240
15
10
港鐵尖沙咀/尖東站 B2 出口, 步行約5分鐘 繼續閱讀
電話號碼
26388099
開飯介紹
來自日本的餐廳。牛繁在日本有逾百間分店,牛肉來自美國、澳洲及日本,價錢合理份量大。 繼續閱讀
附加資料
用餐時間90分鐘,留枱時間15分鐘
營業時間
今日營業
12:00 - 16:00
17:00 - 23:30
星期一至日
12:00 - 16:00
17:00 - 23:30
付款方式
Visa Master AlipayHK 支付寶 現金 銀聯 微信支付
其他資料
網上訂座
酒精飲品
切餅費
電話訂座
賞訂座積分
加一服務費
當面支付
有關獎賞計劃
食評 (285)
等級4 2019-08-15
220 瀏覽
今晚陪朋友到金巴利街試婚紗, 順便係附近搵間餐廳一齊dinner~每次經過呢條街, 總被"牛繁"所吸引, 呢間係日本過江龍既烤肉店, 正好今晚我倆就入去邊食邊傾!每張檯都放有一小個烤爐, 烤爐之上除了有一個抽煙煙囪, 煙囪額外加配了一個罩, 除左可以令燒烤散出既煙集中被抽外, 亦能避免到燒既時候唔會彈到自己。牛繁 主打牛, 當然牛既款式較多, 亦有豚肉、雞肉選擇, 除烤肉外, 都有沙律、小食、飯類等等..【壺漬牛肋條】HK$108壺中放左兩件牛肋條, 牛肋條醃得好入味, 而且夠林, 夾集淋左少少汁既香蔥一齊食, 甜甜地又帶香口, 而且冇筋連帶。  【蔥燒鹽香牛舌】HK$98薄切牛舌淋左少少汁, 燒既時候唔會令牛舌太乾, 夾住香蔥食, match!【極上牛板腱厚切和牛板腱排】HK$198牛板腱既牛脂分佈幾平均, 肉比牛脂多, 所以入口唔會成口油, 肉味幾重, 肉質都幾嫩。【雞軟骨 (日本雞三角)】HK$68平時食雞軟骨都係一粒粒, 第一次見雞軟骨係三角, 真係好少機會係其他餐廳見到。軟骨爽脆唔會太硬, 質地似豬耳既軟骨, 唔怕硬到咬傷d牙, 正!!LIKE & SHARE 餐廳Facebook page, 仲送澳洲和牛里脊肉一客, 雖然表面有薄薄雪氣, 但烤後入口, 味道又唔錯, 牛味較出, 仲要免費!!! 著數!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-12
234 瀏覽
身處在香港這個男肉女食(與弱肉強食是同義詞)的社會,港男處處顯露出對生活的無力感,港女又總是傾驀隔住個Mon的小鮮肉,男男女女之間無法"痛痛快快尋開心"。當力的表現不斷被弱化的時候,港男唯一能夠表現出優越感的就是智慧,如無的話,偶而光顧"牛繁"這類燒肉店是雄性味極重的餐廳類型,感受一下雄性味重的氛圍,也是提振夫綱的方法之一啊,係咪先?1. 牛繁三點盛合-$238:特上澳洲胸腹肉: 少油花,但紋理較結實,口感不韌不淋,牛味最重/上級牛五花: 油脂平均,香味撲鼻,淋身得來帶少少韌/中級牛肋條: 瘦肉多一點,牛味重一點,口感韌一點。2. 壺漬牛肋條(汁燒)-$98:牛角也有此菜式,內藏兩條牛肋肉,比較幼身細條,但用燒汁醃得入味。經我發出狂烈的嗲功之下,店員終肯捨身燒製,解放我雙手,但見他悠然自得,一時文火一時武火,兩邊輕鬆翻轉,最後以蔥花醬汁點綴,吃下去口感煙韌,牛味香濃,由經驗老手燒出來是好味點,果然是"東方不燶"。3. 特選豬五花(柚子胡椒)-$58:半肥瘦豬腩肉,一層一層間開,雖然肥肉較多,但薄切燒起來更乾身香脆,配合酸甜柚子味,搭上胡椒微辣,吃時不會感到太油膩。4. 嚴選櫻姬雞腿肉(鹽燒)-$58:看得出肉是由雞腿拆出來,肥瘦均勻,連皮一起燒,肉嫩非常。5. 澳洲和牛里脊肉(Like FB免費贈送):貌似牛柳粒,吃起來比想像中淋身,連帶醬汁將每邊微微燒熟,十分惹味。不過,夫剛呢家野最驟忌振太多次,如果吃一回,就振一次的話,回過頭來,就會發現你已經變成一枝電動牙擦,係咁滋滋滋...滋到你老婆變電視..."You can't stop me...You can't stop me...You can't stop me..." 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-02
329 瀏覽
位於尖沙咀的牛繁,是一間日本平價燒肉過江龍。餐廳由1986年起開始營業,以優質燒肉和平民價錢做招來,在東京有105間分店,在全世界有153家分店,業務超級廣呀。今日跟朋友來吃晩餐,八時來到,全院滿座,很有人氣呢。餐廳 抽風系統不太好,入店已聞到濃濃的燒烤味。由於限時九十分鐘,客人們勻急著燒急著吃,有點辛苦呀。牛繁三點盛合 $268服務員推介的牛繁三點盛合,包括: 上級牛五花,特上胸腹肉,中落牛肋肉。牛肉全部薄切,已預先調味,大火燒熟,即可享用。上級牛五花,肉味濃郁,牛香惹味,很好吃呢。特上胸腹肉則脂肪較多,一半脂肪一半肉,入口較為油膩。中落牛肋肉也屬不錯,牛香豐盈。壺漬牛肋條 $108招牌的壺漬牛肋條,味道果然不錯呢。牛肋條一共兩大條,預先用燒汁醃至入味,燒前煎成顆粒狀,燒至四面焦香,保持肉質軟腍就最好啦。特選豬五花 $68最平價的肉類售價$68,但味道也不俗呀。點選柚子胡椒口味的豬五花,微酸微辣,減去不少膩感,肉質甘香,個人認為三盆肉之中,這個最美味呢。霧島溫泉蛋飯 $48燒肉配米飯,是最佳的選擇。米飯撒上芝麻飯素,放上半熟溫泉蛋,拌勻即可,建議加點醬油更好吃呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-18
407 瀏覽
回頭率:🌕🌕🌕🌗🌑環境:🌕🌕🌕🌑🌑份量:🌕🌕🌕🌑🌑味道:🌕🌕🌕🌗🌑價格:HKD406/pal◆Summary◇平食日本燒肉連鎖店的裝修風格,座位唔算開闊,充滿了日本的氛圍🎏燒肉種類頗多,澳洲和牛為主,肉多已醃製好,味道中規中矩,同牛角嘅質素差唔多。最推介牛舌、牛五花同牛板腱排🥩如果價錢可以同日本一樣咁平/推出燒肉放題就再好不過了👅——————————————————————◆特上牛胸腹肉◇ HKD98😋牛味最濃,軟身又冇筋◆蔥燒鹽香牛舌◇ HKD98😍薄燒牛舌,唧上幾滴檸檬汁,伴上一撮蔥,汁液滲入牛舌中咬落清新爽口◆極上霜降牛五花◇HKD158😍雪花紋理清晰,柔軟至極,不過油香始終比唔過下面呢款👇🏻◆極上厚切和牛板腱排◇HKD198😍融雪做得唔算好好,好彩燒完之後味道仍然高質,肥瘦適中,油脂的香氣非常突出,澳洲和牛比日本和牛稍微清淡些少,加上冇太多的醬料醃製僅僅佐以胡椒,簡單得來每方面都好平衡。◆澳洲和牛里脊◇FREE‼️去Facebook打卡就送一份牛里脊,味道較為普通,難咬🦷◆霧島溫泉蛋飯◇HKD49😋蛋仲識震㗎!撈勻黎食好滋味,飯粒又夠飽滿💁🏻‍♀️剪刀✂️主動問店員拎先有,通常喺牛扒size先用到💁🏻‍♀️抽風效果一般,但油煙唔算太大,起碼食完頭髮都冇沾上燒肉味😅 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-15
378 瀏覽
日本激安Donki終於開張啦! 梗係趁新鮮出TST朝聖😎. 迫完之後一於揾間餐廳坐低慢慢食先, 經過li間落地玻璃望入去細枱細枱燒肉, 都企理gei, Lunch都係typical尖沙咀價錢, 日式燒肉正呀喂.>中落牛筋肉 (HKD128),元氣牛小排 (HKD148)望落勁新鮮嘅牛好快送上, 每款仲有足足六大塊咁多, 牛小排更有成1cm厚, 為左唔好燒過龍我地都唔敢整太耐, 食落肉質勁易咬開, 肉味香, 牛筋肉醃得非常入味. >嚴選櫻姫雞腿肉 (+HKD48)難得一齊off當然想慢慢嘆, 無食早餐嘅我地一於嗌多兩款Add On開心些牙. 普通雞腿肉平時都成日食, 日本櫻姫雞燒完一啲都唔會乾爭爭, 保持住啖啖雞肉鮮嫩多汁, 而且毫不吝嗇大件大件切, 高質Add On之選. >特選豬五花 (+HKD48)Li個五花肉無想像中咁多肥膏, 直頭可以喺唔使揀走一邊肥膏之下一口食哂. 溫馨提示豬肉要燒耐DD, 好香口感又正. >薯蓉沙律一球雪糕型狀嘅薯蓉沙律淋上芝麻醬, 味道即刻升呢, 既充滿crunchy薯仔粒又帶creamy.>大崎蟹柳沙律>雪糕追加 (+HKD10@)一人一球雪糕🍦, 有味道較特別豆腐, 海鹽. 味道清清地嘅豆腐同好有沖繩Blue Seal風味嘅海鹽幾飽都要開埋第二個胃try try.>飲品- 巨峰/// 柚子梳打 (+HKD10@)個人推介柚子味梳打, 一路食燒肉送柚子味油膩感即刻輕勁多呢. 繼續閱讀
(以上食評乃用戶個人意見 , 並不代表OpenRice之觀點。)