炊豕店 (加路連山道) (已結業)

之前見到openrice 有咁多like 就好想黎試下，今日專登搭車過海黎試下呢個豬排飯，真係好有驚喜。去到見到呢塊版，就知炊豕店出名食豬排飯，係呢塊版隔離排左一條長長嘅隊，不過我同朋友都只係等左10分鐘就入到去啦。排隊果時我地已經拎左張餐單揀野食，款式唔算好多，我就揀左個肉燥汁秘製豬排飯，朋友就叫左個期間限定嘅柚子豬排飯。我地仲叫左個滷水雞翼。呢到唔係好大，但牆上面都有唔同嘅特色，等緊野食黎果時可以留意下XD肉燥汁秘製豬排飯柚子豬排飯滷水雞翼每碗豬排飯嘅份量都好多，女仔真係會食唔哂，豬排大大件，啖啖肉，50幾蚊真係好抵食。柚子豬排飯係期間限定，我地都係第一次食呢個組合，估唔到原來係咁夾，雖然唔會有好多汁撈飯，但係有啲柚子肉，甜甜地，好好食。肉燥汁秘製豬排飯就同有好多肉燥汁，撈飯一流

呢間餐廳就係好出名嘅豬扒包後面，諗住下午茶時間去會冇乜人，點知都係要排隊，不過好彩得幾個人排，都係排咗20分鐘左右就可以入去啦，一個人去所以坐吧枱，睇一睇有乜食，清一色果然全部係豬，被期間限定四個字吸引，所以叫咗柚子蜜豬扒飯。坐吧枱有樣好，可以睇住佢係我面前炸起塊豬扒，再切件，之後攞入撈柚子蜜，再裝飯落公雞碗，加菜，芝麻同葱，之後直接送到我面前。豬扒係好食，但唔知係咪撈得勁得滯，炸粉同其中一件豬扒分離，就係張相最高嗰嚿，而且可能撈左柚子蜜既關係，d炸粉有d淋左，不過整體都好食既。但如果有得揀下次會試返啲普通野😂熱柚子蜜

聞名已久呢間食豬大既鋪 巧合之下終於食到 我地選擇左紅日既下晏黎 希望會少左班放LUNCH既OL 不出所料真係唔算多人 等左大概5分鐘就入到去 款式唔多 來來去去都係豬扒 不過都有唔同汁料選擇我就要左肉燥豬扒 唔知點解見到肉燥既野就覺得好吸引..呢個就係豬扒肉燥撈幼麵,肉燥唔同平時碎濕濕既肉燥,而係好似真係自家製既肉燥咁 係粗粒既用黎撈麵都幾好 豬扒都炸得好好 豬扒好易咬 又夠大塊 不過我係食唔哂既 嗌左海蜇 $18 都好細碟下... 味就一般啦 過於濃味阿熊就要左咖哩汁豬扒飯 係日式咖啡汁 豬扒都係好味 反而個咖喱汁就失色左少少OPEN KITCHEN都見到姐姐不停咁炸` 人龍都開始長 不停入客 我地食飽都好快起身走人下次決定要試埋其他味豬扒仲有芝麻雞翼

今晚小編同老婆去銅鑼灣行街街，最近銅鑼灣搵嘢食一定要去加路連山道呢邊，真係咩菜都有選擇同特色！今晚老婆就建議去試吓炊豕店，叫得豕就真係主打豬！其實今晚都等左一陣，條隊都去到時都有六七個客人排隊(大約7pm) 。證明呢間都係一間受歡迎嘅食店，等左一陣就入座啦！入邊嘅裝修其實都幾得意，有一種懷舊香港嘅味道，個位對住個紅磚文化牆其實都好有特色！今晚叫咗個今晚叫咗辣味海蜇，我主菜就叫咗個咖喱豬扒飯，老婆就叫咗個豬軟骨撈粗麵。個辣味海蜇辣度啱啱好，亦都好爽！個咖喱豬扒飯先至係焦點，件豬扒炸到啱啱熟，一食就知道係一個高質素豬扒！又厚身又有肉味！咖喱汁係嗰種好香而唔辣口嘅咖喱汁。入邊仲有一啲香草類嘅材料入邊，襯個豬扒簡直一流老婆個豬軟骨撈粗麵，個味道好豐富。豬軟骨炆到好入味。個人建議加啲辣椒油，個味即刻叼晒出嚟！建議大家過嚟食晚飯，因為埋單＄140都唔使。咁嘅質素，咁嘅價錢，CP性價比十足！

無得輸首先，豬扒份量十足，炸粉5會太過份，有肉汁，個外皮炸得薄脆！色水都好令人滿意。肉質軟身，用門牙便輕易咬開。扒下面有一大舊炒蛋！我的天。係高水準的炒蛋，好厚好滑，配上豬扒一流。個面嘅汁都好出食，另外有好轉勁多蒜粒，撈起上泥，係會過咗一段時間會想再食的味道。有眼見，塊午餐肉一點也不頹。勁厚切，而且有煎開過，一d都5馬虎！在午餐時間食，後長龍。不過因為午飯時段，d飯要等半個鐘先有！所以唯有食住麵先！不過個人認為食飯個配撘正路d，不過就未必感受到麵嘅味道的威力。

知道呢間野好耐，今晚終於來試！遠遠一睇，咁多人排隊的唔係呢間吧？點知真係！店內位子不多，大約只能坐20人，難怪！排隊時已經想好食咩！我地叫左期間限定，一個肉燥豬扒，芝麻雞翼和魷魚鬚，另外加左塊厚切午餐肉！先來的是雞翼和魷魚鬚，雞翼皮脆嫩滑，加上少少七味粉令雞翼本身更香！重要的是不是太油！至於魷魚鬚，份量比較少。雖然是很香口，而炸粉又不厚，不過食落性價比不夠高，38蚊只有6-7條！主力來了，首先柚子蜜豬扒，我們轉了粗麵！豬扒染上了柚子蜜，令本來豬扒的熱氣程度大大降低！酸甜的感覺亦令人胃口大開！肉燥豬扒飯則加了一記厚切午餐肉！超厚的，應該有1.5cm厚！炸得亦相當好，至於豬扒，外脆內嫩，食落不覺得太熱氣！肉燥亦相當出色，一粒粒的小內亦增加了一些台灣口味！我地重點左罐可樂同蘋果汁！咁多野加埋只是200蚊，抵到震阿！怕太熱氣，可點焗豬扒飯，不過比較貴

本來我一向對『豬扒』🐷沒有甚麼好感，但這家店的豬扒飯🍚絕對是讓人一試難忘！已經忘了是第幾次來了，店外人龍🐉依舊不絕，乖乖的一起等吧😅。店內空間小巧，開放式廚房🍴為店內增加了不少空間感。魷魚鬚🦑：外層酥脆十足，一口咬下魷魚鬚🦑很有嚼頭，加上口感彈牙，配上秘製醬汁，吃起來毫無油膩感😋。秘製肉燥汁豬扒撈粗麵🍜：豬扒🐷外脆內軟，炸完後又不失肉汁👍🏻，配上爽口粗麵及鹹度適中的肉燥汁，醬汁完美地包裹著每條麵，吃得非常滋味💯。期間限定柚子蜜豬扒飯🍊：每段時間都有的期間限定菜式㊙️，酥脆豬扒和柚子蜜醬汁難得的配合，吃起來有著陣陣清新感🍃，甜甜酸酸的很醒胃。總結：繁忙時間時雖然一排就是30分鐘😵，但這個邪惡感爆燈的豬扒飯絕對是值得的👍🏻！吃完了已經是接近22:00🕙，但店內依然是坐無虛席😲。

事緣係openeice見到呢間店上左排行榜，咁岩今日有事要過海，就約埋朋友黎試一試早到緣故唔洗等位今期係推柚子蜜豬排飯($60)，叫左一個再加煎蛋(+7)由於加左柚子蜜，炸豬排甜甜地幾好味，即食仲係好香口，但隔耐左炸豬排中間位置就會開始淋，但邊邊位都仲係脆既，變相係無咁熱氣炸豬排既肉質軟熟，薄薄地岩岩好，煎蛋煎得岩岩好，有蛋醬流出用黎送飯好食店內既裝潢都幾特別，少少懷舊風炸豬排雖然好邪惡，間唔中食一次唔過份既

難得今日早放工就同同事一齊happy dinner黎到呢間炊豕店見到裡面都已經好滿座不過我地黎到時間都好早所以好彩未需要排隊我地就被安排坐係bar枱係bar枱可以見到廚房煮野食見到唔同款既野食出餐每樣野都係即叫即整見到好多炸豬扒新鮮炸出我就決定一定要食呢到既豬扒 我叫左個期間限定袖子蜜豬扒仲轉左個撈粗麵全部都係新鮮炸起唔會太乾身都算厚切豬扒食到啖啖袖子蜜味味道好夾雖然個外皮沾有袖子蜜所以唔脆亦因為咁所以唔會太油膩肉質亦好嫩滑真係好想再encore 朋友就話食完豬扒都食下呢到既豬手所以就叫左個話梅花雕豬手撈麵豬手皮煮得好爽口咬落好彈牙 好似食緊啫喱咁跟腱部位煮得啱啱好 唔會好難咬不過豬手冇咩話梅味 要試得好仔細先食到反而有一種甜味有啲似食豬腳薑 除左d料撈麵亦都係呢到既亮點啲麵好彈牙 似乎過左冷河麵汁好正雖然睇唔到薑蔥但撈勻成個麫都仲係好濃薑蔥味佢啲炸蒜份量好足 好香口撈完之後幾乎每一啖麫都食到炸蒜  再叫多個小食炸芝麻雞翼就夠哂熱辣辣咁送上所以外皮好脆而且好多肉汁好香芝麻味 係呢到食野見到每樣野都係新鮮送出黎好滿足同地感覺到呢間餐廳好用心食完行出去見到有好多人排隊要食呢間野真係要早d黎

聽聞呢間小店好出名, 朋友話不如試下, 人好多, 坐位放得好貼, 部份係高凳bar枱位, 慶幸編排坐矮枱, 如果唔係都幾辛苦. 最有名豬扒飯, 選了配肉燥汁, 個人覺得肉燥味道偏咸, 就算撈左白飯都咸, 味道太重口味.有名既炸豬扒, 上枱時好吸引既, 但一開始食無耐, 成塊炸皮跟肉完全分離左, 變左皮還皮, 肉還肉, 唔知想點, 唯有繼續分開食.肉質較硬, 好雪藏豬扒feel, 無肉味. 成碗都好普通, 份量又唔多, 坐得又迫, 亞姐又趕客feel, 一食完即刻拎走你D碗.

響附近工作完, 呢邊都好多食店, 隨意走入一間食午餐, 睇menu原來係專食豬既食店, 款式就唔多, 豬扒飯, 豬手, 豬軟骨之類.秘製豬扒(肉燥汁), 豬扒係炸過既豬扒, 即炸的, 未食已見好油膩, 食落個皮唔脆, 內里既肉亦唔夠鬆軟, 而且無咩味, 好淡而無味既一舊肉扒, 帶點乾, 越食越起渣.豬扒下就係白飯配肉燥汁, 肉燥得幾粒, 而且味道好咸, 肉燥汁又點唔到落豬扒, 所以一樣好咸, 一樣更覺無味. 

「豕」字，讀音‘始’，是象形文字，解作豬；而「炊」字讀‘吹’，是烹煮的意思；故此店名「炊豕店」解作煮豬肉的店鋪。入返正題，今日終於黎到銅鑼燒呢間人氣店，試下佢地豬扒飯，閒日夜晚都有大量人排緊隊，不過餐廳流轉度高，好快就有位。我地叫左肉燥豬扒飯同豬軟骨飯。豬扒飯真係無得頂，實在太興奮仲加料要埋厚切午餐肉同煎蛋！豬扒好很大塊，質地好鬆軟，肥瘦得宜，每塊都係即叫即炸，熱辣辣；炸皮唔厚而爽脆，亦無油益味，食落去就是甘香。而我真係想知點做到咁嫩唔嚡口，好食過一啲日式炸豬扒店。而厚切午餐肉亦好掂，外皮微微炸過好香脆；煎荷包蛋就做到個邊好脆而蛋黃亦流心呢個境界，出面好多茶記都未必做到。肉燥就淋係飯面，擺係豬扒底下，令個飯有d汁，唔會成碗都好乾。另外因為我地坐bar枱，所以可以聽到豬扒新鮮炸起，廚師用刀切落去既‘索索’聲，好清脆，見到都流口水。專門食豬既鋪頭當然唔只得豬扒啦，仲有豬軟骨！豬軟骨份量驚人，雖然未係入口即溶，不過炆得好稔好入味，軟骨嘅部份真係軟骨黎既，好有膠質，唔似有啲餐廳咁用煲湯豬肉就當係豬軟骨。而配料仲有蓮藕，爽口唔粉亦好入味，出色！同埋加映炸鳳尾蝦，呢個冇豬扒飯咁經驚艷，不過作為小食

平時喺銅鑼灣食野消費較高，揾到間$50-60左右一碗飯嘅店就入去試下～環境都幾靚，燈光柔和。.招牌係豬扒飯～.加$7要咗果汁。橙汁同蘋果汁都好甜～好似係泰國果汁牌子。.避風塘豬扒（$59）（少飯減$1）嗌咗少飯真係好少飯，好彩豬扒夠大塊。啲調味料好多，唔想食太咸記得嗌少啲調味！豬扒入味同軟，唔錯～.秘製豬扒（肉燥汁）$54朋友食～.炸芝麻雞翼$26（兩隻）$13隻都唔平，但比較細隻同炸得有啲燶。唔推介～.總結黎講價錢喺區内算平啲，但未係超好味，試一次就夠～

7點已經排緊隊, 上次我無試佢最出名GE豬扒, 今次梗係要試。叫左招牌豬扒飯+ CURRY 汁。見到好大塊豬扒!!! 睇落好似炸得好勁, 但食落炸粉又唔厚WOR, 脆脆地`, 連飯食唔算太油, 豬扒幾厚, 咬落去好林, 亦有肉汁, 唔錯唔錯。CURRY汁就是普通快餐店GE港式CURRY, 唔辣但好食GE。佢碗飯都幾大,2條友都食唔哂。

​噚日​ 係Facebook見到特色豬扒店出新品,當然第二日收工立即去試試. 今日人龍比上次少, 但因為啱啱入咗一批 所以都等咗十分鐘. 今日坐Bar枱位,可以睇住由炸豬扒,煮麵,炒蛋 到擺碟嘅過程. 坐呢個位嘅好處係令你忘記等待時間​. 落單前有3-4張外賣單,廚師做不停. 每一塊豬扒都係即叫即炸,塊塊都新鮮出煙 保持住外皮脆口, 所以等待係值得嘅. ​柚子蜜豬扒飯 $60 (評分:9/10) 豬扒炸好視乎大小 會切件大約4-5件, 再放入鐵盤加 ​柚子蜜伴好 再上碟, 灑上少許蔥花作裝飾. 因為見到飯份量唔少,所以叫咗少飯, 值得一讚份量控制得剛好. ​柚子蜜係超市常見用來沖飲品個隻,估吾到 柚子蜜同豬扒 係咁夾. 酸酸甜甜送飯一流.個人覺得配飯會比較夾. 咖喱豬扒 配撈粗麵 $58 (評分:8/10) 豉油撈粗麵 依舊爽口, 廚師 事先加上豉油同油伴好 入味唔乾. 咖喱汁另上, 原来 咖喱嘅辣來自廚師 係上枱前加嘅辣油, 濃郁香辣配飯同麵一樣咁夾.