燒魂

營業中

休息中

自從番左香港已經好耐冇同英國識嘅朋友食飯最近終於約到去食烤肉放題成班坐底已經見到擺左兩盤海鮮同牛肉可以即係燒黎食唔使慢慢等落單好正牛肉肉質彈牙唔韌；牛味濃冇雪藏味；脂肪比例啱啱好食落唔會太膩海鮮生蠔成隻手掌咁大好正；燒嘅時候有侍應專登行埋黎同我地講每隻燒三四分鐘就食得又教我地燒比較平嗰面先會保留到更多海水味好貼心；大蝦肉質爽口味道鮮甜；小玉貝好乾淨食落冇沙而且同樣鮮味食物嘅種類同款色都好多；由刺物壽司到烤肉海鮮加上各種熟食淨係落單紙都分左十幾張好開心

上個月同老公食過，覺得唔錯，特別係作刺身、和牛同其他食物種類都幾多，食得好滿足。今日老公突然想食燒牛肉，而我又掛住甜蝦刺身，於是二話不說又來到位於尖沙咀既燒魂一啦記得上次去食係8:15pm果轉，8:00pm去到門口已排長龍，今次食6:00pm果轉就walk-in去已經有位，可能因為始終價錢會相差幾十蚊啦。不得不提呢度既上菜速度都算快，而且份量都好足料燒和牛 －最期待既畫面出現喇 我們將這裡提供的不同牛的款式、部位都叫了，正式炒埋一碟刺身，燒酒－推介甜蝦刺身，非常鮮甜，肉質亦唔會霉，正清酒雖然係要額外收費＄68/180ml，但質素唔錯，性價比高。提一提呢度燒野食，如果要換燒烤網係要加＄30換一次的，所以燒油份高食物例如雞翼記得放在爐邊燒

本身同我friend試下呢一間咁嘅嘢入到去款式唔係多個 藍色衫經理特登唔入單之後過冇幾耐… 青螺… 暫停出… 限住每一張枱食嘅嘢…食物超麻麻哋… 冇服務可言！ 未試過一間咁差燒放題！佢啲食物有問題… 食剩少少 拎住你嗰啲食物叫食埋佢！三百幾蚊完全唔值呢個價錢…牛又吾係令…入到去畀錢買難受 奉勸大家一句入去諗清楚可一不可再！拜託 窮不要學人開餐廳！、

同朋友慶祝生日， 好多年前嚟過一次， 但今次感覺水準差咗好多， 一嚟超多味精， 食完勁口渴， 要不停飲嘢， 飲品又只包一罐， 真係無言喇！再嚟員工態度一般， 畫完紙嘅餸又送漏， 追問下先同你講冇晒， 咁應該一早講啦！唔洗要我哋等咁耐！燒到個網黑晒， 換爐又話要收幾十蚊， 仲好過去搶， 去旺角食都冇咁嬲！同埋間鋪嘅抽氣真係有問題， 污煙脹氣咁， 食完個身有陣味就一早預咗， 但係一路食， 一路聞煙都幾辛苦！總之一句講晒， 唔會有下次！

等齊夠鐘一次性入場, 那就知道一開始食物肯定會遲來, 因一次性入單.先來寿司, 再來刺身, 燒烤就等黎等去都五黎……..黎到都係先黎豬肉, 再黎雞肉, 再黎海鮮, 最後等到頸長先黎牛肉…………雖然做生意要有策略, 但也做得太明顯寿司,刺身, 品質都算OK, 夠新鮮.尤其寿司, 有創作系列, 有特色外, 味道也不錯燒烤是重點.黑豚肉- 偏瘦, 燒出來有點乾. 還有其他種類, 但始終對豬肉一般般, 所以無叫到.海鮮: 有蝦,有蠔,有翡翠蠔, 本人較喜歡燒蠔, 好大隻, 初初燒得太熟, 後來侍應教路, 果然效果就非常好. 好鮮味, 蝦都好新鮮牛肉: 霜降和牛,安格斯一口牛,牛肋肉,薄切牛舌, 厚切牛舌(無貨,太失望), 牛裡肌….最好食都係霜降和牛同埋牛舌, 其他其實都不錯, 牛味濃. 但因為好遲黎, 已經飽左7成, 原想加單兩次,但最後崔了多次才到last order才加到……..扣分……..

兩位同事一齊慶祝生日 經朋友極力介紹下 來到呢間燒肉放題 有生蠔有牛有壽司有翡翠螺蝦大蜆雞翼 主要以牛同海鮮為主 生蠔有手掌咁大隻 食到你唔食 8個人得兩個爐 一邊靜係燒蠔同海鮮 一邊燒牛 各部位都叫黎試過 一碟過上唔知邊樣打邊樣 部份有點'煙un'難咬 壽司麻麻 唔係新鮮 雞翼有唔同調味料黎餣 每款都叫黎試過 七味粉雞翼比較好味 不過好易燒loan 整體性價比係過既 260幾可以食到海鮮同牛任食 不妨一試 good try因爲食頭段 所以比較準時要我地走 基本上2小時係唔夠燒 全程沒停過

早前去左ＴＳＴ做野，於是訂左晚上同朋友去食＂燒魂一＂放題. ＂燒魂一＂環境幾舒服, 位與位都有足夠既空間, 私隱度不錯, 大部份都係卡位, 好舒適. 每位都會供應一份醬料, 有燒汁, 泰式醬同韓式醬, 一般牛肉會用燒汁, 海鮮就建議用 泰式醬, 而肉類會用韓式醬. ＂燒魂一＂真係好多選擇, 因為係放題, 可以唔駛諗咁多就點點點, 好爽但係呢度每人只包兩杯野飲, 個人覺得唔係好夠, 如果再多點就好啦...食放題刺身當然唔少得,  首先一定係要點咗刺身先, 我最愛嘅刺身: 牡丹蝦, 三文魚, 劍魚腩, 北寄貝, 樣樣都好新鮮又肥美~豬類同雞類每樣點左少少嚟食, 最愛燒五花腩, 嗰種肥美嘅口感，實在令人抗拒不了^^仲有蠔, 好肥美 牛肉, 見到都興奮值得讚嘅係服務幾好, 冇漏單情況, 上菜速度都OK~

我在尖沙咀一帶返工，收工通常都在附近同朋友晚餐，晚餐去了食放題在燒魂一，店外已比佢的日本放題餐板吸引了入去，入到去原來裝修都幾華麗。日本凍番茄的確鮮甜。喜歡蟹籽沙津的蟹籽入口爽是不可少的。花之卷三文魚壽司和三文魚壽司都是結實新鮮的魚，花之卷面的3色蟹籽好夠分量。 照燒三文魚壽司是另一種品嚐食法。有炸的食物：海蝦天婦羅、京都紅豆丸子....又可以用鍋燒雞翼、燒菠蘿片、燒海中蝦... 雞翼有醬汁在面，反覆燒來食，仍可保留醬汁味道好正，我好喜歡食。

朋友先到，有卡位坐，見到食物紙都好多選擇！野食個樣呢，真係排得幾靚，但味道就真係唔得，刺身就得三文魚正常，d 壽司飯係散既！圖片只供參考！講到牛肉主菜，竟然係冰來架，成碟都係冰，唔放上火解唔到凍，但一放就出面燶裡面唔熟！個爐結晒焦，個火唔比關細，因為一關就熄，個網黑晒，燒咩都有陣燶味，佢地話如果換網要30蚊，人手又唔夠，成場得2個侍應。廚房都要幫手上菜，得一個經理態度好小小！基本上質素似其他低級任食餐廳，肉唔好食，蜆同蠔都有一半唔開，應該唔夠新鮮，仲要300蚊一位，出面大把好野食好選擇！可一不可再呀！再講環境，空氣幾好，無大陣油煙味，不過廁所就污糟過公廁！

上個月同男朋友黎食過一次，覺得都唔錯bor, 加上試過佢招牌既廣島蠔，都ok, 諗起daddy mammy鍾意食蠔，就一於帶佢地去慶祝下中秋節啦。 今次同上次唔同，揀左8:15 個場就返daddy收工時間，但就比上次食6:00 貴幾十蚊到，去到照樣拎飛等入去，現場所見唔算好多人，可能無咩人會食燒肉慶中秋lol夠鐘到8:15 就準時放人入去，今次有卡座坐！特登黎緊係黎試佢d蠔，今次個外觀望落一樣咁大隻，但點知一開， 入面勁細，同埋一路燒一路d殼灰彈哂去隻蠔到，根本食唔到，好失望，同職員講，佢地話一定係咁！燒肉個d都幾水準之上既，同上次差唔多，但貴幾十蚊食我就覺得唔抵了，daddy反而鍾意食個到d刺身，天婦羅，haha

平時成日經過見佢開左咁耐都未執心諗應該唔差得去邊啦，加上睇埋依到食評一於去試下 ，一黎到食刺身都係一般放題貨色，唔期望高，黎到主要食燒肉，omg，勁難食，無肉味，完全唔知自己食緊咩，我係未試過食燒肉食一啖想嘔返出黎，真係第一次，已經好失望，為有試埋熟食，點知都一樣咁難食，所有野用料差，唯一生蠔係比較好，服務態度都唔差，不過叫左好多野都無黎，但都唔想佢再上俾我地，咁難頂都唔想再咁浪費，大拿拿一位三百幾蚊，好肉赤，仲要食唔飽，無哂心情。

本人感覺中伏價錢貴，服務非常差，絕對不會再光顧。除了牛的品質可以，其餘的都感覺用此價格，非常不值! 寫的要求數量與實際不符 ，漏單情況明顯，因為隔離枱也遇到同一問題，投訴無門，極差! 另本人從未試過放題飲料每人只限2 罐，只是普通飲料而已。服務員的態度， 不敢恭維。

這裡有任食燒肉放題,亦有刺身及燒物等等,而飲品方面只提供每人兩罐稍為寒暄,若添加每罐另付款18元。店舖坐位還可以,並不太窄,但等入座時的大堂就較擠迫和危險,因連接樓梯也要企,等位人士大多不滿安排,固入坐混亂,職員和人客亦有爭拗。至於食物種類多元化,本人也未能一一品嚐,燒的牛肉,肉質味道也可以,刺身就新鮮度不過不失,海鮮方面並冇order生蠔燒,只食了廚房出品焗蠔,焗蠔味道可和酒店看齊,其它燒物也🆗,埋單頭輪550元兩位,若全日學生會有優惠。總括食品方面幾好,但個別員工態度並不友善。特別要提就是冷氣不足。

服務真係差到要寫差評。漏單都算,最後有補番。廁所環境麻麻,冇廁紙問佢攞,之後居然叫畀番佢!?係叫做會教下你點燒食物方面無驚喜,亦只屬一般,放題但飲品只包一罐......有朋友話食完番去肚痾總體黎講唔抵,更未值回票價

今日朋友同我補足生日，足足一年冇來啦今日突然之間諗起啲生蠔好想食所以就決定咗來呢度食生日飯係為咗燒生蠔而來首先一嚟就梗係食咗個頭盤叫一轉刺身先三文魚 普遍偏瘦唔肥美象拔蚌 完全冇味道甜蝦 愛吃開頭嘅我今次就冇食，睇落唔新鮮北寄貝 還可以鮑片 正常欺凌魚 正常燒海鮮生蠔 仍然係王牌主打，非常肥美新鮮，叫咗20隻但係當中有兩隻壞咗海蝦 OK嘅肉質都算爽蜆 一兩粒就可以唔值得追＋烏賊 算吧啦壽司圖片所見嘅壽司，全部都唔OK，仲有啲飯一夾就散蟹粥都係唔OK焗生蠔唔錯，蛋黃醬好好味豬牛雞肉類講真真係差左好多牛肉真係完全食唔到有牛肉味因為我真係好鍾意食架所以好失望，一年前食嘅時候並唔係咁，雞翼豬肉本身都麻麻地所以叫咗其實都冇乜點食總括來講如果真係鍾意食燒生蠔呢度真係唔錯，＄300一個人埋單食幾隻好都抵啦，所以依然會繼續黎嘅，雖然其他食物水準下降！但係依然比起出邊好多係已經相對地好！同埋啲侍應真係好Nice！因為佢哋會吹啲客人走，佢哋會幫你同佢地講叫佢哋麻煩攞返私人物品離開，但係佢見我哋食緊蛋糕，專登走過來同我地講一陣間佢叫咪講嘅任何野唔使理，叫我地慢慢食！即刻覺得好窩心