火鍋隨意門

營業中

休息中

上網見到餐廳做緊呢個promotion，咁啱男朋友個名又有個國字就去試吓啦！一蚊雞一個花膠雞湯鍋真係好抵啊！湯底黃澄澄，濃郁香甜，雖然係優惠價，但質素真係毋庸置疑地出色！重點係呢個優惠仲可以同其他折扣優惠同時使用，真係抵到飛起✈️花膠份量好大份，每塊都大過我手掌😂厚實嫩滑，養顏一流👍🏽仲有嗌咗其他配料，牛頸脊，餃子拼盤等等，因為我午市去嘅關係，仲有折添啊，真係好抵食😋整體來說，食物質素一如既往的出色，食物足料新鮮；同埋餐廳玩味十足，以四個國家🌏主題，打卡一流🥰

今個復活節沒有開PARTY食大餐, 只係簡單過休息下, 所以假期過後, 今晚決定食得邪惡D - 打邊爐 (每次打親邊爐都會比平時食得再飽好多, 又熱氣)。好難得遇到有餐廳所有員工都咁有禮貌, 火鍋隨意門的服務態度要比滿分。一到火鍋隨意門已經印象大好, 雖然我地只得兩個人, 但店員都安排一張6人枱比我地(有好多餐廳都好鍾意將客人迫埋一齊坐, 但由到達到離開間餐廳都唔FULL)。                            火鍋隨意門算是一間打卡火鍋店, 裝修精緻有心思。運用極具土耳其風味的馬賽克燈, 座墊和壁畫🇹🇷帶給客人有恍如置身異國用餐的氛圍。我地點左花膠雞湯鍋, 手切🔪頂級安格斯牛肉(細), 桂花蚌, 黑松露蟹肉餃(4粒), 鹹蛋黃炒響鈴, 粟米同竹蔗茅根。下午5:30入座有68折。花膠雞湯鍋 - 推介必點, 花膠厚身滑嘟嘟, 雞湯鮮味濃郁, 好少有湯底我係由頭飲到尾, 好多時都只係未開始淥野食之前飲兩啖。安格斯牛肉 - 牛味濃郁, 雪花纹分佈均勻, 肉質厚實有咬口但一D都唔韌。桂花蚌 - 自從食過成都老碼頭火鍋既桂花蚌之後好掛住, 所以決定以後打邊爐可以嗌海鮮既話桂花蚌

無得旅行，最想要既就係叮噹的隨意門🚪，可以一打開門就去到土耳其坐熱氣球。最近有間新開火鍋隨意門，可以帶大家味蕾遊土耳其🇹🇷品火鍋。來到銅鑼灣火鍋隨意門，環境好寬敞，最吸睛莫過於大墻的熱氣球壁畫，好靚，感覺來到古色古香嘅紫禁宮。急不期待望餐牌先，點左個消暑冬瓜瑤柱脯湯鍋先。當然唔少得我最愛既手打餃子🥟和雙拼鹹蛋黃和普通炸響鈴和其他野食。前菜微辣青瓜和木耳，香辣可口。哇，消暑冬瓜瑤柱脯湯鍋到啦 ，有去殼的鮮蝦，煲滾後，最重的一件事就係品湯，喝一口，感覺清甜呢，想再添飲。服務員幫我地把冬瓜切開。之後可以落料煮。雙拼響鈴萬眾期待的響鈴到，原來係即炸，當然要即刻食啦，鹹蛋黃炸響鈴真係好好味，蛋黃夠曬香濃，唔會鹹，試泡在湯底1秒依然脆脆地，好幸福~脆皖魚厚厚多肉，滾15秒就食得，真係爽口彈牙，份量算多黑松露蟹肉餃尼度餃子餡料多選擇，最後還是選黑松露蟹肉餃看，似普通，但卻以香濃的黑松露醬、鮮甜蟹肉及豬肉炮製。蟹肉餃浮起來後就食得，咬開真係見絲絲蟹肉和微松露香。蜂巢豆腐豆味夠，軟軟的。火鍋好選擇。油麥菜餐廳已剪一半長，最後才食，菜綠味鮮，為火鍋畫上完美句號。整體而言，環境，餐具🍽️和食物都見心思有質素。

趁住仲有小小涼意，約左朋友去打邊爐。店內裝修是土耳其風，非常打卡able。一坐低先送上調味九宮格，內有涼拌青瓜及涼拌木耳，酸辣開胃。竹蔗茅根$68一上枱引起一場驚呼，只要扭一扭就可以扭出一杯杯竹蔗茅根毫不費力，好適合女仔聚會！特色卜卜蜆湯鍋$198伴隨食用乾冰上，一上枱令人驚艷，內有非常多的蜆，隻隻肥美鮮甜，而且食極都食唔完，同朋友笑說當年耶穌是靠呢個鍋餵飽所有人。本地牛頸脊 （細）$268有一定厚度，肉味香濃，油脂適中手打丸拼盤$148出街打邊爐我好鍾意叫一份手打丸，呢份有黑松露鮮蝦丸、黃金鮮蝦丸、鯪魚丸、菠菜豬肉丸及芝心牛肉丸我最鐘意係芝心牛肉丸，芝士加牛肉，有一個食緊漢堡的感覺！鹹蛋黃炒炸魚皮$78新鮮炸起，件件都掛滿鹹蛋黃，浸湯幾秒更加鬆化！員工親切有禮，整體出色！

銅鑼灣好多打邊爐嘅地方，但係呢一間係走異國風情嘅，真係第一次見！餐廳有唔同嘅菜式都係配合唔同國家嘅主打菜，所以選擇嘅種類都好豐富！餐廳環境走優雅風格，全部擺盆或者裝修都好有特色！一坐低就已經有九宮格等緊你，九宮格入面有三款小菜，小菜大多都係麻辣為主，但係食落口都幾開胃！我哋就點左冬瓜粒湯底，食落去冇咁熱氣，而且啲冬瓜滾左咁耐好入味，我都當湯飲咗幾碗！牛肉片食落口好新鮮，雖然唔係好多塊，但勝在每一塊都好厚身！醉雞食落去酒味好香，而且啲雞肉全部都好滑身，全部都大大嚿！就算放入湯底去滾，滾咗好耐都仲係咁滑身！冬瓜湯底真係好推薦，因為除咗打邊爐之外，真係當湯咁飲都抵晒！

朋友搵到呢間頗有特色嘅火鍋店，裝修別具心思，設有不同風格的主題房——土耳其、日本、法國、中式古風等，如果想打卡，真係要去夠四次！食物方面相當有水準，走精品手工火鍋路線，一啲都冇揸流攤。🐔招牌花膠雞湯鍋（$298/半隻）呢款花膠雞湯鍋係店內招牌，雖然淨係個鍋已經$300 ，但物有所值，包括半隻雞，同埋兩塊人面咁大嘅花膠，非常誇張！隻雞上桌時已經係半熟狀態，只需要放入鍋淥兩三分鐘就食得，肉質嫩滑，很好吃。 🍄黑松露蟹肉餃 （$68/4粒）🐚瑤柱乾貝滑、🦐手打蟹籽蝦滑（$128/雙拼）🔔鹹蛋黃炒響鈴（$78）鹹蛋黃炒響鈴真係冇得輸，非常香脆，鹹蛋黃份量極多，超級好食。🥔薯粉（$32） 今次坐咗土耳其房，下次再嚟想試吓日本風情主題房😂

🍴麻辣卜卜蜆湯鍋 228 蚊🌶️用左乾冰 所以成個紅色既麻辣鍋 有 d白色煙 , 所以美觀度夠 蜆肉鮮甜juicy 而且份量超多 ,.麻辣湯底夠香濃 辣椒 葱花 麻子 胡椒 夠香夠麻 仲有好多葱 芽菜 吸哂辣汁 要黎打邊爐好味🍴厚切即炸午餐肉68 蚊🐷午餐肉 外表放得好靚 夠厚切 煎得好香脆。就甘食又得 放落邊爐食又得🍴黑松露蟹肉餃4 粒68 蚊🥟呢個勁足料 首先餃皮夠爽 入面既蟹肉超多塞滿哂🦀 再帶 d黑松露香🍄好食 🍴黃金雙拼 鹹蛋黃炒響鈴 加 炸魚皮 98 蚊🥚🐟咸蛋黃勁正 一上枱超香 魚皮炸得好夠香脆 同咸蛋黃 match而響鈴 比較粉身口感 一咬就溶埋一齊 就甘食或者放落邊爐都好味 🍴正宗日本稻庭烏冬 32 蚊🍜烏冬 夠爽口彈牙 落落火鍋煲好耐都 冇影響佢口感 正🍴新鮮粟米 48 蚊🌽好鮮甜既粟米#粟米 #火鍋 #麻辣火鍋 #烏冬 #咸蛋黃 #響鈴 #炸魚皮 #卜卜蜆 #蟹肉 #午餐肉Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $

今日來到一間充滿異國風情的一間餐廳食火鍋，就是銅鑼灣的火鍋隨意門。餐廳裡外都充滿了異囯風味，天花上的吊燈尤其令人眼前一亮，充滿波希米亞特色。Menu上湯底都有十多款，還有四款不同國家特色的風味湯底，火鍋配料也不少。招牌花膠雞湯鍋$298 花膠雞另外用碟盛載，花膠有兩隻，大大隻地鋪滿了整個碟，連雞都給遮蓋住了，見到感覺隻有兩個字:足料，之後侍應會將花膠剪開一件件的放進鍋裏。半隻雞也是很足料，因花膠雞都已經有九成熟，所以雞與花膠滾后約5分鐘，就可以先飲湯。這個湯底真是超讚，濃濃的湯底，真的非常清甜！雞肉嫩滑有雞味。至於花膠，我會先食一些較腍的，然后先食其它火鍋配料，待花膠適合自己愛食的腍度才食，又軟又滑，滿口骨膠原的感覺，滿足！！日本廣島蠔$98 廣島蠔有4隻，不是很大隻，但是又軟又滑的，又有蠔味。鮮淮山$48 淮山感覺比較健康，所以我食火鍋我也比較喜愛食。韭菜豬肉餃$98韭菜豬肉餃有六粒 裏面韭菜味道非常香 ，滿口的韭菜香味，與豬肉的味道非常夾，脹卜卜的很香口。正宗日本稻庭烏冬$32 平時食火鍋，如叫烏冬的也都喜愛食稻庭烏冬，稻庭烏冬吸收了稻庭烏冬吸收了濃濃的花膠雞湯底，與湯一齊食，非常

放假最鍾意就係約埋朋友，齊齊去打邊爐。今次揀左位於銅鑼灣既火鍋隨意門!餐廳劃分幾個區域，以幾個唔同國家為主題，裝備精緻特別，環境超靚，打卡影相一流!今次坐既區域係土耳其區，馬賽克燈真係好靚~而家新登記做會員獲贈送鹹蛋黃炒響鈴，可以即食或者打邊爐，香脆又惹味，正。店員先奉上九宮格醬料盤同涼拌小食，味道微辣好過癮!湯底揀左花膠雞湯鍋，花膠有成手掌咁大塊，膠質豐富，口感爽滑有彈性，雞件皮滑肉嫩好新鮮。手切頂級安格斯牛肉(大)牛味濃郁，大理石紋脂肪分佈均勻，肉質鮮嫩多汁，口感細緻香甜。三拼滑可以一次過試齊黑松露墨魚滑、瑤柱乾貝滑同手打蟹子蝦滑。首推黑松露墨魚滑，入口有濃濃黑松露香，墨魚滑彈牙爽口，真材實料!手打芝心牛肉丸牛肉丸Q彈有嚼勁，咬落有濃濃芝士香，好正。黑松露蟹肉餃 第一次試蟹肉餃，估唔到好有驚喜!黑松露夾雜絲絲蟹肉，口感味道相當豐富~鹹蛋黃炒炸魚皮鋪滿鹹蛋黃賣相勁吸引，超香濃鹹蛋黃味道突出，魚皮爽脆口感滿分!蔬菜拼盤款款新鮮翠綠，首推香甜新鮮粟米、爽脆生菜，吸滿湯汁勁入味。

話時話都勁耐冇打過邊爐，所以今次約埋個朋友去間好少少嘅餐廳十下十下啦！呢間《火鍋隨意門》係位於銅鑼灣街市附近嘅大廈入面，而呢度係用上四個不同國家做主題房的，有日本、巴黎、中國及土耳其！而我哋今次就坐喺大廳嘅土耳其房啦！暫時未有得去旅行住，喺呢個環境下食嘢都唔錯！🥰❤️我哋點咗個花膠雞鍋底，個塊花膠扒大過我塊面的！打邊爐前先試啖個雞湯底先！嘩！塊花膠同個湯底都真係非常非常之鮮甜，雞味好濃，又夠養顏，呢個湯底係非常之啱女仔的！重點仲叫咗我最鍾意嘅海鮮拼盤，呢個拼盤有成八樣嘅海鮮，包括鮑魚、蠔、扇貝、翡翠螺、蝦、鱔片、花甲同蜆仔！樣樣都好新鮮，個人最鍾意係鮑魚，夠晒爽口同鮮甜！另一必食的，係鹹蛋黃魚皮，係等食嘅時候，佢絕對係一個最佳嘅小食，超級邪惡的！呢餐的確非常之豐富！而且店員服務非常之好！雖然新張期間晚市有88折，但價錢仍稍為貴咗少少！不過偶然一餐半餐對自己好少少都OK的！🥰😝❤️

隨意門成日係fb見到，今次有得大家嚟過下異國風情。醬油每位25蚊，有辣木耳小食同辣拍青瓜！超開胃，辣到喉嚨上頭！先用滾水沖洗，再煲熱佢。超級衛生！自家火鍋豉油、紅蔥頭油，後煮一流。麻香蔥香重！特色卜卜蜆湯鍋 $198食用乾冰好有台型！芹菜、大量卜卜蜆！卜卜蜆大部分都鮮，好多芽菜添，當埋菜食！個湯底清甜，唔會太咸！雖然多卜卜蜆，但唔會太重咸！應該靠芽菜芹菜吸哂味道！招牌花膠雞湯鍋 $298湯底一上枱極度香濃，乾冰型！半隻雞加兩大塊花膠，超正！必飲湯！大家4個清底咁樣！店員幫手整好花膠落鍋。滾起3分鐘，大家拎碗飲湯！少少咸，但雞味重唔油，飲得碗落！清酒鮮牛肉 $168一枝清酒落鮮牛肉，有埋紅棗！鮮牛肉比較香嫩，就算落鑊內阻都唔會變硬！本地牛頸脊 $268牛頸脊從無在火鍋中失手！快熟帶油脂，一開二，細份都ok既！餃子拼盤 $148韭菜餃同菜苗帶子餃比例都好，韭菜最好味！黃金沙葛餃素菜系列，脆口。和牛芝士一口餃外皮橙橙實認到佢，少少芝心感覺！黑松露蟹肉餃微租，放卜卜蜆度，海鮮對海鮮ok！蓮藕 $42小半條份量度，比菜類好處係煮耐d都唔怕黃，仲保持到爽口！生根 $38份量大份，抵叫！薯粉 $32

好耐冇出去港島區啦，所以今日專登嚟咗銅鑼灣行吓。近日喺社交平台見到好多人都介紹呢間，火鍋隨意門。咁既然經過就要試吓！一坐低佢哋湯底都好多款，不過我哋就叫咗，特色卜卜蜆湯鍋同埋招牌花膠雞湯鍋。佢個湯底蜆肉有超多，食極都食唔晒咁！原來花膠湯嗰個係招牌嚟嘅，花膠都有兩大舊，我哋同行四個人，每個人都有四五舊㗎！湯底原來係用新鮮雞去整！佢醬汁都有九款，其中仲要有木耳同埋青瓜，真係好開胃㗎 ！右下角嗰個係佢哋自家製嘅紅蔥頭醬汁，必食，好香！呢度好似出名食牛肉，所以我哋叫咗清酒鮮牛肉同埋本地牛肩脊。職員會喺上菜嘅時候先會係你面前倒清酒！清酒味真係好濃郁，下邊仲有啲芽菜，杞子。本地牛肩脊骨，我就非常建議大家一定要試吓，牛肉入口即溶，同埋好新鮮，花紋好靚！另外其他配菜我哋叫咗餃子拼盤10粒，生根，蓮藕。餃子拼盤我認為都係必食嘅，因為佢有好多款唔同口味，包括有韭菜，芝士，仲有蟹肉添！重頭戲嚟啦，就係呢個鹹蛋黃炒響鈴！雖然職員建議我哋趁熱食，但係我哋選擇咗淥一淥先食，果然都係咁好味呀，佢鹹蛋黃嘅味道好重，好濃郁，好似黃金蝦！由於食物唔係太夠，我哋仲叫做薯粉同埋南京鴨血。薯粉佢都係好煙銀嘅，份量都有啲多。鴨血

放假朋友帶左我去呢間火鍋店食午餐，都幾抵食，不同時間都有唔同折扣，最平仲有68折，星期日都有！店員好快手就放上調味料，唔夠仲可以refill店員服務好好，幫我地淥好餐具，仲多次提醒我地要小心熱，相當貼心，上菜速度都幾快蟹皇豚肉餃餃子比想像中札實，用料好足，亦有好香既蟹味，可惜食唔到豚肉既味道，可能蟹味太濃郁手打芝心牛肉丸牛肉丸好彈牙，有咬口，芝士味好濃，值得一試👍🏿金黃魚皮酥脆魚上表面沾滿鹹香鹹蛋黃，塊塊都好大片，厚實口感，炸得相當出色，一塊接一塊食唔停做餐廳會員即送金黃響玲，非常吸引

火鍋隨意門係銅鑼灣鵝頸橋街，個名相當特別，因為餐廳打造了日本、法國、土耳其及中國四個主題餐區，好似真係打開左隨意門一樣，讓客人話飛就飛，身處當地，暢遊四國土耳其區掛上多個馬賽克燈，色彩鮮豔，燈光柔和，幾有氣氛，座墊、牆紙、餐具、連豉油樽都係濃濃土耳其風，設計得非常仔細上鍋前店員送上九格盤醬油和小食，醬油小食每位$25，小食有雲耳、青瓜，麻味十足，好惹味特色卜卜蜆鍋 $198仙氣十足既卜卜蜆，鍋上有大量芽菜、芹菜、沙白蜆，湯底蘿蔔清湯，店員加水時都係加湯，所以唔會愈食愈淡味，湯頭清甜蜆份量相當多，隻隻都好乾淨，冇沙同埋脹卜卜醉香花雕牛展 $168非常濃郁花雕酒香味，肉質又嫩又滑 手切頂級安格斯牛肉 $348打卡一流😍牛脂分佈平均，厚薄剛好，肉味香濃，有嚼勁，同時又唔會韌，輕輕淥數10秒就食得三拼滑 $128打邊爐不能沒有滑，三款都叫哂，上場已經氣派十足☺️如霧如煙效果，用小木板整滑落鍋時好黏，非常起膠十分爽口彈牙，必點之選👍🏻黑松露墨魚滑黑松露味都幾重，同墨魚幾夾，蟹子蝦滑有好多蝦子，煮完蝦子都仍然黏附在滑上，仲有我最喜歡瑤柱乾貝滑，鮮味十足，有一絲絲乾貝口感

無聊搜尋銅鑼灣新邊爐，發現這間異國風邊爐，感覺好像不錯，地方也夠大，裝潢方面其實真的做得不錯，餐具都很有特色，座位也夠舒適，食物價錢中上，而肉類選擇比較多，其他菜或小食還好。餐廳新開張，登記做會員會送鹹蛋黃炒響鈴，建議大家一定要立刻吃，因為熱的時候才能感受到鹹蛋的鹹香味和響鈴的脆，唯一可惜是有點太油，咬下去會感受到油鎖在響鈴中。這次選擇的花膠雞湯鍋湯底反而不錯，很足料，花膠膠質強勁，每一口都感受到骨膠原很滋補，而且雞肉都有很多，用來吃肉都很搭。手切頂級安格斯牛肉 $248這盤安格斯牛肉說是頂級，我覺得味道還好，雪花油脂分明，不過入口牛肉味不算超～級濃郁，和平常吃的安格斯差不多，所以價錢來算覺得偏貴，如果有普通牛肉我應該會只叫普通牛肉。水蓮菜 $68很少地方有這款菜，見到立刻點！平常喜歡吃蔬菜的朋友一定要點它，因為一盤分量很多，加上放多久口感依然很爽口，又很吸湯汁～黑松露墨魚滑 $108墨魚滑很彈牙有口感，黑松露的味道很重，可是蓋過了墨魚本身的味道，個人喜好問題，所以我不太喜歡。