炊豕店 (加路連山道) (已結業)

「炊」即燒火，「豕」即豬，加上店舖的名言「我們都是食豬大的」，這裡是名符其實的炸豬扒餐廳。七時多來到已出現人龍了，等了十多分鐘有位，而吃過這餐之後，敢說這裡每天都引來大批人排隊是有它的原因的～餐廳內部較細所以椅子排得比較貼近，這次坐吧枱好讓我竊看到黃金豬扒的製作過程～餐廳的色調沈實，有懷舊的時鐘裝飾，簡單純樸。整塊豬扒炸得金黃色的，超大塊，整塊蓋過了白飯，豬扒厚身但依然醃得很入味。肉燥汁的肉不太多，加了炒滑蛋（+$10）就煮得很滑。這個避風塘豬扒簡直是重量級，份量依然是超大份的，加了無數的炸蒜，令味道非常香口，肉質少肥而鬆軟。粗麵就比較乾身，因用夾子拌起所以麵條都黏在一起了。炸雞翼用雞全翼，放了很多芝麻和炸蒜，而且肉邊炸得夠脆～

無聊上下OpenRice 睇下熱門餐廳排行榜，為左食好西而做下功課，見到炊豕店上左榜，咁啱放假無野做，就出去試一試啦！店舖比較小但感覺乾淨裝修都幾有心思，見到牆上的漫畫及那一句「我們都是食豬大的」，都幾得意！餐牌好似車仔麵咁，自己剔！一人一張！朋友仔比較細食，所以點左要少飯，仲可以-$1。豬扒送上黎熱辣辣，份量不小！ 咬落去仲lok lok 聲，好鬆脆！豬扒厚切，仲要係新鮮豬，唔係雪貨，呢個價錢對得起你有突！抵！朋友點左個咖哩汁，汁另上，夠細心，唔會整林個脆面。呢個魷魚好好食，炸得蘇脆又唔會太乾，保留到肉汁，讚！呢個橙汁不錯，唔會太甜。去開附近的朋友，不容錯過！

幾年前在附近讀書，當時炊豕店還在大街。晏就食飯放學都會黎食碗豬扒飯，最愛佢的魯肉汁撈飯。 而家開在榮式雞扒隔離，人流竟然比以前多。收工六點到黎到已經開始有人龍，不過上菜速度算快 以即叫即炸來說。 今日試新野叫左豬軟骨撈幼麵同咖哩豬扒撈粗麵，因為避風塘太重口不太夾撈麵。咖哩汁不辣但有香味，汁另上和附上一粒薯仔。本來滿心歡喜把最愛的薯仔留到最後，可惜太咸無咖哩味 豬軟骨入味 偏瘦如果唔想要炸蒜可以在單上面叫走蒜!到重頭戲—豬扒 ，記得最後一次食的印象係偏瘦同乾，所以一直無再黎食。但今次有驚喜，豬扒厚身但好juicy 調味剛好👏🏻店內係open kitchen 有bar枱位睇住製作過程！下次會再光顧

之前來的時候很多人，因為趕時間所以就離開了，這次再來，人不多，直接進來隨便坐就行了。叫了秘製豬扒飯(肉澡汁)，少飯，減一塊，再加了熱蜂蜜柚子。豬扒有3塊，很大很厚，粉漿不會很厚，炸得很酥脆，很好吃，肉澡汁配飯，不會很鹹，也好吃。

炊豕店由佢搬之前已經係粉絲，到佢搬到後面街之後唔單止食物一樣好味，仲要等嘅人都無少到！今次到老婆再去一次，仲有新驚喜添！去炊豕店點可以唔叫豬排先得，但今次佢有少少新搞作，嚟個期間限定嘅避風塘豬排！平時日日食白飯，所以叫咗個麵襯佢，雖然係cross over 避風塘味道，但都做到個風格！而且唔算辣，唔會食到噴哂火，啱我！麵都係一貫質素，唔大碗但質地適中，但係大食嘅男仔可能要叫多少少嘢食喇！同場加映炸魷魚小食，都幾香口！如果魷味再重啲就好！

今日放工與友人決定到 : 開業半年已人氣爆登的炊豕店以為Weekday 去總不用排隊吧8點去到人氣依然旺盛炊豕店 賣的就是 豬他Menu 不多選擇，就是一間專心做豬、用心煮豬的地方店員的衣服都寫著：我們都是吃豬大的XD舖面不大，很有港式懷舊色彩在店外已嗅到香口的炸豬扒味～～小枱子有Order 紙，每人用一張配餐飲料大多加五蚊Order 了熱柚子蜜和可樂我點了招牌的豬扒肉燥 - 粗條麵原本覺得肉燥最配飯了，但看到少有的粗麵就忍不住叫了 XD豬扒塊大件得像丼飯般完全遮住了下面炸粉好薄，但炸到好crispy，入口蘇脆到爆即刻明白點解要排隊粗條麵已拌好，條條都沾上肉燥汁，還有不少滷肉粒呢肉燥微咸拌上plain noodle 正好好台味呀另外點了炸雞翼一份哩到豬扒炸得咁出色，雞翼果然都好正新鮮炸起，皮爆脆之餘肉仍然Juicy朋友Order 了新作：避風塘豬扒飯+厚餐肉再加底避風塘的炸蒜拌飯認真不錯但一上抬時見到加底後的份量有點質疑會吃得完嗎...大約3cm 厚的厚餐肉邪惡之極忍不住偷吃了他的一小口是用心的豬扒店。

想食好耐既炊豕店啊去到原來係有好多人係度排隊等咗一陣先有得食。呢間舖唔大，但裝潢都幾懷舊，用既碗都係以前先會見到既碗。秘製豬扒(咖哩汁) ($58)唔好睇個碗好似好細，食落係好飽的！豬扒好厚一大塊，鬆軟得黎又唔乾，炸粉唔算太厚，味道都不錯，令人幾滿足既厚豬扒另外都可以加錢加煎蛋，滑蛋果啲~~ 煎蛋($7)係半熟，撈飯仲好正啊咖哩汁係日式咖哩，唔會好辣仲都好惹味秘製豬扒(肉燥汁)飯加滑蛋($54+$10)呢個飯真係世界級，除咗豬扒炸得又香，唔厚粉，入面又鬆軟又唔乾。滑蛋份量足得黎仲好嫩滑，濕潤。加埋撈飯一流既肉燥汁同珍珠米，煙煙韌韌，超級滿足。滷水雞翼($20/3隻) 唔算大隻，但幾滑，幾入味，但就冇咩特別驚喜既地方~會再黎食

話說回來，豬是中國人常食到的食材，但要專門做豬的料理好像不太多？自小都愛吃豬肉，所以知道有一新開的豬扒飯店，總不能不會一會吧？門口豎立一小塊黑板，手寫必食豬扒飯！不得不試吧？中午時段人山人海，有一大班中學生排隊等外賣、有上班族中午時段來用膳，客人籠絡不斷，生意十分好！店內設計簡約，職員態度親切！菜單簡單，以豬及幾款小食為主，價錢不太貴。小妹點了一個秘製豬扒（肉燥汁）飯、滷水雞翼及可樂。主角來了，份量對女生來說的確有點大，難怪點餐紙有少飯的選擇。豬扒炸得香脆，豬肉爽及彈牙，味道不錯。來一張近鏡，豬扒很厚亦很大塊，跟我的臉差不多大，哈哈。最值得一讚是肉燥汁，汁不是一般開水調成的死咸，嚐得出是自家製，最令人驚喜是肉燥汁有一粒粒的肥豬肉！拌著肥豬肉吃，有豬肉香味及油脂，令到味道更完整更統一，貼近主旨—豬。雞翼其實做得不錯，夠入味又不會乾爭爭，但與豬扒飯相比，是有一點遜色😂😂但亦值得一試！水準之高難怪會有這麼多人排隊，價錢又不太貴，貼近附近食肆水平！下次再經過會再試試食麵。

和朋友相逛銅鑼灣，逛到肚子餓時又來到炊豕店醫肚。每次來都一定吃豬扒的我，今次決定嘗嘗其他款式，於是便點了沖繩豬軟骨。再另外加了炒滑蛋，麵底方面選了一如既往的撈粗。 原來這裏的豬軟骨也和不錯呢，豬軟骨份量也挺多，而且幾腍身，調味剛剛好，甜甜的味道很討好。 另外裏面的蓮藕和白蘿蔔也很入味， 加了滑蛋後更加美味，蛋味濃，的確很滑。真的很喜歡這裏的撈粗，麵條有彈性，而且醬汁拌的很均匀，味道很豐富。同行朋友經我的推介之下，點了我平常來必定吃的肉燥豬扒麵，不過朋友點的則是幼麵。吃了一口炸豬扒，依然能夠保持水準，炸得香脆肉嫩，而且充滿著肉汁，配上肉燥醬很惹味！大家各自吃完麵後，點了兩瓶蘋果汁，便結束了這一餐，我們都很滿足。

特登走過黎食ga😍😍😍「我們都是食豬大的」招牌真係好生鬼早少少到，如果唔係就要排隊舖面裝潢大行懷舊風豬扒即炸嫁！夠哂脆叫左個秘製豬扒配肉燥汁，加塊厚餐肉一黎到，驚喜程度達十級午餐肉同係雙筷子同一厚度！！！輕炸外層而十分脆口，入口因爲其厚度，滋味十足如何抵得住誘惑豬扒方面絕對唔輸蝕厚度十足！外層薄脆，內裡鬆軟，肉質一點都唔老，嫩滑彈牙！ 豬扒認真係推介！碗飯就連汁都要推介少有肉燥汁都粒粒豬肉豬皮，脂肪，豬肉，層次分明，一睇就知係靚肉味濃郁，粒粒有咬口，入口唔油膩，質感更香更滑，撈飯認真惹味！同場加演： 滷水雞翼雞翼同樣大隻，滷水味足又香，三隻要自己食哂先夠喉😂😂😂

完全是衝著那避風塘豬扒去的 真的沒讓我失望因為是weekdays 幸運地不用排隊排很久一上菜就被那滿滿的炸蒜吸引 那根本就是天堂🤤份量大得嚇死人 豬扒也超大塊我點的是寬面 但有點乾最讓我驚喜的是那豬扒肉軟而不肥 讚👍🏻那叉燒蛋搭配醬油蛋也很不錯 不過下次去應該只會再點豬扒飯了🤣

本身好期待去食呢個避風塘炸豬扒撈麵即使我平時好中意食蒜都接受唔到佢d野太咸 d炸蒜太多 多到成碗只有蒜完全食唔到豬扒既肉味同埋麵既鹵水汁佢d蒜係冇香味 淨係食到油味唯一好既係份量多同埋d豬扒好鬆化

食啊食啊食 今次食到去銅鑼灣雖然間鋪喺喺內街 加利連山道但喺銅鑼灣行得多食得多嘅都知銅鑼灣內街嘅嘢食先多 雖然價錢都偏貴架啦但尼間炊豕店喺小數位於內街嘅平民食店首先 間鋪嘅名已經夠特別----「炊豕店」雖然「炊」同個「豕」喺有見過嘅但講喺讀音又真喺考起我 小弟特登查左下「炊」音 吹 而 「豕」音 齒咁你地唔會食完尼間鋪想推薦比人但有講唔到間鋪名比人嘅慘況啦店名都有個「豕」字 冇理由唔食佢地嘅豬扒到達目的地 雖然要排隊 但唔洗10分鐘就有二位入得間鋪細細地 座位都略狹窄 所以唔建議拎住一袋二袋去食佢地喺由個客寫紙落單嘅我同朋友每人揀左一碗麵 一個小食 仲有杯嘢飲第一碟上枱嘅小食海蟄 喺朋友點嘅海螫每一條都非常入味 非常爽口配上些許辣味 令人胃口大開 非常開胃仲有少少嘅黑芝麻 令口感更豐富海蟄喺作為頭盤喺不二之選 大推大推海蟄食到差唔多叫嘅嘢食就陸陸續續開始上啦首先喺麵 我地兩個嘅麵前後腳地上左我叫左個期間限定嘅 個名好長好巴閉嘅避風塘豬扒配厚切午餐肉撈粗麵(都話必食豬扒 我言出必行架)一直而尼 避風塘炒蟹嘅碎碎喺撈飯食嘅首選(暫且叫佢地碎碎啦)撈麵食又真喺未試過 姑且試下啦雖然有避風塘

銅鑼灣為食一天遊，我地兩公婆行程緊密， 一於四圍搵好嘢食！呢家 ，裝修都幾特别，有些懷舊布置 ，名符其實係炸豬扒專門店， 梗係要點些招牌菜啦……我們點了 ， 炸蒜非常惹味，酥脆香口， 豬扒是即叫即炸，外面炸得脆脆，裏面十分鮮嫩， 調味恰到好處， 沒有梳打粉嘅感覺！ - 邪惡嘅厚切午餐肉， 有少少燶邊， 配合流黃太陽蛋， 確係絕配， 送飯一流！ - 小食份量適中，味道一流，必食推介！

與朋友行經銅鑼灣，發現有間豬扒專門店，少經銅鑼灣會較難發現這間餐廳，餐廳主要是吃豬扒，內裏很有香港特色，放了些懷舊的物品，餐廳的碗也是用舊時的雞公碗，點了話梅花雕豬手飯，具養顏功效的豬手，皮厚含豐富膠質，配上酸酸甜甜的話梅，酸甜程度適中，又加上淡淡的花雕酒，帶出小小甘香，豬手做出爽口彈口又軟腍，口感不錯。另外再加配酥炸鳳尾蝦，炸到金黃色，外脆內軟，很美觀又美味。另一道主菜是避風塘豬扒，說起避風塘就會想起炒蟹，同樣也是用那些配料製成避風塘風味，最重要是做到「香、辣、惹味」，若不太吃辣的也不用擔心，辣度不會太重，味道也同樣有層次豐富的感覺，再與外脆內軟的豬扒一起吃，令到炸豬扒更獨特美味。另再加配肉燥汁，普通的肉燥汁是用免治肉，但這肉燥汁是原粒五花腩製成，將五花腩切成小粒滷成醬汁，不會感到很油膩，配上白飯一起吃很有口感。