炊豕店 (加路連山道) (已結業)

已經係第二次食炊豕店啦，上次叫佐限定蔥油炸豬扒飯同埋蕃茄焗豬扒飯，啲豬扒係新鮮炸出嚟，炸粉又唔會太厚，對佢地個炸猪扒念念不忘，所以諗去銅鑼灣食咩，就即刻過嚟encore啦！今次叫咗限定嘅柚子蜜炸豬扒飯，肉澡炸豬扒飯，辣味海蜇同埋炸鳳尾蝦。柚子蜜豬扒飯係將炸豬扒淋上柚子蜜醬，因為我本身都好鍾意咕嚕肉，京都骨個類小菜嘅，所以覺得好好味，不過如果可以汁另上就更加完美，因為柚子蜜送飯好似甜佐小小。肉澡炸猪扒飯好好食呀～肉澡就不嬲都好送飯，加埋個招牌炸猪扒，正呀！炸鳳尾蝦見炊豕店啲炸嘢做得咁好，就叫埋個炸蝦試下啦，炸得唔錯唔會油淋淋。辣味海蜇雖然叫辣味海蜇，但唔係好辣，做開胃菜都唔錯。下次再呢睇下有咩限定先，不過肉澡炸猪扒就必點，如果加多隻太陽蛋就無得輸啦heehee。雖然地點方便但都要排一陣先入得。

自己本身都好鍾意食豬所以見到呢間店已經心思思好想試！好好彩下午時段兩個人去就唔使排隊即刻有位坐，地方面積小空間感非常之細，大家都坐得好迫，當日試咗焗豬扒飯味道不過不失，但話梅花雕豬手飯幾好味，豬手炆得非常之入味！加了剪蛋，厚切午餐肉煎得好正再點了炸魚蛋但好難食味道好怪（永遠都唔會叫）椒鹽魷魚鬚都幾好味！滷水蛋好好味鋪頭油煙味都幾勁可以改善一下，令人感覺唔舒服我覺得一間嘢食好味但係環境一般都會扣晒分

一直很想試這間餐廳的豬扒飯，但因為餐廳經常大排長龍而沒有機會。這次路過，餐廳 12:00 開始營業，雖然只是 12:30，門口已有六、七個人在排隊，因為天氣還好，於是便把心一橫排一次。因為餐廳面積不大，心想可能要等上半個小時，誰不知等了大約五分鐘便有位。店內的枱櫈像是小學裡的坐位，牆上亦有不少以小學為主題的裝飾。店面不大，坐位頗頰窄，所以很多人吃完就走，等候的時間不會太長。既然來到，當然要試秘製豬扒飯，除此之外，還點了一客沖繩豬軟骨飯。等了大約五分鐘，店員便送上了熱辣辣的豬扒飯。豬扒非常厚身，炸得金黃鬆脆，上桌時非常新鮮熱辣，外面並沒有厚厚的粉漿，咬落肉身仍然嫩滑多汁，很好吃。飯面加有少許肉燥，真的只有少許，不太吃到肉燥的材料。豬軟骨煮得很淋很入味，但可能煮得過久，用筷子夾起來肉就散開，味道還不錯，不過還是炸豬扒好吃。以價錢來説，這裡不失為一個快吃一餐的好地方。

難得放假，就揾埋朋友捐窿捐啦揾好嘢食，今次就慕名泥食靚豬！🤩一入到去，就比呢度嘅裝修吸引住，好有懷舊嘅感覺，呢句「我們都是食豬大的」，真係又鬼馬又中point！講到明要食豬，又點可以唔試呢度嘅招牌菜，秘製豬扒飯，除咗主打嘅肉燥汁同咖哩汁，仲有期間限定嘅柚子蜜，而我就梗係揀，最受歡迎嘅肉燥汁啦！仲可以加多七蚊，加滷水雞蛋做配料。豬扒份量超多，炸到金黃色，唔洗任何影相效果都好吸引，熱辣辣卜卜脆，一定要趁熱食！肉燥飯不能少嘅滷水蛋都好入味，肉燥汁好濃郁，半肥瘦豬肉夠哂香。而朋友食嘅豬手粗麵都相當唔錯，豬手炆到好軟身，夠哂味，而豬皮嘅清潔都好足，唔會有細毛，大量嘅乾香炸蒜作調味，食落好香口。另外，除咗一飯一麵，仲叫多咗個椒鹽魷魚鬚做小食，配醋，食落酸酸地，好開胃，又冇咁熱氣。

每次經過炊豕店，首先唔知點解咁多人排隊，第二就係唔知點讀間鋪名，今日Happy Friday 時間比教充裕，所以選擇與友人排隊一嘗這間台灣豬扒飯店。大概20分鐘左右，等待的時間可於鋪面每人填寫一張menu，選定你想食的到入座時交給服務員。店舖不太，座位較為擠迫！餐單內豬扒飯必然是膽拖的食品，最好的就是可以後加配料岩晒我口味，還有小吃可供選擇。第一次食諗都無諗食左個柚子蜜豬扒飯，話晒期間限定。而友人是焗豬的發燒友，所以點了個煎蛋焗豬，另外還有試試炸芝麻雞翼和辣味海蜇。不消一會小食先上，焗豬因要焗所以最後才上場。海蜇是比較薄身，口感不錯，小小辣，幾香口，值得推介！炸雞翼脆脆的有香蒜伴著。主菜黎喇，一上枱豬扒的份量超多成座山咁，炸豬扒表面沒有炸得過火，外皮酥脆，而肉質亦算林，厚厚的豬扒再加上甜甜的柚子醬，口味新鮮！煎蛋焗豬扒飯, 面層有濃厚的芝士覆蓋著，汁方面有洋蔥，番茄加青椒，相對茄味不算很濃，豬扒一樣是厚厚的肉質，當蛋汁融入茄汁加芝士味道不錯。下次會再試一試其他如肉燥汁咖哩汁！

雖然附近都有好多日式菜食，但呢間鋪好明顯有條龍，所以第一次去既我都估到係呢間野。排隊時間大約20分鐘左右，不用取票，只是直接排隊便可。入到去鋪頭坐低，入邊嘅感覺好有小店feel，簡單樸實，好似人哋啲拉麵店咁樣只有有限的選擇。我揀既野柚子豬扒飯，但呢個汁實在太多甜味，而且汁量太多所以令到豬扒味出不到，喧賓奪主。相反另一款豬排飯簡單得來能夠帶出豬排嘅肉味相對比較好，第一次食的話還是揀最普通的豬排飯為主會較好。飲品都是以現成，罐裝汽水、檸檬茶等為主，選擇較小，我認為可以增多台式飲品會夠吸引。

要搜尋一間好食既豬扒店不容易，要做到炸豬扒更是考功夫xd 穿梭於大街小巷下，找到這間超級正的炸豬扒！！！來到的時候，人潮也是很滿，大約等了一陣，就安排入座。看了餐牌，只需要想一下配搭甚麼醬汁撈飯/麵，我當然試了它們最基本的選項：秘製豬扒飯(肉燥汁)。一上枱就見到超級金黃的外層，這一點已經給了100分><，即刻咬了一口，脆爆的外層+充滿肉汁又鬆軟的內層。同埋是厚切，好耐無食過熱騰騰的即炸豬扒！！另外，肉燥汁都有驚喜感，有好多肉粒在醬汁中，甜味中又散出肉香，撈麵食完全停不了 。飲品選擇了比較健康的蘋果汁，純果汁不甜好飲。另外，還點選了一份椒鹽魷魚鬚，這個值得食，鬆脆的口感又不會太粉，椒鹽的香口，兩個人食剛好合適。

三月三十日，今日帶老婆豬去食返自己Ｄ同類＠＠就係食炸豬扒～不過我要稱呢Ｄ豬扒做究極炸豬扒，因為真係超級超級好味呀＞３＜！！今日太陽好猛～不過都專程帶老婆豬黎到銅鑼灣食正野，就係炸豬扒喇。出左地鐵站之後要行一陣，太陽猛烈果時真係要捱一段路仔。去到都未必有得即刻食，因為間店實在太好味，我同老婆豬黎到仲要排一輪隊先有得入座食好味既豬扒。老婆豬點解左肉燥炸豬扒炸，而我就點左個咖哩烤豬扒飯，另外仲要左個雞翼。兩個飯我覺得可以夾埋黎一齊講，因為肉燥又好，咖哩都好，只係唔錯，幾好味。不過好戲在後頭，成個飯既靈魂係哂Ｄ豬扒到，Ｄ豬扒全部都係即叫即炸，一直睇住個開放式廚房係咁炸，勁新鮮（因為炸野放耐左會又油又硬又唔好味）！Ｄ炸豬扒勁有豬味，雖然老婆豬話Ｄ炸粉有Ｄ厚，不過我就覺得岩岩好，勁好味勁好味！！！！！！好味到唔知點講，Ｄ肉質又唔會炸到乾哂，仲好軟好嫩，Ｄ皮又香又脆，好正！一試難忘。至於Ｄ雞翼就……我覺得炸到縮哂水=.=又乾又硬。炸豬扒店始終都係賣豬扒既～唔算太貴，好似四十幾蚊一個飯，不過味道極佳，十分抵食，但係預左要排好耐隊～因為真係太好味太多人食。環境同服務都普普通通。野食味道就超水準。

炊豕店已經食過幾次，每次都好鐘意佢大大塊嘅豬扒，加上咖哩汁/滷水汁，非常惹味。今次再返嚟，竟然見到有新茶式！決定試食避風塘豬扒！一上菜真係比佢都嚇親嫁！大大碗之餘～啲配料成座山咁高！我一post上網，馬上有好多朋友問我，果然吸晴一流！用避風塘嘅炒法，豬扒嘅肉質依舊多汁好食，不過注意嘅係，啲乾蒜等配料炒到太乾了，尤其佢呢碗份量好多，我食到一半就好乾好想飲水，如果可以有少少汁可以會更好。所以... 我下次已經會叫返咖哩汁/滷水汁更啱我口味！

大家有奇怪過為什麼會有吃雞，吃牛的專門店但好像很少有吃豬的專門店？？在朋友極力介紹下我終於在銅鑼灣發現了一家吃豬的專門店，獨特的名字令人印象深刻。〈炊豕店〉讀音就是（吹始）店，〈炊〉的意思是生火煮食，而〈豕〉就是豬的意思。顧名思義這當然是吃豬的專門店！即使是閒日的晚上八點也需要排隊喔！小店座位不多而且採用開放式廚房，幸好店家把抽煙系統做得好，吃的時候不會感到油煙和熱力。等了約半小時終於可以坐下來，老婆二話不說點了〈期間限定〉的產品。今期是柚子蜜豬扒飯，她還另用$10加了炒滑蛋呢。熱辣辣的豬扒很厚厚實實啖啖肉不油膩，面層的脆漿不厚但豬扒煎得夠香脆，配上甜甜酸酸的柚子蜜清爽又開胃。另加的炒滑蛋，絕對滑到一個點！！蛋味香濃又炒得滑嘟嘟，送飯吃絕對一流我則點了叉燒豆角炒滑蛋再另加超~~厚切午餐肉同樣是滑到一個點的炒蛋加上半肥瘦叉燒粒和脆口的豆角一起炒，口感超好另還有肉燥汁可以加配！香濃的醬汁中有微微肥的腩肉，又香又淋滑，多多碗飯都食得落今天好好胃口，見兩碗飯都咁高質所以再追加芝麻雞翼！$26只得兩隻好像比較貴，但絕對是值得的！雞翼皮脆肉嫩，加上芝麻一起烤後香氣四溢，好好吃，貴一點都是值得的$1

經過店舖，其實都未必留意到，店面細細，但懷舊未濃，好似六、七十年代嘅台灣舖！叫了柚子豬扒飯，秘製豬扒飯（咖哩汁）同椒鹽魷魚鬚。塊豬扒成寸厚，比手掌仲要大，先咬冇沾到柚子汁嘅豬扒，外脆內軟，口感一流，軟的程度唔係用肉鬆粉做出來的，當加埋柚子汁一齊食，酸酸甜甜，去咗油腻嘅感覺，酸甜味令食欲大增。咖哩汁唔太辣，沒有食完口乾嘅感覺！椒鹽魷魚鬚，炸完完全冇老冇乾，食落滑滑的，冇咗層炸粉一樣好食，咸淡剛剛好，值得再來！

今日踢完波，兄弟話黎到食個飯wor咁唯一跟機啦呢間小店都幾多人，逼就幾逼㗎啦 不過唔緊要啦，照食可也。我地叫咗個小食，係炸魷魚鬚係新鮮炸㗎，炸粉唔太厚，又夠脆好好味啊我主菜叫咗焗豬扒飯，另一種男人的浪漫💕豬扒鮮嫩多汁，蕃茄汁同芝士份量啱啱好最正係配上太陽蛋，加埋啲蛋漿一流啊！個份量亦都夠大，我踢完波食都會飽肚係高質的焗豬啊雖然係逼啲，但兄弟又真係無介紹錯 如果唔係又點會有咁多人黎下次黎一定要試避風塘豬扒飯！

好耐冇去銅鑼灣行街， 呢區食嘢不嬲都貴，畀我搵到間平靚正嘅。呢度坐位唔多，都多人食㗎所以門口都排曬長龍。呢度主打都係食豬肉，有少量小食。叫咗個豬軟骨飯，肉質好軟身，醬汁味道啱啱好，加兩蚊仲可以加飯。鹵水雞翼醃得好入味。通常平時去酒樓先食到海蜇，呢度又有我最鍾意嘅辣味海蜇。麻辣炸魚蛋都好特別，皮係脆嘅，配埋麻辣味，好醒胃。食完麻辣魚蛋，怕辣嘅可以食呢個大豆芽菜清一清個口。跟餐加飲品都係5蚊，蘋果汁就7蚊。

上網見食評好多人好評，就諗住約個朋友黎一齊食下試下新野，睇下有幾正，點知又系中晒伏，真系可一不可再。佢推介既肉操豬扒飯，睇人地寫到好正，甘更系要試下招牌菜啦，價錢中規中矩，不過食物就麻麻，有時快餐廳既炸豬排都好過佢，個豬排炸粉最緊要，但呢塊編硬，炸得過了火，肉質有d散，雖然系多汁，但有雪味，咬落雪味連埋d肉汁飛晒出黎，味道篇淡的，唔重味。不過肉燥好咸，個人覺得，沒有滷水應有的香味，搞到成個肉燥錯晒！

呢條街有好多舊式店舖，同朋友求其入咗間餐廳豬扒 肉燥汁 +滷水蛋呢個豬扒，好多人叫，望下周圍既人都係叫豬扒食。我都叫咗個豬扒配肉燥汁，豬扒炸得好香脆，外面脆但入面既肉一啲都唔會乾，食炸豬扒最怕係粉多又乾身，呢間既豬扒炸得不錯，冇呢啲既問題，果然好似佢哋既舖頭所貼住 ，初頭入去覺得好好笑，我估呢個炸豬扒應該就係佢哋既招牌菜，炸豬扒幾好。我加咗$7要粒滷水蛋，滷水蛋入味，質感硬硬地，滷水味重。豬手粗麵豬手淋淋地，軟身，好易去骨，有3舊豬手係粗麵上，豬手易入口，味道不過不失。