影片
更多
2023-05-20
135 瀏覽
返工壓力大，放工後梗係要食返餐好好。上網見呢間都幾多好評，就嚟試下，係正美亞廚具後面，都幾易揾。平時去果啲任食火鍋，裝修都比較麻甩，呢間竟然俾人一種好CUTE GE感覺，除左門口有高達，個爐都印有狗狗，仲要無限時任飲任食，真係好抵食～👍🏻👍🏻ROUND 1 餐前小食（無限量供應）炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳。小食每樣都試咗少少，全部都好好味。推介:甜蕃薯條、鮑汁雞腳同唐揚脆炸雞。甜蕃薯條好脆又好甜，食到停唔到口鮑汁雞腳好入味，超多骨膠原，食完個嘴好黏。唐揚脆炸雞外脆內嫩。Round 2三樣刺身:牡丹蝦大大隻，鮮甜爽口;北寄貝爽口新鮮;三文魚都OK。Round 3雞煲/酸菜魚揀左酸菜魚，用左新鮮生魚，魚肉甜鮮嫩，個湯酸辣配合得啱啱好，仲有啲薯粉入晒味。隔離枱叫左雞煲，勁香，可以任叫，好佩服佢哋GE食量Round 4任食邊爐有幾款湯底可以揀，揀左牛尾湯，真係有兩大舊牛尾，好足料👍🏻👍🏻牛肉拼盤（5款）(單一次叫):潮汕吊龍伴、手切牛頸脊、黃喉、熊本雪花一口牛、SRF和牛肩胛肉眼芯拼盤好吸引，全部都勁好食，牛肉全部都好鮮嫩，牛味非常香濃，色澤超靚，勁好食！海
返工壓力大，放工後梗係要食返餐好好。上網見呢間都幾多好評，就嚟試下，係正美亞廚具後面，都幾易揾。平時去果啲任食火鍋，裝修都比較麻甩，呢間竟然俾人一種好CUTE GE感覺，除左門口有高達，個爐都印有狗狗，仲要無限時任飲任食，真係好抵食～👍🏻👍🏻
ROUND 1 餐前小食（無限量供應）
炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳。
小食每樣都試咗少少，全部都好好味。
推介:甜蕃薯條、鮑汁雞腳同唐揚脆炸雞。
甜蕃薯條好脆又好甜，食到停唔到口
鮑汁雞腳好入味，超多骨膠原，食完個嘴好黏。唐揚脆炸雞外脆內嫩。
Round 2
三樣刺身:牡丹蝦大大隻，鮮甜爽口;北寄貝爽口新鮮;三文魚都OK。
Round 3雞煲/酸菜魚
揀左酸菜魚，用左新鮮生魚，魚肉甜鮮嫩，個湯酸辣配合得啱啱好，仲有啲薯粉入晒味。隔離枱叫左雞煲，勁香，可以任叫，好佩服佢哋GE食量
Round 4任食邊爐
有幾款湯底可以揀，揀左牛尾湯，真係有兩大舊牛尾，好足料👍🏻👍🏻
牛肉拼盤（5款）(單一次叫):潮汕吊龍伴、手切牛頸脊、黃喉、熊本雪花一口牛、SRF和牛肩胛肉眼芯拼盤好吸引，全部都勁好食，牛肉全部都好鮮嫩，牛味非常香濃，色澤超靚，勁好食！
海鮮拼盤（五款）(單一次叫):按廚師任俾五款，有生蠔、元貝、鱔片、鮮蝦同蜆～
元貝好大粒同好新鮮，鮮蝦同蠔都好鮮甜，蜆肉一啲沙都無，好乾淨👍🏻👍🏻
唔好似為任叫果啲牛唔好食，和牛肩胛肉眼芯仲有鹿兒島美豚都好好食。蔬菜拼盤、腐竹同金菇仲可以自己任拎。
唔係周圍食到嘅紫菜響鈴😋😋😋
除左酒精飲品，其他野飲都係任飲，有清熱好幫手鴻福堂涼茶，仲有道地解茶，真係超啱打邊爐飲。
咁抵又無限時任食，食完真係要捧住個肚走，都只係$288！仲有啲擔心老闆會蝕錢!
下次要試個雞煲～😋😋
張貼
