燒魂 (已結業)

急不及待要讚讚呢間位於尖沙咀既放題！book左枱，準時入坐。空間寬敞，唔洗睇住隔離枱食客既食相。食物多元化，鍾情牛肉就岩哂，有全港獨家牛里肌，肥瘦均等，入口有牛香。嫌油膩，加片生菜，包住食就掂哂。除左牛，仲有豬同雞，同場更有海鮮添呀！燒海鮮最怕唔識分熟未，燒唔好，食唔到又哂食物😩唔洗怕，待應們都好貼心，不時會關心下，教你點燒，仲調教埋火勢👍齋燒烤會有啲悶，又可以食下刺身同壽司，三文魚係厚切架，有圖有真相而壽司就細細粒，容易食！上菜快，收碟有效率，唔會成枱野阻住哂。我真係無野可以挑剔