燚 (已改名) 查看

大埔呢間新開無幾耐嘅鐵板燒，近期人氣好旺，我今晚終於訂到枱試吓，雖然佢店舖地方唔大，但環境裝修雅致高尚，而且氣氛好，店員服務質素高，招呼周到，係我近期食過最滿意嘅鐵板燒👍🏻我揀左個季節限定廚師發辦套餐$788，先來前菜沙律🥗，賣相精緻🥰，配上煙三文魚特制醬汁，清新開胃👍🏻，另外一道日本直送温泉♨️蛋配上高質魚子醬，味道層次與別不同😋近距離睇住廚師精湛嘅烹調功夫，咁樣食嘢絕對係最高享受，視覺上嘅滿足，非筆墨所能形容，而且和廚師交流更加令自己對食物更加了解，增加不少知識😍擺盤精美，水準極高，絕對係色香味俱全，絕不馬虎，望住咁靚嘅美食，點可以唔影多幾張相😂呢度香燒大虎蝦，爽口彈牙，配上特製醬汁，鮮味提升不少，你唔好以為個蝦頭係擺設，裏面啲蝦膏非常濃郁，真係忍唔住食到雪雪聲🤣大大隻蝦，真係絕對要用刀叉🍴嚟到品嚐，慢慢食慢慢嘆，再配埋自己喜好嘅美人梅酒、日本啤酒🍻，絕對係完美主義嘅標準🤗主角和牛，剛剛好的五成熟，不溫不火，廚師火候控制了得，入口肉味香濃，肉脂甘香無比，正所謂此肉只應天上有，人間難得幾回嘗，配上Wasabi、岩鹽、蒜片，實在令人回味再回味😍鐵板燒不可缺少嘅炒飯，粒粒圓潤分明，蛋香味美

難得都要享受一下決定食餐夠特別又好味的fusion鐵板燒店面不大但用心經營細，味道都一流專門有師傅幫手一對一服務～套餐多選擇，都可以加錢飲美酒前菜會有清新既柚子醋沙律，仲頭盤仲有碗魚子醬溫泉蛋~時令鐵板海鮮老虎🦐飯肉又厚又爽彈，配埋蝦頭膏煮既汁新鮮的南非鮑魚，鮑魚上面仲鋪有特製既牛油蒜蓉！而且真係新鮮彈牙又爽口啊成個感覺打卡又靚～鐵板烤畤蔬比起自己煮，真係唔同啊因為好惹味又夠熱辣辣時今鐵板肉類即刻在面前煎真的香噴噴，控制得岩岩好，雞肉夠滑而去好juicy!再配師傅特製汁更有驚喜！最後有海鮮炒飯、面豉湯鐵板炒飯粒粒分明，熱辣辣絕對不馬虎小甜品好味又解膩

Birthday lunch with my love❤️終於有機會試到鐵板燒✌️✌️呢間餐廳開業大約一個月 無論食物定係環境都不錯👍超級適合慶祝節日！或者包場舉行活動啊～餐廳有啲似私房菜☺️☺️今次我哋揀咗入門廚師發辦套餐 $588 per head 頭盤會有沙律 以柚子汁同黑醋汁作為主要調味 除咗蔬菜仲有水果 菠蘿超級甜👍而鐵板海鮮方面 入門版套餐就係南非鮑魚同埋大虎蝦！再貴啲嘅套餐就會有東星班龍蝦等等選擇～不過溫馨提示 好多新鮮嘅食材都要提早預訂喔！呢個超好食😋鮑魚配上蝶豆花海鹽泡泡同埋蒜蓉汁 好正❤️大蝦超級彈牙再配上蝦頭汁一齊食！鐵板燒肉類方面 就有雞同豬選擇 貴啲嘅套餐就會有牛或者其他啊秋田雞扒配上蛋黃醬及蒜蓉牛油汁厚切黑豚扒 醬汁係菠蘿蘋果蓉 我自己就超級喜歡！好fresh~之後再有一個炒飯 上面又有一隻大蝦 另外好香蛋味～ 最後甜品係我最鍾意❤️！超級特別～紅酒燉雪梨 配上乳酪同埋食用金箔加埋一朵花 無論賣相定係味道都推薦！除咗套餐 我哋再試左澳洲羊扒鐵板燒 $288 店員BB羊架 話賣點係嫩滑同埋冇羊臊味！建議係三成熟 不過我哋鍾意熟啲所以揀咗八成！最後要咗兩支生啤 $72 一支連

最鍾意食日本嘢 鐵板燒都唔錯㗎 一樣錢份量嘅鐵板燒裏面有兩款海鮮分別係東星斑同埋南非鮑魚柚子檸檬黑醋汁 東星班好鮮 食得出係好有活力的游水魚😍南非鮑魚一共有兩隻 加上蝶豆花泡泡增加咸鮮味 感覺特別蒜蓉並不會蓋過鮑魚的海水味道 且非常有咬口之後嚟咗個季節料理係一個蔬菜拼盤好似一個千層蛋糕咁 色彩繽紛有我最鍾意食嘅蕃茄、翠玉瓜同大菇等 呢個設計別出心裁 配上佢獨有嘅東方日本家鄉汁😍😍酸酸甜甜咁幾好食而且啲蔬菜仲好夠熱又juicy添😋😋七成熟嘅日本牛柳都係經典之作佢有幾種食法 嫌佢太肥 你可以加上櫻桃雪梨汁感覺比較清新 如果想濃厚一啲嘅味道旁邊灑上的竹炭和Wasabi蒜片一定啱晒您👍🏻👍🏻當然唔少得炒飯同埋麵豉湯 大蝦炒飯 軟硬兼施 配上大蝦香噴噴 即炒即上 兩人食先食得晒 好飽麵豉湯絕對非一般 裏面有豆腐腦兒介成花的狀態 飲一飲可以洗滌口腔甜品絕對值得等待用紅酒浸過的雪梨 配上檸檬蛋白creamy的狀態猶勝任何乳酪或雪糕👍🏻👍🏻

大埔真係多美食 尤其近太和嗰邊都有好多值得推介嘅餐廳 絕對係臥虎藏龍！🤩唔好睇呢間店用木門做裝修 感覺好似好詭秘 裏面原來主打食鐵板燒 加埋少少fusion嘅感覺店裏面一直播住懷舊英文金曲 我幾乎全部都識唱而且店裏面有個魚虹見着啲魚游來游去心情都好啲 ^^佳餚當然要配上美酒先點美人梅酒再加上Asahi為呢一餐打開序幕🃏梅酒值得一讚 酸甜度剛好 唔似坊間嘅梅酒有藥水味 用紅酒杯承載梅酒 別有一番風味打頭陣嘅係黑醋汁三文魚沙律黑醋汁加埋一塊煙三文魚恰到好處 仲有小蕃茄做襯托添 清新又開胃前菜另外仲有魚子醬豆腐花魚子醬加上半熟嘅蛋黃 攪拌在一起 熱辣辣咁😺平時好少前菜頭盤係熱上實在不錯 👍🏻之後食鯛魚刺身 佢用4件刺身捲成一朵玫瑰花 入口新鮮加上鮮芥末醬油 打卡一流 味道滿分

今天女朋友很是神秘說找到一間隱世Omakase，當她帶我到目的地後，終於明白「隱世」的意義！餐廳門面並不起眼，驟眼看以為還未開業，店員解釋是因為只想做有預約的客人，這更能專注於食物及服務的質素，可見其用心。沙律：沙律配搭上煙三文魚，再加上意大利黑醋汁及日本柚子汁，酸甜口感十分醒胃。前菜：魚子醬溫泉蛋，攪拌後叶唔道鮮甜，稍嫌不足是魚子醬不應給鐵器享用。鐵板海鮮：虎蝦煎得香嫰，配上其自家制蝦汁，十分香濃！鮑魚淋上蒜容汁後很是惹味，令人食指大動！而碟邊放上蝶豆花加海鹽，賞心悅目。鐵板牛柳：肉類可選牛、豬或雞，而我選了五成熟的牛柳。牛柳粒爽嫰多汁，伴上蒜片及雪梨汁別有一番滋味。炒飯：大蝦同樣煎得香嫰，米粒稍嫌不夠乾身。甜品：紅酒釀雪梨 配上檸檬味忌廉，為豐盛的晚餐劃上句號。

難得個朋友新居入伙晏晝決定去佢屋企踩旺個場夜晚就出去同佢食好西佢話最近屋企附近開咗間新嘅鐵板燒門面非常之隱蔽餐廳格局雖然唔大，但係好適合小本經營約埋一班朋友你自己開個小型party都幾好我哋去到之後，店員有同我哋介紹今日嘅菜色亦都有唔同嘅套餐可以選擇沙律沙律菜配上意大利黑醋柚子汁，開胃又清新大蝦及鮑魚大蝦沒有雪味，而且彈牙鮮甜配上香濃嘅醬汁鮑魚煎完之後，再加蒜蓉是絕配豬扒豬扒不但Juicy有肉汁，而肉質也鬆軟配埋香濃牛油蒜蓉或者係蘋果蓉汁，可以增加提鮮味大蝦炒飯米粉炒得粒粒分明及香口甜品係紅酒燉雪梨味道清甜亦都可以一解油膩食鐵板燒又點可以唔點返支sake呢就當同朋友慶祝新居入伙

呢間大埔隱世鐵板燒， 睇到門面就覺得好神秘既感覺。 餐廳主打鐵板燒， 我今次叫左個588既鐵板燒，再額外加d order. 前菜沙律內有羽衣甘藍、青瓜、車厘茄等等，沙律汁用左意大利醋汁+日本柚子汁混合而成。食落塊好開胃， 又唔會好酸。 當日既鐵板海鮮： 第一樣是蝶豆花海鹽泡泡，其實就係鮑魚黎既， 面頭有一些蒜蓉醬， 蒜蓉配海鮮是十分鮮味， 鮑魚好有口感。旁邊嘅碟豆花海鹽泡泡， 可以作一個提鮮的作用。 第二樣是 8頭虎蝦是用了蝦頭汁的配搭， 蝦肉好爽口與醬汁好夾。 鐵板肉當日就是宮崎豬， 每一塊肉的質地都好厚， 又唔乾， 醬汁用左菠蘿蘋果蓉和蒜香牛油汁， 可以令油膩的豬肉加添一點新鮮感。 另外，加點左秋田雞配以東方汁酸酸甜甜+ 蒜香牛油汁， 東方汁呢個名好特別。 味道各方面都很好。 套餐所跟的是大蝦炒飯， 比較日式既味道， 出準正常。 甜品是紅酒雪梨， 雪梨吸滿了紅酒的色澤， 味道好香。 額外叫左鵝肝多士， 鵝肝一見厚度就覺得好吸引， 卡路里滿滿既一餐， 上面用左檸檬蛋白菠蘿汁來中和鵝肝的油膩感。

兩公婆放假出去遊下車河黎左大埔，咁啱見到一間好特別嘅餐廳入去試吓，原來係廚師發板鐵板燒。聽主廚講平時來之前最好先預訂，因為有時會無位，今日算好彩，walk in嚟到有位。我哋兩個人叫咗兩個$79x既set，飲品清清地叫左兩杯梅酒。頭盤係煙三文魚沙律，用左我最鍾意既蘋果醋龍蝦汁伴野生大虎蝦😋海鮮最忌過熟，生熟剛好，蝦肉彈牙有甜味，蝦頭多膏兼且香，估唔到嘅嘢，伴碟嘅龍蝦汁再度加分，聽主廚講，個汁醬煮左好幾個鐘頭後再過濾再煮濃身，難怪可以做到咁香濃甜味重而滑口，真係心機菜。南非孔雀鮑😋爽口彈牙，配埋自製嘅蒜蓉醬，香味十足。宮崎豬😋軟身香口，配埋菠蘿汁酸甜開胃。澳洲M5牛小柳😋食得出本身食材有質數，其次成數剛好，稔，甜。虎蝦蛋炒飯😋主廚亦因應番我地兩公婆較清淡既口味，幫我地落少啲岩鹽，味道啱好，珍珠飯粒口感彈牙。好耐無食過咁有水準既炒飯紅酒浸雪梨😋雪梨酸酸甜甜 配搭返紅酒嘅香味，令我諗番起一道菜（鵝肝配浸過紅酒既蘋果片），作為飯餐最後一道菜一流。

呢間鐵板燒真係好隱世如果唔講真係唔會知佢食咩連門口都無放到menu好有私房既感覺，師父同客人之間好close每道菜都會慢慢介紹飲啖酒，享受個完美既晚餐🔸美人梅酒容易入口，真係好適合女仕🔸煙三文魚沙律蔬菜新鮮清爽搭配柚子汁同意大利黑醋汁🔸前菜溫泉蛋配魚子醬溫泉蛋無調味，單靠魚子醬味道好似豆腐花咁食，味道咸香蛋滑🔸鐵板海鮮兩品南非鮑魚+大虎蝦虎蝦好彈牙，蝦頭膏做醬汁好濃郁鮑魚好丕，火候煮得岩岩好蒜蓉汁入味，而鮑魚芯仲係好彈牙如果想再重味可以配上蝶豆花海鹽泡泡🔸鐵板肉類一品分別係宮崎豬扒同澳洲M5和牛豬扒極出色，超級柔軟搭配清爽菠蘿汁同埋濃郁蒜蓉汁澳洲M5和牛五成熟呢個有4款汁醬搭配蒜片、紅酒梨汁、蒜蓉汁和式芥末酸汁重牛味得黎又唔靭又可以有多種配搭，正👍🏻🔸炒飯炒得粒粒分明，好香蛋味仲有隻大蝦😆🔸甜品紅酒燉雪梨賣相好靚，仲有朵玫瑰花配上乳酪同食用金箔酸酸甜甜可以解膩為今餐飯作結❣️

襟鐘等人開門俾你，有種好私隱嘅感覺，好舒服，不枉我特登揸車入嚟食😋 前喜來登酒店主廚主理🥰 如果想食和牛同海膽，一定要係booking嗰陣講定返貨‼️北海道煙三文魚特色沙律 $88 - 底有黑醋汁，上面有日本柚子汁，要撈勻先好食，可以互相中和味道😋 北海道刺身級帶子 $138 - 佢會叫你一啖放落口，連埋係底嘅黃瓜😛 上面有魚子醬，口感好有層次😋南非孔雀鮑魚 $288 - 有四粒，隔離嗰啲泡泡喺蝶豆花泡泡，可以增加佢嘅鹹鮮度🙈 好食🙈廣島蠔 $108 x2 - 一set有3粒，叫咗兩set有6粒😆 🦪面仲要煎一煎嘅面😛 有機會食，我覺得1set就夠😆鵝肝多士 $138 - 必叫推介，冰火口感嘅鵝肝多士，佢中間啲醬係凍架😋 澳洲羊扒 $288 - 用BB羊架，一隻BB羊得6-8舊羊架，啲羊會無咗陣羊羶味，所以佢用菠蘿汁取代平時用開嘅薄荷汁🐑鵝肝炒飯 $198 - 本身以為佢係會炒埋落啲飯到，原來佢係炒飯底加鵝肝，大家可以試下整爛嗰鵝肝撈勻嚟食😆 咁樣更加香🤗無Kirin，叫咗1664 $88美人梅酒 $93 - 好易入口，好好味😋 平時唔飲開都覺得好正😛

趁消費券一出，即刻出去食返餐好嘢。今次過了大埔這間燚，以日式鐵板燒為主，有多款廚師發辦套餐，由$588起。先點了支300ml的醉樂無極大吟釀來送菜。沙律：以黑醋汁拌入沙律內，黑醋酸甜開胃，還以龍珠果拌碟。越南老虎蝦及南非孔雀鮑魚：虎蝦頭煎至香脆，而蝦膏則用來做了個汁，虎蝦肉質結實彈牙，再加上蝦膏汁，令整體更鮮味。鮑魚配上蝶豆花岩鹽泡沫及蒜茸，蒜蓉味較重，鮑魚彈牙。秋田雞扒配蛋王醬及蒜蓉牛油汁：雞扒煎至雞皮香脆，雞肉保持嫩滑，雞皮皮下脂肪不多，完全無雪味，雞肉不會煎至過乾，保留了肉汁，而且有淡淡牛油香。炒飯：用了珍珠米飯，飯粒較爽口，加了紅蘿蔔粒、葱及蛋，最後還有原隻彈牙蝦仁。紅酒燴雪梨：紅酒煮至酒精揮發，雪梨帶甜香且多汁。

估唔到大埔近近地都有鐵板燒食~ 個環境好chill ，地方唔算好大，但坐客既位少少地，冇咁迫，不過大家記住要book台呀。首先會上左沙律，用左柚子汁同黑醋，酸酸地，食落好開胃。我地個餐包2個鐵板海鮮，原來第一道係大大隻既虎蝦。有機會坐bar台都幾好，可以睇到廚房點煮，幾有趣! 虎蝦好彈牙，超香，啖啖都係肉!! 另外，我地都追加左鱈魚乾黎送酒，鱈魚乾配上佢自家制蛋黃醬，有少少芥末味，幾特別，真係好岩用黎配酒。下一道係鮑魚，有自家制蒜蓉醬，側邊仲有蝶豆花，個泡泡食落係有少少咸咸地既味道。到主菜了，朋友個份係豬鞍而我個份係雞扒。豬鞍煎到岩岩好，好易切，肉質好juicy ，而佢地配既醬汁都好特別，豬鞍配菠蘿汁，出面坊間好多都用蘋果醬，而呢到用菠蘿食落fresh d 同順口d，旁邊仲有蒜蓉牛油汁 。而雞扒係配東方汁，原來食落係有少少辣辣地，幾有趣!! 側邊咁Q既係櫻桃蘿蔔，可以解下膩。之後就上大蝦炒飯，炒飯係一粒粒架炒到，食完好滿足。最後有紅酒燉雪梨，真係第一次食，廚師話紅酒酒精係食既時間已經揮發左，唔鐘意太重酒味的朋友都ok架!

放假去大埔探友人，佢一早就約左屋企附近一間鐵板燒。行到時門口緊閉，仲以為冇開門？禁完門鐘後發現入面已經有兩台食客食緊😂神秘感十足第一次黎就試下$588既入門套餐先啦🌟沙律沙律加上意大利黑醋汁和日本柚子汁，酸酸甜甜好開胃🌟海鮮有兩隻鮑魚同一隻大蝦煎到好香口，加埋蒜蓉醬真係一絕🌟肉類有日本宮崎豬同雞扒可以選擇，我就揀左豬。豬肉都軟淋有肉味，同一旁的菠蘿牛油汁都幾夾🌟炒飯🌟醉樂無極食鐵板燒又點可以唔飲酒？我叫左樽清酒，順滑清新，唔會好重味，夏天飲啱曬👍呢間餐廳師傅功架係ok的，可惜我個餐食材唔夠勁，下次都想黎試下高級d既餐

大埔愈黎愈多高級野，繼法國菜之後竟然有鐵板燒，同店員傾傾吓計先發現原來佢聘請嘅係日本回流返嚟既師傅，仲要喺日本係做開唔同餐廳既鐵板燒，有幸試到日本師傅手勢今次我哋叫呢個係入門廚師發板套餐 $588一位沙律主要用咗柚子汁同黑醋，用嘅沙律菜就係羽衣甘藍同埋生菜為主鐵板海鮮兩品分別係鮑魚同埋虎蝦，估佢唔到嘅係一份竟然有兩隻鮑魚食，新鮮嘅鮑魚用咗佢秘製嘅蒜香牛油汁而虎蝦用咗蝦頭入面嘅蝦膏煮到好入味海鮮好爽口彈牙之外味道都好鮮旁邊仲加咗碟豆花泡泡，令到鮑魚更加鮮，好特別鐵板肉類一品俾咗份黑毛黑豚，估佢唔到嘅多汁，仲配兩個自家制醬汁，芥末汁同埋菠蘿汁，而且成份係超多，又好厚肉我個人比較鍾意配菠蘿汁，感覺好清新炒飯粒粒分明，入面仲有好多蝦，大份到食唔晒甜品最後嘅甜品竟然係與別不同嘅紅酒燉梨，啱晒潤喉嚨仲同朋友每人叫咗杯梅酒飲，一路飲酒一路食真係好有氣氛，師傅仲額外送多咗個凍鵝肝俾我哋試吓，呢個鵝肝凍有魚子醬同忌廉，鵝肝嘅底有好多嘅菠蘿汁。估唔到鵝肝同埋菠蘿係會夾到，仲可以中和左鵝肝嘅油膩感，鵝肝真係世一🥰點解你講我真係覺得佢係有水準平價鐵板燒，而且份量好夠食，值得一試