火鍋隨意門

營業中

休息中

無得去旅行就只好係香港搵地方打卡扮去旅行啦呢間火鍋店有幾個唔同既佈景，有日本櫻花🌸巴黎公主房👑土耳其熱氣球同中國宮廷風，而我地就訂左櫻花房，包房有最低消費既，我地由7點坐到last order背景係櫻花樹，好似係櫻花樹下打邊爐咁，影相打卡都一流巴黎公主房背景就無咁靚，但啲櫈好有貴族既感覺，配上粉紅色碗碟超公主牛肉豬肉羊肉都唔so，幾好食，最出色係個黃金炸魚皮無哂芝士龍蝦湯，我地叫左花腸雞鍋同櫻花牛奶鍋，圖為櫻花牛奶鍋，我地覺得不太好食

這個打邊爐的地方，有很美的裝修，燈呀，牆身呀，都係走一點波希米亞風的感覺😆 很特別的感覺呢😚 食物方面，最吸引的是佢地的湯底！係原隻雞同好多花膠。係打邊爐之前，我地仲飲左碗湯，個湯底好鮮甜。其他的打邊爐材料就正常啦。個響鈴係有驚喜的，而牛肉都好新鮮。配料方面，佢會放喺一個九宮格入面，自己夾的，唔夠可以話佢會知，佢會俾你再加。而招呼方面，全部人都會自動自覺幫手加水加湯，唔使特別叫佢先加，好好呀👍🏻

火鍋隨意門天氣涼涼，最好梗係去打邊爐啦。森仔今次去到銅鑼灣同女朋友搵到一間高質素嘅火鍋店。餐廳🍴位置係銅鑼灣，鄰近mtr，行去不過10分鐘。而餐廳內部的裝修十分時尚，又帶有濃濃的中國特式。座位與座位之間有一定的分隔，客人可以安心的談天。特別在疫情下，食客也能夠真的做到分隔1.5米距離！食得安全又放心😍😍😍而且，餐廳貼心的提供了各種前菜和調味料配料，讓客人親自調製合適個人味道的醬汁😄😄😄講反食物質素先。由於冬天真係好涷人真係會因為甘而食好多嘢。所以，森仔今日就叫左好多食物，包括四國風情牛肉拼盤，山水豆腐，牛柏葉，稻庭烏冬和厚切午餐肉。當中，森仔最欣賞既係四國風情牛肉拼盤。因為一盤可以足足食晒日本A4和牛、土耳其香草牛肉、澳洲和牛及手切牛頸脊。正正子😍😍😍😍當中每種牛都各有風味。日本A4和牛:和牛味特濃，入口即溶，肉質嫩滑，係4種入面森仔最鍾愛的💕💕💕土耳其香草牛肉:肉質較有咬感，不是入口即溶，而香草味更能帶來肉的鮮味。澳洲和牛：肉質也嫩滑的，厚度適中，有足夠既牛味！油脂分佈也不錯👍手切牛頸脊：這個牛味比較特別，牛頸脊係特別濃烈的。而口感也是最有咬口的。牛迷必食！另外，只要登記成為會員，仲

今日終於都約到一個十年都出唔到一次既朋友食飯，咁當然食好啲啦！天氣又咁凍，我地就去打邊爐啦。今次我地盲中中去左呢間「火鍋隨意門」，大有驚喜。呢間餐廳以「宮廷式」既裝飾黎包裝，一入到餐廳已經感覺大有氣派！當然有咁既裝潢，你荷包都會有一定既傷害既，呢到就要留意一下。不過一份錢一份貨，久久食一次都值既！秘製沙嗲湯鍋呢間餐廳既沙嗲湯底既味道非常濃郁，完全有茶餐廳沙嗲牛肉麵既沙茶醬味道，再加埋好豐富既花生粒係個湯底到，烚菜同埋烚牛柏葉等等吸味既野食，完全展現到沙嗲湯底既精神，中意重口味既朋友必試！四國風情牛肉拼盤我地叫左呢拼盤係因為貪佢有齊其他種類既牛可以試，入面包括有日本A4和牛＋澳洲和牛＋手切牛頸脊＋土耳其香草牛肉。邊一隻比較好食就因人而異，我覺得日本A4和牛好食，因為入口即溶；而遠方朋友則喜歡澳洲和牛，因為肉味較重而且有咬口！總之呢個拼盤每隻肉都有其獨特既味道！牛柏葉食落口好新鮮，好爽口呀，好吸沙嗲底湯底既味，不過建議唔好烚太耐，如果唔係就會好老同埋有dun黃金響鈴呢間餐廳既響鈴係我食過最好食既響鈴，係新鮮炸起要伴以咸蛋黃粒上碟，食落去完全無油益味，皮薄鬆脆，非常香口。建議大家一舊係就咁食

天寒地凍， 打邊爐是常識吧。有時唔需要食得多，靜靜地圍在爐旁，吃著高質的海鮮與牛肉已經係一種享受。今日去左火窩隨意門，就在銅鑼灣時代廣場鵝頸橋旁，地點位置方便，絕對係約埋朋友打邊爐最好位置。而且餐廳內裡寬敞，坐得舒適。器皿用具亦都像宮廷一樣，好睇之餘更顯高級。一坐低店員已經送上小食及調味料，小食分別是麻醬 玉子豆腐麻辣木耳以及花生，小小地，等火鍋上就最好。火鍋湯底都好多選擇， 招牌花膠雞湯， 食辣有鴨血麻辣湯，消暑款有冬瓜瑤柱脯湯， 而且豪華海鮮仲有法式芝士龍蝦湯， 素食可以揀12味雜錦蔬菜湯 等等，應有盡有。另外亦都有不小高級食材，例如章紅魚刺身象拔蚌及龍蝦刺身。 手切牛肉當然唔少得， 頂級安格斯牛肉，本地牛頸脊，澳洲m8和牛，a4和牛， 全部手切。 海鮮亦都有好多款選擇， 德成海鮮拼盤桶蠔蟶子皇海中蝦桂花蚌等等，價位適中。 餃子及手打丸亦都係必食之選， 黑松露巧肉餃蟹王豚肉餃手打珍珠帶子墨魚丸手打芝心牛肉丸等等全部 都是精緻貨色。 亦都有不少即炸食品，保證新鮮， 鹹蛋黃沙炸魚皮，鹹蛋響鈴，鬼馬油炸鬼等等，都超吸引人。是晚選擇了 特色卜卜蜆湯鍋， 剛上桌時更會放入食用乾冰營造煙霧效果

呢排天氣開始轉涼，似乎打邊爐嘅季節嚟啦！聽講銅鑼灣新開咗間火鍋店，所以今晚就決定試一試！.入到餐廳，環境舒適，入面仲有土耳其同波希米亞風格嘅佈置，可惜呢晚無開俾我哋😭 唔好理，一於就叫個特色卜卜蜆湯鍋試吓先！.特色卜卜蜆湯鍋 📍$198好多蜆！有3-4碗😍 新鮮嘅，湯底味道濃郁帶少少辣，好開胃。.金菇，蘿蔔，粟米📍$38, $42, $48呢三樣都係個人打邊爐一定會叫嘅嘢🤤 食多d菜，身體都健康d嘛。同埋佢哋會夾雜咗bok卜卜蜆湯底嘅味道，食多咗都唔怕膩。.本地牛頸脊📍$368牛肉本身唔係太肥，食落嘅牛肉味比較重。不過唔可以淥太耐，如果唔係就好韌。.新鮮聖子皇，珊瑚蚌📍$198, $138就如個名所講，d聖子同埋珊瑚蚌真係幾新鮮，灼左一陣就食得，好爽口。.手打墨魚丸，手大芝心牛肉丸📍$68, $68墨魚丸同埋牛肉片都非常彈牙，牛肉片入面有芝士真係一個驚喜，唔錯唔錯。.黃金雙拼📍$98平時打邊爐通常都會叫響鈴，呢個響鈴都冇令我失望，就咁食又唔會太多油。

話明係隨意門，梗係帶你去世界各地啦！ 呢到除咗有中國風，仲有日本風，法國風，而最特別嘅一定係波希米亞風，設計好靚好特別，不過可惜我地去個日個個 area 無開 😭~ 下次去一定要揀咗房先呀因為呢到有日本風，我地支sake 🍶都有啲靚靚杯用呀特色卜卜蜆鍋 📍$198睇住啲蜆卜卜，卜卜咁開，好治癒，啲蜆好新鮮，隻隻都開架 😬本地牛頸脊 📍$368牛脂分佈幾平均，牛味都幾濃桂花蚌 📍$138新鮮蟶子皇 📍$198佢地嘅海鮮真係幾新鮮，桂花蚌同蟶子都夠哂爽口彈牙，份量都唔少㗎黑松露蟹肉餃 （4粒）📍$68第一次食呢個combination 嘅餃子，黑松露 + 蟹肉，2樣都好似偏高尚嘅材料，估唔到用黎整餃子又幾好食喎手打墨汁墨魚丸 （4粒） 📍$68墨魚鮮味夠突出，又夠彈牙手打芝心牛肉丸 （4粒）📍$68用牛肉包住芝士 😋 好邪惡黃金雙拼 📍$98值得一讚 👍🏻呢個黃金炸魚皮同響鈴好鬆脆，仲有濃濃嘅蛋黃味，就咁食都好正～醉香花雕牛脹展 📍$168淡淡嘅花雕味慢慢滲出黎，如果可以再濃味啲就更好啦厚切即炸午餐肉 📍$68打邊爐又點少得食菜呀🥗 識食一定係最後將啲湯嘅精華吸晒落啲蔬菜到，清新健康得黎又

自從有限聚令就好少有聚會,今日因為係同事生日，所以約齊四個要好的去慶祝，同事喜愛去銅鑼灣火鍋隨意門食火鍋，喜歡佢哋食物質素高又好味！餐廳設計是古色古香的宮廷建築，座位寬敞舒適。混醬配料齊備。花膠雞湯鍋：花膠雞和湯分開上，一大碟花膠大件又厚身，半隻雞件亦好新鮮，侍應先將花膠剪開，再放入雞湯滾返熱，再放入雞件滾幾下就可以食，雞湯鮮味十足，花膠吃下去滑嘟嘟又彈牙，更重要是每一口都滿載骨膠原，雞件鮮嫩！飲完湯就食火鍋，鹿兒島日本黑豚肉，肉質緊緻多汁、口感柔軟有彈性、滋味甘甜鮮美、脂肪清爽不黏膩。手打黃金流心鮮蝦丸，蝦丸彈牙，中間金黄色的鹹蛋黃能提升蝦的味道。蟹黃豚肉餃，餡料飽滿，味道香濃有鮮甜味。白鱔片就普通，不夠爽口。

嚟到門口就見佢裝修充滿異地風情，幾有特色，唔少打卡位，所以未食都已經滿心期待!一坐低店員好貼心幫我地開爐㵤過啲餐具先，另外調醬嘅配料盤都好靚，好加分。。。 湯底揀咗個土耳其香草羊肉湯底試試，嚟到原來係類似大地魚湯或者昆布湯之類嘅清湯同羊肉片分開上，而且羊肉片撲滿香草，用冰鎮住，確保新鮮。湯底仲加左食用乾冰，配埋成坐山咁嘅羊肉，除左打卡一流之外，味道鮮香亦唔會太騷，好味！牛肉拼盤嚟到又忍不住要相機食先，因為擺盤真系好別緻，旁邊仲有鮮花襯托住每片牛肉嘅雪花紋路，好高級呀！另外叫左特盛海鮮拼盤，有聖子、原隻鮮鮑魚、鮮蝦、鮮甜筒蠔、同大大隻大扇貝，其實呢個壇數嘅食材真心超值。埋尾嚟多個稻庭烏冬，大滿足！

之前聽朋友講過銅鑼灣新開左間高質邊爐，於是慕名而來嚟到呢間樓上鋪，諗住食好啲，填補番冇得去旅行嘅空虛。店員一嚟就幫我哋開爐淥餐具，而且非常友善，呢種服務態度令我一度以為自己去左日本。其實落單揀湯底都諗咗好耐，因為佢每款都好有特色，唔係出面一般試到嘅，例如佢個芝士龍蝦湯底同麻油雞湯底都好吸引，但最終都係揀咗個土耳其香草羊肉湯底試試，因為好似比較少見。因為唔想再諗，於是揀咗一個牛肉拼盤，一個海鮮拼盤，淨下來要做嘅事就只有食... 牛肉拼盤賣點係四國風情，集A4和牛、澳洲和牛、手切牛頸脊、同埋土耳其香草牛，每片牛肉都佈滿雪花，食落口啖啖都係享受...都係因為唔想諗，陸上拼盤叫左，再嚟多個海鮮拼盤，集齊各種矜貴靚海鮮，筒蠔鮮蝦唔晒講啦，估唔到仲有鮑魚聖子呢啲平時比較少食嘅，而且大力推介大家要試試佢哋嘅扇貝，因為真係好大隻多汁鮮甜！既然唔知幾時有得去旅行，係要食好啲氹下自己嘅。

天氣開始漸冷我和女友的火鍋祭亦正在進行中😂一星期食一兩次邊爐，算不算很過份呢？今次，我們在銅鑼灣發掘到一間高質火鍋店首先，環境以「隨意門」為主題所以店內的裝修一分為二由古色古香的古代風味去到異域風情的土耳其風.🥢麻辣卜卜蜆湯鍋 如果你無辣不歡又喜愛海鮮我會推薦這款湯底給你😂湯鍋一上枱，就見到陣陣「仙氣」，非常吸睛！伸頭一看，麻辣湯呈深紅色而裡面的湯料很夠份量👍大量的卜卜蜆滿鋪整鍋還有不少燈籠紅椒，木耳，豆卜，芹菜等等愈食愈麻辣，絕對令你辣得過癮😂卜卜蜆肉厚又鮮，嫩滑而無沙，真係不錯😋.🥢花雕雞件 以花雕雞醃製的雞件色澤呈燈黃色雞肉肉質嫩滑又帶點酒香花雕酒更帶出雞肉的鮮香但提提大家，不要讓雞件浸泡大久否則會失去最佳的味道😎.🥢 黃金沙葛餃 餃餡很特別，是蛋黃和沙葛餡每一粒都如兵乓球般大沙葛的爽脆配上蛋黃的鹹香，原來很Match呢！.🥢厚切午餐肉 厚切酥炸午餐肉是打邊爐必點的菜式目測有0.5cm的厚度，香炸後口感自然酥香肉腍無論是即食還是濕食，都一樣美味😍.🥢芝士腸 金嘜牌芝士腸，你懂的😈薄脆又啖啖芝士濃香，真是一流.🥢出前一丁 鮮美且麻辣的湯底，當然不可浪費😁加塊出前一丁，DIY麻辣麵撈

朋友推薦這家火鍋，難得一早有空那就早一點去順勢享受那早鳥優惠。餐廳地點便利，在時代廣場附近。裝修雅致，看得出花了不少心機。甫坐下，餐廳的侍應很熱心介紹菜式、餐廳各種優惠及關心冷氣會否充足，這點加分。另外因疫情關係，另一位侍應這個時間端出一大盤熱水出現在我們面前逐一消毒餐具，這部分他很用心做花了很多時間，再加分。跟別家火鍋店很不同，這盤醬料、小食是獨立使用的，不共用很衛生👍🏻 （雖然我也怕有點浪費）主角出場，花膠超大塊超好吃（當然拍照後侍應幫手剪開落鍋）湯不太濃是清淡型，感覺很健康。跟別家不同，店家希望我們先吃花膠，渴湯後才放雞。這樣做就不會渴到其後厚厚的雞油 後放的雞很嫩滑有雞味，連平日不會多吃湯雞的我和伴侶最後把整盤花膠和雞吃光光到一件不漏。其他火鍋配料四平八穩，新客有送響鈴小食，有質素。比較驚喜是點可樂會自動跟冰底和檸檬🍋，很細心。（題外話我上次在天后另一家滾x棧同樣點了可樂，要求冰底後在帳單上發現冰要另收$10，非常非常汗顏）埋單兩位才七百多，性價比爆標。

秋風起，又係我呢個火鍋怪出動嘅季節🤩今次去咗間位於銅鑼灣嘅火鍋店，啱晒港島人！一坐低店員就俾咗個九宮格嘅醬料加前菜我地，等我哋慢慢食慢慢睇Menu，前菜有麻辣木耳，胡麻醬玉子豆腐同花生———————落單後我哋等咗都一段時間，一問店員原來廚房係即叫即煮個沙嗲湯底，湯底飲落絕對同坊間普通嘅沙嗲湯底唔同，有好多花生碎同好濃嘅沙嗲味，基本上用呢個湯底打邊爐豉油都慳返😝由於係和牛嘅關係，我煮到啱啱熟就食，和牛食落好林，油花好均勻，絕對可以媲美日本嘅高級和牛😝呢款魚皮又係其中一樣必叫嘅，魚皮本身已經好香脆再炒埋蛋黃，令味道十分豐富，建議唔好淥咁耐，少少熟就好食🤩水餃同坊間嘅好唔同大大粒絕對比足料，食落好重嘅牛脂味，仲有少少芝士一齊食非常之夾娃娃菜十分新鮮，廚師好細心咁將娃娃菜一開四令到食嘅時候方便啲，岩曬嘴細細既朋友

黃金雙拼餐廳環境很適合打卡，餐具也很有名族風情，背景是土耳其的熱氣球！連餐廳的燈也是充滿住土耳其的特色，感覺好似真係去左旅行一下。餐廳首先遞上火鍋醬料和3款餐前小食，分別有木耳，花生和豆腐。我和朋友一邊食一邊挑選配料。我們點了特色卜卜蜆鍋，這個卜卜蜆和外面的有點不同。餐廳的卜卜蜆十分大隻，每一顆都有我半個手掌那麽大！！！蜆肉一粒粒打開，吸收了湯底的精華，非常鮮甜!餐廳在湯底加上蘿蔔，蘿蔔吸收湯底和海鮮的精華，真是一點也沒有浪費。花雕鷄件：花雕雞件味道很入味，一咬已經能嘗到花雕酒和麻油等的味道！鷄件即使放了很久然依然保持嫩滑，加上濃濃的花雕酒味感覺很補身。黃金雙拼：這個黃金雙拼其實是鹹蛋黃炸魚皮和鹹蛋黃響鈴，餐廳的響鈴和炸魚皮都是即炸的，鹹蛋黃炸魚皮沒有腥味，蛋黃鹹香微辣，口感酥脆！令人食唔停口。菠菜豬肉丸：這個肉丸也是餐廳自製的，菠菜豬肉丸非常大粒，味道清淡可口沒有任何菠菜的澀味。另外我們還點了韭菜餃，豆苗餃和蔬菜拼盤，餐廳的餃子也非常出色，皮薄餡令而且大大粒非常足料。而蔬菜拼盤美的像個花籃一下，很有心思。

假日約埋三五知己gathering, book左間銅鑼灣新開火鍋店, 以土耳其做主題, 大家都有興趣試試, 仲可以齊齊打下卡影相!門外跟一般火鍋店無異, 入到餐廳即時感覺好似置身土耳其一樣, 環境裝修格調, 以至食用餐具, 都滿有土耳其風味!先送上九格盤醬油+小食, 醬油小食每位$25, 小食前菜無限任加,揀左【花膠雞湯鍋】HK$298花膠大大片又夠厚, 可算是花膠扒, 配半隻雞, 湯底味道濃郁, 有dd黏口, 花膠有口感兼有膠質帶黏, 滋補養顏, 未開始打邊爐, 我地已經飲清左個湯底然後, 加清雞湯繼續打邊爐~【本地牛頸脊 (細)】HK$268牛頸脊鮮嫩, 牛脂分佈平均, 牛味跟肉味成正比, 正!【牛柏葉】HK78切得好幼細, 縮短烚熟時間, 稍為焯幾下就食得, 有咬口~【脆鯇魚】HK$88有魚香味, 魚皮位幾爽, 但相對魚質偏林, 食時要小心, 都幾多細骨最後要讚下呢度既店員真係好有禮貌, 服務一流! 睇得出用心經營~