燒味滷師 (安發大廈)

營業中

休息中

今晚臨時要加多幾個餸，臨急臨忙即刻落街斬料！見到呢間燒味大排長龍，一睇個價錢的確好吸引！見到最多人買雞，我都唔執輸要咗隻！阿姐話夜少少就會冇晒！！！一隻雞份量好足！佢仲跟埋一甖沙薑雞汁，好細心。雞肉都幾嫩滑同夠味！小朋友鍾意食燒肉，要咗半斤。燒肉嘅皮好脆，不過近骨嘅位置就稍為鹹咗少少叉燒係呀姐推介的，確係唔錯！雖然我揀咗偏瘦嘅部份，不過食落都依然好淋，唔會又硬又乾仲有仲有，燒鵝亦係推介！鵝肉甘香，味道濃郁，送飯一流

平時經開長沙灣呢間燒味店，見到一定大排長龍，今日亦都唔例外。今日特登過去望下點解咁多人... 嘩嘩嘩！我終於知點解啦，原來不論單拼定雙拼外賣飯盒都只係賣＄2️⃣2️⃣，你無睇錯，真係＄2️⃣2️⃣，事關啱啱新開張，試食價益街坊。 😍😍😍見到咁多人我都忍唔住去排埋一份，不過我係去買淨燒味今晚加餸食。 店舖師傅好講求衛生，全部都有戴手套。至尊燒鵝🦤，我最鍾意食燒鵝，一定要試下。燒鵝皮飽滿香脆，肉質嫩滑，唔會好肥。切得大小均一，肉香和脂香都相當出色。 加埋酸梅醬食超正！🤤🤤燒味佬叉燒，雖然炭燒味爭少少，不過調味恰到好處，味道富有層次感。 老師傅燒腩仔，食燒腩仔最講求個皮要夠香脆，呢度就做到啱啱好，個皮又香又脆，而且唔會太過肥膩。 客家鹽焗雞雞🐓，又新開張，試食價益街坊，半隻＄3️⃣0️⃣，全隻都只係賣＄5️⃣9️⃣，真係超抵食呀！買嚟送飯一流，好有雞味，感覺好新鮮，鹽嘅味道恰到好處，唔會太過鹹，肉質鮮嫩。除咗以上燒味之外，仲有鵝掌翼一pack pack賣，下次有機會試埋先。

今日早收，行左去蘇屋邨個邊行街市，見到有間舖頭有d街坊圍住，於是走埋去八卦下，原來係一間新開無耐的燒味舖，個名幾特別叫「燒味滷師」。周圍望到舖頭 d 易拉架，都係新店開張嘅優惠，單雙拼都只係$22，非常吸引。半隻雞都只係$30，全隻就$69；怪不得吸引左咁多街坊嘅好奇心，包括我。見咁抵食，我都忍唔住出手，買左鵝上庄，半斤燒腩仔，半斤叉燒同埋半邊豉油雞。舖頭話大唔大，話細又算不上，係買賣過程中，都已經係電腦化，仲可以用八達通付款。斬完d燒味，店員都會抹一抹盒d油，返到屋企成盒野真係無肥淋淋。坐巴士返屋企途中，可以聞到盒內燒味嘅香味，聞到已想食，正。燒鵝上庄：最讚係燒鵝汁另上，唔會令到上面同盒底d鵝唔同油度同咸度。其他舖頭，食到底個d就好油同咸左，唔夠均勻。而呢度另上鵝汁，係另有一番滋味。燒鵝皮脆，可見燒出黎之後，擺放時間唔係好耐，仲好新鮮。鵝肉夠厚，而且好嫩，一d都唔會老而鞋。燒腩仔：皮脆，肥瘦適中，味道均勻夠入味。大仔最鍾意最讚：呢度d燒腩仔靚喎。當然靚喇，你食哂喇！叉燒：我最鍾意呢個叉燒，夠淋夠滑夠蜜味，我最愛食叉燒頭，連叉燒頭都好淋滑。豉油雞：生熟岩岩好，雞肉嫩加滑，連雞胸位d肉都

燒味真係由細食到大，陪伴港人一起成長，全港九新界以至離島各區，其實並唔難會發現售賣燒味食品嘅店舖，但問題係～如果真係要揾一間真正好食嘅燒味店，屈指一算，我諗全港應該唔會超過二十間以上首先～我個人認為，燒味真係要現做現賣，亦即係有自家工場當然係最理想，因為肯定有機會可以食到真正新鮮熱辣出爐嘅燒味燒味滷師，係我好偶然之下遇到嘅新開燒味店，叉燒真係正斗，食到有好香嘅玫瑰露酒嘅味，雖然呢度真係冇好肥嘅肥叉，但叉燒入口真係非常軟淋、有焦香味、又唔會太甜、又有燶邊，所以係最好食，因為叉燒如果味道過甜係好難食，佢嘅燒味豉油用嚟撈飯真係一流！同時～呢度嘅燒味豉油真係同其他嘅燒味店所用嘅燒味豉油係有D分別，燒味滷師所調製嘅燒味豉油係充滿好香嘅醬油味道，而且唔係甜味，帶有少少近似係美極鲜醬油嘅味道，其實講真～有D燒味店，你去食過一次真係以後都唔會再有下次，最主要嘅原因都係離唔開用料嘅問題，燒味滷師賣嘅燒味唔單止價錢平，質素亦都有保證，鹽焗雞最好食，夠哂咸香惹味，比起北角賣鹽焗雞賣到出哂名嘅津津茶餐廳所賣嘅鹽焗雞仲要好食，呢位滷師真正係真金不怕洪爐火，有麝自然香，難怪每日嘅中午及晚上都人頭湧湧，係有原因嘅

今日出來探朋友，午餐後經過這條街，見到這家門口排長龍，八卦下，原來這家燒味店是酒店燒味主廚主理，但價錢平民，決定買外賣給家人品嚐。至尊燒鵝皮脆肉香，油色通透，皮下脂肪少，鵝身厚肉，口感有彈性，鵝肉香，配有一包醬汁、酸梅醬，汁多味濃，齒頰留香。燒味佬叉燒叉燒紅彤彤，色澤鮮明，肥肉比例少，肉嫩甘腴，以梅頭肉製成，肉質非常細嫩，鬆軟肉香，帶有點點油脂香。老師傅燒腩仔燒腩皮脆是靈魂所在，回家後依然保持香脆度，腩仔肉質彈牙，有肉香，唔乾身，好好送飯。客家鹽焗雞雞大隻，肉質細嫩，有肉汁，加上配搭的沙薑汁，雞內更鹹香。街坊價只需$59隻，$30 半隻，難怪多人買。

在長沙灣長發街有一間新開的燒味店，有新開張優惠，$22有一個兩併飯，$30/$59 半隻/一隻雞。見到門面光鮮乾淨，衛生安心。.雞有幾款，包括貴妃雞、豉油雞及鹽焗雞，一樣價錢。鹽焗雞外表澄黃油亮，雞香而且香而不膩，爽滑鮮嫩，咸香咸香皮爽肉滑，十分開胃。師傅已經斬好件，回到家馬上可食，加餸必備。雞肉多又香滑，完全沒有冰鮮味。啖啖肉，肉多骨少。燒鵝好耐無食了，在店內鵝香滿溢，忍不住買了一例上庄。深啡色又亮到反光的鵝皮已經好吸引，燒到不柴不乾，令人齒頰留香。叉燒也是添餸必備，肥瘦適中，師傅斬好件後在餅盒內淋上叉燒汁，回到家時仍是肉汁鎖緊。燒腩仔$64一斤，上脆下層層相扣，層次分明，性價比好高。外賣還會附送醫醬汁，這間燒味店掂呀！

阿媽話今晚唔煮，屋企剩係得白飯......我就去左買燒味，配白飯一流😋燒味滷師好出名，好多街坊幫襯，先買飛，再等叫號碼拎外賣，樓面有三位職員，斬料的師傅也有三位不停手咁斬，所以唔使幾耐就有得拎外賣～我哋一家人比較大食，所以今晚買齊燒鵝、雞、叉燒、燒腩仔，加餸啦喂🥰至尊燒鵝鵝皮薄而脆香，鵝肉不膩且肉味濃客家鹽焗雞咸中帶鮮，雞肉香且嫩滑老師傅燒腩仔鬆化、軟腍無渣，而且外皮趣卜卜燒味佬叉燒叉燒燒得好香之餘仲好有光澤，肉質軟腍適中

今日同屋企人食飯於是就喺親戚屋企附近斬料加送親戚話佢成日喺呢間燒味店斬料，話好正於是我就幫手買啲燒味嚟到呢間燒味店，果然好受歡迎，好多人喺度排隊原來聽啲街坊講，呢間舖頭嘅燒味係有酒店嘅廚師主理，唔怪之得睇過門面咁乾淨企理叫咗一隻鹽焗雞，做緊特價只要$59，好有雞味，而且肉質彈牙，大件夾抵食燒腩仔：外皮燒得非常香脆，肥瘦適中，油脂香。叉燒：因為屋企人嘅口味，所以主動同師傅講要瘦肉多，但瘦肉一啲都唔鞋口，肉質依然鮮嫩燒鵝上庄：呢個係必食推介，燒鵝皮又係好香脆，而且啲燒鵝汁非常入味，提升燒鵝嘅味道，而且我用燒鵝汁撈左兩碗飯添親戚果然冇介紹錯，呢間燒味店真係好高質！估唔到街坊小店都發掘到咁出色嘅舖頭

親戚新居入伙，問定想我地買咩黎加餸，親戚指明黎買呢間新開既燒味，黎到果然人山人海，落完單都等左一陣先拎到。至尊燒鵝 (上庄) ($110)平時少食燒鵝，因為香就香，但好多時層皮都厚到爆又多油，估唔到呢度既燒鵝係例外。 二話不說夾左鵝脾最尾個舊柄，平時乾到好似紙皮咁但因為香口我都會夾呢個位，竟然呢度既燒鵝完全唔乾，鵝皮酥脆得黎冇乜肥膏，點埋另上既滷水汁好香好惹味，係我食過最岩口味既燒鵝。 唔信邪試勻哂脾、胸、背位，全部都嫩滑入味香脆唔油膩，岩哂懶健康又鐘意香口既我。燒味佬叉燒 ($50)叉燒軟腍甘香，色香味俱全，醬汁似乎同坊間既有微妙既分別，冇咁死甜，係一家大細都鐘意既味道。客家鹽焗雞 ($59)成隻雞連雞腳，60蚊有找真係抵到爆。 食物亦冇將貨就價，食到雞味同鹽焗香，肉質嫩滑，配埋沙薑同蔥油，味道好豐富。老師傅燒腩仔 ($64)燒腩仔半肥瘦夠甘香夠脆，不過比起其他出色既燒味就比較普通。總括而言都幾高質，住附近一定會成日幫襯。

Weekend開party ，大人細路 ，各取所需 🤣🤣小朋友就叫咗pizza，我哋大人就鍾意食燒味 😬😬喺屋企附近呢間 燒味滷師 新開，見平時都大排長龍，一於就嚟試下啦😬😬果然選擇好多 ，新開張仲有好多優惠添 😍😍如果平時想懶下唔煮飯，都有外賣飯盒做緊街坊價22蚊😆😆單雙拼都得👍👍真係超值有朋友要指定食燒鵝 ，叫咗個上庄，肉質都好香，有口感，而且鵝香味十足 ，好細心，仲用另外包開咗醬汁 ，食先淋落去，保持 質感 真係唔錯 👍👍嘩！59蚊一隻客家鹽焗雞都係做緊promo呀 ，超級大盒，鹹香味濃，肉質嫩滑 ！果然係唔錯 😬😊而且要59蚊嘅價錢真係超值呀，趁佢做promote一定過嚟買多幾隻哈哈 🤭🤭食燒味又點可以冇叉燒呢，斬咗一盒燒味佬叉燒 ，非常之淋，調味唔錯 肥瘦適中，真係 送飯一流呀 🤤🤤老師傅燒腩仔 ，外皮脆卜卜食到咯咯聲 ，一層瘦肉一陣肥一層，真係至高境界 醬汁一啲都唔吝嗇 ，畀咗成十包 真係唔錯嘅選擇 ，下次開party可以繼續 叫燒味🥰🥰

限聚令關係令我哋依啲大家庭好難出到去食餐正正常常嘅飯，因為屋企多人唔想分枱坐，所以最好都係唯有係屋企聚餐，今次就去左長沙灣依間燒味鋪買燒味返屋企加餸😙屋企大大話話都有10幾人，所以就每樣燒味都買一盒返嚟加餸喇燒味佬叉燒 $50$50有大大盒，唔使特別同夥計講啲叉燒都已經半肥瘦，會想去甜甜嘅蜜汁，肥瘦分明，好味😋脆皮燒腩骨 $95拎到返屋企啲皮仲係脆卜卜，肉質唔鞋，咸度適中，老豆食完都話整得幾好食至尊燒鵝 $110諗住食好啲就唔要燒鴨食燒鴨，但其實都唔太貴，鵝嘅肉質係出色啲嘅，肉味濃，冇騷味，配上佢嘅醬汁或酸梅醬都一樣咁正客家鹽焗雞 $59一隻鹽焗雞居然買到咁平，真係嚇一跳，咁梗係買來試吓啦，雖然抵食，但啲雞做得一啲都唔馬虎，焗出嚟嘅顏色好靚，肉質嫩滑，唔會死咸，醃出嚟嘅味道啱啱好，性價比真係十分高

今日喺長沙灣經過見到呢間舖頭好多人幫襯，上網又見到好多人推介以下4款食物，所以就走咗入去買黎加餸！（其實係懶得煮飯🤣🤣）燒鵝：啲皮好脆，肉又鞋口嘅，佢會將啲燒鵝嘅汁分開上，咁拎到返屋企啲皮都唔會俾佢浸到林晒 - 👍叉燒：我自己鍾意食啲瘦叉燒所以我就叫咗師傅比啲瘦叉我，冇咁肥膩，啲蜜汁都幾香！燒腩仔：外皮香脆，肥瘦比例岩岩好，唔會好似食咗成層肥糕咁！ 反屋企層皮都仲脆卜卜架 鹽焗雞：雖然係鹽焗雞，我覺得佢又唔會話太鹹，啲雞肉都算嫩滑⋯⋯每樣都買左少少 🤣其實佢仲有一個櫃呢我見到有海蜇燻蹄丫，泰式鳳爪丫 ，但係好似已經買得太多所以就放棄咗，下次一定要試埋

亞媽一個電話打黎叫斬料加餸，仲指明叫我去新開個間燒味鋪，是關佢日日都大排長龍，新開有優惠，亞媽想買來試下好耐。嘻嘻嘻... 買左兩大袋回家， 亞媽大滿足， 炒個菜就食得飯。至尊燒鵝 (下庄) $120  燒鵝皮色澤赤紅帶光澤，食落有濃郁鵝味，油脂豐盈。          客家鹽焗雞 $59                  鹽焗雞皮色澤微黃，厚肉肉質嫰滑。禾田滷水鴨(半隻) $60       淡淡的滷水味，肉厚啖啖肉，好有口感。燒味佬叉燒 $50                 叉燒肥瘦剛剛好，肉質鬆軟，香甜多汁。

放工無野好做出左去九龍行街一個人行下行下去左長沙灣😅見到有間燒味舖勁多人排隊走左去8卦 原來做緊新張優惠啱啦 反正番到屋企都差唔多開飯即刻叫阿媽煮少個餸等我斬料🤣🤣點知阿媽聽到我話斬料竟然隔空落ORDER——————————————————最後買左4樣野 係咪痴左線？燒味之中中島最中意食嘅就係叉燒😋所以二話不說斬舊叉燒食下先叉燒睇落肥瘦比例7:3 夠健康👍🏻但食落一啲都唔會鞋同乾鹽焗雞勁抵食大大隻偷聽到街坊同職員講話優惠價做埋今個月下個月就做番正價未試嘅要快手啲啦至於燒腩仔番到屋企啲皮都仲脆唔似坊間啲咁肥一層肥一層瘦咬落去油香四溢成舊食都唔會有罪惡感燒鵝香噴噴皮薄肉厚啖啖肉滋味十足個人覺得好食過上次喺深井食多肉又大舊仲要平過深井🤭——————————————————▩ 客家鹽焗雞1隻 $59▩ 至尊燒鵝下庄 $120▩ 燒腩仔 $64▩ 叉燒 $50

今日落咗去長沙灣保安道街市個邊買河粉， 較早前聽到街坊話長沙灣長發街開咗一間「燒味滷師」，由酒店燒味主廚主理的外賣店，順路嚟到梗係要斬料加餸啦。燒味款式十分多，款款價錢合理，而且見到燒味賣相幾靚仔，心郁郁樣樣都想買，好決定雞、鵝同豬都要買。「燒味佬叉燒」$118/斤，我買咗大約半斤左右，蜜汁味香濃，叉燒是半肥瘦，配白飯一流。「至尊燒鵝」下庄$120，燒鵝有鵝油香，有很濃郁的燒烤味，剛買回來的河粉煮成湯河，再加上燒鵝，的确正呀！「客家鹽焗雞」優惠價$59/隻，勁抵呀！爸爸媽媽愛吃雞，雞肉滑溜，啖啖肉，性價比高。「老師傅燒腩仔」$128/斤，我都係買咗大約半斤試吓，一層肥一層瘦肉，而且皮脆肉香，亦是配白飯的好拍檔。