燒味滷師 (安發大廈)

營業中

休息中

店舖裝修好靚 感覺亁淨 燒鵝 燒鴨 叉燒 好好味 😋😋😋😋最緊要 價錢公道 又好味 住喺附近嘅街坊 一定會長期幫襯 😋服務態度好好 抵食 好食 街坊價錢 酒店質素下次一定再幫襯 👍🏽👍🏽👍🏽

今日打風，落街買飯心諗都好難有野食點知見到呢間店竟然大排長龍就決定去試一試!打風仍開門招呼街坊，非常有心亦沒有受到影響，所有燒味都正常供應老師傅脆皮燒肉完全係皮脆肉嫩肥膏好香口，齒甲留香!客家鹽焗雞咸度岩岩好，冇過份醃製雞肉嫩滑，皮亦有咸香好高水準至尊燒鵝叫得到至尊真係有料皮香肉滑好食過出面d某某名店燒味佬叉燒半肥瘦，肉味好濃肉質軟淋醬汁甜度岩岩好，我同朋友用黎撈飯好惹味!!我同朋友轉眼間就食哂!

朋友獲派蘇屋新入伙，燒豬就買唔到比佢了，但係燒味都可以 斬幾款拎上去housewarming。就地取材，燒味滷師就係 蘇屋邨前一個街口 ，保安道街市投注站轉上就係， 每款出爐燒味都陳列曬出嚟，而且係由酒店燒味主廚主理，一睇就知有氣勢。小店除咗有個款出爐燒味，仲有各款鹵水，鹽焗雞，燒雞脾等等， 即使單雙拼飯依家做緊外賣22蚊，超抵食啊😍每人都斬咗少少上去， 客家鹽焗雞，燒味佬叉燒， 當然唔少得斬多條老師傅燒腩仔同斬番半隻至尊燒鵝上去啦至尊燒鵝上莊燒鵝賣相靚，顏色均勻， 一打開盒就已經知係正嘢， 鵝皮燒至一格格網紋， 豐腴的肉汁從皮肉間流出， 鵝皮香脆， 油香四溢。這隻超推薦。燒味佬叉燒❤️叉燒醃得夠入味， 紅卜卜的外皮加蜜汁的色彩亮澤超誘人， 肉味濃郁又有豬油香，肉質夠淋，入口即溶。老師傅脆皮燒肉脆皮燒腩仔外皮燒得卜卜脆，以五層腩 入饌，肥瘦層層相間而肉質又鬆化，一睇就知無叫錯。客家鹽焗雞❤️特價25蚊半隻，超抵食。鮮嫩的雞肉, 鹹淡適中, 淡淡的雞味，簡單好吃，原汁原味。

今日係長沙灣放工，過去搭巴士時經過一間應該是新開不久的燒味店，有幾款新張優惠，$22個單雙拼的燒味飯及$48有一隻雞，唔怪得之大排長龍啦!難得咁抵食，我就外賣了個燒味返屋企加餸。燒鵝皮脆肉嫩，而且肉質juicy，唔會燒得太乾，燒鵝頭送酒一流。燒腩仔表皮香脆，肥瘦均勻，肉質鬆化。叉燒有淡淡蜜汁甜香，用了梅頭豬肉，所以肉質嫩腍，中間連著些油脂。鹽焗雞半隻$25超大份，雞肉都算嫩滑，咸度適中，雞皮又唔會太肥。

約咗幾個好耐無見嘅朋友食飯，本來諗住訂間餐廳，分兩檯坐，點知有人話要嚟我屋企開餐，咁梗係要斬料加餸啦！本來打算去屋企樓下間燒臘店買，不過老公話佢公司附近新開咗間「燒味滷師」，每次經過都見到門外有人等買外賣，好受街坊歡迎。原來店舖嘅老闆來頭不小，曾代表酒店參加 2015 年世界粵菜廚王大賽 (燒味及滷水組別) 並獲得至尊金獎殊榮，所以提議試下。間燒臘店嘅舖面都唔算細，裝修新淨企理，予人明亮整潔之感。好彩到埗時還未到晚市繁忙時間，毋須排隊輪候。門口嘅玻璃櫃入面掛滿各式燒味，櫃檯上的叉燒同雞髀、雞全翼賣相亦很吸引，色水靚得嚟又富光澤。睇過宣傳單張，店舖自設工場，全部燒臘都是現場製作，即燒即賣，難怪所有燒味都充滿新鮮出爐嘅香氣，就一於多買幾款返歸。揀咗老師傅燒腩仔 ($64/半斤) 同幾款做緊新張優惠嘅燒味：至尊燒鵝 ($120/下莊)、燒味佬叉燒 ($45) 及客家鹽焗雞 ($25/半隻)。四大盒，非常墜手，包裝得整齊企理。先試下至尊燒鵝，鵝髀大大隻，鵝件斬得大小均一，鵝皮泛油光，熠熠炅，色澤均匀，棕色帶紅，皮肉飽滿脹身，入口香脆酥化。鵝肉質感嫩滑，肉香脂香兼備，加上調味適中，用來送飯食一流

今日打風天氣一般，屋企人都唔想出街買餸煮飯，就落樓下買燒味加餸。呢間係長沙灣新開既燒味鋪都幾多選擇，價錢又幾吸引。叫左招牌至尊燒鵝，半隻先$180，超抵。燒鵝肉質鮮嫩，上面塊燒鵝皮薄得黎又燒得好香脆，咬落去勁有油脂同鵝香，就算好邪惡我都忍唔任食左啲燒味佬叉燒叫左瘦叉燒，扮健康調劑一下。滷水鴨幾有驚喜，鴨味香濃，同埋好多舊都厚肉，幾均真。客家鹽焗雞半隻先$25，幾入味，最重要係件雞夠滑。買燒味送飯真係一流😋😋

是日放工斬料加餸😛嚟到長沙灣人氣燒味+滷味店「燒味滷師 」，超超超超多街坊幫襯！😂條排隊人龍無停過，人人都好心急想買咁，無他嘅，清澈透明大玻璃入面掛住油亮光澤飽滿燒鵝燒鴨、脆皮燒肉、靚油雞切雞😍實在好吸引，唔覺唔覺就會想多啲❤️！至尊燒鵝($120)••••••下莊價錢合理，燒鵝油脂豐富，真正做到燒鵝獨有嘅皮脆肉嫩🤤最鍾意皮下脂肪好厚好juicy 🤭當然唔少得最後要點埋酸梅醬食！好滿足啊好好味！老師傅燒腩仔($64)••••••可以睇到啖啖肉嘅燒腩仔肥瘦好平均😬一層肥一層肉勁靚，豬皮脆得嚟唔硬，高質👍🏻仲要讚肉唔死鹹，配芥末醬食一絕🤘🏻。蜜汁燒排骨($45)••••••唔係度度燒臘店有嘅一道菜，豬肋骨燒成叉燒一樣嘅紅潤油亮😍帶蜜糖焦香，甜甜鹹鹹食唔停口！客家鹽焗雞($48)••••••超抵食啊！$48一隻全雞仲要係大雞嚟！鹽焗調味好溫和，唔會好鹹，雞肉滑嫩而且雞油充足，點埋沙薑食十分有風味😆。

一打風啲人就搶食物！！！今日夜左收工，都買唔切餸。。。唯有去斬料，順便買定多啲聽日食呢間燒臘舖經過好多次，佢都係大排長龍！我一路都冇留意點解，今日打算買嘢睇吓個價錢，原來真係超級平，唔怪得咁多街坊幫襯！有鵝有鴨掛喺間舖頭度，啲食材應該幾新鮮見到個個都買幾盒野，我都唔執輸啦$48一隻雞去邊度揾手快有手慢冇！我買完之後已經話賣晒喇！豉油雞好大盒，分量十足，味道唔會好鹹，皮薄而且雞肉嫩滑！屋企搵錢嗰個鍾意食燒鵝，買咗個上庄鵝肉真係好甘香，抵佢賣咁嘅價錢！仲有香脆燒腩仔，大家都好鍾意食！壓軸推介一定要買嘅叉燒！唔好睇佢啲肉好似好瘦，口感軟淋，蜜糖味重，推介推介呢度的確平靚正，下次加餸可以再嚟呢度買嘢

剛巧經過這新開燒味店 - 燒味滷師，還正作新張優惠，點可以錯過呀！試食價益街坊...瑤柱貴妃雞、玫瑰鼓油雞、客家鹽焗雞都只係$48，$48，$48...真係生既都未必買到啦。一隻又一隻的鹽焗雞，見到都留哂口水。益街坊又點止雞呀！至尊燒鵝都只係$180/半隻，都咪話唔抵食。燒味滷師以全玻璃的展示各燒味，顯得比傳統燒味店更乾淨、衛生，真是食都食得安心又放心。店中更看到一燒鴨風乾櫃，識食一定要食這些吧！不風乾又怎樣烤？不烤乾又怎樣脆？所以要食到香脆的外皮這真是不可缺少的。新開張咁抵食，當然要買番幾盒回家慢慢歎。至尊燒鵝、客家鹽焗雞、老師傅燒腩仔、燒味佬叉燒燒味佬叉燒肉質鬆軟、肥瘦比例適中、香甜多汁，難怪從前個個要斬大舊叉燒。老師傅燒腩仔燒腩仔外皮脆卜卜，且肉質鬆化、軟腍無渣，入口還有陣陣油香，當然唔少得添點芥末，更是無得輸！客家鹽焗雞一打開已聞到其鹹香味，而且肉質嫩滑，不油膩又有嚼勁，有一種滋味入骨的感覺，真是第一時間想...要多碗飯呀唔該！至尊燒鵝燒鵝外皮富光澤，口感鬆脆，而肉質肥嫩，鬆軟多汁，入口更有種回甘味，真係送酒一流。

叉燒半肥瘦不過不失，但色水上有過紅左少少，味道上亦甜左少少，搞到有d 唔似叉燒😅鹽焗雞燒味買雞最怕「油林林」，特別係雞，最易出油～但呢度既鹽焗雞就好乾身，裡面一樣保持到juicy👍而且唔咸，仍然好突出雞味，見佢賣貴妃雞做特價平到笑，睇黎除左價錢之外咁多人排隊唔係無原因😎燒鵝夠大隻！外賣拎返屋企d 皮都脆，而且唔會好肥好膩，肉又嫩～最緊要係無鵝果種油臭味，正！外賣都keep到水準，絕對抵食呀！👍

疫情關係，大家都多在家進餐。燒味當然是加餸必備之一。九月尾開業的燒味滷師，由酒店師傅主理。店鋪不大，但店外常常見到長長的人龍，也吸引我試一下。分別買了燒鵝，叉燒，燒肉及鹽焗雞。⁣個人覺得燒鵝不錯，皮脆油香，鵝味甚濃； 叉燒色澤油亮，肥瘦合宜，嚼感不錯；燒肉可能因為存在盒內有些時間，皮已變軟，但味道不錯；鹽焗雞雖然其貌不揚，但雞肉滑遛。⁣如果大家想加餸，不妨可以考慮下燒味滷師。⁣📍燒味滷師地址：長沙灣長發街28號安發大廈地下D號舖❤️招牌燒鵝⁣。。。⁣ #ciaohkfood #ciaohkfood推薦 #ciaohkfoodlocal #ciaohkfood中餐 #ciaohkfood茶餐廳 #長沙灣 #茶餐廳

星期六放假，難得我妹帶了姨甥女返娘家食飯，我係附近買了燒味一齊食。店舖很旺，而且有不同的優惠，很多街坊排隊買及等單。老闆曾參加粵菜比賽得獎，門面光鮮，擺放燒味井井有條，衛生乾淨。至尊燒鵝上庄，我妹很欣賞燒鵝仲係暖，皮脆，皮肉之間少少肥就好甘香。因為要上庄，所以肉多，肉質很滑口，點上黃梅醬，去一去膩也不錯。鹽焗雞做緊$48隻，很抵食。鹽味香，雞肉醃得入味，成隻雞都係啖啖肉，而且仲有黃油花，脂肪比例正常，肉質很滑很彈牙。蜜汁燒排骨很惹味，少少焦香，肉身香軟，仲可以啃骨，蜜汁香濃，色澤漂亮微焦，很入味。少少肥的部份仲入口即溶，真係送酒一流。燒味佬叉燒我爸至愛，叉燒取自梅頭肉，最滑，肉質鮮美的部份，肥瘦均勻，色澤紅潤，吃起來很香的蜜味，亦燒得很靚。想不到甘抵食，襯仲係新開張有甘多不同的優惠真係要買黎加送都唔錯

去完長沙灣新開嘅咖啡店之後就諗住買啲外賣返屋企，點知比我見到呢間新開嘅燒味店啵，黃色門口嘅裝修，嗰名好型，叫燒味滷「帥」，同老闆傾耐左，先知係由酒店燒味主廚主理架🥳🥳即刻打電話俾媽咪叫佢煮少幾樣餸先，斬料番黎加餸🤩哩度既燒味好架細😃😃嗰各好有氣勢，嗌左至尊燒鵝，燒味佬叉燒，老師傅燒腩仔，客家鹽焗雞😍至尊燒鵝就一定要嗌呀，我等左半嗰鐘新鮮出爐😚😚隻鵝肥瘦均勻，最緊要大大嚿，童叟無欺，皮脆肉嫩多汁，燒到脆身既鵝皮加上甜酸醬，真係好夾呀，流口😜😜唔使入深井都食到咁好食嘅燒鵝😚燒味佬叉燒❤️叉燒大大片，每片都帶少許肥肉，肉質軟腍，獨門秘方醃肉，叉燒沾滿了又甜又香的麥芽糖，所以調味岩岩好，肉汁更好。老師傅脆皮燒肉❤️ 脆皮燒肉肥瘦層層相間💕外皮燒得香脆，食落咯咯聲，最鍾意哩種聲音喔，味道係咸香，好有肉味，配埋芥末醬食好正🤩客家鹽焗雞❤️做緊特價，好優惠呀🤩🤩大大隻用紙包好，保留返鹹香嘅味道😋香嫩不油膩既鹽焗雞，果然雞皮爽，肉質好滑，食落口好有雞味，鹽焗方式係最能夠保持原汁原味😋燒味滷師 (長沙灣)長沙灣長發街28號安發大廈地下D號舖

今日放工一於去買啲燒味加餸食飯見到呢一間燒味老師，非常多人，長長嘅人龍等外賣 吸引咗我嘅目光玻璃櫃入邊有角色各樣不同嘅燒味，有叉燒，雞髀賣相非常吸引 見到宣傳單張～燒臘都是現場製作～即刻燒即刻賣再望下價錢性價比甚高，一於就買啲返屋企同屋企人share！揀咗幾款 客家鹽焗雞，老師傅燒腩仔，燒味佬叉燒，同埋明爐燒鴨返到屋企打開一看，每盒都裝到好滿，新鮮光澤大大份，蔥油 芥辣醬已經完全齊備 ～至尊燒鴨，脆脆既皮甘香又美味，鴨油慢慢漏出來🤤叉燒 超級Juice多汁又好吃，半肥瘦勁正 ！老師傅燒腩仔 燒肉切開，層層分明，肥瘦相間客家鹽焗雞肉質鮮嫩配上蔥油吃一流呢個價錢真係非常之超值！！

一去到已經見到好多街坊排緊隊等買燒味，可見非常受長沙灣既街坊歡迎👏🏼價錢平！靚！正！ 個燒味師傅仲係2015年世界粵菜廚皇大賽（燒味及滷水組別）中拎過至尊金獎。由此可見，店舖嘅食物質素亦可放心🥰至尊燒鵝（上莊） $110今次叫咗上莊因為唔想太肥，皮燒至深棕色 口感正常 不會太肥膩亦食得出鵝油味👍🏻客家鹽焗雞 $110雞非常嫩滑🙈 口感偏淋身 皮與肉容易分開 個雞幾好食😋老師傅燒腩仔 $64燒腩仔不會太肥 骨位比較咸 但燒腩部份就唔會咸 配埋芥末食好味🥰燒味佬叉燒 $30呢個係屋企人一致認為最好食！！！叉燒肥瘦適中，咬落一啲都唔會柴！叉燒亦唔會太甜！必叫！😍😍❤️