為食火鍋公司

營業中

休息中

今日去咗觀塘打邊爐，餐廳用狗仔為主題裝修，好光猛。呢間餐廳1700之前係一間普通嘅茶餐廳，1700之後就主打無限時火鍋盛宴。佢分為幾個round 順序食落去，包括有前菜，刺身，酸菜魚/雞煲，再打邊爐。任食套餐有兩種價錢$288/$368，分別就在於刺身，海鮮拼盤和牛肉拼盤這三個一次性項目的內容。貴的套餐款式會多幾款。其餘的任食項目，基本上兩個套餐是一樣。我今天選的是$368套餐。前菜我最喜歡係鮑汁雞腳和炸大腸。為咗留肚打邊爐，前菜都係唔好食咁多。刺身方面，帶子同埋蝦都出色，大隻又鮮甜。酸菜魚同雞煲之間我哋揀咗酸菜魚，不過酸菜魚個底有好多紅薯粉，呢個係意想不到，如果唔想食太多澱粉質，可能揀雞煲啱啲。海鮮盤都好出色，蟶子同鮑魚都大隻，其實食到呢度都已經飽咗七成🤣。只可以食一次嘅牛肉拼盤，有8款咁多，雖然話只可以食一次，其實都已經夠。但係我反而欣賞任食嗰幾款牛肉，更加啱我口味，尤其是美國肉眼。佢任食牛肉個種係薄切，我自己比較喜歡，基本上放落去2秒就食得。因為已經飽咗，所以就試唔到其他食物了。所有無酒精飲品都係任飲。如果自己帶酒的話就收$30開瓶費一枝，上限$90 。喜歡看我的食評，請追蹤我，

無限時火鍋放題，小食，雞煲，刺身，打邊爐都有得食！觀塘返工嘅人有福啦，估唔到我搵到呢一間咁抵食嘅放題餐廳，而且質素都好好佢仲分咗唔同嘅步驟，首先會係前菜，任食完之後，就會上埋刺身同埋雞煲/酸菜魚，而雞煲仲可以任添，而且同時間仲會有豬皮，牛柏葉同埋魷魚，等你配住啲雞煲醬一齊食。食咗雞煲同酸菜魚之後，我哋就可以打邊爐啦首先會上好靚嘅牛肉同埋海鮮，然後亦都可以無限任叫一啲普通嘅肉同火鍋配菜，都幾正㗎。好適合我依啲一次過想食唔同種類食物嘅人，而且價錢先$288起，抵到爛

返工壓力大，放工後梗係要食返餐好好。上網見呢間都幾多好評，就嚟試下，係正美亞廚具後面，都幾易揾。平時去果啲任食火鍋，裝修都比較麻甩，呢間竟然俾人一種好CUTE GE感覺，除左門口有高達，個爐都印有狗狗，仲要無限時任飲任食，真係好抵食～👍🏻👍🏻ROUND 1 餐前小食（無限量供應）炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳。小食每樣都試咗少少，全部都好好味。推介:甜蕃薯條、鮑汁雞腳同唐揚脆炸雞。甜蕃薯條好脆又好甜，食到停唔到口鮑汁雞腳好入味，超多骨膠原，食完個嘴好黏。唐揚脆炸雞外脆內嫩。Round 2三樣刺身:牡丹蝦大大隻，鮮甜爽口;北寄貝爽口新鮮;三文魚都OK。Round 3雞煲/酸菜魚揀左酸菜魚，用左新鮮生魚，魚肉甜鮮嫩，個湯酸辣配合得啱啱好，仲有啲薯粉入晒味。隔離枱叫左雞煲，勁香，可以任叫，好佩服佢哋GE食量Round 4任食邊爐有幾款湯底可以揀，揀左牛尾湯，真係有兩大舊牛尾，好足料👍🏻👍🏻牛肉拼盤（5款）(單一次叫):潮汕吊龍伴、手切牛頸脊、黃喉、熊本雪花一口牛、SRF和牛肩胛肉眼芯拼盤好吸引，全部都勁好食，牛肉全部都好鮮嫩，牛味非常香濃，色澤超靚，勁好食！海

前幾日收早去接男友放工，佢同我講附近有間火鍋係哥基同寵物主題嘅火鍋店好得意，所以特登預早 book 定帶我去食🤩 過到去見到真係心心眼啊 😍 而且佢地嘅任食火鍋真係好豪華同抵食，今次叫左 $368 嘅豪華套餐，刺身、雞煲、邊爐等 items 勁多，超級飽大滿足 🤤時令燉湯提早一日 book 定有燉湯送 😍 是日燉湯係紅棗蟲草花瘦肉湯，湯好清好香，無味精飲落好舒服 👍🏻 開場用佢暖胃正啊 😆餐前小食：炸瘋薯條、甜蕃薯條、唐揚脆炸雞、甜酸炸大腸、蟹籽沙律、鮑汁雞腳炸物全部新鮮炸起熱辣辣又夠脆，最鍾意食甜蕃薯條，好香糯 😍 炸大腸處理得好好，無臭味外脆內彈牙 😆 不過最正都係雞腳，又淋又入味，入口即化好高水準 😋 餐前小食可以任叫，食到夠先進入下一 round 🤩（記住入左下 round 就唔可以翻兜啦 😌）五點刺身盛合（一次）刺身有三文魚、蝦、油甘魚、帶子同埋北寄貝，全部厚切、味道鮮甜，唔錯 🤤任食寵寵雞煲（BB 辣）之後可以揀酸菜魚（一次）或者任食雞煲，今次我地就食雞煲，BB 辣都好夠辣勁，大量芫荽令到雞煲香氣四溢 🤤 店員教我地每兩分鐘開蓋炒一次，最後一次加牛柏葉、水魷同埋豬皮，呢三樣

🌟喺牛頭角站B6出口，步行唔使4分鐘就會見到為食火鍋公司🌟餐廳用咗木系嘅裝修，簡潔光明🌟仲要有好多賣萌嘅柴犬同貓貓相，陪住你一齊打邊爐，好有自癒感🌟呢間任食火鍋，總共有四round，叫完一round到一round，冇得返番轉頭叫🌟頭一round 係餐前小食，包括炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳😋推薦鮑汁雞腳，用鮑汁滷到軟糯嘅雞腳，好入味，又唔會過鹹🌟第二round 係一次性供應嘅三點刺身盛合，包括肥美嘅厚切三文魚，北寄貝，同埋大隻牡丹蝦😋刺身樣樣都新鮮甜美🌟第三round 有得揀一次性嘅酸菜魚或者任食寵寵雞煲🌟為咗留肚，再戰下一round，我哋揀咗酸菜魚😋店員會好細心咁問你辣度，同埋需唔需要走芫荽😋酸菜魚調味有層次，魚片份量好多，食得出新鮮，仲有薯粉打底🌟食到第四round 都已經有啲飽🤣 好彩佢係冇限時，可以慢慢食，傾吓計，唞吓🌟火鍋湯底揀咗櫻桃鮮茄薯仔，呢一round會跟埋一次性嘅為食海鮮拼盤同牛肉拼盤😋海鮮拼盤有鮮蝦、蠔、蜆、半殼元貝同埋白鱔片😋全部海鮮都鮮味十足，推薦新鮮厚切嘅白鱔片😋牛肉拼盤有特色牛部位，包括潮汕吊龍伴、黃喉、手切牛頸脊、熊本雪花

無限時火鍋放題真係好吸引仲要係由前菜燉湯到打邊爐有四回合勁岩一大班人聚餐慢慢傾！飲品方面就酒精除外～每位收費$368 一天前訂座每位送一盅燉湯蟲草花燉瘦肉Round 1 炸物小食 （任添）炸薯條、甜蕃薯條、唐揚炸雞、蟹籽沙律、炸大腸幾特別！ 最後仲有鮑汁雞腳，不過唔食雞腳無叫到～Round 2 5種刺身盛合 （1次性）油甘魚、帶子、北寄貝、三文魚同赤蝦 Round3 酸菜魚一次性/ 雞煲任食酸菜魚味道同坊間唔同，可能加左滕椒，麻嘅感覺好重，不過係好味，魚肉亦嫩滑無骨！Round 44款鍋底 選一款櫻桃鮮茄薯仔海鮮拼盤 是日6-8款鮑魚/元貝/蠔/龍躉/鯇魚/蝦 牛肉拼盤 8款美國和牛三角有油香最軟熟/澳洲封門柳牛味最突出/SRF 和牛肩胛肉眼芯/手切牛頸脊軟稔有牛味最正/黃喉/潮汕吊龍伴/熊本雪花一口牛/五花趾口感最爽彈！喜歡牛肉有來自不同產地同部位，口感截然不同！食左好多都無膩感自選配料：黑白滑：必點，有粒粒墨魚同蝦肉手工雲吞/水餃：皮薄細細粒紫菜響鈴：香口吸湯蟹柳：呢款唔係度度都有魚皮：超級大塊勁開心！

平時去任食打邊爐，都有限時兩個鐘，今次搵到間係觀塘無限時嘅任食邊爐，仲要有埋小食、刺身、酸菜魚食，真係啱晒勁為食嘅我！坐低無耐，waitress姐姐就好細心咁講解成個餐包d咩同埋食用嘅程序，先嚟上小食，當我哋諗緊食咩時，姐姐提議不如樣樣都要啲，岩食就encore，依個咁好嘅意見當場要接受喇～小食有6款,炸薯條、炸甜蕃薯條、炸雞、蟹籽沙律、炸大腸同鮑汁雞腳，所有炸嘢都好香口、脆卜卜～估唔到係有埋炸大腸，仲要係唔臭嘅，又唔會有好大嚿肥膏係入面，鮑汁雞腳勁入味，沙律食完炸嘢中和吓幾好，所以係有再Encore～姐姐confirm我哋食夠小食，就幫我哋上刺身，雖然只係得３款，不過都已經可以過吓條刺身癮，唔錯唔錯～食到咁上下，姐姐就問我哋想要酸菜魚定寵寵雞煲，身為酸菜魚愛好者嘅我哋緊係目標清晰喇！啲魚都幾厚身，仲有Q彈薯粉墊底，如果個酸度再多啲，就更滿足！之後就到真係主角～打邊爐喇，先上咗個海鮮同牛肉拼盤先，雖然啲海鮮唔係好大隻，不過都好鮮味，蝦好爽口，啲蜆仲有陣海水味，不錯喔！牛肉拼盤，有５款，仲要有黃喉，好正呀！！其他自己點嘅邊爐配料都有好多款，豬牛羊雞丸餃類魚皮紫菜響鈴都有，就連平時任食火鍋

位於觀塘的火鍋放題店。這間餐廳以狗狗做主題，餐廳空間感十足，佔地一整層，企理明亮，到處可見狗狗的佈置及裝飾，喜歡毛孩的朋友必定十分興奮。雖然我是偏屬於貓奴~但面對狗狗如此可愛又聽教聽話的生物，很難不愛吧?成為社畜後，更深明no limited的吸引性，不限時，不設限..這些詞彙，很誘人。而這間餐廳的火鍋放題正正就是無限時，如果想和朋友暢談一晚，不用顧著錢包大吃大喝一番，這裡不失為一個好選擇。 ⋆___$368@ (需另計加一)____⋆店員會先每人送上蟲草花燉雞湯，非常足料，湯底清甜，能喝出沒有添加味精，滋補非常。✨ ʀᴏᴜɴᴅ ₁ : 前菜小食 (任點任食) 七款小食任點任食：炸瘋薯條、甜蕃薯條、唐揚脆炸雞、蟹籽沙律、炸大腸、鮑汁雞腳。小食部份應脆則脆，過過口感實屬不錯，但後面更多食物陸續有來，大概沒有人會在此步便用光胃容量吧~✨ʀᴏᴜɴᴅ ₂ : 五點刺身盛合 (一次性)當決定要上刺身後，便不能再叫ʀᴏᴜɴᴅ ₁的食物了，刺身有牡丹蝦、三文魚，蝦，北寄貝及帶子本來很擔心這些火鍋店的刺身不夠新鮮，意料之外地牡丹蝦大大隻，鮮甜爽口；帶子亦夠肥美鮮甜~肉厚味甘，有點喜出望外~✨ ʀᴏᴜɴ

今日收工就同朋友去咗為食火鍋公司食飯餐廳以狗為主題, 除左有好多狗仔相係牆, 爐頭餐牌都有我哋就叫左為食套餐(無限時任食)🤣有齊小食, 刺身,雞煲同火鍋第一輪可以先食啲簡單小食, 例如番薯條, 炸雞等等, 番薯條新鮮炸起好香口食到咁上下就可以叫埋三點刺身盛合, 包括三文魚, 北寄貝同牡丹蝦,刺身整體都幾新鮮之後就可以開始食雞煲雞煲大概滾熱2分鐘, 再撈一撈, 每一次撈都將啲調味料均勻分怖喺啲雞件到, 咬落超惹味, 食完雞煲仲可以加啲魷魚牛柏葉落去索埋啲醬汁🤣最後就到打邊爐, 我地揀左高湯牛尾, 湯底有淡淡藥材味, 幾清甜, 加埋海鮮拼盤同牛肉拼盤, 超級豐富牛肉拼盤有齊多個部位, 整體牛味香濃

Happy Friday 一定要搵d野搞 我地一行6人去左位於牛頭角既無限時任食火鍋 套餐分好多round 唔止剩係火鍋 仲有好多食物架 🍲ROUND 1 餐前小食（無限量供應）有炸瘋薯條 ，甜蕃薯條 ，唐揚脆炸雞 ，蟹籽沙律 ， 酸甜炸大腸 ，鮑汁雞腳 😋小食每樣都試咗每一款好好味，非常推介特別推介唐揚脆炸雞同炸瘋薯條 好脆好香口👍🏻ROUND 2 前菜三點刺身盛合(一次性)有三文魚 蝦 北寄貝等等 刺身望落色澤幾靚 食落亦都新鮮 唔錯 🐠ROUND 3 頭盤二揀一: 為食酸菜魚(一次性) / 任食寵寵雞煲我地揀咗雞煲 要左中辣 味道岩岩好 但我略覺得d雞好多骨 冇咩肉同 我地refill左一次🐥ROUND 4 火鍋盛宴櫻桃鮮茄薯仔 / 黃金皮蛋芫荽 / 高湯牛尾 / 麻辣鍋 (鴛鴦鍋+$30)我地揀咗高湯牛尾湯 諗住清小小 但湯底唔夠濃 冇咩味 🐮為食海鮮拼盤 是日5款 (一次性)有鮮蝦 ， 蠔，蜆，元貝 ，脆肉鯇海鮮拼盤好豐富 擺盤亦好吸精，蜆同元貝都好鮮甜 🦐🐙為食牛肉拼盤 5款 (一次性)有潮汕吊龍伴 ，黃喉 ，手切牛頸脊，熊本雪花一口牛 ， SRF和牛肩胛肉眼芯擺盤亦都超

今晚收工又係觀塘老母搵食，試左呢間火鍋店，性價比極高。一個價錢有4樣不同既美食，重要係無限時放題，想吹幾耐都得。第1 round，先試小店既小食，誠意推介鮑汁鳳爪必食，炆得好入味，鳳爪又夠腍。重有即炸粗薯條既小食，未人齊啱食住小食等，啱晒～第2 round， 有雞煲或者酸菜魚揀，今次就揀左麻辣雞煲，夠惹味，雞件比較細，勝在夠滑。小店仲會配埋魷魚、牛柏葉、豬皮俾你放落雞煲一齊煮，吸收晒麻辣汁，配角都變主菜。第3 round就食刺身，款式唔算多，但夠新鮮，有肥美三文魚、蝦刺身、北寄貝，三文魚最出色，有返個厚度😋最後當然係打邊爐，湯底揀左清清地既蕃茄薯仔，中和番啱啱既濃味。食物首先有一盤特色牛再加個迷你海鮮拼盤：潮汕吊龍背-牛味香，有少少咬口手切牛頸脊-有雪花，入口即化SRF和牛肩胛肉眼芯-牛味最出眾，有口感熊本雪花一口牛-形狀關係，相對失色，正常黃喉-係牛既大動脈，因為切得好薄，烚20秒就可以，爽口非常～海鮮拼盤望足所有慾望，有魚、蜆、蠔、蝦重有帶子，而且都好鮮甜👍🏻雖然特色牛只有一盤，但任食嘅牛豬等肉類都非常出色，有SRF和牛重有美國Prime級數既俾你揀，性價較真心超過，豚肉都有鹿兒島

星期日夜晚同屋企人嚟到位於觀塘嘅為食火鍋公司食雞煲火鍋放題，最開心係冇限時，可以同屋企人邊食邊傾偈，享受天倫之樂，都好適合一大班人黎用餐。餐廳空間好大，座位寬闊，坐得舒適。套餐有兩種，我哋揀咗貴啲$368/位既豪食套餐。揀完套餐之後，就可以向店員落單，講返自己想要嘅餐前小食。飲品方面，客人可以以自助形式去雪櫃度揀選自己鍾意嘅飲品。餐前小食都有好幾款，包括：蟹籽沙律、炸薯條、炸番薯條、炸雞、酸甜炸大腸同埋鮑汁雞腳蟹籽沙律青瓜絲爽脆，配上鹹香爽口嘅蟹籽同埋酸甜沙律醬，味道清爽開胃。番薯條即時炸起，新鮮熱辣，番薯條味道香甜，番薯味道濃郁。唐掦脆炸雞外皮炸得夠脆，雞肉嫩滑，而且入味。小食食完唔夠可以再encore，不過如果落去下一個Step，就冇得返轉頭~套餐每人都有一碗燉湯，有蟲草花、紅棗、豬肉、雞等等材料，非常足料，而且清甜滋潤。刺身方面，係一次性提供，有三文魚、帶子、北寄貝、油甘魚同牡丹蝦，三文魚同油甘魚肥美、有魚油香，帶子厚切、鮮甜、肉質柔軟，牡丹蝦肉質鮮嫩、口感爽滑，北寄貝爽口新鮮。食完刺身，就到我哋嘅重頭戲雞煲，我哋叫咗BB辣，店員話要分別炒四次，每次2分鐘先食得，邊炒邊聞到陣陣嘅

不知道是下大雨天氣涼了一點, 還是BLUE MONDAY發作, 放工後突然很想打邊爐, 於是放工就走到公司附近的餐廳開餐。這間餐廳其實都算是我們LUNCH 飯堂之一, 最喜愛這兒坐得舒服, 又夠冷氣。 但在這兒晚飯打邊爐應該是第三次, 今次亦不再是和同事食飯吹水, 而是倆口子撐枱腳。我們點了最經濟的$288 一位的無限時SET, 有小食, 刺身, 酸菜魚及火鍋, 心多多人士最合適, 可以試到不同種類的東西。當我去飲品櫃取飲品時, 店員已經送上小食併盤, GOOD!蟹子沙律及雞腳的味道正常, 不算太突出。但意想不到是炸物的可口程度, 不但夠熱夠脆, 而且味道十分不錯, 有一般日式食店內的小食質素。其中炸雞塊我覺得比午市時做得更好, 真正皮脆內嫩。本身想ENCORE 多點炸雞, 但又怕眼闊肚窄, 於是就請店員送上刺身。三款刺身質素都不錯, 雪得夠凍又切得厚, 很快便KO 了。酸菜魚及雞煲是二選一的, 因為上兩次我都吃了雞煲, 雖然很惹味, 但這天想清爽一點, 來個酸菜魚吧。這兒的魚用上了鯇魚片, 即不帶泥味, 肉質較有嚼勁。 雖然不算太滑溜, 但較容易夾起, 吃起來亦較有質感。湯底配大量香

去開觀塘交收貨品，路過呢度，咁啱今日落雨天氣又凍返，不如就打邊爐啦，見到呢間店新又乾淨，價錢好抵食$368飲食咁多嘢，又可以滿足哂所有口味，超級超級抵食呀！！ 最重要係無限時，坐得舒服唔洗食到趕頭趕名。星期日唔係返工日子，冇諗過7點呢度都滿座。鍾意佢地嘅裝修，有意思，愛護動物「當我生病或老了也一樣好好照顧我，好嗎？」🐾餐前小食，我哋好鍾意個炸大腸，超級香口脆卜卜。飲品竟然有鴻福堂多款支裝飲品，真材實料無添加，好dum本。仲好快送上燉湯，正，啱晒我超鍾意飲湯嘅人。鷄煲好快上埋，好惹味，仲付上豬皮魷魚。職員服務好好，不停幫我地較個火大細。之後就係主角火鍋，叫咗多種類到要數：海鮮拼盤：蟶子，鮑魚，龍躉片，脆肉鯇，蠔，蜆，鮮蝦，白鱔片。牛拼盤：有稀有部位吊龍伴，熱門牛頸脊，封門柳，熊本雪芘一口牛，SRF和牛牛肩胛肉眼芯，SRF和牛三角肉。仲好好服務有標籤，等你知道邊款係乜。完全滿足哂乜都試嘅我。我鍾意佢卡位，下次可以同大班朋友再黎。

話就話「無限時」任食，但個侍應行動話你知係咁趕人走。一名短頭髮、眼細細、中年女人侍應 成晚殺左佢全家禁款態度既招呼， 真係好影響食慾。食到臨尾我地都準備埋單鬆人，個垃圾侍應問重食唔食，禁我地答唔食啦，即刻收野汁台 都唔系問題 ，重點系你系禁叫我地遞張台最埋邊啲碟呀、竹筒呀、汽水罐等等 比你做乜姐？呀姐 你態度好小小禮貌好小小 我幫下你無問題 重點你態度又差又欠左你禁款，我都禮貌地講聲 可唔可以轉頭先收呢？正常你收唔到既野 又唔系趕 你系禁叫人遞比你收 想我地快啲走既咪出聲直接講囉 唔使禁多小動作既，重要諸多解釋 系度扮晒野 隔住幾張台 成間餐廳坐晒客 系度同啲客鬧交 重要鬧反個客轉頭果下 真心叻 重話入選 最優秀火鍋店 真系笑大人個口！ 啲好評買反泥架？其實成間餐廳都不過不失 Qr code落單 每次只可以落8款野 超過8款又要等5分鐘先落得，基本菜姑豆腐果啲乜都無，出左一轉已經無都算，侍應倒瀉野都算，禁一個禁既垃圾員工侍應 就拖低晒成間餐廳質素！正宗貼錢買難受👍🏻重要同間餐廳投訴 系包庇員工 得過且過 當無件事 禁既服務態度真系搵鬼泥幫襯😂唔想比人坐禁耐既 就限時2個鐘啦 重有個垃圾