漁火海鮮刺身火鍋

營業中

休息中

天氣凍梗系去打邊邊啦，今日就同友人黎到銅鑼灣樓上店食刺身火鍋，一黎到覺得呢間火鍋店系行高檔路線，座位大多以卡座形式，十分寬敞，舒適至極。一坐低，店員就拿著一盒木箱調味醬料，方便客人自行添置醬料。木箱好似九宮格，調味醬料亦設有多種選擇，當然唔少得一般的蔥花，辣椒，蒜蓉，炸蒜等，特別之處在於麻醬同白芝麻，相信後者一般火鍋店都沒有提供，但喜歡食芝麻的朋友就絕對不容錯過，因為加上白芝麻之後，更突出口感。食火鍋除了食材要新鮮，重點在於湯底。而呢間火鍋店提供的湯底亦十分特別，特別推介的有天麻魚頭湯，龍皇海鮮湯，白肺豬骨湯同埋今次所挑選的花膠響螺燉豬展湯底，呢款湯底獨特之處在於客人可以先飲用中式湯底，然後再加水熬製成火鍋湯底。花膠養顏，簡直是各女士的養顏恩物，冬天飲呢個湯底簡直一流。而且湯底材料十足，飲落淡淡花膠，同埋切片響螺，十分補身。油甘魚刺身食火鍋之前當然亦要一嘗出名的刺身，今次點了一客油甘魚刺身，價錢十分親民，每件都厚切，魚質十分新鮮，一d腥味都無，食完忍唔住都再encore一碟。 而今次火鍋配料分別點了店鋪推介的新鮮牛胸爽，走地清遠滑雞件，豬仔午餐肉，黃金魚片頭，芝士丸，皇帝菜和烏冬等。新

銅鑼灣區不乏火鍋店，友人是日挑選左呢間，漁火嘅好評不少，一試後，都覺得非常高質素，如果來銅鑼灣，想食火鍋，都推薦。店內座位唔多，我地好快被安排坐卡座，相當舒適，有足夠空間，亦唔會同隔離枱背貼背餐牌方面，都好多選擇，我地睇到眼花瞭亂。湯底有十幾款，都有D飲得過嘅海鮮湯、花膠湯、豬骨湯等等，亦都有普通D嘅麻辣、胡椒豬肚、蕃茄薯仔等等。醬料 15/位：漁火花甲豬骨煲 168：原本有款魚湯，不過同行朋友唔係太好魚，所以我地選擇左豬骨。湯底入面有好多豬骨，煲出來嘅湯又幾香甜，唔會太鹹，自己煲湯就好少買咁大件豬骨，襯機會飲下湯都好。亮點當然係巨型花甲，有4大隻，貝身爽口、鮮甜，乾淨吐沙，欲罷不能。湯底嘅粟米就唔算好甜，但仲有唔少蘿蔔，所以湯底好足料蒙古肥羊片 98：由於同行朋友唔食牛，我地又唔太好豬，所以點左碟羊肉片，份量不少，幾抵食。羊肉薄片，完全唔羶，有D似腍身D嘅梅頭片，又幾好食清遠滑雞件 88：滑雞件半隻，唔係太肥，屬於比較瘦，但都有肉食。唯雞就冇乜鮮味，而且有D柴。鮮打靚蝦滑 88：蝦準滑又幾正喎，一致認為全晚最出色。蝦滑唔會打到好細好細，仲保留蝦肉口感，而且冇乜粉感，真材實料自家製韭菜

最近打邊爐不外乎食麻辣、雞煲，今晚決定清淡d，回歸豬骨煲。我地去左銅鑼灣京都廣場呢間叫漁火嘅火鍋店，地方唔算好大，但有個好處係，有部分係非常闊落嘅卡位，坐4-6個人都冇問題，而且椅背比較高d，起碼有少少私隱，唔洗同後面你眼望我眼。咁我地3個人就坐得鬆動啦。花甲豬骨煲 呢度睇番係用d深水花甲，好大隻，果然來到都冇失望！裡面有四隻大花甲，自問真係冇食過咁大隻，好新鮮，而且鮮甜。仲有粟米同蘿蔔~湯底中仲有三件大豬骨，豬骨香口，係同骨，仲軟骨位超大舊，仲有少少骨髓啜下。所以湯底都非常正，我地飲左幾碗先開始打邊爐食材方面我地叫左手切頂級prime牛肉，見幾特別咁，份量都唔少，228中份量都唔貴。肉質較瘦，牛味十足，但就唔會好多脂肪。蝦滑係推介之選，食到好新鮮嘅蝦粒，勁彈牙，落足料仲有半隻清遠走地雞，雞件新鮮，不過一淥起就要食，否則會鞋。雞肉幾瘦，唔會太肥膩感打邊爐必食豬仔牌午餐肉！稻庭烏冬配咩湯底都正，一份有三個烏冬，夠哂。食落煙un又滑溜！金菇、生菜係正常邊爐水準。韭菜餃肉餡唔多，菜多肉少，感覺健康，韭菜味香，皮薄新鮮人均三百蚊，一般火鍋價錢，加上喺銅鑼灣區，都合理。店員都係上左年紀嘅叔叔，好

火鍋我又回來了，新年後末食過，突然心癢癢，快快約友人去烚烚下。友人推介「漁火」，話食物新鮮，仲有好多優惠，一於唔好放過。今日見有數款海鮮做特價，象拔蚌是我的首選，豪一豪要了一份。嘩啦啦，滿滿的，切得不會太薄，食起來有質感。鮮甜爽口，正呀！火鍋湯底我一向不喜歡太花巧，清清地芫茜皮蛋最下火，豆腐，皮蛋，芫茜...料幾足。叫得頂級Prime牛肉，質素一定有番咁上下，雖然油脂分佈不是太平均，但入口軟腍有牛肉香，一塊接一塊停不了口。墨魚滑好鬼彈牙，墨魚味濃，友人讚不絕口。桂花蚌份量不少，入口爽脆鮮甜，果然新鮮。友人真係冇介紹錯，論食物質素新鮮，環境衛生另人滿意，服務態度一流，時不時有優惠，值得推介。

之前同朋友黎過漁火食火鍋！覺得好食，所以尋晚帶媽咪來食因為媽咪要養顏，所以湯底揀了養顏牛乳湯！一鍋奶白色的湯底！淨睇已覺可以養顏美白！喝一口很清甜順滑火鍋配料揀了 特選牛盛薈、冬菇釀墨魚、帶子鲛、響鈴、金菇、油麥菜、出前一丁、竹庶茅根水漁火特選牛盛薈很豐富！有不同部位的手切牛肉，款款都好香牛味！有入口即溶、有爽滑彈口！可以滿足大家不同的口味！冬菇釀墨魚冬落爽滑有香菇味，墨鱼滑彈牙重有墨魚粒在裡面，面上的蟹籽！曾加了口感！好好味自家帶子餃皮薄料多！一口咬落去很實在！即炸鬆脆響鈴香脆豆味濃，不放在鍋內都好好食，沾了湯後吸了湯汁又另一種口味日木金菇爽口，索晒啲湯汁精華，好正!!!自家竹蔗茅根水不太甜夠冰凍！是食火鍋的最佳拍檔好滿意滿足的一餐媽咪都好滿意話會约她的麻雀腳一起來食

打邊爐用真材實料老火湯來做湯底 非常正落火鍋料之前 一定要先飲返碗先菜乾白肺燉豬骨湯 $168菜乾味濃 啖啖精華豬骨經過幾小時熬製後肉仲仍然好滑 好有膠質漁火特選牛盛薈 $428喜歡食牛嘅朋友一定唔可以錯過一個盛薈包左五樣牛肉 樣樣都好新鮮最好食要數牛柳粒 肥瘦適中肥牛切片好有油香另外仲有牛頸脊 牛頸背 同牛脷粒 同樣新鮮肉味濃三文魚刺身 $58叫得做漁火 海鮮一定唔少得三文魚刺身係偏腩位位置夠肥有油香 正肥水大花甲 $98餐廳挑選時令嘅大花甲 夠大隻食落好爽口 清甜 抵食溫室豆苗 $38蔬菜方面有比較少見嘅温室溫室豆苗食落有芽菜嘅爽 仲有豆苗嘅青味一定要試

漁火主打以時令新鮮海鮮同埋老火湯做湯底而且仲有刺身食 真係一次過滿足幾個願望一坐低店員拎左醬油架黎 服務貼心菜乾白肺燉豬骨 $168係未開始打邊爐之前不妨飲一碗先 冇味精真係真材實料囉飲落感覺好健康有益！漁火特選牛盛薈 $428一共有五個唔同嘅牛部位切片牛頸脊同埋牛頸背因爲有d筋所以食落好有嚼勁 肉味香濃牛柳粒意想不到咁腍咁滑而且牛味亦都非常突出肥牛切片係全碟既精華油花飽滿甘香 每口牛肉肉香令人回味無窮！牛脷粒相當鮮甜 亦都非常唔錯自家製竹蔗茅根 清甜解熱氣 好正唐生菜新鮮爽甜 清清腸胃最好不過👍🏻

正值天寒地凍，與朋友相約在銅鑼灣，老友二話不說帶我來到漁火海鮮刺身火鍋。乍看來以為是普通火鍋店，既然老友盛意拳拳，也就恭敬不如從命。甫入座，侍應已迅速安排好醬料架供我們自行添加，難得現時的餐廳還有如此效率。老友先點選了花甲豬骨煲作湯底，一口熱湯下肚，不止暖胃，而且清甜爽口，帶有些少胡椒的辣勁作點綴，既開胃又不會過分油膩。再談談火鍋料，由於有這麼可口的湯底，我們胃口大開。先叫了一份手切鮮牛頸脊，未放入湯涮煮時就已聞到新鮮的牛肉香，稱為下湯涮一涮，香味倍增之餘，入口更是洋溢牛肉的頂級滋味。再來是脆鯇片，以往光顧火鍋店的經驗令我對鯇片卻步，經常都是一煮就溶解於湯中，但漁火的脆鯇片確是名符其實的「脆」且鮮味十足，在街外較少點魚的我不禁心思思想再點多一碟。與鯇片一道前來的還有珊瑚蚌，侍應一放上檯，我吃了一驚，份量遠比估計的多，煮熟後爽甜又帶有嚼勁，足證是新鮮貨色。壓軸上場的還有本地龍蝦一隻，雖然體型沒有酒樓那種國外龍蝦來得大，但煮熟後入口便知其鮮甜足以與來佬貨爭一日之長短，蝦肉彈牙爽脆，伴着蝦膏淡淡的苦澀味，為這晚劃上優雅的句點。

呢幾日天氣凍冰冰，咁啱朋友介紹呢間漁火海鮮刺身火鍋，於是兩個人一齊上去烚下烚下。雖然上到去都只係六點半，但已經坐咗七成嘅枱，真係好彩一早打咗去訂枱。一去到職員安排我地坐卡位，重送上九宮格醬汁配料任君選擇，個座位好闊落，五六個人坐應該都無問題。一坐低我哋梗係即刻揀湯底先，想食清少少，又想食海鮮，所以揀左漁火花甲豬骨煲，花甲又大隻又鮮甜，重有粟米、白蘿蔔等配料，夠哂足料！呢間火鍋嘅主打就係海鮮，我呢個海鮮控見到有本地龍蝦就梗係要試下啦。一上枱見到咁細隻，本身有少少失望，但點知食落肉質好彈牙，而且有好濃嘅龍蝦味，真係好驚喜。珊瑚蚌新鮮爽口，脆鯇片亦都好爽脆，而且好鮮甜。朋友就對手切本地鮮牛頸脊讚不絕口，脂肪分佈好均勻，肉味香濃，肉質唔會太韌；重有個手打牛筋丸亦都食得出係自家用鮮牛打成，不過就唔算好彈牙，質感鬆散咗少少。我同朋友都好鍾意食雲吞，呢度嘅招牌雲吞王真係無得彈，雲吞皮入口非常滑溜，一咬開就係滿滿嘅韭黃香，豬肉餡飽滿又夠味，而且入面重有原隻蝦仁，蝦肉新鮮爽口，口感層次豐富，皮薄餡靚多汁，唔使點豉油醬汁已經令人覺得好好味。簡單嚟講，呢度嘅食物質素真係幾高，兩個人食完真係好滿足，下次再嚟再

今日朋友生日就帶佢嚟漁火食下好嘢，先睇餐牌，分咗肉、海鮮、刺身等嘅種類，食物種類多，而且比較少地方有嘅食材都有，可以邊睇圖邊用紙點嘢食。首先要叫咗個火鍋湯底先，我地就揀咗胡椒白果豬肚煲($98)。湯底濃郁，而且愈煲愈濃味，可以直接當湯水飲。然後叫咗即開法國生蠔($38/隻)，好鮮甜、肥美，一入口啲汁就出晒嚟，高質。一口和牛柳粒($148)，平時燒牛柳粒就食得多，拎去打邊爐都係第一次，估唔到淥完之後入埋湯底味又幾夾，而且肉質厚，有啲咬之餘又重肉味。新鮮牛胸爽($98)，爽口鮮甜，宜家好少火鍋店有供應，值得一試。本地龍蝦($298/隻)，好大隻，啖啖肉，上枱時已經一開八，食嘅時候好方便，夠晒貼心。時令什菜籃($58)，包括粟米、冬菇、菜，份量夠兩個人食，啲蔬菜都好新鮮。牛柏葉($58)，個量多到個碟滿晒就跌，而口感夠爽口唔會太老。

天氣開始凍就收工同同事一齊圍爐取暖，上到嚟環境幾寬敞而且大枱居多，好適合一大班人嚟食。餐單好多選擇，係睇menu再劃紙嘅形式好貼心，因為好多特別啲嘅食材都有圖睇住叫。見天氣凍就叫咗胡椒白果豬肚煲暖一暖胃，個湯愈食愈濃味，而且唔會愈煲愈多油，最後當埋湯飲都唔錯。雖然龍蝦刺身要預訂叫唔到，咁就試下本地龍蝦，好肥好大隻而且滿滿嘅肉，鮮甜可口。新鮮牛胸爽我都係第一次食，爽爽地口又鮮甜幾好味，可以一試。加洲桂花蚌好大碟、份量多，咬落爽脆彈牙，帶點鮮味，又係必叫之選。招牌雲吞皇入面好大隻蝦仁，而且好多肉，肉質嫩滑高質。再叫埋自家竹蔗茅根，味道濃郁、清新，而且份量無偷工減料，食火鍋飲降吓火啱晒。

邊個話打邊爐就一定好麻甩架😂 天氣凍凍地，晚飯首選一定係打邊爐喺銅鑼灣睇完戲，就搵下附近有乜好食喺京都廣場就有好多間餐廳，竟然俾我地見到有間打邊爐嘅可能我地都好早上到黎，佢地岩岩開晚市，客人不多呢度有卡位，又有普通檯，不論係二人指拖，還是大圍食飯，同樣合適除左點餐紙上嘅食物，牆上仲有啲廚師推介俾大家唔同時段入座仲有折扣優惠添架同一般邊爐一樣，都有好多配料選擇，而且配料都是新鮮的！因為見到全部都很翠綠喔湯底方面，我地點左個花甲豬骨湯個湯嘅豬骨味濃郁，再配上蜆肉的海鮮鮮味同粟米的清甜成個湯底都令鐘意飲湯嘅我欲罷不能老公就好鐘意食魚生嘅，估喎到打邊爐都仲有魚生可以點☺️三文魚好新鮮，而且色澤鮮豔，油脂分佈平均，重點係厚切！ 咬落去嘅每一啖都充滿口感我地都點左好多野食，重點推介咸蛋豬肉丸，一粒咸蛋黃包住喺粒豬肉丸入面，口感豐富，豬肉丸不用特別調味，卻跟咸蛋黃很配合午餐肉亦是另一推介，佢有別於平常的罐要午餐肉！他們的是有肉絲的！對於打邊爐一定要有午餐肉的我來說，實在是福音再黎一份油脂分佈平均嘅極品黑豚腩肉片平時啲肉如果淥得耐，會好鞋！但呢隻黑豚腩肉有豬味但唔騷，加上肥瘦比例適中，唔會好油/ 好鞋！

抓住冬天嘅尾巴，一於同朋友打多次邊爐先。由於有朋友第二日早機，話呢一間八點三之前走有九折，啱晒所以一早book定呢度。湯底方面特色湯底都唔少，不過由於我哋都係鍾意食辣多啲，結果都係揀咗台式正宗麻辣鍋。鍋底上到枱香噴噴，材料十足。食開川菜嘅我哋都覺得夠晒刺激，侍應仲話如果唔夠辣可以再加辣啲！不過我哋就覺得已經剛剛好，辣得太誇張就食唔到其他食材嘅鮮味啦！佢哋呢度有個特選牛盛薈，啱囇我哋呢班有選擇困難症嘅朋友仔！佢有齊本地手切牛頸脊，牛邊位，美國頂級prime牛肉，一口和牛粒同極品牛舌芯！和牛粒同牛舌芯可以煮幾分鐘，建議先落。美國prime薄切，幾秒鐘即刻食得，脂香十足！本地牛邊位同牛頸脊雖然雪花冇美國肥牛咁多，但肉味香濃，特別係牛邊位嘅肉味最突出而且有咬口！牛頸脊就肉質香嫩軟滑，師傅用雙飛手切，更特顯到肉質。一口和牛，不負所望，肉質細而牛脂澎湃。最驚喜嘅係牛舌芯，冇咗邊位嘅鞋口，全軟淋而且肉味豐富，香到不得了，牛痴必點！推介冬菇釀墨魚，外表冇乜特別，點知煮好之後墨魚膠極彈牙！入仲有爽口一粒粒墨魚，不可錯過！即炸鬆脆響鈴，同其他地方嘅響鈴唔同，呢個皮比較薄，非常鬆脆，但注意唔可以成件放晒落去

喺冬天食生日飯離不開都係打邊爐，坐得又傾得，其中一個frd話呢度啲牛好正，一早就book咗枱，店內裝修環境都唔錯，擺設仲有新年氣氛，卡位都幾闊落，四人坐得都幾舒服。我哋都食得辣所以叫咗個正宗台灣麻辣鍋做鍋底，之後當然點返個主角*特選牛盛會、仲有牛胸肉同其他鍋料。今次想重點記錄一下呢個牛盛薈！上枱果然非常吸睛，盤上有本地手切牛頸脊、本地手切肉眼邊位、安格斯、牛舌、和牛粒，睇見都流晒口水。店員話肉眼邊位肉味最濃，亦都唔洗滾咁耐，咁就先試牛頸脊，好滑嫩，容易入口。之後係肉眼邊位，明顯肉質爽彈，厚度又有返咁上下，牛味果然突出，正！安格斯花紋平均好靚仔，入口即溶，另一類嘅精采，厚度亦唔會少。而一口和牛係安格斯粒，亦都脂香十足，牛味越食越出。估唔到最後牛舌都唔錯，即使滾下滾下唔記得撈返，之後滾耐咗少少都亦然有十足嘅脂香，而且爽口彈牙。另外一碟牛胸肉賣相企理，厚度一致，滾兩滾就食得，非常爽脆，最後竟然再encore, 不得了。呢間賣點嘅牛真係相當突出，鐘意食牛嘅都不妨試下，個frd果然無介紹錯。牛盛薈嘅好處係每個好味嘅部位都集結一身，唔洗分開單點得咁貴食，呢個係我最欣賞。

尋日放工突然好想食火鍋！於是和同事去了銅鑼灣漁火！這裡有很多不同款式的湯底對於我這個選擇困難症的人真係很大考驗。最後選了養顏牛乳湯底！湯底一上枱！己聞到很香濃的牛乳味！有粟米和豆腐！味道清甜香滑！火鍋料揀了漁火特選牛盛薈，(1)有本地手切牛頭脊！好濃的牛味爽滑彈牙、(2) 手切頂级prime 牛肉！入口即溶 (3) 手切本地牛邊肉！很爽、令我不能停口的食了很多！(4) 一口和牛柳粒！一口一粒很好味. (5) 極品牛舌芯，本來不喜歡食牛舌！但這牛舌令我喜歡，非常彈牙爽脆！一試難忘！自家制帶子餃餃子好飽滿、足料、皮薄、好有驚喜即炸鬆脆響鈴上枱時！己即感覺到剛炸起的熱力！非常脆口，放在鍋內三秒後取出！沾上了湯後又仍然脆口但又有湯汁的清甜味👍🏻蔬菜點了日本金菇和油麥菜！金菇好新鲜！賣相整齊油麥菜很翠綠！滾完後都很爽脆！今晚的火鍋，令我非常滿足！下次一定會再來！臨走前見魚缸內的龍蝦很新鲜！下次一定要試下😋