火鍋隨意門

營業中

休息中

假日約埋三五知己gathering, book左間銅鑼灣新開火鍋店, 以土耳其做主題, 大家都有興趣試試, 仲可以齊齊打下卡影相!門外跟一般火鍋店無異, 入到餐廳即時感覺好似置身土耳其一樣, 環境裝修格調, 以至食用餐具, 都滿有土耳其風味!先送上九格盤醬油+小食, 醬油小食每位$25, 小食前菜無限任加,揀左【花膠雞湯鍋】HK$298花膠大大片又夠厚, 可算是花膠扒, 配半隻雞, 湯底味道濃郁, 有dd黏口, 花膠有口感兼有膠質帶黏, 滋補養顏, 未開始打邊爐, 我地已經飲清左個湯底然後, 加清雞湯繼續打邊爐~【本地牛頸脊 (細)】HK$268牛頸脊鮮嫩, 牛脂分佈平均, 牛味跟肉味成正比, 正!【牛柏葉】HK78切得好幼細, 縮短烚熟時間, 稍為焯幾下就食得, 有咬口~【脆鯇魚】HK$88有魚香味, 魚皮位幾爽, 但相對魚質偏林, 食時要小心, 都幾多細骨最後要讚下呢度既店員真係好有禮貌, 服務一流! 睇得出用心經營~

今日來到銅鑼灣一間新開的火鍋店，火鍋隨意門，餐廳裝修是特色的古色古香，帶有波斯的風味，部份的枱都有屏風間格，現在防疫期間就食得放心。鍋底都有多款。招牌花膠雞湯鍋半隻$298 花膠非常大隻，原隻的花膠，大大隻足足鋪了半隻碟。雞肉切得大大件，半隻雞很足料。湯底清甜 ，我們每人飲了兩大碗，差不多都將湯底飲清。這個招牌花膠雞湯鍋真是非常足料，對於平時少煲湯的我就最適合了，湯底濃郁清甜，食完的感覺是真材實料，正正正！！清酒鮮牛肉$168 這個清酒鮮牛肉，上枱后，侍應才放上清酒，牛肉散發出淡淡的酒香，增添牛肉的鮮味，鮮牛肉頗高質，顏色鮮亮，大理石式的花紋，不會太肥，也不會太瘦，雖然灼過后，酒味不會很出，但灼上4-5秒，牛肉鮮嫩，美味呢。日本廣島蠔$98食火鍋都愛食蠔，廣島蠔雖然不是很大隻，但軟軟滑滑，也有蠔味。淮山$48 淮山有健脾作用，所以這段時間食火鍋我也會叫多了淮山，軟軟綿綿的，很好食又有益。罐裝可樂 $25食火鍋我認為最配的飲品莫過於冰冰涼涼的可樂，再配上冰及檸檬，就更為美味了。食完感覺招牌花膠雞湯鍋當真足料夠滋補，現代人愛出去食，而又少湯水，食這個鍋底既滋浦養生又美味。

星期日約埋三五知己嚟銅鑼灣打邊爐。呢間鵝頸橋附近嘅樓上火鍋店，裝修擺設都好精緻☺️我哋揀咗花膠雞湯做湯底，會有侍應即場將花膠剪好放落湯底度，啖湯真係好濃郁清甜，花膠就唔洗滾太耐，趁爽口食。半隻稍為淥過嘅雞，索咗湯汁，肉嫩味美。手切頂級安格斯牛肉擺盤精緻，肉質肥瘦均勻，原汁原味咁食已經甘香有牛味。牛柏葉口感爽脆芝心牛肉丸爽口冇筋，芝士心香軟。珍珠帶子墨魚丸墨魚肉爽甜彈牙，帶子肉質厚實。山水滑豆腐堅係滑，豆香味足。炸支竹同魚腐都好香口，魚腐口感鮮甜爽滑。鹹蛋黃炒響鈴同炸魚皮香脆但略嫌鹹咗啲。桂花珊瑚蚌雙拼珊瑚蚌爽口鮮甜，桂花蚌口感厚實。魚滑三拼有黑松露墨魚，瑤柱乾貝同手打蟹子蝦，係蟹子蝦蝦味較突出，都好爽口。蔬菜拼盤有生菜、油麥菜、菜心同沙律菜，都好新鮮爽甜。最後整番渣竹蔗茅根水，清甜下火就最啱。

天氣轉涼，打邊爐係唔錯嘅選擇👍🏻今次專登搭車出黎銅鑼灣試呢間火鍋隨意門，果然無令人失望！我哋4個都表示滿意🥰招牌花膠雞湯鍋$298大大塊花膠，同半隻雞！雞湯鮮美濃郁，啲雞滾3分鐘就食得，好嫩滑👍🏻手切頂級安格斯牛肉$248打邊爐點可以無牛呢！牛肉肥瘦分佈均勻，牛味重👍🏻抵食，平時DONKI 買盒都要咁上下價桂花蚌/珊瑚蚌雙拼 $168桂花蚌同珊瑚蚌都十分鮮甜爽口👍🏻蔬菜拼盤$78有生菜，油麥菜，菜心菜索咗雞湯既鮮甜味，就似食上湯雜菜煲咁😂唔錯總體黎講，食物質素都好唔錯，餐廳環境舒適，好啱朋友聚會一齊食下野傾下謁👍🏻🥰

店內以不同主題的背景為題，設有法國風，日本風兩間包房。食物味道不錯，但櫻花鍋沒有相中嘅靚同奶味唔夠濃厚。但其他款式很唔錯，特別黃金魚皮同豬頸肉值得一提好味會再叫多客嘅食物。但餃子🥟選擇暫未太多。鍾意一班朋友仔影下相打卡邊打邊爐嘅話係唔錯嘅選擇

［銅鑼灣］火鍋隨意門.土耳其香草羊肉湯鍋食剩指數 0/100我地坐個位好有土耳其特色選擇困難症下就揀左個土耳其湯底香草湯底同羊肉係分開上湯底好清香配肉類同菜都唔會奇怪果座羊肉山係同個湯一齊上即係你叫個湯底自動有堆羊🤤羊肉食落唔騷配香草湯真係幾好.鹹蛋黃炒響鈴食剩指數 0/100響鈴一般大家都當配料放落湯呢個建議大家可以當小食就咁食響鈴係好鬆化既脆加埋鹹蛋黃果種油香同少少咸味真係好容易食唔停口.本地牛頸脊食剩指數 0/100打邊爐又點少得牛肉呢度有和牛有牛頸脊我哋就揀左本地牛頸脊牛頸脊油花分布好靚唔會過肥過瘦輕輕淥一淥食就最好.瑤柱乾貝滑，手打蟹子蝦滑（雙拼）食剩指數 5/100瑤柱滑好彈牙有種海鮮既甜味可以揀雙拼/三拼咁就可以平啲咁食哂咁多款.南京鴨血食剩指數 3/100好少係台式火鍋以外點鴨血口感幾實在唔會一夾就散可能係原味既關係所以都會有少少鐵味我哋就研究左個新食法將附送既辣木耳混埋一齊食味道意外地配合🤣 少少麻辣鴨血既概念🤣 .蜂巢豆腐食剩指數 0/100呢度既蜂巢豆腐係大大件好鐘意佢會吸滿湯汁食完成個碗都係湯呀😆.萵筍食剩指數 0/100食材新鮮唔會有渣唔好淥太耐咬落會爽口啲淥

第一要讚係服務，各工作人員態度十分殷勤, 有禮和耐性第二要讚火鍋湯底，選擇多元化也有創意，今晚點了一個花膠雞湯底，花膠好味，雞很嫩滑及有雞味！湯很濃香，極力推薦！第三要like 係手打餃子及手打肉丸! 款式多元化，有誠意，味道超好！餐廳裝修舒適，座位寛敞，防疫距離做得好，洗手間清潔，總括來講，整體感覚十分良好！新張期內六八折，一家三口，埋單1165，價錢尚算合理! 伸張期內掃QR code做會員仲有四條黃金響鈴送！

限聚令放寬之後，可以四人一枱，天氣又轉涼了，絕對是火鍋的季節。因為沒有訂枱，用OpenRice找附近的功能，發現這火鍋店，就在時代廣場隔一條街的堅拿道西，地點方便。店內的裝修有點中東、土耳其的風格，地方寬敞，坐得舒服。價錢不算便宜，但顧客可以下載火鍋店的app，登記做會員，有折扣，可儲積分，還有迎新禮物：黃金炸響鈴一客。有濃濃蛋黃醬的炸響鈴，超邪惡，超好味，還要是送的，最開心。豉油、辣椒蒜頭等乾淨企理。我們選了北海道牛乳櫻花湯底，奶白色的湯很漂亮，味道不錯，但其實嚐不到牛奶的味道。我們點了水蓮，很窩心，上菜時連鉸剪也已早放在一起。丸類拼盤也很好，超大粒，手打肉，放在一個像下午茶的小架上，精美。最要讚的是這裏的服務，我們四個女子多多要求，但他們都一一禮貌地幫忙，食得開心。

打邊爐真係1年365年都唔厭 今日去左間好似環遊世界甘既火鍋店。 揀左個靚靚土耳其區，背景係一大副熱氣球壁畫。枱上面好溫馨甘提供左酒精搓手啫喱，超貼心！ 湯底種類好多選擇，我地就要左麻辣卜卜蜆鍋，份量十足有差不多三十隻大蜆，蜆肉粒粒都大過手指公，好鮮甜。 火鍋料種類又係花多眼亂！首先掃一下餐紙上面既QR code, 即送一客咸蛋黃響令，即叫即炸，咸香十足，店員建議即食，但我覺得點湯食仲好味😋 唔食牛既朋友要左黑豚豬，肥瘦適中，入口即溶🙊 牛魔王既我就揀本地牛頸脊，牛味濃郁，份量都唔少！ 即炸厚切午餐肉，火鍋料必點😂 仲有鬼馬油炸鬼，墨魚膠彈牙有墨魚香配埋脆卜卜既老油條，又係必點👍🏽 為渴求去旅行既大家畫上完美既句號🙊

一入到餐廳，成個感覺有別於其他火鍋店！裝修佈置好用心，座位同牆身採用咗民族風佈置，感覺舒適又精美，絕對係一流嘅打卡聖地！食物方面，火鍋湯底同配料都有好多選擇！今次嗌咗卜卜蜆鍋，呢個鍋蜆嘅數量絕對無因為佢係湯底而偷工減料！見到鍋裡面滿滿嘅蜆，心情超興奮啊！其他配料全部賣相都好好，叫咗手打丸同餃子仲有雙層架上添！真係忍唔住手每碟菜都要幫佢打個卡！配料選擇真係好多！有餃子、手打丸、魚滑、豬牛雞同海鮮等等！少私心推介瑤柱乾魚滑同黑松露野菌鮮蝦丸，夠哂特別同埋其他地方未必食到！海鮮都有好多種類，扇貝、白鱔、帶子、蚌！鍾意海鮮嘅朋友仔，呢到絕對係你嘅必試之選！價錢仲有好親民啊！最驚喜嘅係除咗最普通嘅原味魚皮同響鈴，呢到仲有鹹蛋黃味，作為餐前小食簡直無得頂啊！而家新張期間全單仲有 68折，性價比超高啊！

呢間火鍋店位於銅鑼灣，店內有幾個唔同主題，有土耳其異色風情，有古色宮廷，仲有一間房係日本櫻花主題，另一間係巴黎風。我地今次選擇咗古色宮廷，雖然地方唔係好大，但裝修都幾靚，又可以打吓卡，食物質素都好好，必點嘅係鹹蛋黃炒響鈴同鹹蛋黃炸魚皮，太好食😋當日員工同我地講，只要下載佢哋個App再登記會員就可以免費送一客鹹蛋黃炒響鈴，埋單時無留意，第二日睇返張收據先發現計咗錢。依家新開張有68折優惠，折後4個人食咗$1,700。火鍋醬料+三款餐前小食🔝🔝蜆肉都幾大粒，無沙，但略嫌唔夠鮮甜味。🔝品質不錯，厚度適中，肉質鮮嫩。🔝呢個豚肉嘅肥肉佔大部份，但食落好香，油脂味重。🔝上枱仲係熱辣辣，每一件炸魚皮都佈滿鹹蛋黃，好好食。🔝即叫即炸，超級濃郁鹹蛋黃，仲有少少起沙，每咬一啖都好滿足。🔝黑松露墨魚滑有淡淡的松露味，又彈牙又香。瑤柱干貝滑，好鮮味，加上粒粒瑤柱增加口感，都係好好食。有五款唔同味道嘅手打丸，最好食係和牛芝士丸(紅色嗰粒)，咬落去好多汁同埋芝士爆晒漿，牛丸加芝士真係好襯。🔝餃子係人手包嘅，但就無咩特別。

 聽朋友講銅鑼灣又開左間新火鍋店，喜歡火鍋的我當然立即衝去試，今日放工之後就約埋朋友一齊去食。 店內環境寬敞舒適🛋裝修設計充滿波希米亞風格，非常有特式，而且食物有心思，手打和自家製系列都是必吃首選。 店內現時優惠全單68折，難怪這麼多人來吃，而且而家download 「火鍋隨意門」的apps更可獲得鹹蛋黃響鈴卷一份，超抵食！ ====—====—====—====—🥗醬介（$25/位） 甫坐下，店員便送上調味及小食九宮格給我們，一枱一盤，非常衛生。小食有花生、酸菜及麻辣雲耳。醬料有芝麻、蒜蓉、蔥、芫茜、炸蒜等 🐥招牌花膠雞湯鍋🍲（$298/半隻） 招牌花膠雞湯鍋是店內招牌，花膠和雞件份量非常多。花膠有成塊面咁大，而且非常厚身。雞件有半隻雞，有髀有胸，肉質有口感，嫩滑好吃 店員建議先喝湯才開始打邊爐，湯頭鮮甜，充滿骨膠原，非常美味。 餃類和丸類都是店內自家製，足料鮮味，餡料夠多，皮薄餡鮮，太美味了。 🦀蟹皇豚肉餃🐷（$78/4粒） 🍄黑松露野菌餃 （$78/4粒） 🐙手打墨汁墨魚丸（$68） 🐟🍳鹹蛋黃炒炸魚皮（$78） 鹹蛋黃沾滿炸魚皮外層，魚皮香脆可口，美味又邪惡 🥐鹹蛋黃即炸響鈴（

上星期本來約好咗朋友一齊出去打邊爐，不過因為打風關係，所以取消咗，見今日風和日麗，即刻坐言起行，朋友揀咗銅鑼灣一間創意感十足嘅新開火鍋店。餐廳位於堅拿道西 10 號冠景樓 1 樓，店名很特別「火鍋隨意門」，即時令人聯想到多啦 A 夢入面嘅招牌道具。店內裝潢亦甚具特色，以四個國家作為設計主題，分別有法國、土耳其、日本同中國，每個區域都有唔同嘅打卡位，好似有反轉嘅巴黎鐵塔、土耳其熱氣球、大阪櫻花樹、中國的古色古香宮廷建築等，讓人有仿如置身於外地之感，嚟影相呃 Like 真係一流！讓友人揀湯底，而我就負責點選火鍋配料同混醬。醬介每位 $25，雖然不算便宜，但另外仲有三款餐前小食奉送，而且餐廳而家做緊新張優惠，全單 68 折，都幾抵食。消暑冬瓜瑤柱脯湯鍋 ($198)  接著送上，嘩！個湯鍋賣相真係好靚，仙氣十足。店員會代為切開冬瓜，待湯滾後，先舀一碗試試，味道很清甜，而且用料十足，除了清爽味香的冬瓜外，湯鍋內還有不少絲瓜、帶子、蝦仁、蟹柳等，口感好豐富。鹿兒島日本黑豚肉 ($168)  黑豚肉捲成卷狀，造型很精美，令人眼前一亮。挾起一片試試，食味果然不俗，肉質腍身無臊味，無論肉味和油脂質素均

最近經常在家抗疫， 旅行癮一路都發作， 可惜疫情仲未穩定， 唯有自己諗下辦法止癮。 見到網上介紹火鍋隨意門， 地點在銅鑼灣位置方便， 一邊食火鍋一邊有置身外地的感覺， 即約朋友一試。靚靚的店內設計至適合打卡影相環遊世界， 餐廳更將多國文化融入湯底當中，真係令人口水狂流！醬介每位 $25 已經包括三個小食， 都算幾抵！ 火鍋湯底我選特色卜卜蜆鍋$198，配料有和牛粒$168、 手打墨汁墨魚丸$68、 蟹皇豚肉餃$78、 薯粉$32、 飲品當然要試下餐廳的足料竹蔗茅根$68， 再加一罐雀巢檸檬茶$25。特色卜卜蜆鍋～ 鍋裏面有很多蜆， 粒粒脹卜卜的， 鮮甜又冇沙，喝一口湯，超鮮甜啊！和牛粒～ 油花均勻，肉味香濃，肉質口感軟腍，讚！蟹皇豚肉餃～ 可以形容皮薄餡靚， 有肉汁之餘還有一種鮮味。手打墨汁墨魚丸～口感爽滑彈牙，味道濃郁，保留新鮮墨魚粒外，再配上香濃墨汁，食落去更鮮味，更加有口感。薯粉～ 薯粉份量多， 配上美味的蜆肉湯底， 味道鮮香。足料竹蔗茅根～ 材料十足， 甜度適中，入囗帶有點清涼， 絕對可以消暑清熱。雀巢檸檬茶～ 雖然雀巢檸檬茶味道偏甜， 但我都好鍾意飲。火鍋隨意門無論食物質素和

銅鑼灣開咗間火鍋店。裝修環境真係靚到「dump」一聲。人人爭住打卡。你打咗卡未？😎一坐低先黎個九宮格。六格醬料+三格前菜。位位盛惠$25😆特色花膠雞湯鍋～為食妺👧🏻真係嚇親😱。花膠又厚又大。店員要將花膠扒剪剪剪。真係睇到口水流🤤。飲咗呢碗🥣足料花膠湯。真係大🈵️足。❤️手打丸拼盤（十粒）手打丸款式有8款。心大心細唔知食邊款。最好就係嗌個拼盤。可以試勻5款。每款兩粒。兩個人share剛剛好🤪為食妹👧🏻大推**手打珍珠帶子墨魚丸**。😛嗌咗壺特濃冰凍洛神花茶。酸酸甜甜好開胃。壺入面有洛神花。果然真材實料。🌟新開張有68折。仲唔快d訂枱試下🌟