火鍋隨意門

營業中

休息中

天氣開始轉涼 同朋友即刻想打邊爐 今次簡左呢間 裝修好華麗 坐位寬敞 食物仲好多選擇！鴨血麻辣湯-個湯香氣四溢 麻辣香氣撲鼻 加上鴨血 絕對夠哂惹味手切頂級安格斯牛肉-賣相一流 唔係hea擺 就算叫左個細size我地一人食到成10片 好過癮 脂肪分佈比例平均 食落口感好正 新鮮鵝腸-食落爽口彈牙 配麻辣湯 加小小豉油已經好好食蒿筍-新鮮青綠 好爽脆 平衡一下食左咁多濃味食物蜂巢豆腐-份量唔細 用尼配麻辣湯底真係一絕薯粉-portion 好大 咬落去煙煙銀銀 大滿足餃子拼盤-有三款口味-皮薄餡靚 餡料勁豐富 餡料既比例絕對佔大部分 好正黑松露墨魚滑-墨魚滑食落爽口彈牙 而且份量好多 足足有兩大條黃金雙拼-咸蛋炸魚皮同埋咸蛋嚮鈴 新鮮即炸 夠哂脆口 配埋好香既湯底真係無得輸 就咁食又得 好香咸蛋味 淥一淥 吸收埋湯既精華真係不得了特濃洛神花-一渣咁上 同朋友share 大家都飲到3杯 絕對好抵飲！呢間打邊爐 絕對滿足到大家既胃口 真係無得唔encore

火鍋隨意門以土耳其🇹🇷有好多熱氣球升空嘅背景作為主題牆，細緻到連燈飾、火鍋爐、餐具等等，都係土耳其風，打卡一流！💗花膠雞湯鍋 $298超大片花膠呀！店員為我哋剪開細片，落入湯底煲滾！先品嚐花膠湯，湯底帶膠質，味道鮮美，感覺滋補，正！之後可以落半熟雞件去打邊爐，烚一陣就食得！基本上食雞都飽咗一大半，呢個花膠雞湯鍋抵食呀！💗蟹皇豚肉餃（四粒） $78皮薄餡料多，內裡好多蟹肉及蟹籽，鮮甜美味，讚！💗手打珍珠帶子墨魚丸（四粒） $68墨魚鮮味突出，加珍珠帶子，好滋味！💗豬頸肉 $58豬頸肉爽口彈牙，肉味香濃，推介！ 💗蓮藕片 $42蓮藕片新鮮爽口！💗正宗日本稻庭烏冬$32薯粉吸收曬湯底嘅精華，正！💗可樂 $25/罐打邊爐點少得飲可樂，仲提供埋冰及檸檬片，有誠意！

睇OpenRice見到有68折就決定去試吓😛去到唔使等位就可以入，而且仲有得揀坐邊一個Area，唔同Areas有唔同嘅佈置裝飾，我哋就揀咗坐土耳其風嘅位置😙裝修同埋所使用嘅用具都幾精緻，坐位亦都坐得幾舒服☺️-湯底方面，我哋就揀咗招牌嘅花膠雞湯鍋，一上枱嘅時候真係嚇親我😱首先個湯底係放咗乾冰做吓啲霧煙嘅效果，然後最驚喜嘅係，有一塊大過我塊面嘅花膠😳😂一見到心諗，淨係個湯底都咁多嘢食，仲邊食得落其他嘢🙈待應會將花膠剪成幾小塊，如果放入湯底，再叮囑我哋記得飲咗湯先至好正式打邊爐🤣個湯底真係好濃郁，雞味重，好飲！👍🏻-嘢食方面，我哋叫咗好幾樣嘢，桂花蚌同帶子片就一般正常水準而以下幾樣嘢係比較特別嘅:醉香花雕牛展-有淡淡的花雕味，而且牛展爽脆👍🏻清酒鮮牛肉-待應會係你面前將清酒淋落牛肉到，然後等10分鐘就可以淥嚟食😳啲牛肉嘅質素好好，肥瘦均勻，而且雖然只係醃咗10分鐘，但係已經有淡淡的清酒香，幾surprise 👍🏻蟹黃豚肉餃-真係幾有蟹黃味，但其實我又只係覺得一般🙈手打黃金流沙蝦丸-真係做到流心效果嘅，但係蝦丸就唔夠爽，一般啦🙈即場download app登記做會員，仲會送一份4條嘅鹹蛋黃炒響

見到銅鑼灣有間新開既火鍋店，即刻去試吓先啦梗係!!環境都好靚，睇個餐牌先知原來同香香宮煮係同一間～ 之前試過招牌花膠雞湯底，今次就試吓酒香麻油雞鍋湯底 ($298) 賣相超吸引，店員幫我地倒左啲酒落個鍋度先，再點火，啲雞就會燒到好香酒味，雞肉入味之餘亦都好嫩滑😻食打邊爐點可以冇肥牛，叫左本地牛頸脊 ($268) 牛肉好冧，牛味好濃，打邊爐食牛頸脊就最正😚 另外其他配料都好高質，牛柏葉 ($78) 水魷 ($78) 脆鯇魚 ($88) 餃子拼盤 ($148)正宗日本稻庭烏冬 ($32)鬼馬油炸鬼 ($78)。特別推介呢個餃子拼盤，餃子滾完之後，超級大粒，見到都好飽🤩而且味道都好特別，好有特色。另外脆鯇魚都好新鮮爽口，推介🤤

呢間火鍋裝修靚，夠新。餐廳牆可以打打卡。火鍋湯底由$188-$298，我地揀左卜卜蜆鍋$198。好多蜆，蜆無沙。湯底清清地。一上檯就有煙，有乾冰效果。湯底仲有芽菜、白蘿白。火鍋配料同一般邊爐店差唔多，打邊爐點可以無肥牛。我地叫左本地牛頸脊（細）$268。牛味重，還可以。叫左黃金雙拼$98-有咸蛋黃炒響鈴及咸蛋黃炸魚皮。呢個唔錯。咸蛋黃魚皮新鮮，有咸蛋黃香，夠脆。響鈴都大件夠脆。蟹皇豚肉餃$78（半份4隻），夠多蟹肉。餃大隻。手打墨汁墨魚丸$68（半份4粒）。叫左個萵筍$48，埋單約$900。

最近疫情好返啲，終於可以同朋友少少地兩三個知己聚會下，朋友通知，銅鑼灣有間打邊爐餐廳新開張叫～火鍋隨意門呢間餐廳以四個國家嘅裝修為主題，原來隨意門嘅意思，就係一打開門，就去到另外一個國家，好有意思，好特別！特別推介～招牌花膠雞湯鍋❤️花膠熬製嘅湯底，花膠大大塊，湯啖啖充滿膠原，店員介紹，雞肉係預先用湯淋到半熟再上枱，食先放雞肉擺入去煮，兩分鐘左右就食得，咁樣食，果然係非常滑溜！👍呢度會收每位$25醬油茶介，呢個價錢真係CP值十足，除咗平時嘅醬料都會供應之外，仲有三款小食～蟹子玉子豆腐沙律、涼拌黑木耳和涼拌醃製酸菜，各有特色！我地另外仲食左 脆肉鯇魚、海鮮拼盤、豬皮、桂花蚌，款款都夠新鮮，而家新開幕，仲免加一添👍下次一定要帶埋爹哋媽咪過嚟試吓先👍

今晚我去咗土耳其打邊爐呀！哈哈～～～呢間火鍋隨意門真係打卡專用嘅火鍋店呢度佈置得好靚！忍唔住打卡！有中國、日本、土耳其、歐陸特色嘅餐廳位置！日本同埋歐陸特色部分仲係包箱！可以book嚟同朋友一齊飲飲食食！除咗打卡之外，呢度啲嘢食都好正！我哋叫咗仙氣卜卜蜆鍋底，上枱陣仙氣十足～～份量超多，d蜆好似食極都食唔曬咁！薄切嘅本地牛頸脊牛味好濃！油花平均！廣島蠔好大隻！充分解凍唔會硬掘掘！淥完之後仍然保持尺寸！除咗牛肉同廣島蠔之外， 我特別推介呢度嘅手打丸同餃子！手打黑松露野菌鮮蝦丸好彈牙！食到粒粒分明嘅野菌粒同蝦仁！仲有蟹王豚肉餃！每一粒都超大隻！睇下大過匙羹！食埋兩粒丸同餃子已經好飽！宣佈投降～

作為一個binloholic，當然會周圍搵好食嘅邊爐！今次呢間喺銅鑼灣新開架🤩湯底：花膠雞湯鍋（$298)嗌呢個湯底其實算抵食，首先佢會有半隻雞上，雞件滑得黎之餘冇雪藏味，食落好嫰滑，仲要唔肥！🤓花膠大大塊，有接近六至七塊😍一啲都唔慳料☺️成個湯底飲落去好清甜，仲要唔油！我未開始食野就已經飲左兩碗🤣值得一提嘅係，雞件同花膠係另上，啲雞上嘅時候已經係半熟嘅狀態，淥個時唔洗等太耐🥳手切頂級安格斯牛肉 - 大（$348)啲牛肉擺盤好靚，即時食慾大增🤩份量好多，食落一啲都唔韌，冇咩根位👍🏽最緊要係夠新鮮🤪黃金雙拼（$98)黃金雙拼係加左鹹蛋黃嘅炸魚皮同響鈴🤩個響鈴勁香，上面嘅鹹蛋黃超多，就算拎去淥幾秒都仲好重味🤤魚皮比較厚身，仲好脆添！蟹黃豚肉餃（$78)呢個餃大大粒，一咬落去就見到勁多蟹肉餡，同時有浸蟹膏香🤤真係會令人想再食多幾個🤩手打珍珠帶子墨魚丸（$68)呢款丸絕對帶到驚喜比你🤪咬落去即刻見到有原粒帶子收埋喺裏面，帶子鮮甜仲好香🤤粒丸都有唔少墨魚肉喺入面，好有咬囗！😍龍囗粉絲（$38)粉絲份量多，而且好有咬囗，索埋啲湯一齊食勁正🤤唐生菜（$42)啲菜好新鮮，而且洗得好乾淨🥬足料竹蔗茅根（$

💕網上見到，銅鑼灣鵝頸橋呢邊開咗間火鍋新店，最近疫情有所緩和，咁啱今日同老公一齊帶Toby姐姐過黎上興趣班，我地三個就去試探下環境先😆一到餐廳門口，見到店名，Toby已經好興奮大叫 ～隨意門😂，睇返內裏嘅裝修先理解，每個area都依照各個國家嘅特色去怖置，好似隨意門咁，一開門就到第二個地方🥰唔止裝修，呢度有四款唔同國家特色嘅風味湯底添，唔止眼睛去旅行，連舌頭都去埋旅行喇😋招牌花膠雞湯鍋 半隻雞～其實食呢個湯底已經好滿足😍職員好細心咁，喺我地面前，將原先大大塊嘅花膠剪細，然後放落去煮，教我哋先飲湯，食嗰陣先至擺雞肉落去，咁樣食雞肉，會係最滑👍海鮮拼盤～海鮮拼盤做緊新開張優惠，原價$498，現在只係$398，有大蟶子、貝蜆、海蝦、大扇貝、日本蠔，每款都有四大隻，童叟無欺呢個價錢真係好抵食，而且全部都放喺冰上面，砌靚靚先至上枱，夠晒新鮮！手打珍珠帶子墨魚丸～手打丸係我每次打邊爐必食嘅，呢盤有成八粒，每粒都有乒乓波嘅大小，每啖都食到細細粒嘅墨魚碎，彈口，而且食到中間，仲有一粒帶子添，非常足料！炸支竹 、薯粉～對於我來講，打邊爐必備呢兩款，因為鍾意佢夠吸味，配合呢個咁靚嘅湯底，完全唔使加其他調味

最近疫症終於減輕翻啲，政府亦都開始放寬。終於可以有限度地約朋友聚聚。今次揀左剛剛新開既火鍋隨意門。環境應該以摩洛哥風格取材，熱氣球加上花邊裝飾，夠曬別緻，即刻拎起相機打返張卡先٩(˃̶͈̀௰˂̶͈́)و！系火鍋未黎之前揀左個 調味料(hkd25) 先。鋪排都擺得幾靚！而鍋底就揀左 特色卜卜蜆錫(hkd$198) 鮮味特出，配上少少辣更加惹味，而蘿蔔最好留後啲先食，比佢盡量吸收湯既精華，咁先吾會浪費呀嘛。手切頂級安格斯牛肉(hkd$348) 有靚湯底點可以吾配靚牛肉呀，雪花分明，不用多說，正呀！系貴左啲，不過咁而無得出街，豪翻一次都吾過份呀(˶‾᷄ ⁻̫ ‾᷅˵)！三拼(hkd$128) 分別點左黑松露墨魚滑、瑤柱乾貝滑、手打蟹子蝦滑。全部都好高級呀！最後點左啲娃娃菜、菇拼盤等做配菜，豐盛嘅一餐完成了♪(´ε｀ )！Ps，原來呢家十月系OpenRice訂位仲有折！折左既價都幾抵食，可以一戰！

今日我又同家姐姐夫男朋友四個人去打邊爐😙💕係我搭車嘅巴士站隔離新開左一間好有特色好靚嘅打邊爐專門店🙋成間舖頭都係走土耳其同波希米亞type 裝修好適合女仔嚟打卡😎而且最正嘅係 佢連燈飾餐具枱櫈裝修Even連牙簽筒都係有悉心配搭過😁野食方面真係好高質事不宜遲就利用左佢哋特色九宮格嚟整咗我想要嘅醬料先🤐我哋要咗北海道3.6牛乳湯底!!成個湯底有牛奶香😘應該好滋補 首先要大贊佢哋嘅牛肉!! 價錢唔貴但係品質上乘 牛肉牛花嘅分布超級完美👍 入口即溶大概落湯6秒就食得 !! 推介之後就要咗超甜粟放落湯底熬出粟米香😘食落去味道香甜多汁!鮮炸午餐咗佢哋炸到卜卜脆 再放落去有牛奶香嘅湯底浸一浸 成個層次都出晒嚟🤪我哋要咗個黃金雙拼(鹹蛋黃炒響鈴加鹹蛋黃炒炸魚皮)呢一個邪惡感十足但係非常非常好食😝搞落去嗰隻鹹蛋香味，少少牛奶香真齒頰留香 搞到我哋都仲想encore之後上左佢哋餃子拼盤同手打丸拼盤各10粒😍其實呢一個真係好抵再嗌因為每一粒都係佢哋手工自己整嘅!!餡料十足 而且味道亦都唔係坊間一般嘅餃子同丸我自己就最鍾意黑松露野菌餃 因為黑松露味真係好香😎又唔係成日都食到 和牛芝士都好好味 👍手打丸就好彈牙

見到銅鑼灣鵝頸橋隔離開咗一間新嘅 火鍋店新張期間全單68折！！😱😱勁抵！ 所以約咗朋友一齊去食入到去裝修真係好靚！真心啱曬我呢啲港女打卡一流！！成間餐廳都係波希米亞風連個咕臣都好有民族風嗰啲水晶燈同埋餐具全部都令到我好開心仔！湯底方面有好多選擇😋😋.🌸北海道3.6牛奶櫻花湯 $268(未68折) 上菜嘅時候真係見到好多櫻花係啲湯入面櫻花其實味道唔重但係牛奶好香 個湯飲落去好滑好濃👍🌸手切安格斯牛肉 $348(未68折) 厚薄適中 油花好靚咬上去好滑份量唔少呢個價錢再有68折抵食🌸餃子拼盤 $148(未68折) 超好食 一共有五款每款有兩隻"隻隻都勁大隻！皮薄餡靚睇圖都睇到啲餡透曬出嚟咬入去全部都係爆汁勁juicy我哋四個人 一共食咗兩次一人要食五隻先夠皮😝不過真係勁飽 細食嘅女仔食三隻都已經好飽有和牛芝士一口餃 蟹王豚肉餃 黑松露野菌餃帶子菜苗餃 韭菜豬肉餃和牛芝士餃 啲芝士爆曬漿和牛油夠香 超邪惡😂黑松露野菌餃勁香黑松露醬味成口都係醬勁足料😋😋😋🌸肉丸拼盤 $148(未68折) 肉丸同餃子一樣有五款 每款有兩粒全部都係手打彈牙滑捋捋個size仲好滿意成個乒乓波咁🌸三拼海鮮滑 $128

中秋節人團圓，團圓當然少不了打邊爐，偶然發現這家新營業的餐廳，最近做緊特價68折的優惠，中秋就來這打邊爐了一進門就被牆壁上的土耳其熱氣球壁畫所吸引，好靚湯底選擇很多大約有十種！今日選擇了健康的花膠雞湯花膠雞湯鍋伴隨著湯底端來的有半隻雞，侍應會協助將花膠剪入湯底，等湯熱了可以自行將雞肉放進去煮，湯很滋補又好味，喝了好多碗，肉質軟嫩醬料+3款小食半熟牛肋片肉質味道鮮美，好味！蜂巢豆腐配上吸飽的湯汁，健康又飽足蔬菜拼盤蔬菜拼盤很大一份！連裝蔬菜的盤子都靚總體而言餐廳食材水準之上，雞湯足料好滋味，餐廳環境新穎，裝潢上頗有心機，打開這道任意門後，視覺和味覺都是享受，推薦給大家

銅鑼灣堅拿道西近日開了一間火鍋店，名為「火鍋隨意門」，這名字很有多啦A夢feel，餐廳環境很美有兩個vip套房，一是日本風，另一間是巴黎風，在房間抬頭可看到巴黎鐵塔裝飾，而大廳是土耳其風，座位寬敞。到餐廳後才發現原來在菜單上寫上「International Passport」意味著用食材帶你味蕾運遊世界，地點包括中國、法國、日本及土耳其等國家，看你是否想在一餐內遊遍這幾個國家。今次我與朋友先由湯底出發，選了中國的「鴨血麻辣湯鍋」，呷一口湯頭感先辛辣後麻痺，鴨血是來自南京，口感煙韌，質素不錯，整個鍋底很有四川風味。火鍋食料點了「本地牛頸脊」是香港本地牛肉，單看肉身鮮紅，紋路分明，放在湯上灼幾十秒便可，肉質嫩滑，水準很高。「手打丸拼盤十粒」有黑松露野菌鮮蝦丸，有香濃黑松露及蝦肉爽脆。珍珠帶子墨魚丸，彈牙內裡有一粒帶子，很香口。菠菜豬肉丸，菠菜與豬肉味均勻，味道不過不失。鯪魚球大大粒，有魚肉香。個人比較喜歡芝士牛肉丸，內有流心芝士，配上牛肉很好美。「炸支竹」份量也不少，浸透了麻辣火鍋湯底，非常惹味。「豬皮」配麻辣火鍋都很夾，當豬皮入味後，好食到停不到口。

//有冇諗過喺唔同國家都可以食到打邊爐？連我都諗唔到可以喺土耳其度打邊爐😂講緊嘅就係位於銅鑼灣嘅火鍋隨意門餐廳將裝修化為四個唔同國家嘅主題分別有法國，日本，中國同埋土耳其使用嘅餐具都會就當地嘅特色特備配合👍🏻講完環境就講吓食材 我哋要咗特色卜卜蜆鍋($198)唔好以為得好少蜆 啲蜆係好似食極都唔完咁蜆肉好肥美好甜 配上特色嘅湯底真係好好味除此之外我哋仲叫咗兩款牛肉分別係手切頂級安格斯牛肉 ($348)同埋本地牛頸脊 ($368)前者肉質較嫩 牛味頗濃 後者有咬口 牛咪比前者更濃另外竟然有黃金雙拼 ($98)即係鹹蛋炸魚皮炸響鈴 即食嘅話係冇得頂呀😋最後推薦手打滑三拼 ($128)當中黑松露墨魚滑最正 黑松露味濃郁😝最後飲返一榨足料竹蔗茅根($68) 就唔怕熱氣😗-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂