牛繁 (MW Plaza) (已結業)

朋友話尖沙咀有一間食牛好好食嘅鋪頭，轉系食燒肉嘅，咁啱朋友又好鍾意食牛，今次就陪佢去食下。地點係地舖， 十分方便亦都好容易搵，見到好多款肉真係花多眼亂，因為朋友鍾意食肉所以揀咗好多都係牛肉，部份就係豬肉同埋雞啦。蔥燒牛舌比想像中更加彈性，有口感。特上牛五花脂肪分布平均，食落去牛味十足。壺漬牛肋條調味做得非常之好，而且肉質好厚身極具口感。中落牛肋肉都唔錯啊，食落啖啖肉而且調味適中。豬五花肥到不得了，食落好邪惡亦都好好食，燒嘅時候成個燒烤位都係油啦。澳洲和牛肉眼十分大塊，ｃｕｔ開一粒粒食就差唔多，肉味好香濃。仲叫左個雞肉~~幾滑！沙津亦都非常唔錯，上面有好多醬汁同埋生菜，仲加咗唔少芝士粉令到整體味道更加豐富。食肉點可以唔揀啲飯啦，但係白飯又好似好無聊，就揀一個豐富啲嘅和風拌飯，上面有好多蔬菜配料健康得來又增加成個飯嘅香味，食完就真係好飽肚啦！通常食肉都會有啲口渴，我哋就揀左幾種唔同嘅梳打，甜味唔會太over，要來清涼一下，消除肉類嘅肥膩感簡直一流。

本月壽星係食肉獸 所以決定黎牛繁試試。位於尖沙咀金巴利道，就近美麗華好易搵。餐廳有點工業風簡簡單單。抽風設備幾好，唔會好大煙。爐仔細細但火力夠，佔既地方少可以放更多食物。另外值得一讚嘅係會為每位客人準備一條圍裙唔怕會弄污糟衣服牛繁三點盛合$238一次過滿足你三個願望，牛味十足，肉質嫩滑。三款牛肉的脂肪分佈都不一樣，可以試到三種唔同既口感。葱燒香鹽香牛舌$88肉質爽口，夾埋葱食一流壺漬牛肋條 $98有驚喜牛肋條放入壺內吸引了醬汁，味道濃郁，好多肉汁，好林。好好味特上霜降牛五花$148淨係睇過樣就知好味一定要試牛味濃郁，肉質嫩滑，入口即溶，油脂分佈均勻。同場加影 🦐🦑🐚有少少失望蝦算大隻，但唔太新鮮的感覺。原隻魷魚，係三款中比較好味的。食得太多肉要食沙律中和下🤣🤣整體而言，食物質素中上，環境舒服喜歡食牛肉嘅朋友值得去試吓。

三人行小聚，今日同朋友約左嚟食牛繁! 好似喺尖沙咀開左無耐，冬天圍爐食燒肉最啱~霧島溫泉蛋沙律先食少少沙律做好準備，希望可以吸下一陣燒肉嘅油，食完無咁肥。 普通沙律菜，但佢嘅溫泉蛋好香蛋味。蔥燒鹽香牛舌薄身牛舌，唔駛燒太耐，入口彈牙，牛舌味頗香。 加埋蔥食更正，微微帶酸，多左清爽感覺。特上霜降牛五花紋理分佈好靚，有一定厚度。 入口比較有口感，有牛肉應有嘅纖維同彈性，口感軟滑。壺漬牛肋條比較其他幾款，佢應該係最厚身嘅牛肉，所以餐廳都會係底𠝹哂紋，方便你易啲將佢燒熟，燒完會少少捲起，好似魷魚。牛味無牛五花咁香咁多油。蔥燒中落牛肋肉牛味比較濃，而且厚身，食落比較有口感。特選豬五花燒出嚟油脂好香，而且醃得唔錯，味道唔會好寡。櫻姬雞腿肉同一般雞肉唔同，無雪味，而且去左骨，又無水出，一啲都唔似冰鮮貨。 燒出黎雞味唔算特別濃，但勝在無雪味，加上檸檬汁食更香。特上和牛肉眼全晚最正嘅牛! 夠大塊有睇頭，而且肉同脂肪比例都同靚，肉味濃，油香足，送飯一流!牛繁和風拌飯燒肉真係好送飯，所以點左份和風拌飯。好多蔬菜，可以balance下油膩感，而且加左醋，解膩又開胃。

日本連鎖燒肉店年中登陸尖沙咀，作為食肉獸，梗係要幫襯啦! 鹽燒牛舌 雖然切得非常薄，但依然有Q彈口感。每邊各煎20秒就食得。元氣牛五花 瘦肉中帶有油脂，吃起來的口感不柴不膩。燒烤不能少的牛肉。上級和牛里脊肉 取自牛的腰部嫩肉，口感嫩滑、鲜美多汁。特選豬五花 烤過後外脆內軟嫩，味鮮而唔肥膩。霧島溫泉蛋飯 米飯將蛋汁完全吸收，會有唔好食的理由嗎？巨峰提子梳打Refreshing…整體食物有水準，價錢合理 。店內抽風系統效果良好 。員工主動有禮。值得再幫襯! 

入門口，見到有locker提供比客人用，真好，啲隨身物品唔使一陣燒烤味店員都主動提醒like Facebook有優惠,送澳洲和牛里脊肉一份。另外亦值得一讚，店員好主動幫忙換燒烤板呢個就係 like Facebook送既，份量唔少，質數高，呢款係薄身牛肉，但幾有𡁻口，唔錯。葱燒牛舌，好爽口，夾埋d葱，再沾上檸檬汁，味道更好！元氣牛五花，牛肉味濃，入口即溶，必食項目豬五花，除左牛以外，豬都出色，厚薄剛剛好，又唔會韌！壼漬牛肋條，外表已經好吸引，用個壺裝住，醬汁浸住係入面。呢個肉質比起牛五花唔同，比較彈牙溫泉蛋飯，飯上面有溫泉蛋同紫菜絲，撈勻食，原來全球有140間分店走果時發現原來9:30後有特價，下次宵夜有多一個選擇

今晚黎到呢間位於金巴利道嘅餐廳食燒肉｡門面非常光猛, 所以好容易就搵到｡Like & Check-In 佢地嘅 Facebook, 仲可以免費獲得一份澳洲和牛里脊肉｡餐牌上有餐廳嘅簡單介紹, 原來全球已然有 140 間分店｡鹽燒牛舌牛舌係薄切, 所以唔需要燒太耐, 只要表面稍為變色, 肉質微微緊縮就 OK, 食落去口感軟脆又有彈性, 係必點項目｡元氣牛五花肉質厚實但柔嫩, 有好多筋肉間脂肪 & 表面脂肪, 油脂紋路分布均勻, 肉甜多汁, 口感較堅韌而又有彈性｡壺漬牛肋條牛肋條喺壺入面已經調左味, 兩大條牛肋條, 即使燒好耐先食, 肉質都唔會韌, 而且牛肉味濃郁, 配埋醬汁蔥花一齊食簡直係冇得頂｡上級和牛里脊肉配月見汁里脊肉係牛背部最柔嫩嘅瘦肉, 色澤鮮豔而紋路清晰, 口感鮮嫩多汁, 沾上月見汁後更加惹味十足。特選豬五花豬五花油脂豐厚, 肥瘦之間紅白分明。經燒過嘅豬五花, 肥肉略為融化, 所以口感較 Q 彈, 味鮮而又唔肥膩。霧島溫泉蛋飯食肉點都要配少少飯食先至完美, 呢個飯表面鋪滿香鬆, 中間放左隻半熟嘅溫泉蛋, 撈勻後食簡直係大滿足。檸檬梳打味道微酸, 食完肉飲番啖檸檬梳打, 可以幫

上次去日本想食炭火燒肉所以食左牛繁😋今次係香港食就冇炭火了🙁但啲牛肉仍然好正😋✅蔥燒鹽香牛舌 $88調左味嘅牛舌唔錯，口感一流，脆脆地😋✅元氣牛五花 $128比它們部位薄地仍有肉汁，好好味👍🏻✅特選豬五花 $58食落有柚子味，當豬五花有啲肥膏，柚子味令塊肉冇咁膩✅壺潰牛肋條 $98用一個壺浸左調味醬汁上枱，一條長長既牛肋條唔靭好淋👍🏻牛味幾重，咁多樣牛肉最好味😋✅上級和牛里脊肉較厚身，肉質幾嫩吾錯👍🏻霧島溫泉蛋飯 $48餸肉一流😋

同事生日，要請一個豐富又好味的生日午餐，早前看過報導，話日本一家連鎖燒肉店在香港尖沙咀開了海外分店，主打優質日本牛肉，藉著今次機會，當然要試一試。牛繁的店鋪位置美麗華街尾，位置都算方便，容易找，鋪頭裝飾以工業風作主調，以其他燒烤店一樣，都有獨立抽風減輕燒肉時的油煙。午市時間設套餐，包湯、前菜、主菜、飯店和飲品，價錢$128加一，湯為蛋花味噌湯，前菜為芽菜菠菜，主菜可選中落牛肋肉、木屐骨間牛肋肉、特上牛胸腹肉、雞腿肉&豬五花、牛五花或牛小排，幾個之中，最後分別選了中落牛肋肉和木屐骨間牛肋肉，中落牛肋肉長長薄薄，正反燒一燒便熟，牛味突出，而木屐骨間牛肋肉切成粒狀，要燒耐一點，牛肉入口有咬口，味道濃郁。隨餐送的桃子和提子梳打十分正，梳打水比例較多，夠氣之餘又不會太甜。成個餐樣樣都做得很有水平，性價比高。

熟悉我嘅朋友都知道我非常喜愛食肉❤️🥩，今次同朋友第一次嚟呢間餐廳。喜歡呢度簡潔而有格調嘅裝潢，抽風系統🌀做得好好，唔會滿佈煙氣味，餐廳仲會安排每位顧客有一條圍裙，好貼心，喺呢個環境下食烤肉，非常享受！☺️ ·食物方面，每款烤肉都肉嫩多汁、味道同口感都各有特色，大滿足！😍 值得一提，店員服務態度好好，好主動、好醒目。鍾意「打卡」嘅我，一邊影相， 一邊問朋友烤肉嘅名稱，店員會主動行埋嚟用心介紹，好細心！👍🏻·🔸 壺漬牛肋條（$98）10/10最鍾意呢款肉，最有驚喜！牛肋條捲住放入壺入面，由頂部望落去，只係見到少少肉，本身有d失望，點知原來係兩大條！😱 原條放上爐燒，燒完自己剪開，大小由自己話事，好腍、好多肉汁，超！好！味！🤤·🔸 特上霜降牛五花（$148）9.5/10價錢相對比較高嘅肉，脂肪紋分佈平均，賣相加晒分！入口即溶，口感一流，值呀！❤️·🔸 上級和牛里脊肉 配月見汁（$0）9/10打卡免費送嘅！😍 份量一d都唔少，好有誠意！😳 牛味十足，同樣係好腍，配埋月見汁，好正！·🔸 蔥燒鹽香牛舌（$88）9/10其他牛唔同，牛舌肉質爽口，另一種吸引！😚·🔸 特選豬五花（$58）8.5/10充滿柚

以前係日本食過炭爐既牛繁，而家香港都開左，就緊係要去試一試喇。地點係尖沙咀，又方便，同朋友聚下傾下計既好地方。鋪頭環境都好舒服，地方大，唔會坐得好逼，有曬抽風設備，燒完唔會成日韓燒味道，仲有locker可以放衫同袋，諗得好周到。重點就當然係食物喇，叫咗幾款牛同一款豬，每樣都好好味。元氣牛五花呢個係牛繁推薦菜，比其他肉厚切一d，食起會更有口感，啖啖肉汁，絕對推介。特選豬五花雖然幾多肥膏，但唔會覺得好油膩，反而佢個柚子味好出，食落好清新。蔥燒鹽香牛舌牛舌上面既汁，燒完其實唔係好食到咩味，但勝在佢夠爽口，好有口感，已經好有味道，唔洗理個d汁。壺潰牛肋條呢個上碟已經夠特別，成個壺入面仲伴著d三色椒，唔係普通一個碟，而且好入味，成條咁上，超有口感。上級和牛里脊肉不過不失喇，味道唔差，唔算好特別。霧島溫泉蛋飯食肉仲未夠飽，叫多個飯填下肚，個溫泉蛋煮得啱啱好，成個飯超好味。檸檬梳打食韓燒一定要配d有氣飲品先舒服解渴，而且佢酸酸地好開胃。

陪友人試完婚紗，之後經過呢間燒肉店同友人齊齊燒一燒。話明牛繁，主打食牛牛，岩晒我依d愛食牛之人。先點了個霧島溫泉蛋沙律($48) 清洗一下味蕾，沙律菜也新鮮清甜，解膩一流!厚切特上鹽香牛舌 ($138)，牛舌質高質，軟腍而且牛味香濃。加上牛舌面切花，加快燒肉時間而且唔會過熟。好食! 特上霜牛五花 ($148) - 色水鮮嫩，輕輕薄燒便食得。牛香味濃。推介! 壺漬牛肋條 ($98) – 都係好香牛味，加上牛肋條已調味，不用加任何醬汁已好好食。 嚴選霜降黑毛和牛西冷 ($288) – 油脂分佈均勻，不膩好嫩滑。係每日限量供應，要食就要早啦。 100％橡果飼!伊比利亞黑毛豬（$98）嘩⋯個名好厲害！只可惜我唔食豬，而友人説豬味好重，而且好爽口極上厚切和牛板腱排 （$198） 雖說此部位好罕有而且每日限量，但個人而言不太喜歡，牛味唔夠濃，但勝在無根好淋滑!柚子梳打/巨峰提子梳打(各$45) 好fresh，解渴一流！餐廳服務質素很好，店員主動幫忙換燒烤板！食物質素也高，加上自己又愛牛之人，應該好快會再嚟幫襯😆

🐼#牛繁一踏入秋冬，燒肉季便正式開始！元氣牛五花條（$128）平常五花豬肉吃的比較多，牛五花吃過嗎？脂肪的網紋包著透紅的牛肉，在烤爐上吱吱作響讓人食指大動。蔥燒鹽燒牛舌（$88）是個人比較喜歡的，牛舌特有的味道和蔥很搭，薄薄的，翻一遍就熟了。壺漬牛肋條（$98）非常推薦，肉會比較厚，要剪開才能全部燒透，但牛嘛，五成熟還是可以的。特選豬五花（$58）簡直太划算好嗎？但吃完牛對豬好像沒有那麼好，珠玉在前嗎溫泉蛋飯（$48）因為最近在#偽keto 沒吃，看著同伴吃，好像好好好好吃啊🤦🏽‍♀️炭燒烏龍茶就是普通烏龍茶，不說了。最讓人喜歡是🙆🏻‍♂️這裡真的很乾淨。燒肉店開店一陣就會有那種很油膩很黏的感覺，這邊新開沒這個問題，希望可以保持。服務員態度都很好，幾乎是黃大仙的程度了，有求必應！

Blue Monday收工想食牛，尖沙咀食過兩三間都麻麻地，同同事去咗金巴利道牛繁試下，一心諗住以「牛」作招牌點都要試試！叫咗一個set，有特上霜降牛五花、蔥燒鹽香牛舌、壺漬牛肋條同特選豬五花，仲有打卡送嘅上級和牛里脊肉！作為男人點都要叫個飯，侍應好好推介咗霧島溫泉蛋飯。嘩！有驚喜！一嚟到碟碟份量都好足，性價比相當高。值得一提，呢間服務真係好好，每次送菜上枱都好禮貌咁介紹食法，好簡單一個眼神好快有侍應行埋嚟。講返食物，壺漬牛肋條要大大力推介，肉質出色、有肉汁，就算唔點醬汁都好夠味！而特上霜降牛五花亦係焦點所在，肉地夠厚，咬落又鬆軟，所以話好值得「牛控」去試試！如果嫌淨係食肉太heavy，可以考慮食佢個霧島溫泉蛋飯，好香好香，唔係白飯咁簡單。

最近有點忙，為了慰勞自己，抽了點時間去享受燒肉，選擇了在日本有很多分店的牛繁。Lunch set 肉類選擇不算多，但是沙律主食都可以選擇，變化頗多。用的是小爐，但是火力夠猛，很快便可以吃有前菜和湯，暖暖胃薯仔沙律，幾大個，加了芝麻醬更香點了牛肋肉，份量比想像中多，油脂也分佈平均。入口軟，牛味濃郁。另外加點蔥燒鹽香牛舌，本身已加上滿滿調味醬。燒完加上檸檬汁和蔥，更為惹味，減去油膩感，牛舌不韌，配搭出色。

選擇了好幾款牛肉，肉身既紋路都出，食落口感好軟，軟腍易咬，店內牛款選擇也多最抵食應該是拼盤，不過今次人數小所以只點幾款試，結算都是700元左右，因為9點後有折扣略嫌不足的是海鮮不夠新鮮海蝦，蝦頭已有少少離殼，燒完後肉質有點霉