炊豕店 (加路連山道) (已結業)

「豕」字，讀音‘始’，是象形文字，解作豬；而「炊」字讀‘吹’，是烹煮的意思；故此店名「炊豕店」解作煮豬肉的店鋪。入返正題，今日終於黎到銅鑼燒呢間人氣店，試下佢地豬扒飯，閒日夜晚都有大量人排緊隊，不過餐廳流轉度高，好快就有位。我地叫左肉燥豬扒飯同豬軟骨飯。豬扒飯真係無得頂，實在太興奮仲加料要埋厚切午餐肉同煎蛋！豬扒好很大塊，質地好鬆軟，肥瘦得宜，每塊都係即叫即炸，熱辣辣；炸皮唔厚而爽脆，亦無油益味，食落去就是甘香。而我真係想知點做到咁嫩唔嚡口，好食過一啲日式炸豬扒店。而厚切午餐肉亦好掂，外皮微微炸過好香脆；煎荷包蛋就做到個邊好脆而蛋黃亦流心呢個境界，出面好多茶記都未必做到。肉燥就淋係飯面，擺係豬扒底下，令個飯有d汁，唔會成碗都好乾。另外因為我地坐bar枱，所以可以聽到豬扒新鮮炸起，廚師用刀切落去既‘索索’聲，好清脆，見到都流口水。專門食豬既鋪頭當然唔只得豬扒啦，仲有豬軟骨！豬軟骨份量驚人，雖然未係入口即溶，不過炆得好稔好入味，軟骨嘅部份真係軟骨黎既，好有膠質，唔似有啲餐廳咁用煲湯豬肉就當係豬軟骨。而配料仲有蓮藕，爽口唔粉亦好入味，出色！同埋加映炸鳳尾蝦，呢個冇豬扒飯咁經驚艷，不過作為小食