248
0
0
電話號碼
61888270
開飯介紹
店面設計成古樸的木門，內裡則糅合西式裝潢。餐廳選用來自世界各地的優質食材，炮製擺盤精緻的日式鐵板燒；如坐吧檯座位，更可近距離觀賞師傅製作菜式。
繼續閱讀
營業時間
今日營業
12:00 - 22:00
星期一
全日休息
星期二至日
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
食家推介
相關文章
大埔這間燚的鐵板燒店不但位置隱世，連門面都好隱秘，店子細細，只得數個座位，所以最好先行訂位。這裡有個入門廚師發辦套餐，只需$588位。前菜新鮮沙律，有燒三文魚包著沙律菜，伴上甜甜菠蘿，車厘茄及泡沫黑醋汁，好醒胃。凍鮑魚配魚子醬及金箔，賣相高級，鮑魚爽口。鐵板海鮮兩品白鱔及蘆筍蟶子，白鱔外皮香脆，魚肉彈牙鮮嫩。蟶子鮮甜爽口。黑松露扇貝及南非孔雀鮑魚，鮑魚腍身帶嚼勁，配大量蒜蓉醬好惹味，黑松露香濃，仍食到扇貝的鮮甜味。兩款海鮮鐵板都有蝶豆花海鹽泡泡拌碟，很美。鐵板宮崎黑毛豬，肉質結實爽口，肉味濃，配特製菠蘿東方汁及蒜香牛油汁，菠蘿汁比較酸甜清新解膩。澳洲牛柳，七成熟剛好，肉質軟淋，沾上少少竹炭鹽，配上炸蒜片，好味。炒飯加入爽口彈牙的大蝦，雞蛋，蔥粒等配料來炒，炒得乾身，粒粒分明。甜品是吉士紅豆多士，烘得暖暖的多士，塗上滿滿的雲呢嗱吉士及紅豆，不會太甜，十分滿足。食鐵板燒又點可以沒有啤酒來配襯
繼續閱讀
今次老公帶我去左太和食鐵板燒❣位太和ge燚有滿滿神秘感店舖面係一道望落又舊又高ge大木門本身興奮ge我更加期待❣Lunch order左 入門八道菜師傅發辦套餐先黎前菜係 煙熏三文魚沙律黑醋沙律汁打成泡泡偏鹹ge煙熏三文魚 同超甜菠蘿同清新蕃茄仔好夾無論賣相定係口感都好有趣👍之後有冰鎮魚子醬鮑魚鹹鹹ge魚子配上鮮甜彈牙鮑魚❣仲有泡泡醬汁 正丫👍p.s. 鮑魚已切好一片片 好貼心❣到鐵板海鮮兩品有兩件日本獨子蒜蓉鮑魚唔中意蒜頭ge我大讚👍係我食過最好味ge蒜頭！蒜味唔係好重 食落有少少甜味但又令到彈牙鮑魚變得好野味👍唔錯其次係牛油聖子配青嫩露筍味道拿捏得好好 😍😍不太鹹有牛油香味 又不會蓋過聖子鮮味❤到鐵板肉類一品 有5成牛柳粒配蒜片＋Wasabi 肉質軟腍 配Wasabi 又幾夾wo😂仲有粒粒分明ge鮮蝦雜炒飯 同豆腐海帶味噌湯豐富了整個午餐～最後甜品係 十勝紅豆蓉配吉士醬多士e個配搭真係令我大開眼界 估唔到多士整成甜品可以咁好味😍完滿結束今日lunch本身諗住可能會唔夠飽想單點下d肉類 老公提我唔好眼闊肚窄🙈點知 真係夠飽 今餐飲埋大大杯麒麟生啤！ 真係爽！滿足～
繼續閱讀
一間木屋好隱秘長期關閉，按鈴推門而入黑紫色格調環境細細得2-3 張檯，留意有個魚缸係頂部幾有趣。其實係期待已久既鐵板燒，雖然連字(燚)都未識讀，初嚐鐵板燒Omakase特別興奮🤭入門級$588/pp VS 季節限定級 $788/pp👉🏽經濟效益黎講，入門級足夠🤘🏽 季節限定就係多左前菜(溫泉蛋) 、海帶豆腐麵豉湯、沙律好似靚啲，肉類可以揀牛柳✿ ✿ ✿ 入門級 Omakase ✿ ✿ ✿❥ 三文魚菠蘿沙律菜配旁邊黑醋汁泡泡🫧，口感新穎❥ 鐵板海鮮两品鉄板焼き海鮮（2種類）擺盆超靚仔🥹黑松露牛油汁帶子 - 浸住滿滿牛油汁，黑松露超多，帶子新鮮日本蒜蓉蟶子 - 蒜蓉香口，蟶子爽口❥ 越南特大虎蝦 $108 （追加）2 隻蝦超爽口新鮮，蟹膏煮成汁特別唔錯👍🏽❥ 鐵板肉類一品鉄板焼き肉（1種類）Teppanyaki Meat (1 Type)只有雞 or 豚肉揀，都試左宮崎厚切黑豚扒 👉🏽唔韌，蘸牛油汁，油香唔錯鐵板雞 👉🏽搭配醬汁特別係菜汁，似燒汁味，雞嫩滑緊緻，推介食雞🙌🏼❥ 炒飯チャーハン中規中矩❥ 甜品デザート熱焦糖多士 紅豆金箔凍多士 ❥ KaRin麒麟 $88好大支！酒量差啲都一個人可能飲唔晒😶🌫️𝓞𝓿𝓮𝓻𝓪𝓵𝓵❀抵食：⁷ ⁄ ₁ ₀ ✿美味：⁸ ⁄ ₁ ₀ ❀回頭：⁷ ⁄ ₁ ₀ ✿人均：$ ₈ ₀ ₀
繼續閱讀
燚 📍大埔翠樂街11號美豐花園地下10號舖━大埔都有鐵板燒店😲 仲要係法日fusion我地嗰日嗌咗一個季節限定廚師發辦套餐($788 +10%)再加單點━🥗 沙律▶︎ 火腿包住沙律菜 旁邊係干邑泡沫 另外配有菠蘿同番茄仔 ▶︎ 食落幾清新 唔會過鹹or唔夠味 ▶︎ 泡沫係有少少甜味同酸味 幾神奇😂好味指數:●●●●◯━🥚 前菜▶︎ 魚子醬配日本溫泉蛋 ▶︎ 蛋黃呈橙紅色且蛋香濃郁 加埋魚子醬嘅少少鹹味都幾夾👍🏻好味指數:●●●●◐━🐚 鐵板海鮮兩品▶︎ 今次嘅海鮮係扇貝同鮑魚 每樣都有兩隻▶︎ 扇貝加咗黑松露 鹽等 調味幾重手 肉唔大不過幾新鮮 而且冇沙 ▶︎ 至於鮑魚就係用咗蒜蓉 鐘意佢蒜蓉調味唔會太油or重口 係有少少甜味嗰種 🫶🏻▶︎ 另外配上同沙律唔同嘅柚子海鹽泡沫 幾創新😲好味指數:●●●●◯━🦐 越南特大虎蝦 $108 +10%▶︎ 虎蝦被切成兩塊 而蝦頭係另外煎香嘅最後上菜前會加上蝦膏蝦油 ▶︎ 肉質都彈牙爽脆 亦食到蝦膏味好味指數:●●●◐◯━🦪 廣島蠔 $108 +10%▶︎ 三隻燒廣島蠔 會配上蔬菜碎粒▶︎ 蠔嘅熟度適中 都冇乜腥味👌🏻好味指數:●●●◯◯━🥩 鐵板肉類一品▶︎ 肉類選擇豐富 我地就嗌咗牛同揀咗五成熟 會配上炸蒜片 wasabi 同埋黑椒鹽 ▶︎ 牛嘅厚度同顏色幾吸引 食落汁水都豐富 而且唔會肥膩🤟🏻好味指數:●●●◐◯━🐷 宮城縣厚切黑豚扒 $288 +10%▶︎ 嗌肉好少會嗌豬肉 但呢個豬扒有驚喜！ 一大塊厚切豬扒配上秘製菠蘿醬汁 ▶︎ 豬扒肉味重過牛添😲 不過冇豬腥味 而且唔油膩 肉汁都keep到 👍🏻好味指數:●●●●◐━🍚 炒飯▶︎ 見住師傅炒飯係好治愈嘅過程 整體係蛋炒飯 最後仲會加上一隻大蝦🦐▶︎ 食落粒粒分明 唔會好油 而且蛋量都幾足🤣好味指數:●●●●◯━ 🍵 湯▶︎ 味噌湯 仲有朵好似花嘅豆腐😗 ▶︎ 味噌湯唔會好鹹 合格合格👌🏻好味指數:●●●◐◯━ 🍨 甜品▶︎ 最後嘅甜品係紅豆多士 ▶︎ 係Good ending! 因為多士底酥脆 上面嘅白色部分清爽而不甜膩 紅豆蓉都唔太甜😆好味指數:●●●●◐━
繼續閱讀
隱身於大埔小巷的精緻鐵板燒！鐵板料理製作精緻、擺盤靚，大廚擁有酒店料理豐富經驗，而且十分健談，用餐時不會令人感覺拘謹～南非孔雀鮑魚 $288鮑魚，3隻，已去除內臟，入口彈牙，唔韌，配上獨子蒜蓉醬，再沾上伴碟的柚子海鹽泡泡，增添微微清新感越南特大虎蝦 $108虎蝦，肉質爽彈，以牛油燒煎夠香，再沾上伴碟的柚子海鹽泡泡，增添清新解膩感廣島蠔 $1083隻，肥美，外層燒煎至焦糖化，配上調味唔過鹹的紅蘿蔔粒+香蔥+獨子蒜蓉醬，再沾上伴碟的柚子海鹽泡泡，增添清新解膩感鵝肝炒飯 $198鵝肝，大件！外層燒煎得香口，而內層口感似jelly入口溶化，名副其實外脆內軟！ 炒飯，分量多，有鵝肝油香澳洲牛柳粒 $2385成熟，肉質軟腍，唔韌宮城縣厚切黑豚扒 $288燒煎火喉拿捏得好，黑豚扒熟度恰好，肉質有彈性，唔韌唔嚡，蘸上伴碟的菠蘿蔬菜醬汁，味道甜甜酸酸，與黑豚扒幾夾，多一份清新開胃感！想惹味的話，亦可蘸上牛油蒜蓉醬鱈魚乾 $58燒煎得香脆KIRIN 麒麟啤酒 $88偏辛口回甘Red Horse啤酒 $88順口不苦，較KIRIN易入口_______________燚 (大埔)大埔翠樂街11號美豐花園地下10號舖_______________
繼續閱讀