為食火鍋公司

營業中

休息中

為食火鍋公司 (觀塘)觀塘創業街15號萬泰利廣場地下C號舖。放工近近地去附近食口碑不錯既任食邊爐。$288 已經可以無限時咁食。仲要唔係淨係打邊爐咁簡單，首先係食左小食先，再食刺身，然後再食雞煲，最後先打邊爐，馬拉松式咁食，小食、雞煲同邊爐部分配料都係任食，真係要make sure夠肚餓先黎食呀。雖然咁抵食，但食物質素都唔hea，一開始打邊爐仲送一碟牛特別部位，其中有黃喉，非常特別既一個爽口部位。雞煲有魷魚、牛百葉、豬皮跟上，可以揀唔同辣度，同出面幾百蚊一煲雞煲味道無咩分別。最後我真係食到超級飽咁走呀

小朋友先要選擇😙想食小食又想有魚生 又想食雞煲同打邊爐 要有高質牛同靚海鮮 原來可以一次過食晒 選擇困難症都唔怕🥹森仔前排就係乜都想食 住近觀塘個頭出旺角又有啲遠 第二日放假想喺屋企頹一陣夜晚再出去食 於是就搵到呢一間滿足晒我哋所有願望嘅火鍋店 仲要係冇限時任食任飲 早一日前book枱有燉湯飲餐廳係地舖 好易搵 面積好大 有無障礙通道 位同位之間好寬闊 裝修簡潔 環境乾淨企理 坐得舒服 招牌有隻可愛嘅毛孩logo 適合任何人嚟 情侶一班朋友一家大細嚟 可能因為夠開揚 打完邊爐個身都唔係好大浸味呢間放題叫餐方式好特別 佢係分咗4 round 喺嗰日玩可以無限添食 不過嗌咗下一輪嘅嘢食就唔可以返轉頭嗌一輪嘅嘢食 首先Round 1係揀咗小食先 食完可以再叫 所以唔使一次過嗌好多 我哋每一樣都嗌啲嚟試吓 先食個蟹籽沙律打下底開胃 女友超愛甜番薯條同唐揚脆炸雞 而我覺得甜酸炸大腸好好食 十分爽脆 喺出邊好難食到呢種口感 於是encore咗兩輪😂😂 跟住就飲個靚湯 個日係蟲草花燉雞湯 足料湯好飲 鮮甜美味 跟住round 2就上咗五點刺身盛合 魚生肥美鮮甜 帶子同甜蝦爽口 厚切三文魚同油甘魚 好

今晚同班友去咗為食火鍋公司食到爆！呢間餐廳係哥基主題，好得意又溫暖。我哋揀咗豪食套餐$368一位，無限時任食任飲，仲有好多款湯底同火鍋料！ 先係蟲草花燉雞湯，清甜滋補，雞肉鮮嫩。再係五點刺身盛合，三文魚、北寄貝、牡丹蝦等等，新鮮彈牙，芥末醬汁好刺激。最正係寵寵雞煲，少辣醬汁炆過，雞肉香辣入味，仲有薯仔、粟米、冬菇等等，好夠料呀！我哋將雞煲煮滾，就開始落火鍋料。豪食海鮮拼盤同豪食牛肉拼盤都好正！海鮮拼盤有龍蝦、扇貝、蜆、墨魚等等，每一樣都好彈牙多汁。牛肉拼盤有和牛、牛肉卷、牛小排等等，每一片都好肥美多汁。我哋用黃金芫荽皮蛋湯底涮過啲海鮮同牛肉，味道更加提升！仲有其他火鍋料如丸類、餃類、粉麵類等等，都好好味。我哋仲可以自助拎啲蔬菜同飲品，真係好抵食！最後係雙皮燉奶做甜品，燉奶滑溜香甜，收結得好好。我哋食到好滿足，服務態度都好好，唔使等得太耐。如果你想食一頓豐富又抵食嘅火鍋，就快啲去為食火鍋公司試下啦！

.之前見同事去咗呢度食，之後分享話都唔錯！食物種類都多，所以我就再分享俾個朋友結果就促成左呢一晚嘅飯聚啦😗本身book咗7:30 ，我早到所以就入座先。一坐低店員已經好好招呼，喺度問要食咩小食。我見朋友未到，就叫左炸雞同蟹籽沙律食啦～ 炸雞一嚿，我以為會係多啲，不過一嚿都好試少少😂 熱辣辣係幾好食既但個蟹籽沙律，超級唔吸引，勁多沙律醬🥲之後朋友到咗啦，我哋再叫咗其他小食每款份量都少，唯獨是薯條好大份不過其實全部都可以任叫嘅，所以唔夠再出聲就得啦！因為之後都有其他嘢食，都冇再叫小食啦。食完小食，之後有3點刺身，味道正常。之後第三回合，可以揀酸菜魚或者任食雞煲，我哋揀咗酸菜魚，份量好少，同埋好咸。諗住叫店員加水，但佢話你哋之後都打邊爐…其實覺得唔關事冇衝突，不過都冇加水啦，食左魚就算。見好多人都食雞煲，聞到個味好香可能雞煲會較好（？）之後打邊爐啦～ 先來海鮮拼盤有五款海鮮，再來特別嘅牛拼盤，都好食既但又無好吸引咁。之後其他就用QR code 落單，同埋出面有蔬菜可以拎。仲有飲品櫃，選擇唔多。食到好飽但覺得種類好少，唔夠滿足，可能本身太高期望，如果最後有個甜品或者雪糕就更加好！整體用餐體驗都

觀塘返工嘅我，一直都知道有呢間無限時火鍋餐廳，今晚相約朋友，慢慢傾計，一於食盡無限時火鍋套餐。套餐分好多round，食物不止是火鍋，好豐富。🔔 為食火鍋公司 為食都食唔哂!為舖頭slogan 餐廳毛孩主題$288/位 星期五,六,日~ 公眾假期及前夕+$10/1位ROUND 1 餐前小食（無限量供應）炸瘋薯條 ，甜蕃薯條 ，唐揚脆炸雞 ，蟹籽沙律 ， 酸甜炸大腸 ，鮑汁雞腳小食每樣都試咗每一款好好味，非常推介特別係鮑汁雞腳煮得好林，充滿膠質，炸大腸好脆ROUND 2 前菜（決定上round 2後不會再上round 1小食）三點刺身盛合(一次性)有三文魚，蝦，北寄貝刺身都算新鮮ROUND 3 頭盤二揀一: 為食酸菜魚(一次性) / 任食寵寵雞煲我揀咗酸菜魚，酸菜魚都幾大份同足料，帶一點薯粉ROUND 4 火鍋盛宴櫻桃鮮茄薯仔 / 黃金皮蛋芫荽 / 高湯牛尾 / 麻辣鍋 (鴛鴦鍋+$30)揀咗高湯牛尾湯，有幾件牛尾可以食為食海鮮拼盤 是日5款 (一次性)鮮蝦 ， 蠔，蜆，半殼元貝 ，脆肉鯇海鮮拼盤好豐富，而且都新鮮鮮甜為食牛肉拼盤 5款 (一次性)潮汕吊龍伴 ，黃喉 ，手切牛頸脊，熊本

星期六早上近九時到牛頭角附近，路過見環境光猛，晚上經過都見店內食客滿滿，便入內試一下早餐。食客不多，服務人員做事快速，也細心，價格都算實惠，較連鎖式冰室便宜一些。先來了一杯好立克，是我少有的滿意，奶量剛好，好立克味道濃沃，現在一般餐廳冰室的好立克我都覺得好淡。我選了魚柳餐，也愛這店有薯餅的選擇，不用又食多士。食品色香味俱全，沙律菜也可以，魚柳就覺一般，總係食唔返以前嘅味道，但以這個價格，我也收貨。對於今天嘅醒晨早餐十分滿意😊

為食火鍋公司觀塘創業街15號萬泰利廣場地下C號舖Shop C, G/F, Montery Plaza, 15 Chong Yip Street, Kwun Tong店主一定是很喜歡動物狗狗的, 很多corgi 的圖片在餐廳內, 雞煲火鍋放題, $ 288套餐 好多野食 由小食開始, 有炸瘋薯條、甜蕃薯條、唐揚脆炸雞、蟹籽沙律、酸甜炸大腸和鮑汁雞腳食夠就會上hotpot, 留意食完是去到下一個step, 就沒法返轉頭再點了, 我地試了甜蕃薯條同酸甜炸大腸頭盤是三點刺身盛合一份,有北寄貝、三文魚同牡丹蝦為食酸菜魚（一次性）或任食寵寵雞煲, 我個人愛食雞煲多些，雞件多肉醬汁濃郁牛肉拼盤（一次性）潮汕吊龍伴、黃喉、手切牛頸脊、熊本雪花一囗牛同 SRF和牛肩胛肉眼芯，黃喉入囗爽脆，其餘唔同部位嘅牛肉，牛味好濃，非常美味@hotpotfoodiehk #foodiehk #yummy #hotpot #delicious #foodporn # 打邊爐 #hotpotfoodiehk #為食火鍋公司

這間餐廳位於牛頭角以毛孩作為主題，店內裝修寬敞舒適，環境乾淨衛生，牆身印有不同狗狗的壁畫和裝飾，充滿著可愛氣氛，主打無限時火鍋任飲任食。冇限時火鍋盛宴 - $288/位星期五、六、日、公眾假期及前夕+$10/位餐前小食酥而不膩的甜蕃薯條帶天然香甜好軟糯；唐揚脆炸雞外脆內嫩好多汁；蟹籽沙律一絲絲青瓜好清爽；還有炸瘋薯條、酸甜炸大腸及鮑汁雞腳，可任點任吃。前菜三點刺身盛合(一次性)肥美的三文魚富魚脂，入口爽滑鮮美；爽脆的北寄貝好甘甜；甘甜黏糯的甜蝦有著濃厚風味。頭盤(一次性)為食酸菜魚，奶白色的湯頭好鮮甜，加上酸甜爽口的酸菜，帶微微麻辣感，鮮魚片有厚度又有彈性，更有晶瑩剔透的薯粉吸飽湯汁，辣度可低至走辣，或可轉任食寵寵雞煲。火鍋盛宴湯底方面，櫻桃鮮茄薯仔富清甜的鮮蕃茄香，加上綿密的薯仔好有口感，感覺健康又養生，還有黃金皮蛋芫茜、高湯牛尾及麻辣鍋，鴛鴦鍋需另加$30。為食海鮮拼盤(一次性)鮮蝦、蠔、蜆、半殼元貝、脆肉鯇、白鱔片為食牛肉拼盤(一次性)包括：潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯，一共五款不同部位的貴價牛肉，特別喜歡吊龍伴，鮮得帶有肌紅蛋白，軟嫩細膩，

一大夥人襯住派消費券就立即去刺激經濟,星期天晚上六點一開門,已經坐無虛設,幸好有訂位,先狂掃一輪餐前小食,仲可以無限Refill,味道也真不錯,尤其鮑汁雞腳惹味大隻,唐揚脆炸雞更香脆多汁。因要留肚要過關到第二輪啦,刺身雖然得三款,北寄貝、赤蝦和三文魚,但大大件又够凍好鮮味。之後一致同意食酸菜魚,因為上次食過雞煲,大大窩魚肉够爽且入味。輪到第四Round食海鮮拼盤,今次有大竹蝦、蠔、元貝、大蜆和白鱔片,都吸睛又好味。進火鍋直路,湯底選清清地的黄金皮蛋芫茜湯,而送上的那個牛肉拼盤有雪花一口牛、至喜歡的爽口黄喉、牛肩押、牛頸脊和手切潮汕牛,真是吃不停,而任食火鍋料個人至愛鹿兒島豚肉和紐西蘭羊肉片,就是這樣邊食邊吹水接近四小時才解散,已經預備下次再來此聚啦。

餐廳就在創紀之城對面，地點好方便。周圍都有有多幅可愛毛孩掛畫，非常吸精！睇得出餐廳嘅老闆非常喜愛寵物的。餐廳座位寬躺，整潔乾淨。呢個豪食套餐$368好豐富好吸引呀，有分Round 1-4，食法係跟住餐牌上既次序食落去慢慢食，好似4-course火鍋咁呀，無限時任食任飲，想同朋友食野吹水吹到收鋪都可以，無時間約束。前菜: 蟹籽沙律正常，青瓜新鮮清新～
鮑汁雞腳膠質好高，好好食，食完個嘴好黏。今晚係蟲草花燉雞湯，非常足料呀。提早BＯＯＫ位先有架，大家記得早少少約定。味道香甜濃郁，雞味都幾重，滋補又潤喉，好岩呢個天氣。五點刺身盛合刺身都好新鮮，北寄貝都幾鮮甜。牡丹蝦大大隻，鮮甜爽口。帶子肥美三文魚同油甘魚魚肉肥美，啖啖肉呀。二揀一：任食寵寵雞煲/為食酸菜魚(一次性)我地叫左酸菜魚湯底：櫻桃鮮茄薯仔蕃茄味道鮮甜，湯底清清地咁，十分適合淥海鮮同牛肉，因為能保持食物的鮮味，唔會蓋過。豪食海鮮拼盤（5-8款）裡面有: 鮮蝦、蠔、蜆、半殼元貝、脆肉鯇、白鱔片蠔唔腥，蟶子大大件又鮮甜。另外脆肉鯇彈牙又爽脆，好食！豪食牛肉拼盤（8款）潮汕五花趾、吊龍伴、手切牛頸脊、黃喉、澳洲封門柳、熊本雪花一口牛、SRF

搵埋朋友去觀塘附近食轉好西,我哋D大胃王緊係搵D任食野擦擦,依間任食火鍋放題,有2個價錢選,$288和$368我地揀左$368哥款豪華套餐,賣相唔錯幾足料開頭係round one蟲草花雞燉湯 + 餐前小食餐前小食有薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳.大腸我就唔好,朋友話幾正,我就係咁recall鮑汁雞腳,好入味好多骨膠原~哈哈.接住Round2,剌身盛合就係一次性的,三文魚、北寄貝、牡丹蝦、帶子同油甘魚,幾鮮甜下.再跟著Round3,一次性的酸菜魚 或 選任食雞煲,魚肉大片彈口中段主菜Round4 一次性的火鍋盛宴 蟶子、蝦、蠔、蜆、龍躉片、白鱔片,特別係蠔,鮮活得很,魚也不差中後段 一次性的牛肉拼盤 潮汕五花趾、吊龍伴、手切牛頸脊、黃喉、澳洲封門牛柳、熊本雪花一口牛、SRF和牛肩胛肉眼芯、SRF和牛三角肉特別喜歡封門牛柳,啖啖肉飽滿厚實,雪花牛脂肪比例平均，口感細緻香口中後段 任食配料 日本手打烏冬煙韌過癮有幾款牛都係任食,質量依然不差,雪櫃野飲任飲,

哥基肥嘟嘟，可愛到澎脹💨我都要食肥多d野好似佢地咁趣緻先觀塘最近開左間無限時任食火鍋雞煲放題既餐廳，一於去試下為食主打任食雞煲火鍋放題，套餐由$278起，已經無限時任食😳位置距離牛頭角港鐵站，步行約6分鐘就到，地鋪夠哂易搵環境餐廳走日式🇯🇵簡約風，座位寬敞舒適設有包廂座位， 每個包廂都有唔同哥基作主題，有佢地陪食，胃口大增🤩我地揀左$368豪食套餐無限時任食，食物類別大致分4 Round：任食小食 + 一次性刺身 + 任食雞煲/一次性酸菜魚 + 火鍋開動！首先服務員會為客人送上時令燉湯：🥣姬松茸燉雞湯 燉雞湯零味精零油，鮮甜暖胃，感覺清熱開胃；為一陣既火鍋打好底1️⃣Round 1餐前小食有蟹籽沙律🥗、飽汁雞腳🐥、即叫即炸既唐揚炸雞🍗、炸大腸🥨、炸蕃薯條🍠、薯條🥔炸雞同炸蕃薯條都好好味，keep 到crispy 又juicy鮑汁雞腳炆得軟稔，味道咸香2️⃣Round 2刺身拼盤有三文魚🍣、油甘魚🐟、帶子👶🏻、北寄貝🔴⚪️、蝦刺身🦐好新鮮，仲好厚切Tim3️⃣Round 3酸菜魚魚肉大大塊，啖啖肉，份量好足 肉質嫩滑，湯底椒香十足，不過略嫌唔夠酸入面仲有好多薯粉🍜，索哂湯底精華，正啊4️⃣Round 4

冇限時火鍋盛宴(豪食套餐)$368搵餐廳嘅時侯俾佢個餐牌，款式多元化吸引。前菜的鮑汁鳳爪味道不錯，香濃軟滑好味。其中一round係酸菜魚，味道認真麻麻地，魚肉不新鮮而且好”鞋”，酸菜湯底無咩味。刺身還好，係蝦不新鮮，好腥🙈🙈海鮮拼盤，份量較少，每款海鮮只有一隻，而且質量一般，不是太新鮮，小小失望。牛肉拼盤的牛肉質素良好，而且好細心標示牛肉的款式，用嚟打邊爐適合，牛肉味道ok👍🏻還有其他配料和菜係任點任食，菜蔬新鮮👍🏻本身呢個價錢有這麼多款式的食物，係幾期待和興奮，但海鮮和刺身甜欠新鮮，所以沒有驚喜，而且環境好一般，但服務態度良好。

今日同幾個JM黎到li間位於觀塘同牛頭角中間嘅火鍋店, 就係因為li度係**無限時**嘅任飲任食打邊爐, 俾我地唔使好似趕住食可以慢慢嘆. 🍲同普遍火鍋店唔同嘅係店家嘅用餐空間非常闊落, 枱又夠大擺火鍋料, 唔會同隔離枱chi到勁埋真係好好呀, 蔬菜類乾淨整齊一杯杯任拎, 我地食左好多枝竹, 蒿筍, 油麥菜🥬.🍟Menu寫左有邊啲熟食,炸薯條, 蕃薯條, 炸雞, 炸大腸, 鮑汁雞腳…. 食少少好啦留返個肚打邊爐.🐟每人都有一客刺身, 三文魚, 肥美蝦, 夠新鮮.🍲Between酸菜魚同雞煲我地覺得食完雞煲再打邊爐最正, 雞煲黎個陣d雞肉未熟gei, 要每隔2min炒一炒, 8分鐘食得.雞肉夠哂入味, 中辣得好好味過癮, 一讚係斬得好好無一口碎骨, 另外仲有一碟豬皮魷魚可以食哂雞肉之後再落鍋炒. 我地order下個round火鍋時因為會收走個雞煲所以我趁機夾哂啲煮到腍軟入味嘅洋蔥.🍲然後麻辣火鍋湯底繼續食🥢餐廳會按人頭供應每人一份海鮮拼盤n 牛肉拼盤, 視乎當日有邊款靚料🍴有鮮蝦, 蠔, 蜆, 帶子, 白鱔. 而牛肉拼盤方面我地今日食左潮汕吊龍伴, 黃喉, 手切牛頸脊, 一次過食匀幾個唔

天氣涼涼地 打邊爐就最岩不過早排經過觀塘附近 咁岩就發現左呢間為食火鍋公司於是趁假日相約親朋好友黎聚一聚主打任食雞煲放題 當然唔少得任食火鍋集港式、西式、日菜式於一身最平$278起就已經有交易 仲要無限時任食舖內以簡約設計裝潢 座位寬敞舒適而且仲設有包廂座位 店內每個角落都以哥基作主題可愛度爆燈 岩晒中意打卡既朋友仔點餐過後會先送上時令燉湯老少皆宜既姬松茸燉雞湯 鮮味可口 飲完暖烘烘繼而就是餐前小食 有清新既蟹籽沙律、香濃味美既飽汁雞腳仲有即叫即炸既唐揚炸雞、炸大腸同蕃薯條全部都可以任叫任食 食左兩round幫個胃熱身完就開始刺身拼盤大大盤樣樣都有 好睇亦好食 而且款款都新鮮雞煲同樣大大煲超多雞肉而且香噴噴餐廳用上三黃雞 用上特別調製既醬料製作而成味道香濃之中帶惹味 最好是可以自由選擇辣度食過雞煲都差不多是時候開動火鍋湯底有櫻桃鮮茄薯仔、黃金皮蛋芫茜、高湯牛尾或麻辣鍋海鮮拼盤有蟶子、鮑魚、元貝、鱔片、脆肉鯇、蠔、蜆、鮮蝦牛肉拼盤有潮汕五花趾、吊龍伴、手切牛頸脊、黃喉、澳洲封門柳、熊本雪花一口牛、SRF和牛肩胛肉眼芯、SRF和牛三角肉味道各有不同 香濃不一 任君選擇任食火鍋配料都有數十款