牛繁 (MW Plaza) (已結業)

媽咪話近期唔好食豬喎， 咁我咪唯有食牛囉，夠哂安全喇掛🤭，今晚就同朋友兩個人嚟牛繁食個輕便晚餐。香港店雖然冇左日本原店嘅一人炭爐，但地方仍然保持簡潔寬敞，就算人多都唔會覺得擠迫。我地今晚點左四款食，有牛肋肉、牛舌、豬頸肉同雞腿肉。每碟肉類份量都唔細，二人份都好飽足。每次食日本燒肉我都必定會點牛舌，如果有厚切就更好。牛繁嘅都係薄切，不過味道都唔錯。好多人唔喜歡牛肋肉，但我就反而鍾意佢夠肉味同有咬勁😋。豬頸肉一貫地爽口味濃👍但我估唔到全晚最驚喜嘅竟然係個雞腿肉噃，雞腿肉簡單醃過，雞味好濃郁，而且非常嫩滑😍😍😍。最後加個主食温泉蛋飯，鮮黃色嘅蛋漿混入香噴噴白飯，加埋紫茶飯素，就咁食定係配燒肉都咁好味😁。