燒魂

營業中

休息中

見近來fb好多kol推介，見好吸引，即管試下，有分三個時段，我地吃6-8點既時間，人少d又平d內裡地方唔算好大，但坐得舒服既，一坐低好肚餓叫左熱食先，熱食都ok, 而刺身同壽司都算出色既主打係和牛，叫左好多，可惜漏單都幾嚴重下，叫豬腸，厚牛舌等等都冇黎過，失望但係一口牛係好吃，不過好似咸左d, 而其他一片既牛肉就不敢供維，麻麻地，豬頸肉都係唔好吃食，但值得欣賞係海鮮 有蠔同大蝦，蠔好大隻飽滿，好食，蝦都係好大隻而且彈牙，仲要任食，叫左好多round，回到下本！另外侍應手腳好快，亦好主動幫你清理台，值得表揚總括對於佢既和牛比較失望，期待過高，因為肉類真係麻麻地，係海鮮比較食得開心，但你問我會唔會再來吃，可能要好久好久既之後，因為真係唔係我烤肉既首選，兩個人食左6百幾蚊，而依個價錢 可以食更高質既肉類只能夠講都係唔可以太盡信果d kol既推介😂

其實野食係ok ge 海鮮新鮮 牛都ok 佢主打燒肉，所以其他食物唔多都正常。但最大既問題係 飲品唔係任飲 仲要水或茶都無！！食飯無水飲都無可能 仲要食燒肉wor大佬！ 做生意唔係咁做牙? 如果想飲單叫要18一罐！批發2蚊都唔洗！唔知以為制水！ 員工態度極差！除左我地台個姐姐算ok, 其他全黑面，收錢連多謝都無！ 唔知幾時開始，香港餐廳服務出名差差差~ 一肚氣！

最近睇Facebook見到呢間日式燒烤有雜誌推介，款式種類多睇到佢心心眼咁緊係要同女朋友去啦因為有佢最愛嘅日本和牛同埋生蠔俾佢任燒，Book咗6點至8點果場5點45分去到已經開始有人排隊啦任食通常一坐低梗係即刻係咁畫啦我就畫左刺身、海鮮同埋壽司醒下個胃先刺身同壽司都新鮮嘅，而且壽司個飯唔會好大舊，咁就唔會頂住個胃一陣食唔到其他野啦我梗係叫咗佢最鍾意食嘅生蠔同埋大蝦，日本宮城蠔原來係咁大隻肉質咁豐富嘅最後放任食牛！務求要食晒安格斯牛、熊本和牛粒、厚切薄切牛舌、牛裡肌、牛肋肉、日本霜降和牛，各種味道！今次淨係和牛、海鮮都食咗兩三轉都冇試其他嘢食真係咩本都回晒啦

近期好多KOL介紹，講到好出色，今日同一家人就去試依間，我地初頭都好期待，點知，伏到誇張，伏到我要食人生第一個劣評。先講環境，燒烤店最重要係通風，我一路燒，一路流汗，大煙又熱，真係好熱！到食物，牛肉粒係冰粒咁，未解凍，牛肉睇落靚，食落好鞋，完全唔掂，果啲腌過嘅肉，好鹹，已經腌到無左肉味！生蠔叫左兩隻，有一隻係臭嘅！三百幾蚊位，到底我食緊咩啊！最後，服務係好差，我諗全場，得果位經理嘅服務係好，其他人塊面好黑好黑。我同家人一路食，一路好似乞食咁！我地個燒網黑曬想換，原來要30蚊一次，咁都要比啦，野飲包2罐(水都計)，點知佢無曬凍水！然後佢會一路有廣插，提醒係last order，同埋時段完結。剛到10:15分，我地附近個waiter就不斷一枱仲有好多未食嘅食客，我地當時食完埋單，所以唔關我事。搞笑到佢竟然局部熄燈？真係好有被當乞食！如果依間野係100蚊，我覺得接受到，但300幾蚊，咁嘅質素，真係令人好生氣，依個價大家可以考慮其他更好嘅餐廳。千其唔好信啲KOL!

上星期朋友生日，話想食燒肉，精心挑選之下就揀咗呢間啦！5:50去到仲未開門，但就有好多人系出邊等緊咁多人等，心諗應該唔差呢間算多款式，係燒烤、刺身、炸物、沙律，點單紙唔只呢頁，仲有另一頁終於入場啦！ 眼見好多人一圍嘅食客張枱一早放左一大盤燒肉，我地無。好似係如果好多人一齊食就會預先放。好彩我哋落單好快就上菜刺身叫得唔多，因為今日主角係肉但估唔到幾新鮮喎！ 甜蝦夠大隻，三文魚又夠肥美，最好食係象拔蚌大塊得黎幾脆口！壽司食左帶子壽司，幾嫩口沙律揀咗雞絲拌海蜇，細細份試咗兩啖，海蜇好爽呀我本身以為燒海鮮生蠔大蝦嗰啲要另加，錢但原來都係任食架冇quota限制，食咗勁多生蠔有手掌咁大！！！好肥呀我勁鐘意食！！主角黎啦！！呢度嘅牛真係好多選擇，有安格斯牛粒、熊本和牛粒、牛裡肌、霜降和牛、牛肋肉、薄切牛舌，仲有我最愛嘅厚切牛舌厚切牛舌真係無得輸！！幾可任食燒肉放題會有厚切牛舌佢嘅口感係拍得住我係日本食嘅！其他牛肉都好高質至於豬肉，我淨係叫咗黑毛豬，都幾好食，幾有豬肉香味仲有好多菜類菇類、菠蘿同埋小甜薯菠蘿真係超級甜，我自己食左七件但係小甜薯就還好啦生菜我係用黎包肉食，減低油膩感炸物最鐘意食紫薯丸！真

知道男朋友好鍾意食生蠔同牛肉，特登趁閒日少人啲帶佢黎食，唔使等位就入得牛肉選擇都幾多，印象中有九種，全面都好有牛味牛裡肌幾特別，出面未見過，好有口感和牛當然唔使講啦，油脂分佈均勻，encore 左兩次呢如果要數有咩缺點既話，就係第一round上枱個時仲有啲冰係面，所以我地等左幾分鐘先再燒。係等啲牛肉解冰嘅時候，我地就食住沙律個啲先。蕃茄做為前菜幾開胃幾清新，加少少芝麻醬已經好滋味。壽司同刺身質量出乎預料地好刺身好新鮮，而火炙壽司都燒得剛剛好，味道亦相當唔錯，最推介燒三文魚！（忘記咗影刺身添）十級推薦呢度既生蠔，好大隻呀，我同男朋友每人食左8-10隻好新鮮，每隻燒3-4分鐘就食得，燒既時候要小心啲蠔殼會爆到周圍都係！推薦黑豚肉花枝丸同蕃薯都唔錯呢呢度啲枱唔似平日既放題餐廳，好大張，唔會感覺好逼。而且呢度既服務好好，侍應見你唔識燒/開蠔會主動上前幫忙，十分貼心！

尖沙咀都好多不同種類的放題，食物已經好難令人覺得滿足，反而係睇邊個陪食，今次有男朋友陪我一起食，我地睇完水牌就揀左日式燒烤放題，因為有刺身，又有靚牛任焼任食，食完覺得自己好滿足呀！！🔍佢最鍾意生蠔，燒生蠔味道鮮而且完全沒有腥味，令我地驚喜是面層的汁甜甜的，燒完後味道也吸引🔍佢專揀貴野👉🏻黑毛霜降和牛個名好Grand感覺係貴野，肉質口感和味道同其他唔同，肉質細膩又少筋，肉厚脂肪少，味道清淡，有入口即溶嘅感覺🔍極上黑豚肉肉質細嫩，味道鮮美，證明用料冇花冇假🔍秘製赤豚肋骨，肉質十分鮮嫩美味，秘製汁味道香濃入味，令人吃得滋味🔍估你唔到之豚肉蒜芯卷，蒜心同黑豚肉都爽口，惹味得來唔膩🔍海膽三色花濃郁海膽入口即溶🔍黑松露鮮帶子黑松露好香加鮮甜帶子🔍水蜜桃花之戀酸酸甜甜有啲怪，都係包住三文魚就咁食好啲🔍玉子壽司都有蛋香味🔍吞拿魚壽司吞拿魚鮮甜🔍雞絲碗仔翅雖然賣相差咗少少，過都叫啖啖有材料，感覺特別滿足🔍日本豆腐厚燒又真係幾厚，最鍾意個醬汁好開胃🔍再叫埋生薑雞中翼，七味雞中翼同岩鹽青檸雞中翼，各有特色其實都幾特別，有薑嘅香辣味道，有七味粉嘅微辣味道，有鹹鹹地嘅檸檬味道，經過燒烤十分入味惹味依家啲放題都落

燒魂一地點非常方便，金馬倫道向尖東方向轉角位，大馬路向上望有大大個招牌，一定搵到佢‼️沿途都有清晰指示，入到去環境舒適乾淨，又一放題的好地方。叫左一整盤三文魚，大甜蝦，北寄貝，鮑片，吞拿魚，玉子燒及劍魚腩，刺身種類都算多，基本款式有齊哂，全部都好肥美，新鮮。當然大量牛肉不能缺少，我們選擇了安格斯一口牛肉質鮮嫩富口感， 油脂分佈平均，牛味濃郁，黑毛霜降和牛是高質素的和牛，其油花較其他多，密而平均，油花是肌肉的鬆軟脂肪，其分布細緻，肉質便會嫩而多汁，牛𥚃肌獨家的牛肉味道濃郁， 而且肉汁豐富，熊本一口同樣令人回味， 吃後牛香味道擴散在整個口腔和牛及黑椒一口牛肋肉，肉質不錯加上黑椒更滋味，這些牛肉粒都好厚肉，肉汁也多。燒海鮮日本小玉貝帶著少少海水味感覺鮮甜，深海大蝦紮實Q彈，沖繩小烏賊新鮮爽口。再燒下中華冬菇，雞髀菇，芝士腸，獅子狗及日本南瓜，這些就是普通蔬菜類搭配一下。

之前行過尖沙咀都食過一次燒魂一，闊別左半年，再次番到黎，估唔到水準keep到之餘仲有進步tim~野食既款式多左好多，今次就試左上次未試過既芝士焗牛尾湯。作為開胃菜真係唔錯，味道方面，以蕃茄為主既蔬菜組合帶黎微酸清新既感覺，之後再咬一啖煮到極淋既牛肉即刻胃口大開黎到燒魂一，點可以唔燒牛肉呢? 當然要大食特食，叫一大盤黎慢慢燒啦，呢到提供既牛肉部位好多，每款都好好食，特別推薦正方形size既一口牛，每邊都燒一段時間之後就可以鎖住d肉汁係中間，juicyyyy~呢到都提供各種高質海鮮，一定要食生蠔呀，大隻到好似我手掌咁

最近真係食𤐶食上癮，咁岩有個朋友介紹，話呢度啲燒生蠔好正，仲要任叫任燒，我同男朋友梗係要即刻嚟試吓啦！呢個價錢唔算貴，我哋星期一收工黎食，8:15準時入坐，食足兩粒鐘，包兩罐飲品，每人$288+10%入到去間餐廳，燈光昏暗，幾有情調喎，座位之間好闊落，而且冇乜油煙味，感覺唔錯。好，開始點嘢食！今日係為燒生蠔而來的，當然要食番夠本囉！生蠔係連殼燒的，不過就要小心啲處理蠔殼。燒完之後都冇乜縮水，啖啖肉，好juicy我哋前前後後點左好多隻，水準大致上都keep到，隻隻都差唔多大細，全部都好新鮮燒大蝦質素都唔錯！燒完都仲好大隻，蝦肉新鮮爽口，唔點任何調味料都好好食呢度啲刺身都有好幾款：三文魚唔係好夠肥美，不過甜蝦就幾好食。食完第一round刺身之後，我哋不停encore 甜蝦， 味道真係好鮮甜，有幾隻蝦頭仲有膏雖然海鮮好正，但我哋都點左好多牛肉，完全係眼闊肚窄試晒咁多款之後，我哋覺得青檸蒜味牛舌同埋厚切牛舌最好食！牛舌食得多，用青檸調味比較少，中和返少少肥膩感，而且酸酸地幾開胃，又可以再食多幾件厚切牛舌口感好好，爽爽的，係必食之選！臨尾叫咗兩件壽司，火炙三文魚細細件，食多幾件都無所謂，不過我哋

Weekend要返工，加上連續幾日都要OT到好夜，心情自然唔多爽挨到禮拜三，決定放鬆一下，去食餐勁嘅鼓勵下自己！老公揀左燒魂一，貪佢有得食燒肉，又有得燒蠔，仲有壽司刺身等！八點三去到，餐廳好快就安排我地入坐。第一時間睇下啲點菜紙，勁多選擇！由於有喺openrice爬文，知道而家無咗燒帆立貝，反而有燒蠔！於是我地第一round就先叫咗海鮮。落單之後好快就有嘢上枱之後，我地猶豫緊點開始燒生蠔呢？侍應就已經行咗黎教我地咩海鮮應該放咩位置燒海鮮燒完可以就咁食，落少少鹽吊味又得，或者點酸辣汁食就更惹味！隻蝦真係好大隻，燒完都冇乜縮水，而且肉質夠哂爽口結實蠔嘅size雖然冇蝦咁大，但味道好鮮甜，我地點咗幾round，最後計落原來足足食咗12隻除咗海鮮，我哋都有點咗好多肉類：一碟係牛肉，一碟係豬肉同雞肉，非常之豐富豬腸要燒耐啲先好食，燒到啲肥膏走咗，個外皮脆脆地就剛好了！牛粒好好味，牛味濃郁，不過就要慢慢地，有啲耐性先燒得好食喇薄身嘅黑毛和牛都唔錯，不過就略為瘦咗少少。雞翼係我哋嘅至愛，如果有好幾個味揀，雞肉燒完都幾滑，不過就燒唔到外面的皮脆嘅效果食完咁多海鮮同肉已經好飽，先發現仲未食壽司刺身和食等

餐廳裝飾豪華，座位夠多又好坐。每款海鮮都叫左少少黎試下，海鮮有大蝦，日本小玉貝，同鯖魚等等。有得無限燒生蠔真係好正。店員見我地雞手鴨腳，就教我地燒生蠔，原來係要扁個一面向底，燒大約2-3分鐘就食得啦。燒完既生蠔熱熱地，味道更甜，口感依然暢滑，最重要係好有鮮味。日本小玉貝勁鮮甜，而且比平常的更大粒，口感彈牙，好新鮮！左邊係安格斯一口牛，牛味香濃，油脂平衡，口感較扎實。右邊係熊本一口牛，脂肪較多，一咬落去就有油脂既味道係口中爆發出黎，好正。除左燒烤外，仲有好多壽司。

約咗個friend去尖沙咀食燒肉，好興奮，因為佢話呢間燒肉放題係食和牛，搞到我有啲掛住喺日本食和牛嘅日子！一入到餐廳，好開心，職員安排我地坐窗邊，可以望下街，都坐得幾舒服，一去到就梗係拎晒啲紙出嚟畫嘢食啦！海鮮類沖繩小烏賊，好鮮甜，好咬口深海大蝦，好大隻，好爽口生蠔，大隻又肥美，一d都唔腥豚肉類極上黑豚肉，一d都唔肥，好正赤豚蒜芯卷，豚肉配上蒜芯，好香好夾牛肉類汁燒安格斯一口牛，好惹味，好淋薄切牛舌，好爽口金莎雞軟骨，炸得好脆，好入味刺身拼盤三文魚又肥又厚，又大件，玉子好甜，北寄貝好鮮甜好爽口，估唔到刺身都OK喎冷稻庭烏冬，烏冬好好味，仲有好多配料，有粟米、青瓜等，加埋芝麻醬，最佳配搭食燒肉就緊係叫個盤生菜啦，生菜配埋燒肉，肥膩得來又健康，仲要超夾總括而言，間餐廳食物質素高，環境又坐得舒服，食物選擇多，除咗燒肉仲有好多選擇，我一定會再去encore！

又到左放假嘅日子啦，我同我BB就book咗食燒肉放題，聽說呢間都幾受歡迎，所以我哋就決定試吓啦！我哋就食第一個時段六點至八點，二百幾蚊價錢都算OK ，一去到員工都好有禮貌，歡迎我哋同介紹一下啲食物同點樣燒法😂我BB最愛就係食刺身，我哋第一時間就梗係叫左先啦，雖然呢間野主打食燒肉，但估唔到刺身都唔錯都幾新鮮，三文魚都好厚切，甜蝦都幾大隻跟住就梗係要燒海鮮啦，燒生蠔都幾大隻架，又新鮮，日本小玉貝都好鮮甜，深海大蝦都好爽口之後就燒和牛，黑毛霜降和牛，好正，入口即溶！熊本一口和牛，都唔錯，幾有口感！淨係食呢啲都抵返晒啦！跟住仲要食返啲沙律，扮健康😂蟹子沙律同凱撒沙律都ok架，幾新鮮d沙律菜有我最愛嘅燒菠蘿同燒冬菇😋菠蘿好鮮甜，好大件，冬菇都好香每人仲包兩罐野飲，有汽水、綠茶、紅茶等等總括來講，呢間燒肉放題食物質素高，員工有禮貌，服務好，食完我仲好掛住果隻和牛味

呢日 同男友一齊放假 本身諗住去bbq 但係落足成日雨所以就醒起好耐冇食到燒魂一 我哋打電話去book枱 book咗八點三至十點三時段 夜晚去到 人唔係太多 一如既往員工service好好 好滿意見到menu都轉咗少少海鮮類扇貝轉咗做生蠔 本身都滿心歡喜 覺得應該可以回本 咁我哋開頭就叫咗啲刺身壽司 頭一轉啲刺身都幾新鮮幾好食 但係去到壽司嗰度啲壽司好細件啲飯微暖 咁就算啦之後即刻再order多一轉刺身 啲甜蝦個頭好黑好唔新鮮食落有少少雪味。 輪到海鮮喇我哋點咗四隻生蠔一客大蜆兩隻大蝦 啲生蠔上枱時只開咗少少殼燒到咁上下要自己開個殼 開完個殼之後其實學裏面有好多蠔碎 而且一打開隻好隻好好細冇乜肉 自己燒嘅話其實係有難度因為你一打開見到裏面咁多蠔碎其實胃口都已經大減。 啲蜆味道一般冇乜海水味 好彩大蝦只係叫咗兩隻 個頭黑蚊蚊 而且食落仲霉霉哋之後點左最鍾意食嘅牛類 啲牛肉超唔新鮮呀發黑而且佢雪得太厲害上啲嘅時候都仲見到有啲雪係上面 放上爐度燒佢不停出血水啲牛肉燒咗好耐都好似唔熟咁 又冇牛味 然後仲點左少量豬類 同雞類 味道一般唔係難食但都唔係好食囉 燒肉唔掂唯有叫啲熟食食下啦 點咗天婦