醃，肉質好靚，油花分布均勻，值得呢個價錢牛胸腹（$88）超有驚喜，牛味比想像中重，口感亦都好好，整體感覺似食緊牛扒豬五花（$58）味道偏甜，似韓式肉蔥燒鹽香牛舌（$88）必點之選！鹽醬好正，牛舌係薄切但好爽口！加埋蔥，味道層次豐富！溫泉蛋飯（$48）大碗的，我地兩人share岩岩好，可以自己加醬油！提子梳打同檸檬梳打都唔會太甜，唔錯！

每逢秋冬都特別喜歡吃燒肉，因為在火爐邊特別暖粒粒。今次黎左一間日式燒肉店，之前去日本都聽朋友講過，但無機會去食到。今次，終於可以在香港分店食到啦⋯ 這間舖非常之細心，在門口的位置有專讓客人放大褸的locker, 又安全，又可以防止油煙吸入大褸之上，非常之貼心。而且覺得佢個私隱程度都唔錯，雖然沒有包廂但枱中間有個隔板，分隔開兩台客。我亦都想講講個爐，緊接個爐有一個強力抽油煙機，佢哋真係非常近，更有效地將油煙吸走。另外，佢每個客都有圍裙一條，唔洗驚啲汁彈到自己，細心程度攞滿分。至於食物質素都非常好。我最喜愛的就是牛舌，厚薄適中之餘，口感一流。淡淡的調味沒蓋過牛本身的鮮味，還有專用醬汁，喜歡濃味啲，就唔洗怕。靚嘅牛肉係唔需要太重嘅調味，真係恰到好處。豬頸肉是我第二最愛，佢用咗柚子汁醃製, 微酸之餘還有淡淡的柚子香味，使人特別開胃。而且肉質十分爽口，食到停不了口。牛肋條也很不錯，帶有麵豉的味道。咬落去，質感十足，牛味很濃。至於雞肉也很鮮嫩，雞皮裡沒有過剩的脂肪，肥瘦均勻。牛胸腹肉最後係想講講侍應們都很細心，服務很周到。因為佢見條牛肋條太大條，俾咗一把廚剪我們剪肉⋯燒到中段，主動給你換咗塊鐵板

公司沒完沒了的工作終於暫告一段落，所以決定同朋友食番餐好好慶祝。午餐決定食好耐無食過既韓燒，上Openrice搜尋一下，發現尖沙咀【牛繁 Gyushige】都唔錯，一於盡早打比朋友叫醒佢起床快快起行。.【牛繁 Gyushige】位於尖沙咀金巴利道，MW Plaza 地舖，在尖沙咀地鐵站金馬倫道出口，行數分鐘就到，地點好方便。這家在金巴利道新開的【牛繁 Gyushige】，是 1968 年於日本創立，在上海、越南等地已開超過百多家分店，聲稱以平民價食到和牛，事實又是如此嗎？店內環境好開揚，裝修都好新，舖面不算大，但至少坐得舒服，亦有落地大玻璃看金馬倫道街景。最重要就係抽風系統做得好好，韓燒完行出門口一些味都無，抵讚。期待佢既食物因為會跟從日本原店做法，醬汁全由日本空運過來，但餐牌、裝潢與日本都會有分別。香港分店目前只設單點，走平民路線，暫不提供放題。用美國牛及澳洲牛，也有香港店獨有的日本和牛、西班牙黑毛豬護心肉等特別部位。每碟最便宜賣七八十元。每張枱上都有日本煤氣爐，與一般圓形網燒烤爐不同，火力更勻循；爐上亦有抽氣煙囪，望落去細細地但係功效還是見到的，抽油煙機可以拉上拉落,自己控制呢。個

牛魔王嘅我，對食牛有要求，坊間好多燒肉店，要搵一間比較高質我會推介此店！！牛肉大大塊，牛味重，油脂香，肉嫩，色澤仲好靚，有口感，多汁，好味！！配埋個紫菜飯一齊，perfect match， 好正！！最後侍應仲推介呢個冷麵，最初睇樣以為無乜特別，點知一食好有驚喜，麵好彈牙（唔似拉麵或烏冬），好有口感，酸酸地，凍食，令人好開口，好彩無錯過，果然有驚喜！！推介俾鍾意食牛嘅朋友，有質素，會再encore！！！

約無肉不歡gei朋友仔食飯 緊係要食好味gei烤肉我地揀左去黎左香港唔係好耐gei 牛繁一入去 員工好細心話有Locker 可以鎖起啲怕吸到味gei衫坐底 仲為我地準備好圍裙 因為烤肉時會有油脂彈出黎我地揀左蔥花牛舌輕輕咁燒過後放上蔥花檸檬汁烤得香軟gei 牛舌 食落感覺好清新另一個係牛小排 牛小排油脂分佈平均烤gei時候陣陣油香 呢個時候 圍裙發揮左好大作用入口即溶 成個口腔充滿住牛肉香味 好味到人都溶化左豬五花豬肉輕輕奄過 略帶鹹味 油脂分佈平均 和風牛里脊呢個肉比較有咬口 配上和風汁 去除左肉類飽滯感食落除左清爽外 感到更開胃雞腿肉呢個雞肉可以話係軟柔滑皮薄 油脂不多 但雞肉軟柔我地仲叫左個溫泉蛋飯蛋味香濃 珍珠米係我最愛用半熟蛋拌勻 加埋飯素同紫菜忍唔住食完一啖又一啖飲品就叫左個荔枝梳打唔太甜 食烤肉要配上清爽飲品呢個就岩岩好喇

十月去過東京，食過牛繁，當地係用炭爐嘅~燒出嚟嘅肉真係好香好軟熟，知道香港開咗就立即book位，雖然知道香港唔係用炭爐，但對肉嘅品質都有所期待！可能係我地想試多點種類，點的都是盛合，並無一款肉係覺得回味，都是草草吃過，便算了~反而凍凍的天氣，牛骨蛋花湯帶比我一點溫暖，味道亦令我滿意~牛繁三點盛合(HKD238)豚肉及雞肉三點盛合(HKD238)上級和牛里脊背配月見汁(HKD0-LIKE FB送)~估唔到送的便是最好食的！是長方形的燒爐，較為小巧，一次可燒4-6片肉~牛骨蛋花湯(HKD28)牛繁和風拌飯(HKD68)

等左好耐終於就到時間同班老友來食燒肉了自助式燒肉首先點左澳洲和牛肉眼扒：肉質又滑又夠厚有肉味，質感非常豐富優質和牛肉👍🏻👍🏻又厚又多汁 大大塊食得好暢快牛肋肉 牛肉相對比較粗身，非常有質感，食落去很有口感😋雞肉肉質鮮美嫩滑，脂肪少，雞皮燒到香脆可口👍🏻牛舌薄薄的牛舌，肉質柔軟又彈牙，入口有種回彈嘅感覺，十分鮮美可口！豬腩肉一層皮一層肉一層脂肪 帶有點點豬軟骨，食落層次非常豐富 而且多汁食咗咁多肉梗係要食番個沙律清清腸胃 沙律菜夠新鮮 溫泉蛋嘅蛋漿完全令平平無奇嘅沙律有畫龍點睛嘅效果重點係高質素靚肉 全部肉類都非常新鮮 牛肉選擇種類多 有唔同部位提供選擇 喜歡吃牛的人不能錯過