影片
更多
2023-05-10
37 瀏覽
星期日夜晚同屋企人嚟到位於觀塘嘅為食火鍋公司食雞煲火鍋放題，最開心係冇限時，可以同屋企人邊食邊傾偈，享受天倫之樂，都好適合一大班人黎用餐。餐廳空間好大，座位寬闊，坐得舒適。套餐有兩種，我哋揀咗貴啲$368/位既豪食套餐。揀完套餐之後，就可以向店員落單，講返自己想要嘅餐前小食。飲品方面，客人可以以自助形式去雪櫃度揀選自己鍾意嘅飲品。餐前小食都有好幾款，包括：蟹籽沙律、炸薯條、炸番薯條、炸雞、酸甜炸大腸同埋鮑汁雞腳蟹籽沙律青瓜絲爽脆，配上鹹香爽口嘅蟹籽同埋酸甜沙律醬，味道清爽開胃。番薯條即時炸起，新鮮熱辣，番薯條味道香甜，番薯味道濃郁。唐掦脆炸雞外皮炸得夠脆，雞肉嫩滑，而且入味。小食食完唔夠可以再encore，不過如果落去下一個Step，就冇得返轉頭~套餐每人都有一碗燉湯，有蟲草花、紅棗、豬肉、雞等等材料，非常足料，而且清甜滋潤。刺身方面，係一次性提供，有三文魚、帶子、北寄貝、油甘魚同牡丹蝦，三文魚同油甘魚肥美、有魚油香，帶子厚切、鮮甜、肉質柔軟，牡丹蝦肉質鮮嫩、口感爽滑，北寄貝爽口新鮮。食完刺身，就到我哋嘅重頭戲雞煲，我哋叫咗BB辣，店員話要分別炒四次，每次2分鐘先食得，邊炒邊聞到陣陣嘅
餐廳空間好大，座位寬闊，坐得舒適。
套餐有兩種，我哋揀咗貴啲$368/位既豪食套餐。
揀完套餐之後，就可以向店員落單，講返自己想要嘅餐前小食。
飲品方面，客人可以以自助形式去雪櫃度揀選自己鍾意嘅飲品。
餐前小食都有好幾款，包括：蟹籽沙律、炸薯條、炸番薯條、炸雞、酸甜炸大腸同埋鮑汁雞腳
蟹籽沙律
青瓜絲爽脆，配上鹹香爽口嘅蟹籽同埋酸甜沙律醬，味道清爽開胃。
番薯條
即時炸起，新鮮熱辣，番薯條味道香甜，番薯味道濃郁。
唐掦脆炸雞
外皮炸得夠脆，雞肉嫩滑，而且入味。
小食食完唔夠可以再encore，不過如果落去下一個Step，就冇得返轉頭~
套餐每人都有一碗燉湯，有蟲草花、紅棗、豬肉、雞等等材料，非常足料，而且清甜滋潤。
刺身方面，係一次性提供，有三文魚、帶子、北寄貝、油甘魚同牡丹蝦，三文魚同油甘魚肥美、有魚油香，帶子厚切、鮮甜、肉質柔軟，牡丹蝦肉質鮮嫩、口感爽滑，北寄貝爽口新鮮。
食完刺身，就到我哋嘅重頭戲雞煲，我哋叫咗BB辣，店員話要分別炒四次，每次2分鐘先食得，邊炒邊聞到陣陣嘅香料味，雞肉都滑，入味，鹹香得黎辣辣地，好惹味。食到咁上下，就要落埋豬皮、魷魚同埋牛柏葉落去炒，非常入味爽口，個人超鍾意豬皮，索晒雞煲嘅精華，好正！
食完雞煲就轉打邊爐，湯底我哋就揀咗櫻桃蕃茄薯仔湯，酸酸甜甜幾醒胃。
套餐包括咗一次性豪食海鮮拼盤，當日有鮑魚、元貝、龍躉片、脆肉鯇、蠔、蜆同鮮蝦，食材新鮮，鮑魚同元貝爽口彈牙，龍躉片同脆肉鯇肉質鮮嫩，蠔、蜆同鮮蝦味道鮮甜。
另外仲有一次性既豪食牛肉拼盤，包括：潮汕五花趾、吊龍伴、手切牛頸脊、黃喉、澳洲封門柳、熊本雪花一口牛、SRF和牛肩胛肉眼芯、SRF和牛三角肉。一口牛、肉眼芯同牛三角肥瘦均勻，有雪花，食落有油脂香。牛頸脊、吊龍伴、五花趾同封門柳相對比較瘦，肉味會重d，整體質素唔錯。
另外仲有其他火鍋配料，係用QR code自助落單，有丸類、肉類、餃子、炸魚皮、紫菜響鈴等等，食材新鮮。個人特別鍾意芋頭丸，質感爽彈，包住咗味道濃郁嘅芋頭蓉。
另外蔬菜都係啲自助形式喺出面雪櫃自己攞嘅，都有多款選擇，乾淨企理。
張貼
