燒魂

營業中

休息中

幾年前試過一次就無再食過，咁岩早排係日本食完日本燒肉，條癮起起地，一於去食下止癮。一開波就叫左唔同既一口牛同埋和牛片，黎到都幾新鮮，比想像中好，紅卜卜，都有雪花紋。燒既時候無燒好耐，太約7-8成熟，肉汁完全鎖左係入面，入口都算即溶，我就覺得一口牛好食過和牛片，燒既時候落D鹽會更入味。豬肉就多D腌料，亦都好薄，燒一陣就熟，不過我都係鍾意食牛多D。 另外好出名就係呢到既海鮮，見到隔離枱D廣島蠔好大隻，唔食蠔既我都叫左一隻試下，果然大過我手掌，燒完都仲好JUICY~食6點個輪平30 蚊，長者學生或者生日都有唔同優惠，極度推介

已blacklist呢間餐廳！之前一直冇寫開食評，但由於呢間燒魂一嘅服務態度同處理手法實在太差，不得不寫上黎俾大家參考。我地兩人原先book左8:15pm果一輪，但因為前一個行程耽誤左少少時間，所以8點左右我地都即刻打俾餐廳話會遲15分鐘，而對方都話冇問題，會留位俾我地叫我地盡快到。8:30pm我地到左，有一pair walk-in嘅情侶同我地同時到達。我地表明book左位，但職員冇理過我地。等左5分鐘，一位帶眼鏡男職員竟然安排我地兩人同果pair情侶share一張6-8人檯！下？首先，我地有book位，雖然我地遲左，但已經預早通知餐廳而職員話會幫助留座。第二，有咩理由食日式燒烤係要搭檯？？個職員仲理直氣壯咁話張檯好大，有兩個爐，唔會迫。咩理由？擺明就自已安排不當啦！第三，我見除左張大檯外仲有張冇人坐嘅4人位，即係佢留位俾比我地更遲嘅客但唔留俾我地？個男職員仲要一副“你唔接受咪走囉！”咁嘅樣，好過分！總之，呢件事搞到我地一肚氣！佢根本唔憂做你生意，以後唔會再黎幫襯！

其實我和女朋友都是食肉獸，總有些時候想大吃特吃！這次選了燒魂一，既有燒肉，也有日式放題，可以盡情吃個夠！店裏有很多二人卡位，坐得舒適。每人有三種醬料，分別是辣汁，青色蒜汁和燒汁。飲品是有限每人兩罐的，選擇有汽水和烏龍茶等。先來燒海鮮！我們選了大蝦，蠔和墨魚。店員很細心教我們怎樣燒不同的海鮮，蠔很有鮮味，肉亦算厚身，不錯。蝦肉燒得彈牙，有蝦膏。接下來當然是燒牛肉！牛肉選擇十分多，有多種不同的醬醃牛肉。推介蔥蒜醬油牛肋肉，肉上鋪上蔥花增添香口。薄切牛舌同樣是我喜愛之一，薄薄的牛舌輕輕一燒十分彈牙，而且牛味很濃！另外我也試了點壽司，汁燒帶子和燒海膽左口魚邊。左口魚邊入口即溶，海膽味正常creamy，整體不錯。天富羅蝦外脆內軟，炸漿薄身，蝦身新鮮彈牙。另外想吃一點蔬菜，要了牛油粟米，粟米很甜，牛油味很香，中和了肉的油膩。吃得很飽的一餐，每人都只是不到三百元，十分抵吃！

朋友介給尖沙咀一放題好好食，於是在尖沙咀行街時去試試，晚餐在燒魂一，店好有日本氣氛又大間，又可燒野食，點野食的食物紙有好多食物選擇。有雜錦天婦羅比人選，天婦羅大蝦很香口又彈牙，再加醬料真是帶出蝦的蝦味，南瓜天婦羅的南瓜令充滿南瓜香，蕃薯天婦羅是我喜歡的蕃著香味食了很多。有各種不同刺身供選擇，好喜歡食北寄貝刺身是色澤新鮮，食落好鮮味，三文魚刺身是不能少吃的,叫了很多來食，新鮮到不得了，我朋友仲講笑的話大家主打要食多些刺身。

一間服務超差既餐廳。今日3個人去食，全程係個類似副經理既物體招呼我地，佢完全冇同我地講過飲品只限两罐，搞到我地好快叫左两罐至知唔可以再免費叫，要俾錢。好喇，有两個係9月份生日，但又冇問我地，後尾我地知道左就問佢，佢答覆話因為我地飲左其他種類既飲品，即係除左可樂同加c係任飲之外，你飲過雪碧芬達都唔得。最離譜係，我地20：15入座，22：15淨返一碟肉未燒，副經理突然黎收走碟肉，話我地夠鐘，跟住我地見到有另一個疑似總經理過黎，就問佢可否燒埋果碟，佢就話今日星期二人少(全場得1/4枱客左右)，可以俾我地燒埋。總結：態度超差，野食ok，貼錢買難受，完。

香港食日式燒肉都比較貴質素好小小兩個人食一千蚊就走唔甩實但想大吃大喝嘅一定要揀任食！聽朋友揀係尖沙咀呡燒魂一質素唔錯，種類又多，試試先！呢到主要以卡位形式，兩個人都可以坐得舒舒服服。每人有兩罐飲品，要嘅時候就同店員落單配有三種醬汁，有燒汁，辣汁同蒜味嘅汁食物種類非常多，除咗燒肉外，刺身壽司日式料理等都有得揀咖刺身幾新鮮，三文魚肥美，甜蝦都好鮮甜花之戀都好正，有三色魚子係面，睇得又食得燒肉嘅款式非常多，淨係牛肉已經有九種選擇我最中意厚切牛舌，爽口又重牛味！黑毛霜降和牛亦都唔錯，油脂分佈平均有入口即溶嘅感覺！有得燒菠蘿好正，自己即場燒比食放題食到嘅好食好多夠熱又夠甜，好多汁正！另外我地仲試咗五花肉同雞翼五花肉肥瘦均勻，肉味香濃雞翼夠嫩同juicy，帶小小調味嘅辣味食物種類豐富，高質嘅燒肉放題！

今晚本來開開心心同朋友食生日飯，但成餐飯都係受氣的，其實食物來講 海鮮係唔錯的，特別是蠔，但牛就一般了，但我會睇價錢去比較，佢都比較貴，問題我地全程都係好不滿d服務員，黑面又唔想理我地，我地跌左舊飯 所以有一舊就唔要只是，但就係度話我地 又話令到佢地好難做，下？我地叫十件 如果有心 十件飯都唔食就話姐？ 但得個一舊 好明顯就係跌左 所以唔食啦🤷🏼‍♀️ 又問佢有無海鮮拼盤，佢就話要預約講，唔洗人教呀？ 心諗....咩態度？以後都唔會來羅，痴痴地

聽朋友講有得燒蠔！估唔到係有得燒生蠔啊！個生蠔係仕食同勁大隻啊！店員教路燒扁個面3分鐘度就食得啦！燒完個蠔暖暖地！但仲係勁鮮啊！又大又滑又鮮！好好食！仲有個小王貝都好好食啊！勁甜！除左有得任食蠔外！仲有魚生食！魚生都幾好啊！種類都夠多！蝦又夠甜！玉子都燒得好食！仲有好多牛肉燒！個熊本牛肉粒勁正啊！佢脂肪多！燒完入口即溶！另外既牛肉粒個口感都好正！好有牛味！可以叫埋生菜扮韓仔食菜包肉！仲有其他放題必食！芝士焗蠔同雞軟骨！

難得放假就約d同學仔出嚟聚下，大家都鐘意食日本野就決定嚟食下日式燒烤加放題啦！Book jor 8點3入去，朋友早d到左就早d入排隊啦，好彩早到拎到早d嘅飛所以準時入到。見佢d sushi 都幾特別，就嗌左幾款創意壽司，芒果帶子特別，芒果好甜！花之戀比較奇怪，有d腥味。另外亦叫左d刺身，魚生夠肥美夠新鮮，可以食多轉。而甜蝦雖然大大隻，但有d霉麻麻地。肉就叫得好多，一口牛最好食！夠juicy同冇咁感。另外豕肉亦唔錯，薄切嘅，但好肥下。熱食最欣賞係蟹粥，有成隻蟹同埋都幾多雜菜，粥煲得好綿添！呢度野飲每人只有2枝，我就揀左水嘅，餐廳仲有汔水揀！要換網要比30蚊，有d怪，因為都幾快燒到燶哂

同朋友仔放工嚟到尖沙咀食好野，又想食燒肉又想食刺身所以決定嚟食燒魂一，8點3入場準時就安排入座，可以坐到1015先點左d冷盤，番茄同豆腐沙律都好好味，細細份幾開胃！之後就叫左幾款sushi,蟹棒好大條，飯細細粒，食多件都冇咁快飽！燒三文魚亦好味道，夠新鮮！之後就叫主角啦，見到有一口牛就叫左啦！細細粒，肉質鮮美多汁，唔會難咬！午利爽口彈牙，好值得一食！一口豚肉亦好味，不過偏咸。另外叫左小甜薯，好甜好好食，好味到食左5粒！

今日打風打到貓貓成日冇出街，勁肚餓囉。好彩8號波取消之後，有兵仔約我食野。貓貓個肚可以裝落個鯨魚。打風之後燒野食特別有feel。貓貓order成碟牛。原來呢度有上等既牛肉。熊本牛柳粒都有。日本和牛，乜牛都齊曬。普通牛都已經係安格斯，貓貓見到已經濕曬個嘴。貓貓用大火燒到熊本牛柳粒側邊好脆。咬落口，入邊肉汁同脂肪爆曬出黎，正正子。日本既牛肉真係好屈機。原來呢度有得燒蠔食。貓貓自己就叫左4隻蠔慢慢燒。侍應話啲蠔係空運過黎。好正呀。燒3分鐘，蠔啱啱熟，又唔會燒得太乾。生蠔燒一燒，個甜味更加特出。真係好好味，貓貓真係濕曬個嘴。仲有豬肉，雞肉任燒。三層肉燒完好滑，加埋酸辣醬，有3種惹味醬汁可以點黎食。每食一塊肉都可以點唔同醬汁，太正啦。貓貓食得勁開心。原來有菠蘿炒飯。真係好多野食。菠蘿炒飯好靚，好似食緊泰國既炒飯咁，好香。仲有刺身，壽司，炸物等等。貓貓真係食唔曬咁多，實在太多野食。原本諗住食曬所有野，因為成日冇食野。但食完啲高質既牛肉，豬肉，你會發現自己好滿足。

禽晚同老婆帶住2隻姪仔姪女搵野食, 小朋友話想食放題, 老婆又話想食燒肉, 印象中金馬倫道口的燒魂一可以滿足晒佢地, 馬上BOOK位啦, 本來諗住星期四一定有位啦...點知原來都好爆分3輪6點8點同10點.....第一輪已滿座 唯有第2輪啦去到時8正.....差D多人到樓梯都上唔到......等左一陣心諗一定中伏...咁多人仲要玩放題D service 一定麻麻( 我十分介意呢方面的)點知又比想像中好好多, D姐姐笑容滿面, 我地都味坐定已經問2隻小朋友飲咩野! D waiter 哥哥仲好細心咁介紹我地食蠔 話今日剛剛落機的 燒左4隻試下.......嘩!!不得了!!!!! 我唔係好食海鮮的....亦唔識食.....但個蠔真係太太太好味.......係好味到我完全沒點任何野都有味果隻.....(我唔係好識形容)D牛又係一絕.....完全唔係其他放題可以比果隻肉.....之前沒想像過去一間放題能夠食到咁既質數既牛肉!!!! 絕對可以ENCORE!!!!!!!!!

同朋友慶祝生日，朋友鍾意食日式放題，但又要照顧埋唔食魚生既朋友，要拎個平衡就搵左呢間，烤肉、魚生放題打孖黎。👍🏻👍🏻👍🏻其中一個應該係泰式醬，幾好味😍好欣賞呢d點餐紙，好方便我真係好鐘意食粟米🤣🤣 雖然好似好晒個胃既位蟹粥，熱辣辣，但無咩特別蟹味，蟹腳都麻麻魚生👍🏻👍🏻👍🏻好正烤肉都好好味，特別係牛舌烤海鮮，仲有埋蠔添呀，好好味，仲加左碼要多六隻🤣🤣🤣仲食左麻薯波波，飽都忍唔住食左兩粒呀💃🏻💃🏻💃🏻總結，推薦呢到，一次過滿足兩個願望👍🏻

同中同好耐冇見，決定要去食餐好既！朋友話食過呢間好好味wo,即刻gogogo去book位啦！知道有兩個時段，六點至八點會比較平，$278一個人加一，就book呢個時間啦！一嚟點肉先，有好多唔同種類嘅牛肉，睇見都流口水啦！一粒粒嘅肉比較難燒熟，一片薄薄地嘅就剛剛好啦！魚生壽司出乎意料咁好味，非常鮮味！大大隻蠔當然係重中之重啦，霸哂成個爐咁滯！店員教落，兩邊各燒三分鐘就食得！哇一開，超大隻呀！蝦蝦亦非常大隻！三百蚊落樓確實性價比高，美中不足嘅係用餐時間得兩個鐘，而且40分鐘前就截單，所以都食得幾急呢！

   同學仔帶我黎食呢度 因為可以放題 有sashimi 又可以燒肉 同埋可以燒海鮮tim!我好鐘意食菜架所以叫左好多瓜黎燒佢地既菜同瓜好新鮮不過我覺得細既小蕃薯係好食但好難燒好易燒lone曬個皮 我就會推薦菠蘿啦 燒完會有少少坑紋賣相好好 但入面就好多汁好好食之後叫左幾款牛肉一口牛 一粒果個好易燒 燒左咁多邊就差唔多熟又可以鎖住肉汁好香其他既牛肉片都好有肉味我個人比較鐘意右邊果種好薄好薄 好易入口店員好細心提我地要趁冰未溶就好食因為比水浸住就唔好食架啦佢地既蝦勁大隻真係超好食比一般果d甜蝦仔吸引好多 又彈牙又香 三文魚好有魚油 好好食我地叫左好多轉呀我個人就唔鐘意食蠔但我朋友就係蠔既fans 我朋友話大隻既蠔 又唔腥好難得 大家都可以試下 同埋有店員幫手燒唔會唔熟 幾好架