燒魂

營業中

休息中

為左慶祝今日升職，今日食日本燒。餐廳勝在夠大，夠舒服，入去完全冇油煙味，好衛生的環境。張檯夠大，放曬所有野食都得。首先黎個靚生蠔，生蠔燒一燒，再返轉，見到生蠔有少少開口。打開黎食，原來燒完個蠔係可以咁甜，咁新鮮，真係勁好鮮，勁鮮甜，即刻encore!即刻叫左碟牛肉。全部都係靚牛，有日本和牛，安格斯牛，全部高質牛，好耐冇食過所有野都係高質野。最令人難忘既係呢個熊本牛柳。脂肪同肉分佈均勻，咬落口超級肥美，好香滑。食下佢啲熟食。炸雞軟骨同松葉蟹蟹柳天婦羅都整得好味，係高級放題既順準。無論食日本放題定燒野食都一樣滿足到我既味蕾。好幸福既升職餐。燒青魚燒到層皮好脆，魚肉肥美，唔會太乾，只可以講我燒野真係叻。今餐係咁耐以黎食過最好味既一餐。正呀，下次一定要再黎！

放題一向俾人第一個感覺就係雖然任飲任食但係質素一般，但依間燒魂既放題論食物質素、種類、上菜速度同埋服務絕對算係優越。我食嗰晚係閒日黎既，但都見幾full下，好在有訂位間店主要係卡位為主，坐得舒服，張枱亦夠大，唔似其他放題咁食食下嘢就無位擺嘢，而枱上已經放咗三種醬油，其中綠色同啡色似係東南亞泰式醬油。我地一於快快手點嘢食，由於我地兩個人，每樣嘢食叫兩件先（除左部份肉類叫多啲啲之外），再加少量魚生。先講主打—肉類，主要部位都有齊，特別推薦牛裡肌、霜降和牛同埋一口牛，牛既質素係好好，唔會過肥同咬唔開，牛味濃郁豚肉方面選擇都好多，特別推薦赤豚蒜芯卷同埋黑豚肉另外海鮮亦幾新鮮，我地叫左大蝦、小玉貝、龍脷柳，算係放題界中少有既新鮮至於魚生，我地只係叫左三文魚、吞拿魚、劍魚腩、大甜蝦，其中三文魚同埋劍魚腩特別有驚喜，肥美而鮮味員工服務亦好好，送完菜後都會略略講解啲食物點樣燒，燒幾耐先好咁整體黎講，依間放題價錢加埋一要300蚊，平就唔算平，但絕對係對得住個價錢食物質素好同新鮮，上菜快坐得舒服加上服務好，依幾項看似基本嘢咁，但唔係間間放題都做得到，燒魂就係做得到既一間

急不及待要讚讚呢間位於尖沙咀既放題！book左枱，準時入坐。空間寬敞，唔洗睇住隔離枱食客既食相。食物多元化，鍾情牛肉就岩哂，有全港獨家牛里肌，肥瘦均等，入口有牛香。嫌油膩，加片生菜，包住食就掂哂。除左牛，仲有豬同雞，同場更有海鮮添呀！燒海鮮最怕唔識分熟未，燒唔好，食唔到又哂食物😩唔洗怕，待應們都好貼心，不時會關心下，教你點燒，仲調教埋火勢👍齋燒烤會有啲悶，又可以食下刺身同壽司，三文魚係厚切架，有圖有真相而壽司就細細粒，容易食！上菜快，收碟有效率，唔會成枱野阻住哂。我真係無野可以挑剔

早排朋友係咁同我講燒魂一幾好食,於是我就去試下啦原來呢到有得燒蠔,員工提醒我蠔要燒平個邊大約4-5分鐘啦,燒到佢開就食得嫁啦果然食落口感岩岩好唔會太老,同埋呢到既蠔都幾新鮮,下次大家可以試下呢到既食物都幾多選擇(特別係燒野食)燒完之後加埋佢比醬汁就very good啦熟食既我最推就係呢個菜份量夠晒多,唔會煮都林晒好有咬口而且味道夠濃,唔鍾意食菜既朋友仔都食晒成碗.生野方面,刺身都有好多選擇,三文魚,北寄貝,生蝦 ,鮑片,蛋呢幾樣都一定有啦食落好新鮮,而且都幾厚切最後只要大家like左燒魂一個fb page就可以有免費湯飲!我個日就係雪耳木瓜湯,仲要無味精嫁! 記得試下啦

今日係尖沙咀加連威老道shopping完，正打算過番紅磡食譚仔嘅時候，俾燒魂一大大個poster吸引住「好似幾吸引wor,不如會試下！」就係咁，我地就入左去食😂 不得不說燒魂一個位置佔盡先機，係正金馬倫道同漆咸說交界位，勁易搵又eye catching👍🏻上到去好好彩今日有蠔燒（因爲帆立貝冇貨），老板真係幾不適功本，顧客至上😅，蠔味道唔錯，鮮甜有口感，算係交足功課，以二百幾蚊嘅價錢，好抵！雖然餐廳主打燒物，但刺身都好正😺三文魚個味比起出邊咁有魚嘅甘香，切得都相當大份，正！而我自己都點左枝豆同菠蘿，樣樣野上碟都誠意滿滿，兩個鐘好似仲有啲唔夠喉，下次要再黎食多餐😝大家唔洗擔心話夏天仲要對住個爐燒慘過食雞煲，因為個爐只係用火嘅熱力去烘去燒，啲油會落哂底，而餐廳冷氣都夠，店長突登開多個風扇俾客人，食完唔單冇出汁，仲冇燒野食嘅油煙味，gooooooood!👍🏻

好呕心的一餐，无论从服务人员的态度还是食材出品都差差差！我们6点40入场，非要我们按第二场8点15的价格318加1去吃。问我地几位，我叫距数人头，仲要反我白眼！难道我话你知几个你就唔需要数了麽？我们有两个三岁的小朋友，也按半价收费，收费仲离谱过五星级酒店，人地3岁以下都系免费，距地可以吃得几多啊？中途其中一个仲训左觉，简直系白交钱！仲夸张既系，我们其中一个朋友未点菜已经有事离场，搞笑的是什麽？个waiter话：“我地既人数系门口已经确认既了，只可以增不可以减！”什麽破规定？谁做的规定？不如你地做上帝算啦！全程上菜黑口黑面，叫极都唔应！真系未吃过甘窝气既一餐！d出品相当麻麻，d寿司难吃到难以入口，就个日本番薯还可以，其他d海鲜感觉都唔新鲜，我吃完行左一段路竟然呕！奉劝各位想感受下香港特色黑服务黑料理的千企唔好错过呢家店！谁吃谁知道，谁吃谁後悔！

今日同個姐妹夾左假期，黎尖沙咀shopping！行到咁上下時間，就搵餐廳諗住醫肚先經過樓下見到呢間餐廳，主打海鮮、烤肉、日式放題！簡直係滿足晒我哋兩個咩都想食嘅慾望！我地六時入座。入到餐廳，店員即時好細心同你講解燒烤嘅先後次序，同講解有咩推介食物等等我地見到有一份海鮮拼盤可每人加38$就可享用，即時就order左，太底啦！即蒸海鮮拼盤-原隻帆立貝、活蠔、大蝦，全部到一隻手掌咁大！仲有小玉貝、小烏賊等等。全部到超新鮮！好滿足店裡仲會有三款醬汁比你配海鮮同燒肉食過一輪海鮮，我地就轉戰烤肉、烤海鮮啦！我地兩個到係牛魔王！梗係主打牛！哈哈一口和牛、安格斯牛粒-肉質鮮美，又嫩！配上少許青檸味！一流！停吾到口啊！喜愛食牛既人一定肉罷不能！活蠔、深海大蝦-原隻連殻燒，超鮮！大蝦肉質彈牙爽口！仲有膏燒菠蘿、好鮮甜，食不停！翠玉瓜-又甜又juicy ！最後必食總括黎話，呢到除左食物質素高，多選擇又滿足之外。環境亦寬敞，非常舒適！超滿足既一晚！

見到網上好多人推介燒魂，行開尖沙咀又見到大大個燒魂招牌，就黎試下。餐廳非常易搵，但上到黎未到6點開鋪所以要等一陣。入到去環境幾舒服，位置闊落，唔逼。坐低當然即刻睇有咩食，選擇都唔少，除左主打既燒物，仲有好多熟食同刺身壽司可以揀。之後見到加多38蚊就有一盤蒸海鮮，就try try啦。見到餐牌寫既海鮮都幾多，有d期待。之後唔洗五分鐘，就上左一個大鐵盒，真系超，級，大！侍應好搞笑甘講解海鮮要蒸幾耐，之後就禁左個計時器（個侍應有d似坤哥）嗶嗶嗶！計時器響啦！一打開，哇！！好多海鮮！！成陣鮮味撲鼻而來，流曬口水。我同fd得兩個人，應該淨系食兜海鮮都夠飽。而且海鮮種類繁多，魷魚貝蠔蝦，乜都有，唔會得一兩款食到厭。計時器一響，（偽）坤哥就走過黎幫d海鮮拆殼（其實佢都幾辛苦，每一台都要拆甘多海鮮）系拆既過程中，佢一發現有唔新鮮既海鮮，就即刻dump左佢，重新去廚房拎d新既黎蒸（佢解釋因為海鮮全部未開殼，所以唔未必知道邊一隻唔新鮮，但有唔新鮮一定會換）如果嫌清蒸太淡，仲有三種醬汁可以點，有辣有唔辣，任君選擇。我最中意左邊既辣醬，點大蝦肉食一流，肉質彈牙而且啖啖肉，點辣醬食就有泰國風味。同時都order左

放假日子，同男朋友出黎尖沙咀撐枱腳，男朋友話想食燒肉，我就想食刺身放題，最後搵到一間雙劍合壁既餐廳，烤肉加日式放題1800就拿拿臨上去攞位醫肚先！環境寬敞又充滿日式風情一坐底，店員就好細心為我地講解下餐牌，烤食物既先後次序等等非常有禮！我男朋友好喜歡食海鮮，我地就加左每位（+38）試食海鮮拼盤！海鮮拼盤-活蠔任食蠔隻全連殻！原隻帆立貝！每款手掌咁大！店員仲會一邊解說一邊為我地除殻！很好服務！全部到好新鮮彈牙！爽口！刺身環節-到係好新鮮！超滿足烤肉、烤海鮮環節-因我地吾食牛的，所以主打海鮮同豚肉！但豚肉亦無令我失望！高質赤豚小排-必食！爽口彈牙！極上黑豚肉-油脂分佈均勻！啖啖肉感，食過番尋味！深海大蝦-超級推介！手掌咁大隻，烤時可加上小許鹽調味，肉質超級爽口！仲有膏！同男朋友食到停吾到口！總括黎講，人均300$左右，但可以有幾種感受！滿足哂大家既願望！超滿足感離開！下次再同朋友黎先得

前排聽同事講話尖沙咀間燒魂一好抵食，夜晚二百幾蚊可以任食咁滯，搞到我都心郁郁，所以今晚就約咗女朋友去食😬上到去裝修十分之型格，如果人多仲可以坐係中間一個大area,好似成個包場添！唔好睇過爐好似好細個，一次都可以燒到五六樣嘢以上！因為帆立貝冇左，老板突意換左沖繩蠔，我地依班食客好似仲賺左tim,隻隻都好大隻，睇得出依間鋪頭好有誠意。食落有海水鮮甜味，連醬料都唔落就食反而最好味😚令外驚喜嘅係牛肉，本身覺得2百幾蚊都唔會有太高質素，點知一上碟肥瘦分明，燒熟嘅肉好juicy肉質唔癡牙！店員好細心咁同我地講解點樣燒牛肉先最出色，燒嘅時候加少少鹽，個肉味即刻show off到出黎，而且幾多成熟又可以自己control,係男人表演廚藝嘅機會！總結而言，真心唔錯抵食，值得一推

今日同朋友係尖沙咀行街shopping,差唔多行到攰又肚餓緊係想搵間野座底，而燒魂一大大個海報就吸引左我地。上到去裝修十分之時尚，原本我係一個好驚食韓燒嘅人，因為驚食完成頭都係燒肉味，但係一上到去好乾淨，坐嘅位置都舒服！最令我地驚喜嘅係佢地竟然有日本沖繩蠔，隻隻都有手板咁大，肉質juicy好嫩滑，用燒依個方法完美保番蠔嘅肉汁！真係食幾隻都回番本！店員態度好好，仲幫我地隻隻咁開，仲好有耐性教我地點燒先燒得好食！食到野又學到野，好似上左一次烹飪課咁👍🏻依到嘅放題同平時食個啲好唔同，加上自己燒依個環節真係好有新鮮感，同埋食完唔會一陣味👍🏻👍🏻雖然話野飲要加錢，但其實都附送左兩枝野飲，好夠飲！

星期一不一定是working mode，weekend過後也可以吃豐富一點，為整整一星期的工作打打氣。$280一位的放題，當然要吃返夠本。刺身向來都是填肚之選，等不及燒物熟透的話，多點一下壽司和魚生、鮑片、水蜜桃花之戀、火炙壽司等等，樣樣齊全，定能滿足肚皮。壽司刺身吃久了，燒物便吃得了！生蠔是主打！香、新鮮、無腥味、無沙。吃之前，侍應細心講解燒生蠔的方法，替客人燒出多汁/乾燒生蠔兩種方法。乾燒方法很簡單，平面向下放，讓汁逐漸向下流；多汁的方法則把生蠔反轉，讓它新鮮的汁全部留住，juicy的口感得以保存。這裡有多款燒牛:黑毛霜降和牛、汁燒安格斯一口牛、青檸蒜味牛舌、薄切牛舌、厚切牛舌、熊本一口和牛、牛裡肌……款式比一般韓燒店還要多呢！牛舌不錯，無論薄切還是厚切，味道都很不錯。除了外形上有厚薄之分外，厚切口感更爽更彈牙，牛味亦較香較濃。雖說牛要多吃才夠滿足，但吃多了還是會膩會厭，不同款式的味道開始分不清。偶爾點一下蟹子沙律，蟹籽、蟹柳絲、青瓜絲會清一清味蕾的油脂。罐裝飲品如汽水、雪碧、荔枝紅茶都每人包2罐，價錢很實惠呢！

係尖沙咀科學館睇完展覽，就去左搵好野食早前朋友推介過呢間燒肉放題，就此一試！價錢都係二百多，價格合理雖然係主打日式燒肉，但同時都有其他野食，有好多選擇，壽司、刺身、飯、鍋物等等不過我都無乜點叫，因為我全力火拼於燒肉！一開始我就加錢買左個海鮮盤D海鮮好大份，蝦、扇貝都大大隻，非常抵吃燒肉方面 係任叫既我就無乜點影到相 因為隻手KEEP住咁燒野食！！主要有豚肉類、牛肉類、蔬菜類等等，每隻肉都有好多款式，有辣有唔辣，有唔同既部位餐廳仲提供三種秘制醬汁有辣有唔辣的！！

在尖沙咀下班後，到了燒魂一吃日韓放題，輕鬆一下。有刺身、壽司、海鮮、燒物、牛肉、豚肉、粥……想得出的都有。下單時發現所有食物都盡量以「客」、「件」、「粒」計算，上桌份量相當準確。若只想淺嚐一口都沒問題，不用擔心吃不完而浪費食物。愛吃牛肉的我當然點得特別多。牛類款式有黑毛霜降和牛、黑椒一口牛肋肉、蔥蒜牛肋肉、汁燒安格斯一口牛、青檸蒜味牛舌、薄切牛舌、厚切牛舌、熊本一口和牛等，應有盡有。一口牛粒粒厚切，牛舌有薄有厚，任君選擇。大部分牛都味道濃郁，油脂分佈均勻。雖然口感算不上嫩滑無比，但味道絕對令人愛上。豚肉比牛肉略為遜色，但款式同樣多。上桌時鋪出玫瑰花形，頗有心思。燒大蝦必點！大大隻新鮮又爽口，蝦味香濃。紅豆炸球很特別，放題一般都推出榴槤或芋頭味，紅豆餡確實比較罕有。侍應服務不錯，速度快，態度熱誠，遇到疑問一一為客人解答。

終於同朋友約到黎呢度食自助燒烤加放題啦! 一黎到仲唔即刻即返碟sashimi咩! 三文魚十分鮮甜肥美 油甘魚呀拖羅都唔錯 不過我地之後都係主要encore三文魚 要讚一讚佢既赤蝦好大隻 又好味店員哥哥仲提我地唔好擺到d冰溶曬唔好食 好貼心的服務!之後就到燒野食啦，我地叫左三隻蠔 唔係好識燒 好在店員都好樂意幫忙 食落唔會腥 仲好巨形無點縮水 水準之選佢地既肉類都好好食 聽講話係和牛 我就唔識分啦 不過食得出好有牛味 而且好新鮮 佢地個牛肉粒真係好好食 6邊都煎香曬封住肉汁 入面一咬好juicy 不得了 總結：呢度相當抵食呀可以放題同燒烤同步 好適合大家黎gathering!