燒味滷師 (安發大廈)

營業中

休息中

老公鍾意食燒味，見好多朋友介紹我長沙灣新開嘅燒味滷師，我都買嚟試下先👏👏週日傍晚時份，離遠已經見到門前有一大堆街坊，人頭湧湧。見咁多人都鍾意食，覺得質素應有保證，所以就叫多啲燒味同家人分享。燒味佬叉燒 $50 蜜汁香甜，燒肉肥瘦適中。客家鹽焗雞一隻$59超級鍾意呢款鹽焗雞，肉質超滑，帶少少鹹香。至尊燒鵝上莊 $110燒鵝非常肥美，外皮烤得脆卜卜，肉質嫩滑又juicy。脆皮燒腩骨 $90燒腩肥瘦相間，十分脆皮，唔會太鹹。

保安道體育館附近近期開咗間新嘅燒臘鹵味舖 ~ 燒味滷師 , 間中經過都見到門口堆滿人, 場面好虛撼, 今日要探老人家又要做外賣妹, 特登過嚟斬料加餸。燒鵝、油雞及燒腩仔掛滿櫥窗, 特別吸引, 除左燒味, 還有鹵味供選擇。今日買了我家至愛的燒味三寶 : 燒鵝、叉燒及燒肉。至尊燒鵝 ($180/半隻, 新張試食價）打開外賣盒香噴噴的, 燒鵝皮燒得皮光肉滑。好有吸引力的燒鵝髀燒鵝皮燒得色澤金黃, 入口薄薄一片, 脆卜卜的, 好香脆鵝件還保持少少的微暖, 燒味滷師的燒鵝是瘦身的, 皮下沒有那層厚厚脂肪, 其實肉類只須少量脂肪便能讓人食出動物的油甘香, 鵝肉有肉汁, 肉質結實, 燒得香香的, 還食到淡淡的香料味道, 鵝汁唔係好鹹, 拈埋酸梅醬食, 酸酸甜甜, 鹹鹹香香, 老人家送啤酒一流。脆皮燒肉 ($5O)老人家至愛燒肉, 亦係扒飯高手, 也可以用嚟做支竹火腩煲, 送飯亦一流。燒肉皮是脆麻花, 爆得幾靚仔, 夠鬆脆, 燒肉以瘦肉為主, 只係脆皮與燒肉之間有薄薄一層透明狀脂肪, 老人家食感覺健康啲, 燒肉之所以百食不厭, 簡單嘅一嚿豬肉用鹽醃過後, 燒出豬油香, 鹹鹹香香的燒肉,  應該係同廣東

今日有親戚黎屋企就買下砍料加餸，基本就係屋企附近就買黎試，結果幾好食就想分享。首先總共叫左4樣燒味，有一個至尊燒鵝，1隻客家鹽焗雞，1盒燒腩仔同1盒叉燒。首先講下 排隊嗰時都好多人 如果想買可以避開繁忙時間 食飯前前少少 另外 由於佢新開業 好多優惠進行中 而且食物質素唔差可以話平靚正。以叉燒為例 我個人比較鍾意叉燒 因為佢外皮燒到香脆可口 而且畀我嘅全部都係瘦叉， 加上佢秘製嘅叉燒汁 絕對係食飯首選。客家鹽焗雞 係本身鹽味都夠 但係如果食開重口味 可以落埋去畀嘅沙薑汁， 至於燒腩仔有 37完美比例 ，三分肥七分瘦 ，外皮酥脆。最後至尊燒鵝 個人認燒鵝嘅肉味未夠出 但係加上 佢嘅酸甜醬 可以平衡返。總結而言如果住附近 經過可以買嚟試下 因為佢叉燒係真係好好食而且夠平 佢中午仲有兩餸飯優惠。

因為工作的關係，最近也無法在港島區吃飯，這天工作派到一個較遠的地方，長沙灣，放工過後也需要買點東西吃，同事的推薦，買回家的就是燒味。等我幫你夾，證明店員十分樂意協助，真是一間貼心的店舖，但真的十分有愛。而我在它身上挑選的就是叉燒和燒鵝， 叉燒強烈推薦，味道一流，大師傅出品， 製作認真又美味，最重要的選材 ，更做到無微不至，十分貼心 。配搭自家醬汁，果然與別不同。 另外，燒鵝方面， 餐廳做出來的，外皮香脆可口，內裏肉汁豐富。 我在街外吃到的有明顯的分別，當然就是更加美味。

🥰今日約左哥哥一家返媽咪屋企食飯，因為哥哥係食肉獸一名，同埋我哋都唔想媽咪煮太多餸會辛苦，就提議不如落樓下斬d料加餸😂經過長發街原來開左間燒味店，裝修光猛，門口望落去好乾浄衛生😍我去到果陣都幾多人買緊外賣，但好彩店員都快手快腳👍雖然多人等緊但好快拎得💋嘩～隔住個櫥窗見到d燒鵝同鹽焗雞已經好想食😋見咁多人買，貨如輪轉，保持到新鮮我買左三樣，分別係燒鵝，鹽焗雞同叉燒，拎番媽咪屋企試吓先🤣🤣價錢好抵，全部加埋先$289🗣燒味佬叉燒$50-份量都好多，我超鐘意佢肥瘦適中，仲有少少燶邊，配埋d蜜汁我又可以食多一碗飯🤣掂👍🗣至尊燒鵝半隻$180-依個好推介，燒鵝d肉質好好，夠味，個皮燒得好脆，真係好新鮮，現場制作係唔同d，再點埋絶配既酸梅醬，我哋一家將佢秒清了，哈哈，哥哥order下次要再食😂🗣客家鹽焗雞$59-附送了兩個醬汁俾我哋，分別係薑蓉&沙薑，不過我冇點醬都已經好夠味，雞件夠滑，不錯，抵食🤟🏻估唔到屋企附近都有高質素的燒味店，肯定會再幫襯🥰

聽同事介紹係公司附近有間燒味店唔錯，聽聞係由酒店燒味主廚主理，有信心保証，打算放工行過去望下，點知都幾多人買，忍唔住都買左d 返去試下。客家鹽焗雞雞肉好滑，整得非常入味，唔洗蘸醬亦好夠味，不過都有跟埋薑蓉同沙薑，可以一雞三吃。至尊燒鵝燒鵝燒得好香，外皮燒到脆皮，肉質有彈性，咬落有口感。老師傅燒腩仔買到返屋企食個皮仲係脆卜卜，係真正既皮脆肉嫩。燒味佬叉燒叉燒偏甜味比較多，肉質好軟熟，食落仲好juicy。

我哋成家人都好鍾意食燒味！每逢過時過節、喜慶時節或者有屋企成員生日都一定係斬幾味燒味返屋企慶祝！咁啱屋企樓下開咗檔新嘅燒味，阿妹生日所以今晚就買咗幾款試吓。#至尊燒鵝呢度啲燒鵝開張期間超抵食，半隻都係$180 ，咁啱呢隻啱啱燒好，食嘅時候皮脆肉嫩，就算唔使點酸梅醬都香噴噴，好鬼正！而且燒鵝好大隻，無論手臂定燒鵝髀都啖啖肉，而且佢大隻得來冇咩脂肪，食落香口唔肥膩，好味😋#燒味佬叉燒個名幾搞笑，叉燒燒到鮮紅色，搽滿晒蜜糖汁，邊邊位仲有少少焦香，而且就算瘦肉位置都完全唔會韌，口感柔軟，嫲嫲爺爺都大贊好味！#老師傅燒腩仔呢個燒腩仔係近期食過最好味嘅燒腩仔！塊豬皮脆卜卜，睇到燒腩仔一層脂肪一層瘦肉，賣相已經係好吸引，食起嚟仲軟綿綿，豬油滲透到舌尖和牙縫的每一個角落，香味爆燈！點少少芥茉漿正好可以中和油膩感，好食到停唔到口呀！#客家鹽焗雞鹽焗雞做緊新張特價$59已經有一隻，我哋斬咗半隻返屋企食，雖然咁平，但係質素一啲都唔差，鹽味剛剛好，使得雞肉keep到嫩嫩的口感👍幾好味下次又再買來加餸先。

朋友介紹，說此燒蠟店新開張，燒味便宜，而且質素也不差!去店看後，朋友果真沒騙我，真的很便宜又大盒，賺了，哈一次過買了4款燒味，叉燒，燒腩仔，燒排骨及燒鵝;先說叉燒，燒得很靚，不會太多色素，甜味亦剛剛好，不會吃完會起痰，叉燒肉質亦鬆軟，少少肥，不會太瘦，入口甘香，有質素燒腩仔也很正，肥膏跟肉看得出的一層層，正宗五花腩，肉質鬆軟，豬肉的底部也不會像坊間吃到的很咸或硬，燒肉皮拿到回家還是脆的燒排骨本身沒打算買的，但看到廚窗裡的蜜糖一直滴，邊位燒了一點焦香，而骨裡肉嫩，太吸引了，買了一點回家，就開始後悔買得太少了燒鵝真的是要買了，肉厚且鬆軟，嫩滑不油膩，肥膏不會多但油脂分佈剛好，正

見到大家望望，我又望望，原來是燒鵝燒咪。燒味的油光閃爍閃爍向我揮手：叉燒：紅彤彤外皮閃著蜜汁的亮澤，微燶的位置散發著炭火香氣，咬下去肉味香濃，伴隨陣陣豬油的甘香，這種粗獷的口味直令人神往。燒腩仔：刀工非凡，非等閑之輩可以切到片片厚度統一整。紋理清晰，層次豐富，肥瘦均勻。外皮脆卜卜，$64半斤抵。燒鵝（上庄）：一打開飯盒蓋鵝香引人矚目！外皮又脆又油香滿溢，鵝肉肉汁滿滿，$110有如此質素真夫復何求。客家鹽焗雞：特價半隻$25，平過食飯盒！雞肉帶有淡淡鹹香，雞肉多又嫩滑，日日買當家常便飯都OK!好少見到有餐廳有人圍觀，又平又抵燒味又靚，難怪大排長龍。

燒味滷師由酒店燒味主廚主理，質素確實有返咁上下，而且價格相宜，平民化。六點幾去到大排長龍，大約10幾人喺門口等燒味。最鍾意係燒鵝，半隻$180。師傅斬嘅時候都見到佢會將過多嘅肥膏砌走，呢個舉動都幾貼心。外皮燒到脆卜卜。好肥美，香口。客家鹽焗雞半隻$25，雞偏細隻，但對得住個價錢$25。加埋蔥油食，配飯食，平平哋又一餐。叉燒好靚麻，有層汁包住，甜滋滋。肉質鬆軟，如果砌厚一啲我會更鐘意。滷水鴨上庄都只係$30，有好多肉。肉質有花椒八角同埋滷水嘅香氣，夠味又唔會太鹹，我都幾鍾意。

🔸燒味佬叉燒 $50🔸老師傅燒腩仔 $50🔸至尊燒鵝（上庄） $110🔸客家鹽焗雞（半隻）$30-我屋企一家六口平時成日都斬料做餸，今晚我就嚟到長沙灣呢間燒味滷師斬料，唔駛媽媽晚晚煮咁多味餸咁辛苦啦！一嚟到就見到排晒長龍，因為做緊抗疫優惠，超平呢！所以我都每樣斬咗啲帶返屋企開心share啊，反正六個人一定食得晒嘅哈哈！燒腩仔就我daddy至愛，脆卜卜嘅豬皮，配上香口嘅肥豬肉，咬落滿腔油脂～仲有燒鵝平時比較少食（因為比較貴），但宜家做緊優惠就好抵啊！燒鵝皮好香脆，肉質較結實，正！鹽焗雞亦係抗疫價$30半隻超抵，鹽焗得非常入味，正！燒味我最鍾意食叉燒，因為半肥瘦咬落好軟腍，而且外面一層蜜汁好甜好juicy😍

這日如常來到元州邨探親，親戚話附近新開左間性價比超級高的燒味店，剛好要返家加餸食餐豐富家人聚餐，店外排隊人龍不斷，落單同攞燒味分兩個位置，跟住條長龍隊排就就無錯啦。由酒店燒味大廚主理的燒味滷師，位於李鄭屋邨元州邨及蘇屋邨之間，現場自設工場，一隻隻準備中的燒鵝，齊齊整整放於掛櫃中，街坊自然瘋湧而至👍至於價錢就真心激抵都唔係好信，街坊價、一口價、必食價瘋癲大減價，客家鹽焗雞$48 一隻超推介的原隻切雞激抵價，同場同價的瑤柱貴妃雞、玫瑰豉油雞，同樣吸引死人。厚肉香身，份量絕不是將貨就價的細雞。至尊燒鵝半隻$180招牌燒鵝必點，肉質滑溜，咸香到位，大師級的水準燒鵝。鴨身偏瘦平均抵食。禾田滷水鴨$60 半隻要大讚的滷水味，特別有一份清香撲鼻，入味又非常突出的肉質口感。蜜汁燒排骨$60送飯一流的一味，蜜糖汁毫不馬虎，整條排骨燒得平均而且盒底的蜜糖濃到不得了。這日星期五晚，已人潮不斷數十人排隊，叉燒燒肉已被熱情的街坊沽清，下次經過此地一定要再加餸返家豪嘆燒味。👅美味: ⭐️⭐️⭐️⭐️⭐️/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5

燒味無論係過時過時或者平時都係加餸嘅首選，今日經過長沙灣呢間燒味舖，就到開飯時間見到有幾多人排隊斬料加餸，而且原來係新開冇耐，燒味好多優惠吸引街坊，唔怪得咁舖頭出面咁人頭湧湧喇🤩◾️至尊燒鵝 $110當日見到舖頭入面有幾個爐，相信燒鵝都係舖頭入面燒嘅，夠晒新鮮！今次買到嘅係上庄，燒鵝嘅皮十分薄，仲燒到好脆，味道醃製得啱啱好。◾️客家鹽焗雞 $110 鹽焗雞十分入味，肉質亦唔鞋，仲幾滑添，$110就有一隻咁大盒嘅雞，的確幾抵食◾️燒味佬叉燒 $45叉燒肥瘦均勻，肉質鬆軟，重點仲係燶邊添架！加晒分！好香～蜜汁叉燒送飯一流呀！◾️蜜汁燒排骨 $45排骨有咬口好多，蜜汁甜甜地，燒得亦幾香、屋企人都大讚

身位香港人既我，平時晚上食飯間中都會「斬料」，加餸買d燒味番龜食飯，貪佢快靚正，唔洗自己煮得都有肉食下。今日就搵到間多街坊幫襯既燒味店「斬料」加餸～客家鹽焗雞$48雞肉大件，食落十分嫩滑，而且調味岩岩好，48蚊咁買到咁大盒鹽焗局雞算抵食👍至尊燒鵝$110外皮燒得香脆，咬落個陣燒鵝既油香味會慢慢散發出來，愛鵝人士必食！老師傅燒腩仔$64燒腩仔個外皮燒得金黃香脆，咬落卜卜聲🤣中間個層就較肥美，連埋底層有咸香既瘦肉部份成舊食🤤燒味佬叉燒$50食燒味都可以冇叉燒。佢地既叉燒肥瘦均勻，色調吸引，食落有質感又唔會太濃味👍

路過見到這間燒味滷師新開張，燒味現場制作，環境企理乾淨，價錢抵食，就決定斬料返屋企加餸吧。除了燒味，滷水都有提供。點了隻上莊燒鵝($110)，一隻客家鹽焗雞($48)及燒味佬叉燒($50)，三盒燒味總共都是二百多，抵。至尊燒鵝每件肥瘦均勻，外賣回家後仍然食到皮脆的感覺，要讚呀! 肉質嫩滑，不會燒得太乾柴，點上甜酸醬更好味。叉燒半肥瘦最正，肉質軟腍，沾上甜甜香香的麥芽糖叉燒汁，好味。大大隻鹽焗雞優惠價只是$48 ，十分抵食。味道咸香，肉質嫩滑，啖啖肉而不太肥。另外有提供沙薑及雞汁，但不沾醬汁都很夠味了。