燒味滷師 (安發大廈)

營業中

休息中

#燒味滷師 (長沙灣)屋企唔煮飯， 最簡單就係落樓下買斬燒味。今日自製燒味放題，買咗燒鵝上庄、豉油雞、叉燒、燒肉。呢間燒味勁抵買，甚至$22蚊就有個燒味飯，雙拼單拼同價。去到都條少人龍買緊飯。燒鵝認真出色，燒汁會另外包比你，唔會浸腍燒鵝。皮燒到脹卜卜，仲食到皮脆脆地既感覺，肉質嫩口。鵝味香濃。豉油雞係抵買之選，$48有一整隻雞。叉燒相當鬆軟，又肥又瘦，蜜汁甜甜地，好下飯。唔錯唔錯。燒肉，拎到返屋企嘅時候個皮仲脆既，最受嘅人歡迎，迅速食晒，一層肥一層瘦，口感好，調味又啱啱好。

🟢呢區其實好多好嘢食，所以如果時間許可，我都會來昵區食吓嘢，平民化大眾化的價錢，而且又多食肆選擇👍👍———————🟣星期六正好在呢區食過下午茶之後，又周圍行吓，行行吓，見到有間舖頭排哂長龍，八卦望吓，原來係一間燒味舖，咁就啱哂，星期六又係我的好節目，咁多人排隊，一定又平又靚，嘩，真係平到我都被吸引，48元一隻雞🐔，咁既價錢，一於買反屋企星期六的佐酒一流⋯⋯一於買反幾款燒味回家吃喝，反正又放幾日假期，不醉無歸😂😂😂😂😂———————🔴1-鹽焗雞：48元一隻一隻🐔（仲配埋沙薑汁，薑蓉）🐔好入味的鹽焗雞：又大又滑的肉質，唔點汁已經好好味，不過我都好鍾意食沙薑同薑蓉味道，所以可以按自己喜歡程度調味，呢區真係好多寳，就好似呢間燒味店，我排隊買既時候，望吓佢周圍D標韱，原來師傅係前酒店主廚，怪不知味道可以咁出色.真係平靚正➕色香味俱全👍————————🟤2-叉燒：98元一斤我買咗半斤😂😂😂叉燒肉質好嫩又軟熟，甜蜜味配合得好適中，唔會食到鞋颯颯，令人吃得非常滋味———————-🔵3-燒鵝：360元一隻我買咗上庒1/4鵝肉好香，我返到屋企整熟D皮都仲有脆口，想想師傅即場燒出來嗰刻幾咁正，因為佢地自設工

好耐未試過見到深水埗長沙灣有一間餐廳大排長龍，而且有很多觀眾圍觀，由此奇蹟原來是一間傳奇燒味店。隔着玻璃窗，你可以見到燒得很靚的燒鵝列陣向你鞠躬，賣相很吸引棕色帶紅，有美麗的反光，鵝皮色澤均匀。師傅功架十足，切得大小均一。味道也很不錯，皮肉飽滿脹身，鵝皮是香脆酥化，肉香脂香兼備，肉質也很嫩滑。加上酸梅醬，味道更豐厚更有層次感！燒腩仔$65半斤，外皮是脆卜卜的，肉質鬆化軟腍無渣，肥瘦均勻。脂肪及瘦肉層層相間，層次多，而且刀工好。叉燒燒得剛剛好，軟稔有口感不會太硬，肉汁豐盈，甜甜地很開胃。見到新開張做優惠，$50有一隻雞！客家鹽焗雞雞香嫩滑，好大隻下喎啖啖肉，超抵食。豐富地斬料回家夠四個人食都不用$300！而且飯盒$22，以這種質素的燒味而言真的是平絕香港。

今日去阿姨屋企食飯，一大班人食飯，表哥同我落樓下斬料加餸，話我知有間新開燒味舖。喺門口見到啲燒味又真係企理整齊。原來老闆曾係酒店大廚，唔怪得舖面同其他燒味舖唔同，感覺乾淨，食都食得安心啲。客家鹽焗雞，新張優惠48一隻，抵到爛，雞肉好滑仲要啖啖肉。至尊燒鵝，個皮燒得好香脆，鵝肉黏住少少脂肪，食落唔會乾。燒味佬叉燒，叉燒半肥瘦，仲有燒汁，超好味。老師傅燒腩仔，腩仔皮要脆，肉要乾身，食燒腩仔點芥末一流。

朋友推介既燒味外賣店🥡聽聞係由酒店廚師主理🤪買番去同屋企人試下先🥳🥳🐽 至專燒鵝🌟 ($110)屋企人勁鐘意食燒鵝所以一定要試下🤪一試佢地大讚!皮脆肉嫩 啖啖肉😙好juicy😙😙🐽 老師傅燒腩仔🔥 ($64)皮超級脆卜卜🤪🤪🤪咸度適中 肥瘦肉一啖食勁滿足🤤🤤🐽 燒味佬叉燒👅 ($45)覺得依個名好有風味🤣🤣肉質鬆軟 一d都唔鞋😼果然名不虛傳😙🐽 客家鹽焗雞🐓 ($48)雞肉好嫩滑🤤🤤雞皮薄依個價錢真係超值!!配飯食 太正了🤪🤪

屋企人好鍾意食燒味～～咁岩打風前夕掃定多d糧食返屋企係必須既路經長沙灣見到呢間燒味店勁長人龍應該都好食掛而且價錢仲勁抵完全係抗疫價買左四款，預食三餐🤣🤣🤣客家鹽焗雞半隻～$25其實我已經冇要求自己煮都唔得食落雞肉好滑，而且好有咸香味有櫃專放燒鵝燒到好香，半隻$180未至於超級肥美，但好入味好香口叉燒呢盒$45，偏甜好腍麥芽糖味好重燒腩仔，呢盒$65其實都好多下肥肉同瘦肉層次分明而且好有五香味

燒味滷師最近長沙灣開左間由酒店燒味主廚主理嘅外賣燒味店，成日都好多人排隊聽講佢地嘅蜜汁燒叉燒好出名，本身都諗住去果邊買啲返屋企，點知賣晒😭但係又見佢地嘅燒肋骨都好似好正咁，就買左，另外再加左滷水鴨、老師傅燒腩仔、客家鹽焗雞燒肋骨醃得好入味，外層叉燒醬色澤均勻，燒肋骨入口即化，肉唔會燒到乾晒滷水鴨鴨味香濃、亦好香香料味，食落啖啖肉！老師傅燒腩仔所用嘅係五花腩，望落去肥瘦分明，外皮香脆可口，食落口豬肉唔會太油，好香豬油香客家鹽焗雞而家做緊個超抵價錢！$25半隻雞，好抵食，雞外皮金黃色，睇得出係靚雞黎，師傅整鹽焗雞醃得好，味道均勻，唔會一啲位太咸一啲位冇味，食落肉質亦好滑嫩佢哋最近新開張，做緊好多優惠，有時唔想煮，落去買野做餸都唔錯～

我時不時都會行過去長沙灣元州邨嗰邊食晏，有日中午見到有間燒味舖「燒味滷師」好多人排隊，原來係有$22特價飯盒賣。我又八卦攞張傳單返屋企望下，阿媽見到$48隻雞話超抵，仲話搵晚唔煮餸等我斬料返去🙈。呢晚放工我就即刻變身做乖囡去斬料加餸，我已經專登準時走行過去。大約晚上六點半嘅時候，我未行到去舖位已經見到大排長龍👏；好彩我快一步同冇俾個師奶打尖，如果唔係我都買唔到特價雞。我好耐冇見過咁多人排隊嘅場景，皆因燒味舖新開張，做緊好多特價優惠益街坊👍。當我俾錢買完飛之後無耐，已經陸續聽到雞同鴨都賣晒。雖然人多，但小店運作好有系統，客人輪轉得好快，店員同師傅們都好有禮貌，唔會粗聲粗氣😊。舖面亦光光猛猛，令人放心。我哋今晚食燒味大餐🥢，無煮其他餸，我一次過買咗四種返屋企。未食之前第一樣抵讚嘅地方就係包裝得好好，我拎到返屋企一滴汁都冇跌過出嚟，唔會搞到油笠笠。由於做緊特價，四款燒味夾埋都只係$267😍。玫瑰豉油雞($48/一隻)，買完之後我終於明點解🐓雞會最快賣晒，$48大大隻，唔係畀啲營養不良嘅雞仔你，真係唔知喺邊度搵？！雞有三款，包括客家鹽焗雞、瑤柱貴妃雞、同埋我買嘅玫瑰豉油雞。豉油雞入味，唔駛點醬

差唔多晚飯時段經過呢間燒味舖，見到大排長龍好多街坊都企咗喺度等，好奇心之下就望埋一份原來呢間燒味舖做緊新張優惠，好多款都有減價，所以我都唔執輸買左幾款返屋企加餸！街坊價真係平咗一半有多，難怪咁多人喺度排隊。除咗貴妃雞豉油雞鹽焗雞之外，普通嘅燒腩仔，滷水鵝，叉燒等等都有齊。最基本當然叫咗份鹽焗雞啦，雞肉幾嫩而且雞味好濃，雞皮薄之餘又帶爽口，而家做緊優惠真係好抵買，而且優惠價唔會偷工減料，份量都仲係咁多咁大份然後就叫咗我父親大人最鍾意嘅燒腩仔，食落唔會過鹹，而且拎到返屋企皮都仲脆，不錯！因為減價嘅關係仲叫咗滷水鵝，雖然只係半隻但係份量都真係好多，入味之餘肉質好紮實最後當然仲有我最鍾意嘅叉燒，師傅俾咗偏瘦嘅叉燒我，識落雖然鞋少少，但係啱晒怕肥嘅我，如果多啲叉燒汁就更好啦！

經過長沙灣街市附近，見到呢間應該係新開既燒味店排哂長龍👫🏻👫🏻👫🏻，搞到我都忍唔住行左過去望下😂！原來係做緊新開張優惠價，一隻雞都係48蚊😲！-叉燒 $48叉燒半肥瘦岩岩好，入口好軟腍，而且蜜汁都好入味！-客家鹽焗雞 $48 鹽焗雞肉質夠嫩滑。雞比較瘦，唔會舊舊肉都係肥膏。-蜜汁燒排骨 $64排骨燒得好靚，唔會燒到柴哂，仲見到啲油脂！而且條條都好多肉，唔會剩係得條骨，蜜汁味都好濃。-燒鵝 (下庄) $120燒鵝偏瘦，所以鵝皮唔會充滿肥膏，鵝皮燒得唔靚，幾香，而且鵝味好濃，$120食到下庄真係好抵食！

今日去深水埗，去阿妹屋企探BB，順便去佢度食埋晚飯。去人地度黐餐梗係去斬啲料加餸先得啦！去附近睇下有咩燒味店吸引先，行向順寧道街市嗰頭，見長發街有檔燒味人頭湧湧，走去望望，呢間鋪叫燒味滷師，好有趣。佢新張期內啲優惠好吸引，一隻鹽焗雞都係賣$48咋！見甘抵斬多少少都好，我哋買左叉燒，燒腩仔，燒鵝半隻同鹽焗雞！燒鵝同雞都好肥美嫩滑。唔好以為會將貨就價，雞同燒鵝塞滿成個盒，大大盒。燒鵝肥先至係識食, 太瘦會鞋口唔好食。而燒腩仔皮脆，到晚飯既時候仲住好脆口。叉燒半肥瘦適中，表面有光澤，有豬肉同密糖香，食落嫩滑軟腍、有咬口得來鬆化，不錯。屋企人都表示呢間好味道，阿妹都唔知新開左呢間燒味鋪，話妹夫放工可以買平燒味飯食添!

九月份長沙灣區開了一間叫「燒味滷師」的燒味店，主理人是曾經代表酒店參加煮食大賽並取得金獎殊榮。新張期做街坊價，因此吸引了不少人惠顧。我因為有家人住附近，他們買了這店的燒味回家吃，說又便宜又好吃，還帶我去看看。我選擇惠顧燒味店都是衛生先行，其次才是食物質素及價錢。當天所見店內收銀和斬料的人是分開不同人負責，這就符合我的衛生要求。有很多家庭主婦和長者都排隊買。店子以先付款，取收據，等叫號的形式售賣，並且可以用八達通付款，更衛生。店外行人道不是很寛，等候時都有些人碰人的情況，但大家都守秩序。我也排隊付了二十五元買了半隻客家鹽焗雞回家試試。在排隊購買其間已嗅到很濃的沙薑粉味，喜歡吃鹽焗雞有一半也是因為喜歡沙薑粉的味道。回家打開盒蓋，看到黃黃的雞件鋪排得整整齊齊，一陣一陣的雞味散發出來，即時用筷子取吃，雞肉嫩滑又入味，雞皮爽，味道又不會死鹹，雖然有些骨位帶少少紅色，但這樣才嫩滑，因為太熟肉就會韌了。食物質素好價錢也便宜，值得買來吃。我的家人只是兩人住，卻買一隻客家鹽焗雞回家吃，說便宜呀，吃不完第二天再吃更入味。疫情下少出外，一隻雞可吃兩餐，鹽焗雞下飯一流。四十八元一隻確是吸引的。

今日星期六唔想自己煮飯，決定去砍d燒味算。長沙灣依間燒味滷師最近9月先新開，次次行過都好多人，決定試一試！4點半去到門口已經排晒隊，唔知係咪撞啱出爐時間，有新鮮嘅燒味😳。我哋一家四口總共叫左四款燒味，分別係燒鵝、燒肉、鹽焗雞同叉燒。至尊燒鵝(上庄) - $110我老豆鐘意食胸肉啖啖肉，所以叫左上庄，而鐘意食脾嘅朋友可以加多$10要下庄。見到燒鵝嘅表面咁有光澤就知d皮燒得有幾脆，而下面嘅肉就非常嫩滑，一啲都唔鞋。依個價錢絕對超值！老師父燒腩仔 - $64依間嘅燒腩仔真係無得頂！肥瘦分明，脂肪同瘦肉層層相間，數得到足足有5層！而且個皮酥脆帶鹹香，咬落去脆卜卜嘅皮加埋juicy嘅嫩肉，正！客家鹽焗雞 - $48開張期特價貴妃雞、豉油雞同鹽焗雞都只係需要$48一隻！肉質好滑，食落無急凍雞嘅味！非常抵食❤️燒味佬叉燒 - $50叉燒偏瘦，但食落依然夠淋，而且有汁，表面嘅蜜糖份量啱啱好，唔會話太甜。煎隻蛋再配上白飯，一碗黯然銷魂飯就咁簡單。🤣

今日係長沙灣果頭見客， 突然收到媽咪電話，話兩個阿姨，姨丈佢地兩家人出來食飯，但媽咪臨時買唔切餸叫我買d野返來加料， 認真大考驗咁突然我即問個客附近有冇燒味店OK架介紹比我去買， 佢就介紹左燒味滷師。一去到就知正野啦，咁多人排隊實冇死， 排隊期間已經聽到d街坊講呢到新開好抵食，味道又好，佢見我諗緊買咩就同我講，一定要買燒鵝， 佢話佢食過好掂， 我睇返價錢又真係好抵，新張優惠180蚊半隻， 買客家鹽焗雞48蚊隻。最後我就買左半隻至尊燒鵝， 燒鵝皮燒得剛剛好， 肉質夠嫩，點一點酸梅汁食，小一份油膩感。客家鹽焗雞半隻， 師父手藝真好，咸香味好夠送飯一流。雞又夠滑。老師傅燒腩仔， 個皮夠脆，咸咸地送啤酒岩岩好。燒味佬叉燒， 個個爭住食,因肥瘦適中，入口咬落夠腍，帶一出一絲蜜糖味。今晚餐飯屋企人話加餸呢間好掂叫我，下次再去買返來加餸。

阿媽話要拜神，叫我幫佢買燒肉返嚟，同事話近元州邨嗰頭最近開咗一間燒味店，主廚仲曾經喺酒店度做過大廚，新開張有好多優惠，所以我放工就長征咗1.2公里，去到位於長發街嘅呢間燒味滷師。話晒都係新開咗冇幾耐，所以都人頭湧湧，好彩佢都有足夠人手，所以唔需要等好耐就攞到手。新張期間真係有好多優惠，單拼/雙拼燒味飯盒只需要$22，貴妃雞/豉油雞/鹽焗雞仲只需要$48添，真係唔買都對唔住自己呀！除咗燒味，亦有售其他冷盤。叉燒$98/斤，我就買咗半斤，叉燒顏色已經好靚，而且我就好鍾意佢瘦得來一啲都冇柴皮嘅感覺，真係又瘦又淋。燒鵝上庄$110，上庄最正就係啖啖肉，燒鵝皮燒得香脆，正！鹽焗雞$48/隻，真係仲平過去買隻冰鮮雞自己煮，肉質鮮嫩，分量十足，阿媽拜神啱晒！燒肉$98/斤，攞到返屋企燒肉嘅皮仍然係咁香脆，肥瘦適中，真係好抵食！阿媽品完神之後，就輪到我哋開餐啦，呢個燒味之夜真係冇得輸呀！