炊豕店 (加路連山道) (已結業)

今晚小編同老婆去銅鑼灣行街街，最近銅鑼灣搵嘢食一定要去加路連山道呢邊，真係咩菜都有選擇同特色！今晚老婆就建議去試吓炊豕店，叫得豕就真係主打豬！其實今晚都等左一陣，條隊都去到時都有六七個客人排隊(大約7pm) 。證明呢間都係一間受歡迎嘅食店，等左一陣就入座啦！入邊嘅裝修其實都幾得意，有一種懷舊香港嘅味道，個位對住個紅磚文化牆其實都好有特色！今晚叫咗個今晚叫咗辣味海蜇，我主菜就叫咗個咖喱豬扒飯，老婆就叫咗個豬軟骨撈粗麵。個辣味海蜇辣度啱啱好，亦都好爽！個咖喱豬扒飯先至係焦點，件豬扒炸到啱啱熟，一食就知道係一個高質素豬扒！又厚身又有肉味！咖喱汁係嗰種好香而唔辣口嘅咖喱汁。入邊仲有一啲香草類嘅材料入邊，襯個豬扒簡直一流老婆個豬軟骨撈粗麵，個味道好豐富。豬軟骨炆到好入味。個人建議加啲辣椒油，個味即刻叼晒出嚟！建議大家過嚟食晚飯，因為埋單＄140都唔使。咁嘅質素，咁嘅價錢，CP性價比十足！